姜濤講睇好MIRROR邊個得獎兄弟「起晒痰」：小心講嘢呀！丨新城勁爆記者會足本訪問（
ฝัง
- เผยแพร่เมื่อ 26 พ.ย. 2021
- 次次 #皮皮 Frankie拎咪，都慘被一班兄弟skip，「過！」 #瑞輝宮 #明太子 無法發揮其 #高壇數 表現，就連嗰句「呢個問題唔應該問我，應該問你自己！」都講唔到。今日，機會嚟喇明太子！
今日 #新城勁爆頒獎禮 記者會 #荃新天地 舉行，MIRROR派出6位成員出席，包括正副隊長 #Lokman、 #AnsonKong、 #金Jer、 #姜濤 同 #虎仔同 #皮皮 。
【虎仔交咪皮皮 明太子：隊長唔撐撐邊個？】
今年隊長Lokman就勁喇，爭新人獎，頭先一出場，台下反應熱烈，但Lokman就話覺得有點尷尬，事關一班候選新人資歷淺過佢，AK仲要笑佢「以舊人姿態爭 #新人獎 」，難怪Lokman自己都話冇信心，但唔知點解班兄弟就對佢好有信心！企後排嘅金Jer即刻伸個頭出嚟解釋：「因為隊長好有型！」AK插嘴：「盲撐！」金Jer話：「係呀！我哋盲粉嚟嘅！」AK可嗌口號：「文哥世一！」
Lokman見班兄弟個台搭到咁靚，順勢叫班兄弟一人發表一句，就隊咪畀身邊虎仔。眾所周知，虎仔惜字如金（雖然佢而家已經有豐富主持經驗），一出口就驚為天人，但細嘅讓大嘅，虎仔諗都唔諗，就交波畀身後嘅皮皮。瑞輝宮明太子，上朝喇！有咪喇！
皮皮話：「冇得解呀！隊長唔撐撐邊個呀？」虎仔即刻MC上身：「講得好呀講得好呀！」你以為跟住到虎仔講？唔係，佢話：「姜濤呢？」 #姜虎關注組 互動喇！姜濤話：「隊長萬歲！」虎仔緊接：「文哥好嘢！」呢啲就係默契囉！Lokman 畀concluson：「我唔使有信心啦！佢哋有信心得喇！」
【姜濤：我對Edan好有信心！】
姜濤呢就話有冇諗過冧莊再拎我最喜愛的男歌手獎，「真係冇諗過，其實上年攞呢個獎嘅時候都真係好surprise，希望順其自然啦！」問佢睇好邊個兄弟攞，此時Lokman突然「痰上頸」，清一清喉嚨，姜濤望一望佢，窒一窒，其餘四位成員都一齊望住姜姜，明太子提佢：「小心啲講嘢啊！」姜姜就話：「都係嗰句，我最睇好我哋MIRROR！」成班一齊大笑。
姜姜話佢冇投票，希望交畀聽眾佢哋決定。問佢會否投票畀Edan，因為對方新人直入五強，姜姜諗都唔諗：「我對Edan好有信心！」
#娛壹
------------------------------------------------
即刻跟住Follow 晒我哋Channel：
FB： as1hk.entertainment
IG： / as1.entertainment
YT： / @as1.entertainment
好開心 訪問 支持 Mirror 加油
支持皮皮虎仔講多D嘢，想睇多D你哋倆個。支持皮皮！💪💪💪💪
All in #姜濤 #Dearmyfriend,
姜濤唔駛提，对外講野一直都好德體，有禮
好兄弟，互相提點👍👍兩位隊長真的無得頂👏👏👏知道姜濤不善對答，大家都好照顧他，小朋友要聽大人話🤣🤣🤣🤣
#姜濤 不是不善對答。一直以來，他是考慮清楚才回應，他所回應的都是簡而精，一矢中的。
支持JerJer💪🏻💪🏻
Anson Kwong Jer and KeungTo 越嚟越有默契，多D合作唱歌，別創另一格
雖然今年定勁敵當前，但希望姜濤可以再上台💪
好期待睇虎仔play snooker!!
虎仔支持你!明天見
⭐️⭐️🕺🏻隊長萬歲⭐️🍬🍬🍬⭐️⭐️⭐️❤️❤️🍑🍑🍑💪💪💪💪
收音同事，你嗰嘢壞咗喎！
應該係現場啲fans嗌得太勁😂😂😂
team spirit 😍❤👍
撐JER💪
唔好奬他人志氣，滅自己威風，應該話對自己都有信心，攞獎係舞得讓。
既~拉票嚟呢講呢~其實呢~
諗起姜濤扮Lockman (真係好似🤭)
點解從来未聽过D隊友。提吓支持姜濤，仲要叫佢小心D講
投票比陳卓賢冲上3甲位置，AK你今年雖然入唔到，希望AK啲生粉們都可以轉投比 陳卓賢lANSON們，希望Ian可以上到去3甲位置，除咗 Hellosss們開心第二個便是AK你啦! 回顧造星選10強去美國受訓當導師講出最尾嗰位學員名字時Ak好激動地走過去攬住lan，全民造星當宣佈 3甲第二名是lan時候，AK又攬住陳卓賢好耐都唔願放手情況，希望又見証IANSON兄弟2人又攬住情況出現，大家記得11月29號星期一去投票比我哋最喜愛男歌手陳卓賢可以冲上去3甲位置，先投左票先有成果見到嫁🙇♀️🙇♀️
我最喜愛的男歌手只有一位,冇三甲之分
@@jennylo3040 新城有個獎係最喜愛類似呢D，有三個人攞
呢個頒獎真係好Hi樣衰～竟然Edan無新人獎？！而畀隔離台兩個攞？！今年Edan一共四隻歌，無論人氣作品數量MV製作成本都好過隔離台兩隻嘢啦。分豬肉分得好L樣衰。