خلان الاشده 2023 🔥 | نخبة من الشعراء - فهد بن فصلا |

حفل زواج / عبدالله خشمان الهاجري
مرحبا في محفل الي لانخاني جيت كلي
ابن عمً غير طيبه طيب ابوه وطيب جده
اعتبرني عاصبً راسي وارحب في محلي
واعتبرني حربةً من دون خلان الاشده
سلطان بن وسام
يامحلفنا لو بغيت العذر منكم ماحصللي
وعند صبيان ال زايد مرحبا قدر وموده
عاصبن راسي معى سلطان وارحب واهلي
والجوارح كلبيها في رضاكم مستعده
ضيدان بن قضعان
ارحبوا من منفذ الخفجي الى شاطي حولّي
من تعدا القصر ترحيبة بني هاجر تردّه
ولاتجون الهاجري وقت الصلاه وهو يصلّي
يجبره دينه على السكته وهو ماهو بوده
سلطان عباس
عند ابن خشمان مدري ويش اقول ويش اخلي
مرحبا ترحيب من بحر الكويت لبحر جدِه
شاعر ومطنوخ وينومس ونهجه جايزًلي
من حمول الخيل لامن قيل لهل الخيل رده
عيفان العيفان
الكفو على الصعيد العالمي ولا المحلّي
والله ماله صدةً عني ولا لي عنه صدّه
ياسلام الله عليه وياسلام الله على اللّي
فعلهم مع الامام الفيصلي كلن يعدّه
دخيل الحميداني
يسجد الطاغي لخزنات الظفر سجدة مصلي
يوم دورات اليالي بين لين وبين شده
العرب في كل متر وكل شبر وكل ملي
يعرفون ان الهواجر وجهة المدح ومرده
حزمي بن سعد
روسً ليا شفتهم عرفت وش معنى التعلي
خل عنك اللي مايرفع روسهم غير المخده
من كرمهم كن مدعيٍ على المال المولّي
وفي شجاعتهم يقين اللي وصل عمره لحدّه
فالح الغنامي
ان تعزوو ويش خزنة بادريق و با مجلّي
لوّحو فوق المهار وكوّعو فوق الاشده !
'
وان تحامو في لزوم المرتجل يصبح مضلي
لايشوف الغيم ند ولا يشوف الضلع قده
مطرب دحيم
من عصر والصف يردف صف ولا شفت ظلي
من غلا اللي يفرق بوقفاته وبدعه ورده
ترثة اللي لا رضو يالمرزمات الغرّ هلّي
وان قسو خلو الجبال الصم قاعً مجرهده
عبدالهادي ابوديه

[@SultanAlmamari-p1w]

اي شي يذكر فيه بني هاجر يوجف الكلام دايم مجملين الهواجر

[@-artevent1552]

سلطان بن عباس || بيتين تسوى لها ٤ قصايد و ٣ شعار 👏🏻👏🏻👏🏻
صح الله لسانك

[@عبدالرحمنالمطيري-خ1ط]

هذي والله الشيلة اللي تشوش ، ونعم ف بني هاجر عسى الله يوفقه و يبني بيته

[@wqm1]

يسجد الطاغي لخزنات الظفر سجدة مصلي
يوم دورات اليالي بين لين وبين شدة
الله وكبر عليك ي حزمي 🙏🙏🙏

[@s.b503]

العرب في كل متر وكل شبر وكل ملي
يعرفون ان الهواجر وجهة المدح ومرده
حزمي بن سعد السبيعي ♥️🫡 2:08

[@saud_alras]

🎶🎶🎶🎶

[@b767nb]

شعار بريال

[@مباركالهاجري-ص1س]

اشهدنك كذبت

[@SultanAlmamari-p1w]

اي شي يذكر فيه بني هاجر يوجف الكلام دايم مجملين الهواجر

[@SultanAlmamari-p1w]

اي شي يذكر فيه بني هاجر يوجف الكلام دايم مجملين الهواجر