الافضل بين بطاريات منظومات الطاقة الشمسية
ฝัง
- เผยแพร่เมื่อ 4 ต.ค. 2024
- ماهي البطارية الافضل ؟
تيوبلر او جل او ليثيوم ؟
سؤال مهم جدا وللاسف المكاتب لاتجيب عنه بمصداقية لان يسوق للنوع المتوفر عنده فقط
مكاتبنا توفر كل هذي الانواع ، تلبي كل الاحتياجات ، حسب طبيعة الحمل والمتطلبات ننطيك الخيار الافضل ، اي نوع يناسبك وتشتريه احنه ربحانين لكن لازم ننصح الزبون بالخيار الامثل تقنيا واقتصاديا
✅ باختصار :
1️⃣ تدور منظومة تجهز تيار قليل (اقل من ١٥ امبير) وبسعر مناسب 👈 التيوبلر خيارك الافضل
2️⃣ تريد تجهز تيار عالي لفترة زمنية قليلة 👈 لامنافس لليثيوم ، شحن سريع وتيار تجهيز عالي وماياخذ مساحة , لكن سعة تخزينية قليلة بالمقارنة مع السعر
3️⃣ تريد وقت تخزين كبير 👈 خيارك الجل فقط ينطيك سعة تخزينية هائلة وبدون صيانة او ابخرة او ملوثات
✅ امثلة :
☑️ منظومة تجهز ١٠ امبير شنو انسب بطارية ؟ اختار تيوبلر او جل ، الليثيوم استبعدة لان سعره غالي وماتحتاجة لان تيارك قليل.
☑️ منظومة ١٨ امبير تجهيز ٣ ساعات ، خيارك الامثل ليثيوم ١٥ كيلو واط او اكثر.
☑️ منظومة ١٨ امبير تجهز اكثر من ٦ ساعات ، خيارك الامثل تقنيا واقتصاديا ١٢ بطارية جل ٢٢٠ امبير تنطيك سعة تخزينية اكثر من ٣١ كيلو واط.
‼️اخوان ماكو بطارية افضل من بطارية‼️
الاختيار يكون مبني حسب طبيعة الحمل والتيار وساعات التجهيز والمساحة المتوفره .
فقرة العمر انساهه ولاتخليهه في بالك ، اذا وفرت حرارة لمحيط البطارية ٢٥ درجة مع الالتزام بتيار الشحن والتفريغ الامثل كل هذي البطاريات تمشيك اكثر من ٤ سنوات بغض النضر عن عدد الدورات.
وطبيعي جدا كل سنة ينحدر الاداء شي بسيط سواء بالبطاريات او الالواح وهذا موضوع عادي جدا
نتمنى ازاحة الغشاوة عن اعين الناس وعدم تسويق نوع على حساب نوع اخر بسبب عدم توفر كل الانواع لدى المجهز
والله شرحك غلط بغلط شنو كلها تمشي ٥ الى ستة سنوات قابل هيه سوالف غير اكو مواصفات وارقام يعني بطارية الليثيوم ٦ الاف دورة شحن من الممكن تشحنها وتفرغها باليوم ٣ مرات وتمشيك خمس سنوات بينما بطارية الجل دايب اذا شحنتها وفرغتها ٣ مرات باليوم رح تمشي سنتين .. نجي نحسب بطارية الليثيوم ٤٨ فولت ضرب ٣٠٠ امبير تطلع حوالي ١٥ كيلو واط بقدرة تفريغ ٨٠ بالمية من التيار بينما بطارية الجل دايب ١٢ فولت في ٢٢٠ امبير في عدد ٨ بطاريات تساوي ٢١ كيلو واط فعلا تيار اعلى بس قدرة التفريغ ٥٠ بالمية فقط ... يعني الليثيوم اذا فرضنا تشغلك باليوم ٩ ساعات الجل رح تشغلك باليوم ٦ ساعات يعني الفرق لبطارية الليثيوم اكيد .. عدا قدرة الشحن السريع جدا لبطارية الليثيوم وتحمل حرارة الجو العالية جدا هيج تصير المقارنة
اخوي الغالي والله بس يقفصون على الناس
@@Ali-bj4ru
والله كلشي ميفهموك وهو اكو فرق جبير بين بطارية الليثيوم والبطاريات العادية بس همه يحبون سوالف ميفهموك بالتفاصيل
عاشت ايدك . يريدون الاقبال يكون على البطارية الجل لان امكانية المواطن محدودة وبذلك تكون التجارة اربح واسرع من بطاريات. الليثيوم
@@waadiraq7637
فعلا لو واحد يحسبها بطارية الليثبوم تطلع ارخص وافضل بهواية
منظومة ١٥ امبير تكفي بطارية ليثيوم وحده وشكد امبيريتها
اعتقد البطاريات الجل والحامضي راح تنقرض بالقريب العاجل
الساحة راح تصفة للليثيوم.
مع الانخفاض المستمر باسعار بطاريات الليثوم فوسفات الحديد ووعي الناس راح تنقرض بقية الانواع
كم سعرها بلا زحمه
@@OMAR_1990
حسب الحجم تبدي من ٢ مليون بس عمرها طويل وتسوه كل فلس بيها
حياك الله دكتور ازهر استاذي الفاضل
ربي ايوفقك ويرزقك ..مثل ماعهدناك صادق في عملك تحياتي لجنابك.
مع احترامي الك كلامك كله غلط ماكو مقارنة بين بطاريات الجل مع بطاريات الليثيوم من ناحية العمر الافتراضي وعن تجربه بطاريات الجل فاشله حتى بالاحمال القليله وعمرها الافتراضي قصير بينما بطاريات اللثيوم عمرها الافتراضي اعلى بكثير اضافة الى الحجم الصغير وقدره على تحمل الاحمال العاليه
اسعاركم بلازحمه عليك❤
غير الليثيوم الكل فاشل نقطه راس سطر عوفو هذا الشرح والله
حبيبي إذا تذكرون الأسعار افضل
سلام عليكم اخي اريد فقاصة 100 بيدة فيام الاطالية ( قناة محمد بلحيمر من المغرب ) شكرا لك
وكأنك عامل فيديو بعنوان" الليثيوم لا تشتريها"
ماهذا الهراااااء ااكو تضارب عنيف بالمعلومات .... كلام غير منطقي اذا تجهيز قليل يعني ما استعمل ليثيوم ... خو استعمل ليثيوم ولسنوات اطول
ال 24 فولت 280 امبير فوسفات الحديد اشكد سعره
لاتاسءل عن الاسعار هذا سر
كلامك تسويقي وليس علمي
اني بالمحل استخدم بطارية جل عدد 12
و بالبيت استخدم بطارية ليثيوم 15 كيلو
اليثيوم هواية افضل من باقي البطاريات و انسب
كم امبير المنظومة
شكد سعرها البطارية الليثيوم + شنو نوعيتها ؟
الليثيوم غالية نار نار !!!!
56
شرحك غلط واسعارك كارثة
😂😂😂
😂😂
سلام عليكم اريد رقمك