البه بدون حمام مائي _ عمر الكندري
ฝัง
- เผยแพร่เมื่อ 4 ต.ค. 2024
- الالبه بدون حمام مائي
.
.
.
🔹المقادير🔹
6 بيض كبار او 8 اذا صغار
فانيلا نص قفشه صغيره
20 ملعق طعام حليب بودر
5 اكواب ماي
زعفران حسب الرغبه
ملعقه طعام هيل اقل اكثر كيفك
ماي ورد حسب الرغبه حطيت تقريبا 60 جرام وعادي لو بسويها بعد راح احط 100 جرام
كوب ونص سكر ( الي مايحبها حاليه يقلل )
كوب سكر نخليه يتكرمل على جنب
@kanderyo
@kanderyo
@kanderyo
🔻الطريقه🔻
اول شي نحط كوب سكر او اقل عادي حق الي مايحب طبقه كرامل كبيره تكون بس انا احط كوب اخليه على النار لين يذوب وياخذ لون حلو بس اهم شي مايحترق السكر عشان لايعطي مراره بعدها اصب السكر بماعون الفرن ع طول
٠
٠
٠
بخلاط الكيك احط البيض مع السكر والفانيلا اخلطهم عدل لين يتجانس البيض مع السكر يصير جنا كريمه شوي او جنا فوم يعني ينتفخ مده 5 دقايق اكثر شوي بعدين بباديه
اخلط الحليب مع الماي عدل بعدها اضيف الزعفران والهيل وماي الورد اخلطهم يميع تالي اضيفهم ع خليط البيض واخلطهم مع بعض جم دقيقه بعدها اصبه فوق السكر الي صويته بماعون الفرن وارش على الويه هيل وزعفران بعد ،،، تالي ايب قصدير اغطيه عدل بعدين ايب سجينه اسوي فتحات بالقصدير تالي ادخلها الفرن
@kanderyo
@kanderyo
@kanderyo
اخلي الفرن شغال من قبل على حراره 220 اول ربع ساعه بعدين حراره 180 مده 30 دقيقه اذا الفرن كهربا اتوقع تضبط ع الارقام هذي من اول مره انا تجربتي غير شوي😅
.
.
.
بس انا بطلت عليها طلعت مو مضبوطه وصلتها لي ساعه وربع تقريبا لين تماسكت على الاطراف ورديت رفعت الحراره لي 200
اهيا بس مشكله الوقت ومن فرن لي فرن عادي يفرق الوقت اهم شي تشوفنها تكون متماسكه على الاطراف يعني بالنص شوي تحسون تتحرك تالي نطلعها نخليها لين تبرد عدل بعدين ندخلها الثلاجه تبرد يوم كامل وبعدها نقدمها وعليكم بالف عافيه يارب
ممتازة جدا ... هذي بر الوالدين مو الالبه ... في فرق بينهم الالبه من حليب البقر او المعزه اللي توها والده و لمدة اسبوع يكون ثقيل و بالطبخ يصك يجمد هذي الالبه ... اللي سويته بر الوالدين ... قواك الله .. شكلها حلو .. 😋
قواك الله
😊
هلا هلا
اتذكرها ايام الكرونا يوم الدوانيه خلصت حزتها 🤣🤣🤣🤣
لذيذة الإلبة. الله يعطيك العافية
مليون عافيه يارب
فنااااان يا سلام عساك من عواده 😃🌹🌹🌹🌹🌹
🌹🌹
روووووعه 👌
حلوه تهبل بس الكراميل كثير حيل
هذا الي يحليها
بس هذي احلى
والله ودي بوعمره بام على بس طريقه حلوه بس غير طريقة السيرلاك ضحكوا علي 🤣
شدعوه السكر المكرمل كثيييير بالمره وحليب البودر مامنه فايده لازم طازج وملعقتين بودر وشكرا لك
كل واحد وذائقته وبعدين الحليب البودر افضل في هالوصفة لان يمسك اكثر من الحليب العادي!
لذته بالسكر المكرمل
هذه نسميها بر الوالدين
(كريم كراميل )
بر الوالدين مانحط هيل ومانكرمل السكر
روعه بس عذا بودينغ
نسميها البه احنا
السلام عليكم شيف عندك حساب في تيك توك
عندي بس ما اصور فيه الا قليل جدا
انت قلت بحط حبوب ايش هو بالله
زعفران كامل بدون طحن قصدي خيوط
كم المده في الفرن
40 لي ساعه تقريبا
يسلم ايديك شغل مرتب
احسها محثربه من بره
الفرن من فوق وتحت وله بس تحت؟
تحت
روووووعه 👌