Qaçaq Nəbinin yurdu - Qubadlının Aşağı Mollu kəndindən reportaj

Qubadlı rayonu Vətən müharibəsinin 28-ci günündə şanlı ordumuzun zəfər yürüşü ilə işğaldan azad edilib. Ermənilər işğal zamanı rayonu xarabalığa çevirib. Vaxtilə xoşbəxt ailələrin yaşadığı evlərdən geriyə təkcə dağıntılar qalıb. İşğal illərində salamat qalan binalar isə erməni hərbi birləşmələrinin məskunlaşması üçün istifadə edilib.
AZƏRTAC-ın əməkdaşı Qubadlıda olub, erməni vəhşiliyini lentə alıb, Qaçaq Nəbinin yurduna - Aşağı Molluya baş çəkib.