រដ្ឋាភិបាលជួលដី​ក្នុង​តំបន់រមណីយដ្ឋានអង្គរទៅឱ្យ​ក្រុមហ៊ុនចិនកាន់​កាប់រយៈ​ពេល​៥០ឆ្នាំ

រដ្ឋាភិបាលបានជម្លៀស ពលរដ្ឋរាប់ម៉ឺនគ្រួសារចេញពីតំបន់​រមណី​ដ្ឋានអង្គរ ដែលជាសម្បត្តិបេតិកភណ្ឌពិភពលោក ក្រោម​លេសថាដើម្បីកុំឱ្យប្រាសាទអង្គរត្រូវគេដកចេញពីបញ្ជីបេតិកភណ្ឌពិភពលោកនៃអង្គការយូណេស្កូ។ ផ្ទុយទៅវិញ គេបានរកឃើញថា​តំបន់​ទេសចរណ៍មួយនេះ រាជរដ្ឋាភិបាលបានជួលដីក្នុងតំបន់រមណីយដ្ឋាន​អង្គរឱ្យទៅឲ្យក្រុមហ៊ុនចិន និងក្រុមហ៊ុនល្បែងស៊ីសងណាហ្គាឃ័រ៍ រយៈ​ពេល៥០ឆ្នាំ ហើយដាក់ឈ្មោះថា Angkor Lake of Wonder ​ដែល​ប្រែថា បឹងអង្គរអច្ឆរិយៈ ឬសួនទឹកអង្គរអច្ឆរិយៈ ក្រោមទុនវិនិយោគ​ប្រមាណជាង ៣០០លានដុល្លារស.រ.អា (៣៥០លានដុល្លារអាមេរិក)។