مسيرة البداية - الحاضر والماضي - محمد عبده

من وين هذا الصوت؟!
من وين هذا الصوت؟!
من طيورٍ حركت سعف النخيل !
من هبوبٍ ساريه ف اطراف ليل !
او غشانا البارحه نضّاح سيل..
وصبت مرازيب البيوت
من وين هذا الصوت؟!
من وين هذا الصوت؟!
من همهة فريّس والا دبك خيل !
من سمرةٍ قامت على ضوح الفتيل !
نجديّة خلت هل العارض تشيل ..
من عرضة العوني بيوت:
مني عليكم ياهل العوجا سلام
واختص أبو تركي عمى عين الحريب
اضرب على الكايد ولا تسمع كلام
العز بالقلطات والراي الصليب
ياديرتي واللي مضى
كان الفضى .. ديجور
من طاول حدود الرضا
واوما بشعلة نور
من أوقدك يالنور ؟!
من اوقدك !
نورٍ من عنان السما .. يا حيّه
قلبه سعودي والدما .. سعوديه
براق الليلة هما .. في ضيه
عشق ومحبه وانتما .. وهويه
يامن يخبر من بنوا هالسور
يامن يبشرهم عن اللي صار
نقوشهم يوم السنين البور
صارت معالم خالده وآثار
حصون وأمجادٍ وأثر وقصور
تبقى على صدر الوطن تذكار
ساس البلد مانتركه مهجور
تقفي عليه وتقبل الزوار
مداينٍ منها يشع النور
تطوي الزمان وتلفت الأنظار
مشرعة ماكنها الا صدور
اهل السعوديه حصون الدار
غناء: محمد عبده
كلمات: فهد المساعد
ألحان: سهم