အစုလိုက်အပြုံလိုက်သတ်ဖြတ်မှုများနှင့်စစ်ပွဲဆိုင်ရာ ရာဇဝတ်မှုများအားအရေးယူရန်NUGကြိုးပမ်းနေ

แชร์
ฝัง
  • เผยแพร่เมื่อ 30 ก.ย. 2024
  • မြန်မာစစ်တပ်ကျူးလွန်ခဲ့သော ရာဇဝတ်မှုများနှင့်ပတ်သက်၍ အမျိုးသားညီညွတ်ရေးအစိုးရ၏ တရားစွဲဆိုမှုကို လက်ခံရန် နိုင်ငံတကာရာဇဝတ်ရုံး (ICC) ကဖိတ်ကြားထားကြောင်း NUG လူအခွင့်အရေးဆိုင်ရာ ဝန်ကြီး ဦးအောင်မျိုးမင်းကပြောသည်။
    ယခုလဆန်းက စစ်ကိုင်းမြို့နယ်၊တာတိုင်ကျေးရွာ၌ စစ်ကောင်စီတပ်၏အစုလိုက်အပြုံလိုက်သတ်ဖြတ်မှုအပေါ် NUG လူ့အခွင့်ရေးဆိုင်ရာဝန်ကြီး၊ သတ်ဖြတ်ခံရသူများ၏ မိသားစုဝင်များ၊ ရုပ်အလောင်းရှာဖွေ ကူညီသူများက မတ်လ (၆) ရက်နေ့မှာ သတင်းစာရှင်းလင်းပွဲပြုလုပ်ခဲ့ရာ ဝန်ကြီး ဦးအောင်မျိုးမင်းက စစ်ကောင်စီတပ်အား အရေးယူနိုင်ရေး ကြိုးပမ်းမှုအခြေအနေကို ထည့်သွင်းပြောဆိုခဲ့ခြင်းဖြစ်သည်။
    စစ်ကိုင်းမြို့နယ်၊တာတိုင်ကျေးရွာရှိ ပြည်သူ့ကာကွယ်ရေးတပ်ဖွဲ့ခေါင်းဆောင်တစ်ဦးနှင့် အရပ်သားပြည်သူ ၁၆ ဦးကို အကြမ်းဖက်စစ်တပ်က မတ်လ ၁ နှင့် ၂ ရက်နေ့များတွင် ရက်စက်စွာ ညှင်းပန်းနှိပ်စက် သတ်ဖြတ်ခဲ့သည်။
    အဆိုပါဖြစ်စဥ်အပါအဝင် နိုင်ငံတစ်ဝန်းတွင် အကြမ်းဖက်စစ်ကောင်စီကျူးလွန်နေသော စစ်ရာဇဝတ်မှုများနှင့် ပတ်သက်၍ နိုင်ငံတကာက အ‌ရေးယူနိုင်ရန် လူအခွင့်အရေးဆိုင်ရာ ယန္တရားနှင့် တရားမျှတမှု (Justice) အတွက် တရားစွဲဆိုသည့် ယန္တရား စသည့် နည်းလမ်းမျိုးစုံဖြင့် ကြိုးပမ်းဆောင်ရွက်နေကြောင်း ဝန်ကြီးဦးအောင်မျိုးမင်းက ရှင်းပြသည်။
    ဆွစ်ဇာလန်နိုင်ငံ ဂျနီဗာမြို့၌ ကုလသမဂ္ဂလူ့အခွင့်အရေးကောင်စီအစည်းအဝေးကျင်းပနေချိန်မှာ စစ်ကောင်စီတပ်၏ ‌ခြေလျင်တပ်ရင်း ၃၃ မှ တပ်ဖွဲ့ဝင်များက တာတိုင်ကျေးရွာတွင် အစုလိုက်အပြုံလိုက်သတ်ဖြတ်မှုကျူးလွန်သည့်အချိန်ဖြစ်ပြီး အဆိုပါဖြစ်စဥ်မှ သက်သေအထောက်အထားများကို လူ့အခွင့်အရေးကောင်စီ ဥက္ကဌနှင့်အဖွဲ့များထံသို့ ပေးပို့တိုင်ကြားထားပြီးဖြစ်ကြောင်း NUG လူ့အခွင့်အရေးဆိုင်ရာ ဝန်ကြီးဌာနကပြောသည်။
    တာတိုင်ကျေးရွာမှ အမျိုးသမီး ၃ ဦးအပ်အဝင် ဒေသခံ ၁၇ ဦးကို စစ်တပ်မှ ရက်စက်စွာ သတ်ဖြတ်ခဲ့သည့်လုပ်ရပ်မှာ အလွန်ဆိုးရွားပြီး မည်သို့မျှ လက်ခံနိုင်ဖွယ်မရှိသည့် နိုင်ငံတကာရာဇဝတ်မှု ကျူးလွန်မှုဖြစ်သည်ဟု ဝန်ကြီးဦးအောင်မျိုးမင်းကပြောသည်။
    ထိုသို့စစ်ကောင်စီတပ်၏ကျူးလွန်မှုသည် စစ်ပွဲဆိုင်ရာ ရာဇဝတ်မှုများ (War Crimes) ကိုကျူးလွန်သည့် ထင်ရှားသော သက်သေများဖြစ်ပြီး တာတိုင်ကျေးရွာဖြစ်စဥ်မှာ နိုင်ငံတဝန်း အကြမ်းဖက် စစ်တပ်ကျူးလွန်နေသည့် အဖြစ်အပျက်ပေါင်းများစွာထဲမှတခုကိုထုတ်နုတ်ဖော်ပြခြင်းဖြစ်ကြောင်း NUG ဝန်ကြီးဦးအောင်မျိုးမင်းကပြောသည်။
    အမျိုးသားညီညွတ်ရေးအစိုးရ NUG သည် စစ်ကောင်စီတပ်ကို နိုင်ငံတကာက အရေးယူအပြစ်ပေးနိုင်ရေးအတွက် ကုလသမဂ္ဂ လူ့အခွင့်အရေးကောင်စီ၊ ထိုမှတဆင့် ကုလသမဂ္ဂအထွေထွေညီလာခံ၊ ကုလသမဂ္ဂလုံခြုံရေးကောင်စီတို့အထိ ပိုမိုပြင်းထန်သည့် အရေးယူမှုအပိုင်း အမြင့်ဆုံး ဆုံးဖြတ်ချက်များ ထွက်လာအောင် ဆက်လက်ကြိုးပမ်းနေသည်ဟုဆိုသည်။နောက်ထပ်နည်းလမ်းတခုအနေဖြင့် နိုင်ငံတကာခုံရုံးများ၊ တရားရုံးများတွင် ရာဇဝတ်မှုဆိုင်ရာလမ်းကြောင်းအရ တရားစွဲဆိုခြင်းများကိုလည်း လုပ်ဆောင်နေကြောင်းသိရသည်။
    နိုင်ငံတကာရာဇဝတ်ရုံး (ICC) က NUG တိုင်ကြားသောအမှုကို လက်ခံရန်ဖိတ်ကြားထားသည်ဆိုခြင်းမှာ NUG က 2002 ခုနှစ်နောက်ပိုင်း နိုင်ငံတစ်ဝန်း၌ မြန်မာစစ်တပ်ကျူးလွန်ခဲ့သော ရာဇဝတ်မှုများနှင့်ပတ်သက်၍ တရားမျှတမှု ဖော်ဆောင်ပေးရေး တောင်းဆိုချက်အတွက် ဖြစ်ကြောင်းသိရသည်။
    ၂၀၂၁ ဖေဖော်ဝါရီ စစ်တပ်အာဏာသိမ်းမှုနောက်ပိုင်း နိုင်ငံတဝန်း၌ အစုလိုက်အပြုံလိုက်သတ်ဖြတ်မှုအနည်းဆုံး ၃၂ မှုရှိကြောင်း NUG ကမှတ်တမ်းတင်ပြုစုထားပြီး မြေပြင်တွင် ယင်းအ‌ရေအတွက်ထက်များပြားနိုင်ကြောင်း ပြောသည်။
    တာတိုင်ကျေးရွာအစုလိုက်အပြုံလိုက်သတ်ဖြတ်ခံရမှုဖြစ်စဥ်တွင် မိသားစုဝင်လေးဦးထိ ဆုံးရှုံးခဲ့သူတစ်ဦးက ၎င်းနှင့် ၎င်းမိသားစုဝင်များကဲ့သို့ အခြားသူများ မခံစားရစေရန် စစ်တပ်ကိုအရေးယူနိုင်ရေးအတွက် ကြိုးပမ်းလုပ်ဆောင်ကြရန် NUG အစိုးရနှင့် နိုင်ငံတကာအသိုက်အဝန်းကို တောင်းဆိုလိုကြောင်းပြောသည်။
    လက်ရှိအချိန်ထိ အာဏာသိမ်းစစ်ကောင်စီ၏ မတရားသတ်ဖြတ်ခြင်းခံရသည့် အပြစ်မဲ့ပြည်သူပေါင်း ၃,၀၀၀ နီးပါးရှိနေပြီး ဖမ်းဆီးခံနေရသည့် ပြည်သူပေါင်း ၁၈,၀၀၀ ကျော်ရှိကာ ဖမ်းဆီးခံရပြီးနောက် သေဆုံးခဲ့သည့် ပြည်သူ ၉၀၀ ကျော် ရှိသည်ဟု NUG ကထုတ်ပြန်သည်။
    ထို့အပြင် စစ်ကောင်စီတပ်သည် စစ်ပွဲပဋိပက္ခ အခြေအနေကာလအတွင်း လေကြောင်းတိုက်ခတ်မှုပေါင်း ၆၀၀ ကျော်ကို ပြင်းပြင်းထန်ထန်ဆင်နွှဲနေပြီး အရပ်သားပြည်သူများနေထိုင်သည့်ကျေးရွာများသို့ လက်နက်ကြီးဖြင့် ပစ်ခတ်တိုက်ခိုက်မှုပေါင်း ၁,၂၀၀ ကျော်ရှိသည်ကို NUG ကမှတ်တမ်းတင်ထားကြောင်း ယနေ့ပြုလုပ်သည့် သတင်းစာရှင်းလင်းပွဲမှ သိရသည်။
    #PolitiecalNews
    -----------------------------------------
    @MizzimaTV
    မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. bit.ly/2VhJ12U
    Subscribe now and join the Mizzima TV family to get insights into Burma's culture and people. With Mizzima TV, you can stay informed about the latest news and events happening in Myanmar, as well as connect with the world.
    / @mizzimanewstv
    Facebook | Myanmar Language - bit.ly/3BuWBSJ
    Facebook | English language - bit.ly/3d5g1V2
    Facebook | Mizzima+TV - bit.ly/3eGNjdl
    Twitter - bit.ly/3Dbvqh1
    Telegram - bit.ly/3RRn2rk
    Tiktok - bit.ly/3xngMzE
    Get Mizzima TV App Free - onelink.to/jnu...
    Website:
    www.mizzima.com/
    www.mizzimabur...
    www.mizzima.tv/

ความคิดเห็น • 8

  • @kohtaykohtaykohtaykohtay
    @kohtaykohtaykohtaykohtay ปีที่แล้ว +3

    အာဏာရွင္စနစ္က်ဆံုးရမည္ အေရးေတာ္ပံု မုခ် ေအာင္ရမည္

  • @kohtaykohtaykohtaykohtay
    @kohtaykohtaykohtaykohtay ปีที่แล้ว +2

    မဂ္လာညခ်မ္းပါ 🙏မဇ္ဇ်ိမ အဖြဲ႔းသူ အဖြဲ႔သား အားလံုး ကိုယ္၏ က်န္းမာျခင္း စိတ္၏ခ်မ္းသာ ျခင္းတို႔ႏွင္ျပၫ့္စံုႏိုင္ၾကပါေစ ေကာင္းက်ိဳးလိုရာျပၫ့္ဝၾကပါေစ🙏

  • @pyaesone6448
    @pyaesone6448 ปีที่แล้ว

    လက်နှက်နဲ့မိုက်နေတဲ့ကောင်တွေလက်နှက်နဲ့ဘဲဆုံးမလို့ရမယ်လက်နှက်ကြတော့ပြည့်စုံအောင်မရှာနှိုင်ဘူးစောက်ပြောတွေသာကောင်းနေ

  • @pyaesone6448
    @pyaesone6448 ปีที่แล้ว

    တစ်ခါလာလဲကုလတစ်ခါလာလဲကုလNUGကဘာမှမလုပ်နှိုင်တော့ဘူးလားပြောတော့မင်းတို့ကအစိုးရဆို

  • @kohtaykohtaykohtaykohtay
    @kohtaykohtaykohtaykohtay ปีที่แล้ว +1

    NUG ဆိုင္ရာ ဝန္ႀကီးမ်ား စီစဉ္ေဆာင္ရြက္သမ်ွ အျပၫ့္အဝ ေအာင္ျမင္ပါေစေၾကာင္း ဆုမြန္ေကာင္းေတာင္းေပးလိုက္ပါတယ္🙏

  • @yehtun8987
    @yehtun8987 ปีที่แล้ว

    Ko Latt Iam remember for your family.Thank you somuch.❤😢🎉😂❤😮❤😅❤😊❤