Concetta Barra 'O matrimonio d' 'o guarracino
ฝัง
- เผยแพร่เมื่อ 10 ก.ย. 2024
- (Tradizionale -- Rielaborazione di Roberto De Simone)
Della famosa favola del "Guarracino" esistono tuttora moltissimi episodi nella tradizione viva della Campania. E' questo il racconto del matrimonio di questo eroe marino attraverso il quale si può vedere quanto siano diversi il testo e la melodia autentica dalla ottocentesca versione riportata dalle stampe.
Lo guarracino che gghieva p' 'o mare
jeva truvanno de se 'nzorare
se facette nu bello vestito
de squame de pesce pulito pulito
visitanno fosse e pertose
se 'ncuntraje cu 'na vavosa
llà pe' llà le facette 'a 'mmasciata
e 'o matremmonio fuje cumbinato
P' 'o spusarizio ce fuje mmitato
'o scuorfano, 'o cefaro e 'o pesce spata,
alice e sarde a meliune
anguille murene e capitune,
merluzze spinule e purpetielle
treglie mazzune e cecenielle
aurate dientece e calamare
e 'o delfino facette 'o Cumpare
'Nu pesce bannera tutto aparato
l'ha beneritto cu l'acqua salata
'o guarracino dicette allero:
e finalmente me sì mugliera.
"Ebbiva 'e spuse" abbajaje 'o pescecane
e tutte 'e pisce sbattettero 'e mmane
tra vase e squase abbracciamento
accuminciaje 'o festiggiamento
Ascette mmiezo la quaquiglia
ca cumannaie na bella quatriglia
doppo venettero li seccetelle
cu tammorre e castagnelle
accussì nzieme alli spuse nuvelle
s'abballaje la tarantella
accumpagnata da 'o pesce salmone
ca sunava lo calascione.
Ma 'a sardella se sente int' 'a panza
comme si fosse 'na cuntraddanza.
Aiuto! Aiuto! alluccaje n'alice
"Priesto chiammate 'na levatrice!"
"E' cosa'e niente" dicette 'a murena
"Chella 'a sposa già era prena"
"A chi è figlio?" strillaje 'o Guarracino
"M'haje fatto curnuto 'e Santu Martino!"
"'o ssaccio" alluccaje 'o sparaglione
"stu 'mpiccio l'ha fatto cu 'o capitone"
Allucche strille, 'nu parapiglia
fra pisce estranei e la famiglia
venettero mmiezo amice e pariente
e subbeto ascettero a pisce fetiente.
A tutto chesto li pisce mmitate
s'appicicavano ll'uno cu ll'ate.
Chianette, ponie e secuzzune
pacchere, cavece e scerevecchiune
e succedette proprio 'na uerra
'nu fuja fuja e 'nu serra serra
cinquanta muorte duiciento ferite
e n'ati vvinte 'mpericulo 'e vita
e ll'ate jettero add'o speziale
pe piglià ll'acqua turriacale
e la sposa pe' la paura
se sgravaje de la criatura
ma fuje 'na granda maraviglia
pecchè facette 'nu scunciglio
e accussì se fernette 'o festino
d' 'o spusalizio d' 'o guarracino.
e accussì se facette 'o festino
d'o spusalizio d'o guarracino
semialvento.for...