ماشاء الله تبارك الله المقطع له سنه نازل لكن يعلم الله انك افدتني كثير في هذي الداش الكام وان شاء الله راح تفيد غير في المستقبل اللي يشفون المقطع ، كفيت ووفيت انت وافي وشرح وافي ومتعلم ومثقف يارجل الله يسعدك سعادة ابدية ويحفظك وين ماكنت .
وصلتي اخيرا و افضل شيئ في الكاميرا ان هناك خيار عدم تشغيل شاشتها عند تشغيل السياره وهذا مناسب جدا للذين ينزعجون من ضوء الشاشه وقد كنت اعاني في كاميرا اخرى حيث ضوء الشاشه لا يتوقف عند تشغيل المحرك
جيتك من التيك توك و اشكرك على الابداع بالتصوير و الشرح و احسن شي انك وضحت كل شي يستخدم بالكاميرا، صارلي فترة ابي قو برو لسيارتي، انا عايشه بالرياض و العالم تسوق على كيف كيفها
السلام عليكم ورحمة الله يعطيك العافيه اخوي ريان على المجهود الجبار في نفع الناس كتب الله أجرك في طلب لو تكرمت اتمنى تعمل مقارنة بين Azdome M559 وبين Xiaomi 70mai Dash Cam A800s تحياتي لك مع التقدير
Viofo a139 pro وتوني مسوي عنها مراجعة th-cam.com/video/VxHJdKxZmmI/w-d-xo.html واضحة بشكل مرعب وتتحمل حرارة وجودتها كويسة وبرنامجها ممتاز ومليكها وااااضح
شكرًا على الفيديو 👍 أخطط لشراء نفس الجهاز. هل تنصح به. بعد الاستخدام كيف ترى جودة الفيديو وجودة الصوت. سرعة القيادة عبر نظام تحديد المواقع العالمي (GPS) ما رأيك؟
بالنسبة لوضع الوقوف انا يهمني انها تتحمل العمل في فترة الصيف للاسف تعلمت درس قاسي اني شريت viofo a229 due وتطبيقه شي خورافي لكن اخر شي جا الصيف وصارت تتعطل ولا عاد ترجع تشتغل الا يدويا. بعض الاحيان تمر ايام ماهي شغاله لاني اكون ناسي انها فصلت من الحر ولا شغلتها. والله انغبنت منها مع انها غاليه جدا وشركه معروفه فما بالك بالشركات الصينيه الحديثه. وهل الوايفاي فيها تقنية ال 5 جيجا هرتز؟ لانه بدونها راح يكون نقل الفيدوهات لا يطاق
١- بخصوص داش كام viofo الله يعوضك فيها ٢- الان بدا الحر الحقيقي ويمكن نبدا المشاكل عندي لكن الى الان ماواجهت اي مشكلة الى الان من اي كاميرة ركبتها من ازدوم (على العلم ان كاميرة m550 مركبها على سيارة سوداء بدون عوازل يعني الحرارة دبل عن السيارات العادية وفي احر مناطق المملكة اللي توصل حواراتها ٥٠ ولا اشتكيت منها الى الان ) ٣- وللاسف تقنية الوايفاي اللي فيها 2.4Ghz لكن تحميل المقاطع سريع فيها ماعليها خوف
الباقيات الصالحات 🌴 سبحان الله 🌱الحمد لله 🌳ولا إله إلا الله 🌴 و الله أكبر 🌿ولا حول ولا قوة إلا بالله 🌱(سبحان الله وبحمده عدد خلقه ورضا نفسه وزنة عرشه ومداد كلماته) 🌴
@@RayanAhmedممكن توضّح اكثر يعني اذا بأسمي اركبها بالولاعه واذا ع البنك وفيها ضمان اركبها بالفيوزات هذا قصدك؟ وش اضمن لان الموتر جديد ولا ودي اتعبث به او يجيه التماس لاسمح الله + وش افضل هذي الرخيصه سواءً اختها او ذي والا هذيك الغاليه شفت مراجعتهم الثنتين واحترت139 viofo
أخوي الله يسعدك، اشتريت الكاميرا من شهرين تقريبا، وأنورها تمام، لكن من أسبوعين تقريبا صار مفتاح ok ومفتاح الأسفل ومفتاح المنيو ما يضغط صح ولا يستجيب، فهل تدلني على حل؟ الله يجزاك الجنة ووالديك
السلام عليكم أنا صار لي حادث و ثبت البرنامج بعد الحادث والفيديو موجود بخانة حالات الطوارئ كيف اقدر اطلعه من الجوال لان ما يطلع لي ولا فيديو في خانة حالات الطوارئ
ايه نعم على طول تصور اول ماتشغل السيارة ، Loop recording معناها تصور دقيقة ورا دقيقة على مدى مستمر الى تمتلى الذاكرة وتخذف القديم اوتوماتيك تصور جديد وتحذف القديم ، تصور جديد وتخذف القديم …. على نفس هذي الدائرة
طلبت ٣ منها بناءً على مدحك لها ولكن للاسف والله العظيم لندمت اشد الندم وتمنيت اني لو بقيت على 70mai احياناً الجوده ماهي كل شي .. السعر ايضاً له دور البائع له دور كبير ،، الى الان ماجربتها واتوقع انها جيده لكن ما استحقت العناء اللي عانيته صراحه .. اول مشكله واجهتها انه ماقدر اطلب اكثر من كاميرتين فاضطريت اقسم طلبيتي ،، وطلب اجزاء بقية الكاميرا من بائعين آخرين فبالتالي زياده ضرايب وزياده سعر ووصولها بشكل منفصل. أجبرت على دفع ضرائب بشكل كبير ولا اعرف ماهو السبب سواء للبائع او للتوصيل او لشركة الشحن ولكن لاحظت اغلب المعلقين مستاؤون من الضرائب. والشي اللي فقع مرارتي 😩😩جاتني بدون اي حمايه وكرتونها معفس ولا عليها حتى بلاسيتك يحميها وفوق هذا لما حاولت اكلم البائع مايرد والى الوقت هذا ما جاني رد للاسسسف. … هذي اول مره وبتكون اخر مره شي يقهر.
والله العظيم اني ماعانيت منهم ولا على رسومهم ولا الضرايب وثاني شي الضريبة من الدولة موب مني ولا من البايع 😂 اغلب طلبياتي من علي اكسبرس تجي كراتينها معفطة لكن المنتج الاساسي مافيه شي وسليم
هي كذا الداش كام مايصور لك مقطع متصل يصور دقيقة دقيقة عشان يسهل لك الاختيار من بين المقاطع لان موب من المعقول تحمل مقطع مدته مثلا ثلاث ساعات عشان تاخذ مقطع مدته دقيقة
عندي مشكلة لو ضبطت الوقت و طفيت السياره لليوم الثاني ارجع اشغلها يبقى التاريخ قديم او ممكن يتحدث لوقت بسيط و بعدها يرجع على اليوم اللي قبل ايش حل المشكله هاذي لان صرت كل يوم اشبكها على جوالي و اتأكد ان التاريخ مضبوط
انا عندي نفس المشكله في كاميرا شاومي ،كنت اعتقد انها بس عندي طلعت المشكله في الكاميرات الثانيه التاريخ اذا طفيت السياره يصير قديم ولازم كنت ادخل من الجوال عشان احدثه
@@0rq5 هل فيه خاصيه للكاميرا انك اول ماتشغل السياره تكون الشاشه مغلقه وتسجل بدون فتح ؟ لاني تعبت من الكاميرات الثانيه كل ما اشغل السياره لازم اغلق الكاميرا عشان ضوء الشاشه مزعج
انا كميرتي كانت تمام الحين صارت تحذف المقاطع كل يومين ومكتوب السي دي كار مليان كيف افضيه اسوي تحديث ؟ وهل فيه خانه اقدر اششوف الفديوات الي في السي دي كار
الله يسعدك، ويجزاك الجنة ووالديك. لا هنت يا ريان، كيف أخلي الشاشة طافية على طول، ما أبغاها تشتغل إلا إذا ضغطت الزر حقها؟ والسؤال الثاني، كيف أطفي النور اللي يمين ويسار الشاشة؟
ماشاء الله تبارك الله
المقطع له سنه نازل لكن يعلم الله انك افدتني كثير في هذي الداش الكام وان شاء الله راح تفيد غير في المستقبل اللي يشفون المقطع ، كفيت ووفيت انت وافي وشرح وافي ومتعلم ومثقف يارجل الله يسعدك سعادة ابدية ويحفظك وين ماكنت .
ٱلسَّلَامُ عَلَيْكُمْ وَرَحْمَةُ ٱللَّٰهِ وَبَرَكَاتُهُ
بغيت اسالك يا غالي كيف الداش كام معك حالياً ؟
@@saad5770 من وين يا سعد ؟
@@Godiswithme-mc4viمن السعودية 😅
شرحك يُدرس صحيح المقطع طويل لكن كل كلمة فيه مهمه غير الصوت و مخارج الحروف عندك
ما شاء الله
أهنيك انت مبدع استمر،،،
وصلتي اخيرا و افضل شيئ في الكاميرا ان هناك خيار عدم تشغيل شاشتها عند تشغيل السياره وهذا مناسب جدا للذين ينزعجون من ضوء الشاشه وقد كنت اعاني في كاميرا اخرى حيث ضوء الشاشه لا يتوقف عند تشغيل المحرك
لكن للاسف يوم تطفي الشاشة النور الاصفر يشتغل ويطفي يكون مزعج اكثر من الشاشة هل في حل له ويقفل هو بعد
لا للاسف مافيه حل الان 😂
اللمبة الخضراء تعلمك ان الكاميرة الان في وضعية التسجيل
@@MofagBinSalemانا ماشفت نور صفر فيه بس نور احمر يكون على جوانب الشاشه بشكل طولي لما تشغل السياره يشتغل لفتره بسيطه ويغلق
@@Curiosities_and_wonders_ اي اقصد النور ذا لكن يكون شغال على طول مدري كيف يطفي
@@MofagBinSalemيمكن لازم تخلي الشاشه على وضع الايقاف المستمر من اول ماتشغل السياره
جيتك من التيك توك و اشكرك على الابداع بالتصوير و الشرح و احسن شي انك وضحت كل شي يستخدم بالكاميرا، صارلي فترة ابي قو برو لسيارتي، انا عايشه بالرياض و العالم تسوق على كيف كيفها
الحمدلله اني كنت على حسن ظنكم ❤️
١- جو برو للاستخدام الرياضي (سباحة ، دباب ، تطعيس…. إلى آخره ) موب للاستخدام اليومي
٢- على طول تحتر و وتطفى للاسف
شرح مميز انا اشتريتها وجربتها فيها مشكله صغيره بالنسبه للكميرا الداخليه في اليل تعطيك الوان اسود وابيض
ابيض واسود معناها تفعل التصوير اليلي
@@RayanAhmed كيف افعل التصوير اليلي ماعرفت الطريقه. لو تتكرم وتكتبها
هي تتفعل اوتوماتيك
اذا شافت الاضاءة مره منخفضة تقلب الى التصوير الليلي
شكرًا لك مقطع جميل ومختصر استفدت جدًا منه شكرًا وواصل تكفى 😍😍😍🤍
شكر لك على المجهود و الشرح الممتاز الوافي اجمل شرح في اليوتيوب تستاهل الدعم 👍🏼
شرح كافي و وافي يعطيك العافية ❤ ولاكن موجودة ب امزون و تأصل خلال يوم واحد
الحمدلله عسى ان اكون في حسن ظنكم 🤍
+
انا هنا لكي انشر الفايدة
اشترها من اي موقع يعجبك ، نون امازون علي اكسبرس حراج … الخ
ما جبرتك على موقعي 😁
@@RayanAhmed لاهنت كيف اخلي الكاميراة تدخل في مود الباركنق الوقوف، شبكها على ولاعة تشتغل أثناء وقوف السيارة
@I-76 لا لازم تشبكها عن طريق سلك الفيوزات
جزاك الله خير على الشرح الوافي
لدي مشكله بالكامرة عندي تسجل والسيارة مغلقة
وش سيارتك ؟
مركبها على الفيوزات ؟؟
احسن شي 😅
السلام عليكم ورحمة الله
يعطيك العافيه اخوي ريان على المجهود الجبار في نفع الناس كتب الله أجرك
في طلب لو تكرمت اتمنى تعمل مقارنة بين Azdome M559 وبين Xiaomi 70mai Dash Cam A800s
تحياتي لك مع التقدير
ان شاء الله اذا حصل الماده ان شاء الله
بيض الله وجهك
فعلا استفدت من المقطع
ماشاءالله عليك طريقتك في الشرح حلوه مره الله يوفقك
اخوي ممكن طلب انا عندي مثلها ومو راضيه تشبك علا الموبايل
اخوي عندي مشكلة المايك يطلع انه شغال بس مايطلع ب المقطع لتسجيل اذا حفضته
و ابي حل مشكلة التسريع الي ب المقاطع اذا حفضتها تجي مسرعهه
عرفت تحل المشكلة ؟
سؤال اخي يصير فقط اركب الكامره داخليه وامامي والغي كامرة خلفيه لو الا تلث كامرات لازم يتركب في نفس وقت ؟
يمديك تسوي اي شي
كاميرة امامية فقط
كاميرة امامية وداخلية فقط
كاميرة امامية خلفية فقط
كاميرة امامية خلفية داخلية
شرحك وافي وانت وافي ، ولكن افضل داش كام 3 كاميرات ايش يا غالي السعر ما يهم أهم شيء تكون توب مواصفات تكفى عطني اسمها
Viofo a139 pro وتوني مسوي عنها مراجعة
th-cam.com/video/VxHJdKxZmmI/w-d-xo.html
واضحة بشكل مرعب وتتحمل حرارة وجودتها كويسة وبرنامجها ممتاز ومليكها وااااضح
@@RayanAhmed الله يجزاك كل خير
اشتريتها وبصراحة ممتازة لكن فيه مشكلة إن الأزرار بالداش كام تخرب مع الحرارة ويصير لازم تضغط بقوة
صحيح
هذا اللي بديت اشوفها بكامرتي حتى
شرح وافي وكافي 🫶🏻
هل الكمره وقت ماتكون شغاله لازم اربطها بي واي فاي من جوالي ؟ ولا كيف طريقة الواي فاي فيها ؟
سؤال من فضلك يعني لو خليتها في وضع التصوير اللي لو مر احد تصوره برضو تصور لو لاسمح الله احد صدم وشرد
ايه نعم راح تصوره
لكن بالعموم انا انصح انك تخلينها على وضعية التصوير اثناء الاصطدام (عشان تحفظ لك البطارية و تحفظ لك مساحة برضوا )
مقطع حلو بس شرحك مفصل بزيادة حتى للخيارات الغير مهمة وتكرار المعلومات واستمر
هو هذا المقصد من المقطع
شرح تفصيلي للمهتمين بالداش كام
في خيارات مو ملاقيها بالداش كام مثل
WDR
او تغيير اسم شبكة الواي فاي
مع العلم تحديث الجهاز عندي 21/9/2023
ممكن نسخة البرو شالوها
شكرًا على الفيديو 👍
أخطط لشراء نفس الجهاز.
هل تنصح به.
بعد الاستخدام كيف ترى جودة الفيديو وجودة الصوت.
سرعة القيادة عبر نظام تحديد المواقع العالمي (GPS)
ما رأيك؟
مشكور ابدعت يا صديقي 👍
ماقصرت استفد منك كلشي عن الكاميرا 👌🏻❤️
الحمدلله
كامرتي ما بيها حذف تلقائي هل نوعية الذاكره تفرق
هل اقدر اتتبع الGPS في حال لا انسرقت السيارة لاقدر الله ؟؟؟
لا للاسف ، لانها مافيها شريحة نت تشبكها عليها وتتبعها
السلام عليكم عندي سوال الحين اشتري الداش كام وايش بعد وصلة الفيوزات والمثبت الي يخلي الكميرا دخل السياره صح اشتري هالثلاث اشيا؟
شاشة الكيمرا على وضعيه الاقفال عندي بس لما امشي بسرعه على مطبه او حفرة تفتح الشاشة لدقيقة وتغلق هل هناك اي طريقة لالغاء خاصه الفتح المفاجأة هذه ؟
8:47
هذي معاناها ان الكاميرة صارت في وضع الطوارئ والمقطع راح ينحفظ في ملفات الطوارئ
وهو ليس عطل
اذا تبي تطفيها ، طف حساس الاهتزاز
@@RayanAhmedا
طلبت بطاقة ذاكره ازدوم ١٢٨ قيقا بايت للداش كام هذي ويوم حطيتها تطلع بالشاشه انه لا يوجد بطاقة ذاكره !! ليش ؟؟؟
بالنسبة لوضع الوقوف انا يهمني انها تتحمل العمل في فترة الصيف
للاسف تعلمت درس قاسي اني شريت viofo a229 due وتطبيقه شي خورافي لكن اخر شي جا الصيف وصارت تتعطل ولا عاد ترجع تشتغل الا يدويا. بعض الاحيان تمر ايام ماهي شغاله لاني اكون ناسي انها فصلت من الحر ولا شغلتها. والله انغبنت منها مع انها غاليه جدا وشركه معروفه فما بالك بالشركات الصينيه الحديثه.
وهل الوايفاي فيها تقنية ال 5 جيجا هرتز؟ لانه بدونها راح يكون نقل الفيدوهات لا يطاق
١- بخصوص داش كام viofo الله يعوضك فيها
٢- الان بدا الحر الحقيقي ويمكن نبدا المشاكل عندي
لكن الى الان ماواجهت اي مشكلة الى الان من اي كاميرة ركبتها من ازدوم (على العلم ان كاميرة m550 مركبها على سيارة سوداء بدون عوازل يعني الحرارة دبل عن السيارات العادية وفي احر مناطق المملكة اللي توصل حواراتها ٥٠ ولا اشتكيت منها الى الان )
٣- وللاسف تقنية الوايفاي اللي فيها 2.4Ghz لكن تحميل المقاطع سريع فيها ماعليها خوف
اخي العزيز .. هل هناك انواع داش كام تنصح فيها تصويرها واضح وتتحمل حرارة بلداننا .. تحياتي من العراق 🌹
الباقيات الصالحات 🌴
سبحان الله 🌱الحمد لله 🌳ولا إله إلا الله 🌴
و الله أكبر 🌿ولا حول ولا قوة إلا بالله 🌱(سبحان الله وبحمده عدد خلقه ورضا نفسه وزنة عرشه ومداد كلماته) 🌴
لماذا كل ما تشتغل الكاميرا يكون الصوت على الصامت
وشكرا بارك الله فيك
يمكن لانك انت حاط الصوت على OFF
ماقصرت صراحه 👍👍👍👍
يعطيك الف عافية عندي سؤال لاهنت فصلت الكاميرا الامامية وايضا لم تظهر معي ال 4K
عملت اعادة تشغيل للداش ولا ظهرت
الـUHD هي الـ4k
الـQHD هي الـ2k
اسعدك الله بالدارين اصلاً ماعندي uhd او مو شايفها
لو اقدر ارسلك صورة الموجود لكن ما اقدر باليوتيوب
اخوي انا ركبتها عالفيوز وصارت تصور طول الوقت لين تمتلي الذاكره كيف اعدل اعدادات الوقوف يعني ماتصور على طول
شرح كافي ووافي يعطيك العافية
لو سمحت الافضل اركبها على الافيوز ولا الولاعه ؟؟
اذا سيارتك تحت الضمان الافضل في الولاعة
اذا لا
ركبها بالفيوزات احسن واضمن
@@RayanAhmedممكن توضّح اكثر يعني اذا بأسمي اركبها بالولاعه واذا ع البنك وفيها ضمان اركبها بالفيوزات هذا قصدك؟ وش اضمن لان الموتر جديد ولا ودي اتعبث به او يجيه التماس لاسمح الله + وش افضل هذي الرخيصه سواءً اختها او ذي والا هذيك الغاليه شفت مراجعتهم الثنتين واحترت139 viofo
@@Rkk00000 اذا السيارة جديدة ما انصحك بالفيوزات
عشان الوكالة ما يتهكمون عليك ويطلعونك برا الضمان
انصحك بمنفذ الولاعة
واخر شي
اذا تبي كاميرة داخلية خذ هذي
اذا ماتبي كاميرة داخلية خذ M300s و وفر على نفسك حتى
هل تتحمل الحراره فالرياض ؟ وامنه تبقى فالسياره؟
ايه + ايه
طيب دام مافي قاعدة للكاميرا الخلفية هل تركب بالاستكر فقط ؟ وسؤال ثاني هل يعقل تركب خارج السيارة وتتحمل الحر والغبار وماتنسرق ولا تنكسر ؟ 😅
تقدر تشري لها قاعدة خاصة سعرها 5 دولار وتركب على الزجاج الخلفي من الداخل مثل غيره من الكاميرات، وموجودة بمتجر AZDOME في علي اكسبرس
لها قطعه تنثبت على الزجاج الخلفي بعلي اكسبريس
احد يسرق كاميرة خلفية 🥴🥴
وايه نعم تتحمل الحرارة والماء والغبار
السلام عليكم بس حبيت استفسر لو مثلا السياره انسرقت هل اقدر اوصل ل موقعها في الداش كام
لا
فيه انواع ثانية خاصة تخط فيها شريحة بيانات وتشوف وين الداش كام راحت وجات
أخوي الله يسعدك، اشتريت الكاميرا من شهرين تقريبا، وأنورها تمام، لكن من أسبوعين تقريبا صار مفتاح ok ومفتاح الأسفل ومفتاح المنيو ما يضغط صح ولا يستجيب، فهل تدلني على حل؟
الله يجزاك الجنة ووالديك
كلم الضمان
السلام عليكم ورحمة الله وبركاته
ذحين يمديني اركبها بس على يو اس بي السياره نفس طريقتك ولا لازم فيوزات والخلفيه كيف اركب السلك حقها ؟
وعليكم السلام
لا عادي يمديك تركبها على الـUSB او منفذ الولاعة الموجود
السلام عليكم أنا صار لي حادث و ثبت البرنامج بعد الحادث والفيديو موجود بخانة حالات الطوارئ كيف اقدر اطلعه من الجوال لان ما يطلع لي ولا فيديو في خانة حالات الطوارئ
مافهمت والله 😂
@@RayanAhmed حليت المشكلة خلاص 😂
ٱلسَّلَامُ عَلَيْكُمْ وَرَحْمَةُ ٱللَّٰهِ وَبَرَكَاتُهُ
كيف حالك ياغالي
بغيت اسالك اذ ماعليك امر كيف الداش كام معك للحين ؟ ناوي اشتريها
شكرا
أنا شريتها أمس تنصح فيها فيه ناس ما مدحتها اتمنى الاجابه الله يعطيك العافيه
لا بالعكس حلوة
ليش الناس ما تمدحها ؟
@@RayanAhmed يقولون تعلق وتصوريها في الليل في مو واضح وتصور اسود وابيض
هل اقدر افتح التسجيلات من البرنامج وانا بالبيت ؟
والا لازم اكون في السيارة واربطها بالواي فاي ؟
لا
لازم تكون جنب السيارة
اذا فتحت التطبيق ما احصل مقاطع محفوظة كيف الطريقة؟
ممكن الذاكرة يبيلها فرمته
10:05 هل لازم اربتطها بالفيوزات عشان تصور الاهتزازات او الحركةاو وقفة المواقف ؟ولا عادي من منفذ الولاعة؟
ايه لازم وصلة الفيوزات للاسف
@@RayanAhmed تأثر على البطاريات؟
هل اذا شبكتها على الولاعة وطفيت السيارة توقف معاد تصور؟ يعني مافيه بطارية وحساس مثلًا
ايه تطفى مع السيارة
الا اذا ركبتها على فيوزات السيارة
لاهنت .
اذا دخلت على المقاطع المصورة القى مقاطع كثير ولها وقت بس عليها زي الابيض كأنه ما اقدر اشوفها
الكاميرة معلقه فقط
@@RayanAhmedشنو السبب؟
السلام عليكم اخوي كيف اطفي الليت الاخضر
غطها بلزقة 😂💔
اش راىيك بالكمراء azdome m560
وين افضل هيا والا الكمراء اليي راجعتها m550
ولو في إصدار ممكن اركب السيارة دايركت عن طريق الجوال من بعد
والله ما ادري عنها الصراحة 😅
لكن انا متاكد ٥٥٠ راح تكفي احتياجاتك وزيادة
@@RayanAhmed للاسف جربتها خلال اسبوعين خربت كمرتين الظاهر بسبب ارتفاع حرارة 🔥الجو
@@basemalmohsen ياصباح الخير 😅😅
كام الضمان يبدلها لك
@@basemalmohsen لي اكثر من ٦ شهور وكل اهلي مستانسين عليها 👽
وماشفت منها الا العافية ( اللهم لك الحمد )
والله غريب اللي يصير معكم
وش هو ال static sticker ؟ وش الفايدة منه وطريقة استعماله ؟
حماية للزجاج والعازل
بعض الناس مركبين عازل حراري للسيارة ولا ودهم ستكر الداش كام يخرب العازل
ف تحط ستكر الـhydrostatic عشان تحمي العازل
السلام عليكم هل فيها جي بي اس تتبع بدون انترنت ؟ ولا لازم انترنت وهل فيه مكان شريحة بيانات
اكيد تتبع بدون نت ، و لا اكيد مافيه مكان شريحة بيانات
سمعت ان اذا شبكت شي ع فيوز السيارة .. تجي اعطال كثيرة ويمكن لا سمح الله يصير حريق فهل هذا صحيح
؟!
الله اعلم
لكن الكلام اللي كتبته مبالغ فيه الله يهديك 😂💔
هل هي مناسبه للسواق؟ لو ضغط زر التشغيل ممكن توقف تصوير؟
توقف
سؤال مهم ... بخصوص التصوير في وضعية الوقوف هل فيها حساسات التصادم .. واذا فيها هل تعطيك تصوير قبل الحادث بثواني وبعده .. في وضعية الوقوف
لا ، الكاميرة لاتتنبأ الغيب 🙃
اذا صدمت وحست بهزة تشتغل على طول
اخوي هل فية امكانية ربط الهاتف مع الكمرة ادخل البرنامج اي وقت اشوف السيارة فينها او اتصفح المقاطع القديمة لو انا بعيد عن السيارة
لا لازم تكون قريب من السيارة
وتكون الكاميرة مشغلة +
ممكن تحط جهاز فيه شريحه ويكون فيه واي فاي وتثبته في السياره
ابغى اعرف اذا شغلت السيارة هل راح تسجل فيديو لحالها ولا لازم انا ابدا ؟
و ابغى اعرف ايش هو loop recording مافهمت عليك بالفيديو
ايه نعم على طول تصور اول ماتشغل السيارة ،
Loop recording
معناها تصور دقيقة ورا دقيقة
على مدى مستمر الى تمتلى الذاكرة وتخذف القديم اوتوماتيك
تصور جديد وتحذف القديم ، تصور جديد وتخذف القديم …. على نفس هذي الدائرة
0:43 عجزت الاقي القطعه ذي من وين؟؟
كلمني انستا ارسل لك اياها
السلام عليكم. بس اصور فيديو يطلع كل واحد لحال الامامي والخلفي والصالة لحال. ومأجور مدة طويلة ممكن تعلمني كيف اصور ويمسح لحالو
والله ودي افهم لكن مافهمت 😂😂
طلبت ٣ منها بناءً على مدحك لها ولكن للاسف والله العظيم لندمت اشد الندم وتمنيت اني لو بقيت على 70mai احياناً الجوده ماهي كل شي .. السعر ايضاً له دور البائع له دور كبير ،، الى الان ماجربتها واتوقع انها جيده لكن ما استحقت العناء اللي عانيته صراحه ..
اول مشكله واجهتها انه ماقدر اطلب اكثر من كاميرتين فاضطريت اقسم طلبيتي ،، وطلب اجزاء بقية الكاميرا من بائعين آخرين فبالتالي زياده ضرايب وزياده سعر ووصولها بشكل منفصل.
أجبرت على دفع ضرائب بشكل كبير ولا اعرف ماهو السبب سواء للبائع او للتوصيل او لشركة الشحن ولكن لاحظت اغلب المعلقين مستاؤون من الضرائب.
والشي اللي فقع مرارتي 😩😩جاتني بدون اي حمايه وكرتونها معفس ولا عليها حتى بلاسيتك يحميها وفوق هذا لما حاولت اكلم البائع مايرد والى الوقت هذا ما جاني رد للاسسسف. … هذي اول مره وبتكون اخر مره
شي يقهر.
والله العظيم اني ماعانيت منهم ولا على رسومهم ولا الضرايب
وثاني شي الضريبة من الدولة موب مني ولا من البايع 😂
اغلب طلبياتي من علي اكسبرس تجي كراتينها معفطة لكن المنتج الاساسي مافيه شي وسليم
@@RayanAhmed والله بدون كذب وبدون مبالغه دفعت حدود ٣٠٠ حق ضرايب 😩😩😩 والله ماشككت بمصداقيتك لكن ممكن وقتها تغير الوضع عن الوقت اللي انت طلبت فيه
@@RayanAhmed وانا قد طلبت ٧ كاميرات من 70mai ضرايبها كامله كانت ٤٠ ريال بس ووصلتني مغلفه وعليها كيس حمايه
فعشان كذا انا تكلمت عن الفرق الشاسع بينهم
@@shathamarwan6736 موب مقنع
شلون ٧ طلبيات ب ٤٠ ريال ضريبة
معناها نفس البايع غير من قيمتها
ولا بتدفعين فوق الـ100 ضرايب بالراحة
@@RayanAhmed والله اني ما كذبت عليك بحرف واحد وهذا اللي حصل
انا عندي نفسها وكويسة لكن ماقدر احفظ المقاطع في الجوال هل تعرف الحل؟
يا ريان الله يسعدك هل الكاميرا بطارية والا مكثف
مكثف وتكلمت عنها في المقطع
هل يوجد طريقة اشاهد الكام وانا بعيد يعني مثلا اراقب السائق عن طريق الانترنت
لازمك تشتري موديل آخر
azdome c9 pro
و تضع فيها كارت سيم معبأة باشتراك أنترنت
السلام عليكم.. هل ممكن اضافة شريحة اتصال لغرض الانترنت للازدوم 550 برو ؟
لا للاسف
هذي الخاصية يمديك تضيفها في كاميرات 70mai a810s
وش هو النطاق الزمني
Time zone
وش رايك وش افضل M300s ولا 70mai لان محتار ببنها والله
الشاومي تستخدم بطاريات ومع الحر تطفى عليك 😵💫
السلام عليكم عندي استفسار هل السلك يجي موصول مع الولاعه ولا يكون سلك usb لحاله لان سيارتي مافيها مدخل ولاعه
يجي يو اس بي ومعه فيش ولاعة
انا طلبتها قبل فترة
على حسب ما جاني
سلك موصول بسلك الولاعة دايركت
يعطيك العافيه كيف طريقة فصل الكام الداخلي
افصل الكاميرة بس
ومبروك عليك 😂
ليه مايطلع عندي 4k مع اني شاري ذاكره بعد. ومطفي الكاميرا الداخليه
لازم تفصلها
@@RayanAhmed فاصلها
مافي شي يجي على فيوزات السياره؟ او داخليه؟ اتكلم عن الباور حقها
انت يمديك توصلها على منفذ الولاعة دايركت ويمديك توصلها على الفيوزات اختار ايهم انسب لك
هل فيه داش نفس المميزات والمواصفات ولكن بدون كاميرا داخلية ؟ لان انا احتاج الكاميرا الاماميه والخلفيه فقط.
هي نفسها
بس فك الكاميرة الداخلية 😂
او اختها M300S (اذا كنت تبي ارخص )
@@RayanAhmed
ممتاز يعني اقدر افك الكاميرا الداخلية🐥
سمعت ان اختها ما تلقط رقم اللوحات زين وفيه ناس يقولون ان التصوير وهو واقفه اوضح من وهي ماشيه🗿
@Ahmed.JR98 كلهم نفس الشي 😂💔
اذا تبي شي يصور حتى نيتهم
شوف اخر مراجعة لي viofo a139 pro
@@RayanAhmed
جمل الله حالك الحين بشوف viovo مدري شسمها ذي👍🏽❤️
كيف التصوير الليلي فيها وهل توضح ارقام اللوحه وهل فيها زوم ولالا
والله على اللوحات السعودية صعبة (لكن يمديك تجيبها )
وعلى التصوير الليلي اشوفها كويسة مقارنةً مع اخواتها من الداش كامات الثانية
عندي سوال يوم ابغا اصور فيديو يتقسم الى مقاطع وبعضها يصور من ورا وبعضها قدام مايجي مقطع واحد وش السبب ؟
هي كذا الداش كام
مايصور لك مقطع متصل
يصور دقيقة دقيقة عشان يسهل لك الاختيار من بين المقاطع
لان موب من المعقول تحمل مقطع مدته مثلا ثلاث ساعات عشان تاخذ مقطع مدته دقيقة
عندي سؤال هل الداش كام تشتغل والسياره طافيه ولا لا؟
اشتغل اذا شبكتها على وصلة الفيوزات + تشتغل اذا حست بهزة (موب دائما شغالة)
@@RayanAhmed 🙏 شكرًا
من الافضل vantrue n4 dash cam vs azdome m550
الله اعلم , ماجربت VANTRUE الصراحة عشان اقارن
السلام عليكم انا ركبت الكاميرا على علبه الفيوزات سويت الخطوات كما هي بس مع الاسف الكاميرا لا تعمل لابد من عمل السياره احد يعطيني حل الله يجزاكم خير
والله زيك😢
ايش الحللل
عندي مشكلة لو ضبطت الوقت و طفيت السياره لليوم الثاني ارجع اشغلها يبقى التاريخ قديم او ممكن يتحدث لوقت بسيط و بعدها يرجع على اليوم اللي قبل ايش حل المشكله هاذي لان صرت كل يوم اشبكها على جوالي و اتأكد ان التاريخ مضبوط
الله اعلم ،
تاكد من النطاق الزمني (Time zone) ان يكون 3+ عشان يكون مطابق لوقتنا
انا عندي نفس المشكله في كاميرا شاومي ،كنت اعتقد انها بس عندي طلعت المشكله في الكاميرات الثانيه التاريخ اذا طفيت السياره يصير قديم ولازم كنت ادخل من الجوال عشان احدثه
@@Curiosities_and_wonders_ حطيت النطاق الزمني time zone +3 و صار مضبوط له يومين تقريباً و التسجيل جاي مرتب و الوقت مضبوط و التاريخ
@@0rq5 هل فيه خاصيه للكاميرا انك اول ماتشغل السياره تكون الشاشه مغلقه وتسجل بدون فتح ؟ لاني تعبت من الكاميرات الثانيه كل ما اشغل السياره لازم اغلق الكاميرا عشان ضوء الشاشه مزعج
@@Curiosities_and_wonders_ من الاعدادات اكيد بتلقى بس راجع مقاطع شرح و برضو مع الحفر او الاهتزاز القوي لها تشتغل الشاشه لانها سجلت فيديو الطوارئ
ايش افضل كاميرا فيها مكثف وتصور زين اللوحات السعودية ؟
كلهم كويسات لكن اللوحات السعودية بلوه🤡
شريت نفس الداش كام الي عرضتها وركبتها اشتغلت وانا ازين اعداداتها اقل من خمس دقائق وطفت وبدت تشر انوار. وش المشكله
لا لا لا لا 😂😂😂
الشاشة طفت بس عشان ماتشتت السائق (يمديك تخلي الشاشة دائما شغالة)
والانوار تعلمك ان الكاميرة حاليا تصور (يا احمر يا اخضر )
الكاميرة مكتوب ان فيها تحديد الموقع لكن كيف اعرف وين الموقع
ابغى نفس المواصفات بس بدون الداخليه ؟ احصلها ؟
اشترها وفك الداخلية
@@RayanAhmed حرام ادفع فارق السعر وانا ما استعملها
@@itsMo7a اجل انصحك باختها
M300s
شوفها بقناتي ، ارخص وقوية نفسها (اللي مركبها بسيارتي)
طب عندي مشكله في هالداش كام وهل هي مشكله شائعه
التصوير السريع .
حاولت اعمل اعاده ضبط المصنع ما نفع . فرمت الذاكره ونفس المشكله
ما ادخل
ما ادري والله 😅
اول مره اسمع عن ذي المشكلة
تاكد انك مطفي الـTIME LAPSE
لماذا عندما استعرض الفيديوهات المحفوظه تشتغل شوي وتعلق
ايضا لماذا الجوال يفصل نت اذا شبك واي فاي مع الداش
هذا يعني ان الواي فاي غير مستقر
حتى انا يصير زيك
اخر سؤال معناها ان جوالك يعتبر واي فاي الداش كام
اساسي
@@RayanAhmed كيف اعالج الموضوع حق فصل النت
انا كميرتي كانت تمام الحين صارت تحذف المقاطع كل يومين ومكتوب السي دي كار مليان كيف افضيه اسوي تحديث ؟
وهل فيه خانه اقدر اششوف الفديوات الي في السي دي كار
احذف مقاطع الطوارى . لانها ما تنحذف الا اذا انت حذفتها
انا بين فترة وفترة احذف مقاطع الطوارئ علشان يصور كم من يوم
@@RayanAhmed الذاكره الخارجيه افضيها تماما بس ذاكره نفس الكاميرا الداخليه كيف افضيها؟
هل لابد من وجودي بالفرب من كاميرا داش لاتمكن من مشاهدة الفديوهات في كل مره ؟
ايه نعم + لازم تكون السيارة شغالة عشان تمدها بالطاقة
لو سمحت شريت الكام ،، بس مايشتغل التسجيل عند الوقوف برغم اني موصلتها بالافيوز ،، ايش الحل
تاكد انك مركبها زين + تاكد انك مركبها زين+ تاكد انك مركبها زين + تاكد انك مفعله
ثلاث مرات
ايش مفعله؟؟
لقيتي حل
نبغا شرح عن الجديده البرو
نفسها مافيه فرق الا الكاميرة الخلفية فقط
@@RayanAhmed فيه فرق في الاعدادات وفي الازارير مثال زي التصوير الطارى كيف يشتغل ونبغا نعرف الفرق كلها فضلآ وليس امرنآ
ماني محصل الداش كام
موجودة في كل الرابطين
الوكيل السعودي و علي اكسبرس
ابو الري ايش افضل هي ولا داش
محتار بينهم الاثنين
Viofo A129 plus Duo
والله عشان ما امزح معاك لو الخيار بيدي الان باخذ M550
الـviofo غالية بالنسبة والتناسب لمواصفاتها
٨٥٠ ليييه
طيب من غير السعر، مين افضل ؟
انتبهو يمكن تكون بطاريات ، فيه واحد مجرب viofo لكن مدري اي نوع خربت معه بسبب انها ماتحملت الحراره ومدح m550
هل اخذها ولا اخذ اختها اللي بالمقطع اللي قبل لان الظروف يادوبك ومدري يعني وش احسن للحين 😭😭 ابي الزبده
اختها الصغيرة
ارخص ، وقوية
كم سعر التركيب
الكمرا الخلفية ماتشتغل ايش الحل؟
احسنت
لو تكرمت الZ50 هل هي مكثف او بطاريه
مكثف
مافائدة البطاريه او المكثف الموجود في الكاميرا؟
البطارية مدى تحمل حرارتها اقل
المكثفات مدى تحمل حرارتها اعلى وتتحمل اجواءنا الحارة
@@RayanAhmedهل تتحمل حرارة الشرقيه فوق خمسين؟
الله يسعدك، ويجزاك الجنة ووالديك.
لا هنت يا ريان، كيف أخلي الشاشة طافية على طول، ما أبغاها تشتغل إلا إذا ضغطت الزر حقها؟
والسؤال الثاني، كيف أطفي النور اللي يمين ويسار الشاشة؟
ياهلا
فيه خيار يخلي الشاشة تشتغل دقيقة واحدة عند التشغيل بس وتكون طافية الشاشة بعدها (من الاعدادات)
الانوار للاسف ماتطفى 💀💔
يا اخوان ما اشتغل عندي الا الكمره الاماميه فقط باقي كمرتين وش الطريقه
دخلت التسجيلات ؟
@@RayanAhmedعندي نفس المشكلة فقط الاماميه بس الخلفية والداخلية لا ممكن تفيدوني وش المشكلة
الشرح ممتاز بس عندي الواي فاي اكتب الباسوورد ويشبك شوي وبعدها يرجع يفصل ما اقدر ادخل البرنامج شنو الحل
لازم تضغط على الكام وتشغل الواي فاي علشان تطلع لك وتشبك عليه