戶神蚊仔大戰歌-- 河洛念歌仔--邱鳳英 主唱

[@謝義智]

音腔調好像是1960年左右橫行的台湾民謠的歌手歌唱以大管弦月琴配合唱吃故事实不簡單

[@謝義智]

腔调好听,1960年流行佳作

[@2046FERRARI]

戶蠅蚊仔大戰歌
重新編輯就是我 這編戶蠅蚊仔歌 三本連續做相煞 萬項弄是為生活
小弟來到貴寶地 拜託達位您大家 沒夯椅仔乎您坐 也無買菸甲泡茶.
我也無賗甲半項 同情阮是出外人 望您大家相疼痛 若要聽歌著閒工
朋友有閒僅洽偎 是念笑科無虛花 阿伯食甲六十外 無仈聽過這儸歌
甚麼歌仔吪趣味 袂念先共恁通知 萬項動物朗廣起 也兮相打即有奇
這蹔要念動物反 未輸師仔在反亂 達項伊有一項慣 為著生活來起冤
無論省貨有性地 戶蠅蚊仔起冤家 為著生活兮關係 即兮事冤杹大個
-----------------------------------------------------------
戶蠅卜去咬臭肉 飛去更著蚊仔腳 蚊仔卜甲伊相打 戶蠅甲伊大交加
戶蠅靠伊大箍把 不驚蚊仔伊一個 蚊仔想著足怨切 起人卜甲伊冤家
戶蠅目啁典大蕊 不驚蚊仔噴雞歸 無聽汝塊放臭屁 敢驚蚊仔人大堆
蚊仔飛起一直走 一困飛去到因兜 去吪蚊黨巢巢到 卜掠戶蠅來捻頭
蚊仔歸陣飛來到 戶蠅雙手武拳頭 打死蚊仔哼哼哮 煞加旦落土腳兜
蚊仔打輸真冤枉 戶蠅武藝真能通 蚊仔走去竹廣洞 去請一尾鱔尪王
蚊仔來到竹廣口 叫人通報入內頭 為著冤情來拜候 共鱔大哥說透流
鱔尪聽著蚊仔廣 戶蠅文武雙項通 相𤆬行出竹廣洞 卜去食伊戶蠅王
戶蠅看著鱔尪來 驚甲嘴仔利西西 知影鱔尪嘴利害 飛高不敢歇落來
鱔尪看著伊戶蠅 想甲嘴瀾汁汁珍 戶蠅著驚飛緊緊 鱔尪看著目銀銀
戶蠅想著真不願 卜甲蚊仔結大冤 卜閣起人甲伊亂 法度請比伊恰高
戶蠅卜去請蜈蚣 卜請蜈蚣咬鱔尪 帶治厝頂角仔蜂 只位伊店幾落冬
蜈蚣聽著戶蠅講 講伊蚊仔無正宗 雙人行出角仔洞 卜咬蚊仔伊的煌
蜈蚣腳骨又真多 三十六枝一直把 戶蠅想了無好勢 去問蟑螂伊一個
蟑螂住在菜廚府 專門塊給人軍師 伊的計智足成有 二枝消息在身軀
蟑螂推算無錯誤 也有一層三不服 緊共戶蠅伊約束 蜈蚣此去兮勞碌
蚊仔知影蜈蚣來 走去講乎善尪知 善尪想計在心內 趕緊去請蛤仔來
蛤仔帶治田岸空 蚊仔去請伊一人 若無伊來事呆紡 卜請蛤仔破蜈蚣
蛤仔法度真利害 將情說乎蚊仔知 蜈蚣法度我知歹 放尿伊著不敢來
蚊仔去請伊蛤仔 收拾蜈蚣伊的腳 蜈蚣帶熿卜來咬 蛤仔做前走來詐
蜈蚣趖著蛤仔尿 腳骨親像火塊燒 大聲小聲哀哀叫 歸尾店塊博博趙
蜈蚣腳骨落了了 袂珍袂動直寮寮 想著有影真見笑 為伊戶蠅即衰梢
歸尾店塊柿柿挫 無腳通行按怎拖 一條親像手錶帶 遠遠看著親像蛇
戶蠅飛高看現現 看伊蛤仔恰肴仙 伊有法度不免戰 那看蜈蚣真可憐
蜈蚣就共戶蠅講 汝緊去請蛇大王 帶在青山石縫洞 伊的法度極靈通
戶蠅隨時飛起行 去到青山叫蛇兄 代先問靴蛇仔子 廣蛇大王伊的名
大蛇聽著真歡喜 暢甲嘴仔唏唏唏 腹肚飫甲半小死 今日有通好止飢
大蛇嘴仔扒開開 蛤仔驚甲目隨隨 一隻乎伊做一嘴 吞落奄滾結一雷
蛤仔伊死嘟日暗 蚊仔共伊做孝男 逐隻哭甲真淒慘 蛤仔你死我不甘
蛤仔汝死真打損 蚊仔日哭嘟下方 有情煞共汝捧飯 哭甲嘴仔長長長
日頭若暗著塊哭 跔治暗暗桌仔腳 哭甲歸身朗無肉 詳細給聽無爭差
蚊仔想著情就盡 卜閣去請黃真人 想報冤仇恰要緊 伐落就緊卜起身
伐落起行緊備辨 透冥趕到花果山 黃蜂真人出來等 蚊仔共伊說一番
黃蜂第一歹性地 卜助蚊仔伊一個 起吪蜂黨足真多 卜甲大蛇起冤家
蟑螂推算真利害 隨時廣乎戶蠅知 蚊仔去通因黨派 近日大兵就下來
戶蠅聽著蟑螂講 黃蜂武藝極能通 咱著預備恰妥當 卜請誰人恰適當
蟑螂塊想隨時有 叫伊著去請蜘蛛 蜘蛛帶在後壁厝 人人叫伊天羅師
伊有天羅甲地網 法術又閣真靈通 著請這個恰妥當 緊去請伊來知防
戶蠅閣再問一擺 先生汝閣廣我知 不知伊帶省所在 叫我倒位請伊來
蟑螂即共伊開口 伊是店人厝後郊 不管倒位伊兮到 有時帶人厝角頭
戶蠅隨時就起行 去到講乎蜘蛛聽 蚊仔卜甲伊拼命 去請黃蜂界出名
蜘蛛聽著戶蠅廣 黃蜂戰術極靈通 伊的法度極套棟 身軀伊帶一點黃
戶蠅聽著只號事 好嘴治塊求蜘蛛 你著來去做我主 野無驚了去刣輸
蜘蛛娘娘即講起 我的身軀能放絲 天羅地網創完備 千軍萬馬盡拘除
蜘蛛計智極肴想 人人叫伊施娘娘 製成陰陽天羅帳 不驚蚊仔肴主張
黃蜂只日招出陣 冤家蚊仔甲戶蠅 戶蠅看著能青秤 黃蜂相打介認真
黃蜂歸陣巢巢到 蜘蛛網在厝角頭 黃蜂著驚想卜走 天網地網四過包
黃蜂著驚走袂離 飛去更著蜘蛛絲 想卜脫身走袂去 蜘蛛翻身卜掠伊
蜘蛛翻身就加攬 真人暗放梅花針 娘娘沖毒青慘慘 不敢加掠面青紅

[@你好-b9s]

陳俊龍 บทเพลงนี้ความหมายคืออะไรบ้างค่ะ

[@v8yw]

好精采阿..陳兄能否借用音訊我想在製成影片.能讓下一代更好懂..台灣的文化

[@2046FERRARI]

可以啊歡迎分享ˇ無限..........

[@郭喜斌]

謝謝整理分享。

[@洪世紘]

只能说👍

[@洪世紘]

真的很好听。

[@hwangtom]

Thanks, 俊龍!

[@2046FERRARI]

戶蠅蚊仔大戰歌 中本
真人毒鎗極利害 娘娘喜時朗不知 好得無死上加再 沖毒腸肚大聲哀
蜘蛛肚大又袂死 著驚不敢去咬伊 知伊身軀有暗器 娘娘十分塊張池
蚊仔知影事呆代 真人有去無返來 條在蜘蛛網內 逐日大聲小聲哀
蚊仔再去叫田嬰 田嬰出戰夯大旗 田嬰即共伊廣起 我去有死允無生
田嬰著驚不敢來 蚊仔將情講伊知 無汝共我想看覓 卜請省人來安排
田嬰就共伊指示 汝著去請蟬先生 大蟬帶治樹林寺 汝今趕緊去請伊
蚊仔受氣做伊走 想卜閣去請肚猿 肚猿帶治空仔口 蚊仔隨時去因兜
肚猿廣伊無法度 蜘蛛算是老江湖 這號陣圖難得破 伊在空中我在土
肚猿加廣不敢來 蚊仔走去請姑玳 伊帶水府石洞內 蚊仔卜去請伊來
蚊仔去到姑玳府 卜請姑玳做軍師 姑玳共伊廣幾句 我無法度掠蜘蛛
蚊仔想著也有影 戶架樹頂上好請 因為戶蠅做不正 今日卜皆大輸營
戶架就共伊廣起 汝今去請阮小弟 我弟名叫老樟茲 日在府中暗無治
叫我送肉去飼虎 戶架做事真何徒 著請別人恰套棟 只個那去允成功
蚊仔走去草猿府 因厝帶在山崑崙 草猿共伊廣幾句 汝著去請阮姊夫
身軀二枝吾梅刺 通人看著都驚伊 阮姊頭殼紅記記 姊夫外號叫草耳
祖傳乎伊吾梅刺 而後死了傳乎伊 寶貝是伊學上起 看又軟軟無半絲
蚊仔聽著草猿廣 叫伊去請草耳公 卜破天羅甲地網 著請伊來允成功
蚊仔廣乎草耳聽 請汝去收蜘蛛精 蜘蛛法術萬項件 別人請來無允營
蚊仔知影事呆紡 塊求草耳罩相共 草耳未崁求歸暗 恰苦共汝罩幫忙
卜破陰陽天羅帳 通好煞拿施娘娘 卜破天羅地網陣 著上崑崙請門人
來到崑崙就入去 白鶴洞中請師弟 白鶴先師即廣起 戶蠅蚊仔起交邊
白鶴閣去孔雀洞 鶴鈞老師做仙翁 鳳凰燕集做一黨 鴛鴦水鴨來相逢
老龜伊去背戰鼓 石降打鵠皮粗粗 水蛙腹大袂行路 跳遠一步甚歸埔
蝴蝶本是水查某 影戲伊是做紅姑 有學劍光法度 是沈雌霞門徒
就點烏鴉去通報 門著一隻破筆羅 代志驚了做不好 煞閣斷著伊蜜婆
加走靠伊好腳手 伐落水底一直游 好塊燕仔走去救 那無性命伊著休
目虱界肴放臭屁 毛蟹上肴噴雞歸 嘴瀾不時湳滲隧 乎火金姑皆轆墜
鳥鼠第一好計智 偷咬蜘蛛兮戰書 天羅地網八卦起 實在難得來破伊
蝙蝠計智上界好 伊即走去假蜜婆 蚊仔著驚走返倒 好得鴛鴦來廣和
烏秋治塊做大將 黃卿相打第一雄 著是粉鳥上有量 乎伊點著孤不章
貓葉高飛塊科風 門斷一隻大鳳凰 花眉無信伊來廣 就是粟鳥上大戇
白鶴仙師肴想計 去請太乙伊一個 即點蠟里去串地 獨角金龜夯鐵叉
鶯哥去借巴蕉扇 卜破只陣目一耳 大鵬靠伊肴飛天 孔雀親像順風耳
燕仔典伊上肴飛 南洋大海飛兮過 老君看伊無目地 而後即命姜子牙
元始天尊來做正 塊共老君說分明 飛天串地無路用 天羅地網天生成
天羅地網八卦起 銅牆鐵壁難柄變 飛天串地走袂去 著用法度來破伊
蜘蛛不是小可人 道倖算來五千冬 卜破伊蜘蛛網 著點門徒罩相幫
白象一條捆仙索 月兔頭插二枝刀 老猿典伊腳手好 伊能上天偷仙桃
烏貓本成愛格水 烏狗看甲嘴開開 叫伊赤牛來做鬼 條件袂和即釵開
閣點黃貓翻天印 姜仔甲伊格氣人 煞點瀧猿誅頭陣 狐狸伊也卜凡塵
白頭鵠仔界憑段 真人叫伊下仙山 代志到者足不願 卜閣起人結大冤
加走飛身入陣內 就對東門打過來 娘娘法術極利害 加走崁在八卦台
仙師去看翻身返 即點草猴攻西門 入陣接戰不免問 草猴靠伊奄滾長
鶯仔相打伊上愛 伊對南門打入來 伊心性第一呆 想卜飛上八卦台
蜘蛛見著鷹仔虎 天羅地網八卦圖 鷹仔也無省法度 乎伊蓋落寶葫蘆
蚯蚓鑽地去偷看 蜘蛛寶貝玉器盤 戶架手捧乞食碗 老猴拋過五個山
倒返暗時看無路 透冥去叫火金姑 伊來定歸有法度 不免暗暗來塊摸
青爛即去照火鏡 協力卜收蜘蛛精 蠟里鑽地不知影 汶鼠尋無路通行
蜘蛛看著汶地鼠 手提天羅來崁伊 好得門著伊蠟里 招伊鑽地去逃去
蜘蛛看伊串地走 地網放落土腳兜 真言咒語念了後 土腳變成鐵石頭
那拵要走走無路 乎伊崁落八卦爐 神兵神將治塊顧 掌豆成兵老江湖
金龜趕緊來到位 連打三粒掌心雷 去乎蜘蛛嘴叭開 三粒吞做合一堆
燕仔看了無套棟 隨時吐出白劍光 蜘蛛一派算空洞 伊有十分塊知防
蜘蛛放出青光劍 伊的劍尾野恰尖 兩平劍光金閃閃 乎伊切斷碎鹽鹽
白光煞乎伊切斷 青光劍肉有恰長 鬥營劍閣收倒返 門著草耳入陣門
草耳接陣伊無問 二枝鐵尺丈外長 見面隨時跳倒返 卜戍蜘蛛兮腳倉
蜘蛛看著伊暗器 世間那有這二枝 都是案仔吾梅刺 娘娘十分塊張池

[@郭喜斌]

陳先生，借小弟分享到臉書和在下的朋友欣賞好否？

[@2046FERRARI]

歡迎.歡迎...

[@郭喜斌]

感謝您。

[@2046FERRARI]

戶蠅蚊仔大戰歌 下本
蜘蛛手提乾坤袋 四句咒語不免加 乎伊收落袋仔底 無人通救伊一個
大蟬知影走來叫 去報烏秋甲來葉 想無計智真可惜 乾坤寶袋偷袂著
鳥鼠卜咬乾坤袋 去招石降甲水蛙 石降鵠仔打三下 三更卜共伊偷提
鳥鼠伊卜入陣內 串對壁空無人知 蜘蛛娘娘真利害 知影鳥鼠串入來
娘娘手提天羅網 鳥鼠隨時走無空 乎伊崁落袂珍動 大聲治塊吪救人
乎伊塊著舌舌叫 娘娘看伊全無著 鳥鼠來輸真可惜 後來好得伊麻鴞
麻鴞來加夾塊走 走到崑崙山頭 好得天尊趕來到 野無袂得返因兜
鱔魚伊去觀星宿 蜘蛛性命袂皆休 亦有救星通來救 來共大蛇說理由
大蛇吐出毒煙霧 毒氣卜傷伊蜘蛛 蜘蛛河光本成有 毒光袂瓦伊身軀
蝴蝶夯頭塊觀望 連放三枝紅劍光 卜傷蜘蛛因妖黨 來助大蛇兮威風
蜘蛛伊有護身鏡 劍光袂瓦先知影 蝴蝶想卜顧生命 卜走無路通好行
娘娘發起乾坤袋 將劍收收做一下 蝴蝶看了不是世 從劍收返緊回家
田嬰做人上鐵齒 仙師叫伊夯戰旗 崑崙正派四大字 空洞喜平也知枝
空洞伊有野蠻黨 有學邪法兮劍光 寶貝也是極套棟 移山倒海件件通
崑崙劍仙是白鶴 相刣伊也免用刀 孔雀寶貝也真好 仙家法術不是無
水牛腸肚上大桶 鹿駝練成金光枋 卜來打破蜘蛛網 連打三下無彩工
蜘蛛法術逐項有 練成五粒定光珠 鹿駝不知甲伊株 乎伊打甲煞杯龜
烏貓靠伊上肴走 卜咬蜘蛛兮眉頭 乎伊打著哀哀哮 一隻今煞不成猿
水蛙卜破蜘蛛網 戶蠅即去放毒蟲 食了逐隻大肚桶 袂行一圓那死人
灶雞入陣成青慘 條在蜘蛛八卦網 錢鼠拔落在地陷 身軀不時淡淡淡
狐狸靠伊尾大汗 恰高牆圍也敢盤 現時尾煞春一半 拵死跳上八卦山
雞工來到含含叫 望冬見面朴朴趙 雞子對米一直扣 也無看著伊來葉
番工出聲塊吪殺 鴨母刣輸吪不達 陣圖省款無人識 門著地牛上有力
老猴目啁上利害 省乜機關看兮知 伊對中門入陣內 卜甲娘娘伊相刣
娘娘看著大受氣 大罵老猿死畜生 汝敢入陣來送死 手夯佛藤來打伊
猴是大聖孫悟空 入陣接戰有知防 猿的目啁不是戇 菩薩祖師兮道童
猴的目啁看兮曉 蜘蛛本是絲線妖 伊的寶貝極巧妙 風火伊就棟袂朝
著請風火來破陣 也無難得掠伊身 也著寶貝大要緊 能得收陰絲線神
蜘蛛是驚風甲火 無線蜘蛛就袂飛 東洋大海袂得過 看伊敢有雙領皮
門人服在五門外 上下閣有烏白蛇 戶蠅驚甲柿柿蔡 娘娘有死允無活
肥力一枝巴蕉扇 悅著大風滾上天 戶架吪聲哇哇死 蜘蛛性命敢難移
真人發起神火箭 九隻火獅青青青 好得娘娘走有離 乎伊燒斷蜘蛛絲
蜘蛛著驚走落地 走甲袂行做狗把 身軀有帶乾坤袋 第一利害是只個
鳳凰發起七星劍 連煞二枝格相簾 娘娘性命真危險 恰險挑油過石尖
烏貓烏狗甲狐狸 寶劍連放四五枝 逐枝兮劍白薛薛 協力卜收蜘蛛精
蜘蛛發起乾坤罩 各人寶貝算真肴 好得真人治尾後 發起太極在雲頭
老祖發起通天手 乾坤寶袋被伊收 無因師父走來救 性命險險著煞休
蜘蛛師父是飛絲 喜日閒遊出遙池 看著門徒險險死 下凡趕緊來救伊
好得師父來改救 那無性命伊著休 飛絲塊求眾道友 門徒伊卜加治收
正人同情因師父 飛絲即來收蜘蛛 正仙回返逍遙府 仙家道友極仁慈
只本歌仔真希罕 內中獸名歸千項 不是古書也無傳 全廣動物無廣人。
蠅蚊仔大戰歌下本完

[@林閒-y4q]

缺少字慕

[@v8yw]

我做好了分2段 th-cam.com/video/RUy7ab-zVek/w-d-xo.html