٢.تقرا على اهل البيت..هي صوتها بالسماعة يلعلع..عبالها متحفظة على صوتها وهو واصل لآخر الشارع وجاي اسمعه... خلص الباكيت وماخلص العرس مدري الحفلة..والملاية دقني صوتها..الواصل لأسامعي..وياريت صوت حلو واحد يسوة يسمعه... تلفوني رن...هالبنية ماراح تعوفني..لاطشة وياي..مال حظر عالأزعاج..ابتليت بلوة سمعت مشكلتها..اني مو مال هالسوالف ومواساة واصير حنين مو سوالفي... بس مدري شلون صارت وهالبنية خذت عطفي..بس للأسف نفسها نفس كل انثى بعيني..ساعدتها مرة شاب مبتزها بصورها... وللأسف حبيبها طالب منها صور مخلة ودازتله..من هاي مايخلوك تثق بالنسوان..لو تكلها صوري نفسج بلا ملابس هم اصور...شهالرخص... من هالنماذج الي اشوفهم يخلوك ماتثق بالنسوان كوة هي..مرة حققت ويه حرمة وبكبر امي..بقضية زنا..لا حول ولا قوة الا بالله حتى لو اكو زينات خربن عليهن الموزينات... اجت ابالي جنة..لزمت كلبي اخخ ياوجعه..الي تحبه سنين وتتعب علموده وتحارب الدنيا علموده بالآخر يطعنك بظهرك وبسيف مسموم... بعد ماتكدر تتخلص من سمه طول عمرك راح يبقه يجري بدمك..رجعت ذاكرتي لهذيج اللحظة..اختنكت وكفت على حيلي... بنظري هاي سجى نفسها..صدك اختنكت..طاح تلفوني مني..رفعته وغضب لزم روحي..تمنيت قتلتها ولا خليتها نفس بيها ولا هالعذاب الي داخلي... عمر:ذو الفقار:شبيك يمعود ذو الفقار:ماكو شي ابو محمد..عن اذنك..عفته ورحت صعدت سيارتي..وتلفوني رن..مرة ثانية هاي البنية..سديته رجعت تتصل...رديت بغضب وكتلها لا تتصلين منا وهيج ابوج احركه... سديته بوجهها..شغلت السيارة..اتجهت لمنطقة الي بيها عايشين اهل جنة..وبسرعة طلعت من المنطقة لأن يعرفوني هنا الكل... رحت بعيد..طفيت السيارة وكعدت افكر بحجي امي..اذا فعلاً محتاج مرة..وظليت اقتنع بسجى مختلفة بس ولا ابد اقتنع عقلي وكلبي بيها... منو الي تكدر تنسيني كل هاي وتعوضني الي فقدته..منو الي تكدر توفي وياي..ماكو غير حب امي هو وبس... سجى... شفته..وياريت ماشفته..نبضات كلبي المضطربة..تكون هادئة شوي من ماشوفه..واشتاق بس ما واصلة مرحلة الهيام..لأن ماعرف شي عنه... بس من شفته مدري شصارلي..شعور فوك الخيال..شعور كبير ونبضات قلب قوية وسريعة..وامنيات مثل احلام مراهقة بأنو يحبني مثل ما احبه... بس خجلانة موت كلما اتذكر الموقف مال الطيحة قبل سنتين مدري يعرفني منه مدري لا..وهمين هسة شافني بلا حجاب يبووو كلبي يريد يطلع من مكانه ويروح وياه... بودي كل شوي يطلع بوجهي..واشوفه..ويهز طوله كبالي..واتمعن بوجهه عدل ماكدرت اباوعله متت خجل مو من الحب بس ماكدر اباوع بوجه رجال استحي... (يهز طوله بلهجتنا يعني طريقة مشيته 😅 مو تتخيلون يهز ويركص 😂😂😂) على طول العيد ميلاد والحفلة ماحسيت بيها..تفكيري بأبو سيف..شيصير لو هسة حاظر العيد ميلاد..ويطك صور ويه سيوفي..واصورهم سويه... هاي شنو منين اجت هالفكرة..عزززااا نحرفت بالتفكير... اي عادي قابل شنو مفكرة هنه صور..وتفكير محد يسمعه... باوعت لبيسان..اويلي لو ينسمعن الافكار..همزين ربي رحمنه بهاي محد يكدر يسمع التفكير مالنه جان فضايح عززاااا... بيسان:جبار شبيج سجى:جبار انتي عابت..مابيه شي بيسان:احم احم..ماشفتي الحب باوعتلها واريد ابجي:بلي..شفته بيسان:ايييي وشكو هالنظرة..شبيج تردين تبجين سجى:بيسو شافني بلا حجاب..بس بدون قصد..انقهرت..تعبت من هالمشاعر من طرف واحد..ضجت اريد حل..لو انساه احسن شنو مستفادة من حب مابي أمل..وغير موكفة نصيبي بسبب الي بكلبي بيسان:مستعجلة عالريل اي كولي هيج..لج بابا جم مرة كتلج فكري بنفسج..لا تفكرين بشي غيرها..وهو هسة تلكي متعقد بسبب مرته ماتشوفين مازوج..صدك سجى انسي..كافي تفكرين برجال مختلف عنج سجى:هوو لو بيدي..والله انسه..اعرف مالي أمل بي..اريد انسه..والله اريد..سكتت شوي..بس والله مايهون عليه انسه بيسان:يطبج هريشي ظلي بمرضج سجى:مرض اليطبج..شسوي لعد قابل بيديانسه بيسان:اخطبي اليوم بعد الحفلة كلي لخالة ام ذو الفقار..خالة اني عاشكه ابنج اخطبيني اله يرحم امواتج سجى:اي والنيشان عليه والحلقة اني اجيبها وفوكاها المهر عشر ملايين..شبييج انتي احجي جد وتحششين..عااااابت بيسان:اي كمليها وكولي الصخلة جابت..وشبيها هسة احنه بزمن الاختلاف ههههههه روحي خطبي فقيير وفكيني من كركتج بي سجى:هههههه فقييير منين جايبة هالدلع بيسان:يالله اندلعه ذوذو بس تعال اخذ سجاوي..تعال ذوذو بس تعال..لاااا اصوم الكم عشر ايام بس تتزوجون..نذر عليه لله..وفتحت زيجها ورفعت راسها للسمه..ياربي فكني من سجى وتصير الغرفة كلها الي والكنتور مالتها سجى:ههههههه طاعوون ومرض..تحشش..صفكي صفكي راح يخلص المولود واحنه نكرك بيسان:كومي هزي طولج وزعي بيبسي وانطيهم ماي جاي شربت..بلكي ام ذو الفقار تخطبج لأبنها الصاك سجى:هههههههه وبعدها لو صرت جنتهم اخطبج لعقيل بيسان:هههههههههههههههههههه والله انضحك احنه وحدة خذت الابن الجبير والثانية الزغير..ليكول عمرنه 40 ومعنسات سجى:ههههههه شسوي اتخيل هم ممنوع عليه..مايصير يعني بيسان:لا اختي منو كال مايصير لا ابد من حقج..حلمي وتخيلي مثل ماتردين..وتاليها تسمعين صوت هورنات عرسه..عود ركصي من يم الشباك خوش
٤.طلعت بعد مابوست ماما..شكلها مو بخير..امي من تمرض كل احنه نضوج..قبل فترة صابتها جلطة دماغية..وكل احنه عشنه برعب... بسبب ارتفاع شديد بضغطها والسكري لأن هي مريضة سكري..ودوم عدها التهاب بصدرها بسبب هالشي والحمام ماتكدر تسيطر على نفسها بالدرار....هواي نخاف عليها.... مشيت للورشة..وهذا الشاب نفسه صار بوجهي..اعتقد امس جايب سيارته للورشة..دخلت سلمت على امجد وصبحت عليه..ودعته وطلعت... ونظرات هذا الشاب موتتني..ماعجبتني..شوي وعبر بسيارته..وكف بصفي..كال ياحلوة تحتاجين توصيله..تجاهلته... كال ليش التجاهل بت ولايتي..اني همين اصلي من بغداد..التفتت عليه..هذا منين عرف اصلي..عقدت حواجبي وخزرته... مشيت بطريقي..وعفته..عبر عليه مشه سريع بسيارته..يمكن احتفظ بكرامته لأن تجاهلته..وصلت للمدرسة... قبل لا ادخل الصف..صار كبالي..ولازم زي رسمي..وحاط سترته بيده..وعلى اجتافه..كال اجاجيج... راسيل:شمو تريد من الصبح ملاحكني مصطفى:هههههه اخيراً سمعت صوتج..ترا مالحكتج..جنت رايح اخذ سيارتي من الورشة..واعرف صاحبها صديق ابوي..سعيد عرفت اكو بنية من بلدي بهالجامعة..اذا احتاجيتي مساعدة راسيل كاطعته:شدخلني صديق ابوك واخوك...الله يسعدك..شكراً ما احتاج مساعدتك...ماكملت اجاه الشاب الأشكر..كله مصطفى ماذا تفعل... مصطفى دار وجهه:لاشيء فقط كنت اعرض مساعدتي..على الجميلة..والتفت اليه بأبتسامة..وسطر اسنانه عبالك مسويهن تجميل... استغفر الله هاي شبيه..راح هو وصديقه..دخلت للمحاظرات المملة..وبعض الطلاب يسون ورق واحد يشمره عالثاني.. اخر شي وصلت اليه..وبيها رسمة للمدرس وعليه ذانات حمار..نفس مايسون بالأفلام..جنت اظن هاي بس بالأفلام الحركات...ضحكت وشككتها... الي راسمها الطالب جيسون... او ماداومت عرفته رسام..راسم على اللوح مال الكلاس...طلعت فترة الغداء... اجتني بريانكا..وكالت هلو بيبي..كتلها اهلاً..كالت انظري من ينظر اليكِ..باوعت للطالب مصطفى..يباوعلي وكأني شخص يعرفه وسنين مشايفة... درت وجهي عنه..ماريد اباوعله ويظن اباوعله معجبة..شوي وشفته اخذ سترته وتعمد يعبر على طاولتي...والشباب يكلوله مصطفى الى أين... قبل لا يخلص الدوام شفت بملعب الجامعة..ملتمين على شاب..ووهذول المتنمرين فضحو انو هو سارق مدري شنو...والطلاب مجمعين عليه... هذا مصطفى هو شهره..سمعت الشاب يردد كلمات عراقية عرفته عراقي هذا همين عراقي ماصدكت..حتى لو هو سارق المفروض مايصير هيج ويه ابن بلده..كلش عصبت... ودافعت وساعدته..ماخليتهم يتنمرون عليه..تدخلي زاد عن حده بس ماكدرت اشوف ابن بلدي ينهان..مهما يكون استر ومافضحه ومنو يكول صدك هو سارق... بس تبين انو هو فعلاً سارق..تركت الأمر..وما ادخلت..بس كلش عصبوني هذول المتنمرين شنو احنه بغابة...التصرفات همجية ورجعية... بآخر الدوام..بعد انتهاءه..طلعت من الجامعة واجاني هذا الشاب العراقي..كلي شكراً لمساعدتج..ماعرف اكو بنية عراقية بالجامعة اسمي كرم... كتله اهلاً وسهلاً تشرفت كرم..ماعرف الخلاك تمد ايدك بس غلط الي سويته..وماسويت شي..عفته...كال والله اضطريت... كتله مامجبور تشرحلي..عفته ولحكني يبررلي..كتله ارجوك اتركني..مامضطر تشرحلي..باوعت لهذا المتنمر ابو عيون خضر يحاجي صديقه صاعد سيارته..ويكله سالحق بك.... مشيت ليكدام ماريد اباوعله الغثيث..وصوت عصافير بطني ضوجني..جووعان..انوب عبرت غلى ريحة طبخ..ياللهي... دا امشي بطريقي..راجعة للبيت والشوارع مليانة بأوراق القيقب الصفراء..لأن هسة وكت الخريف..حسيت بخطوات وراي...
الله يساعد السهران يكضي الليل متعذب تارس غرفته دخان يبجي وحيل متكئب واحد باله يم العوز واحد توه جاي يحب واحد للأهل مشتاك صار سنين متغرب واحد باله يم انسان حبه وطلع يجذب واحد ينتظرله فلوس كاعد بالشهر يحسب واحد شاعريته تهيج مشتاك وشعر يكتب واحد عرسه بعد اسبوع هوسه وكاعد يرتب لتصدك بشر سهران اذا مو حيل متعذب
حبيبتي وعمري انتي الله يخليج النه بس اني احب هاي الموسيقى خليهه بكل قصة لين من تخلين غيرهه احس القصة موحلو واني احبج من كل كلبي وراح اخلي كل ناس تقره قصصج الجميلة احبج
إبدأ بثبات وإرادة لتصنع بصمتك لا صعب يضعه الله يفوق طاقتك لا مستحيل أمام طموحك مهما كانت الصعوبات الله معينك تفاءل ولا تسمح للإحباط أن يتحكم بتفكيرك ما خلقت لتعجز أمام منهجك وكتابك لن يضيع عند الله تعبك وجهدك وسهرك في سبيل علمك ربي يوفقك ويسعدك ويفرح قلبك حبيبتي الغالية
ماكو تنمر بالجامعات اخر مراحل التنمر تنتهي بعمر ال 16 سنه والي هيه مرحلة الثانوية اما الجامعه فلا الكل يحترم الكل وشحده اليتجاوز ينفصل واصلا يسموه غريب الأطوار ويصير منبوذ
![ปฏิเสธไม่ไหว (Crush on you) - LIPTA feat. No One Else [Official MV]](http://i.ytimg.com/vi/NBw1jF342vw/mqdefault.jpg)
هلو حبايبي شلونكم شخباركم اسفة للتاخير بس عندي ضرف يجوز اتعطل عليكم شوية بالنشر التمس منكم العذر 🥰بالنسبة للأحداث الي بالفيديو ترا مو مكررة بس هاي بالبداية مشاهد حتى تتعرفون على الابطال.... اذا ضجتوا منها عادي احذف الفيديو 😑واذا عجبتكم القصة وصلوها الف لايك حتى انشر اسرع وشوية تفاعلوا وشاركوا الفيديو وية الأصدقاء ❤️❤️❤️❤️
١.اتحمحمت بعد ما فصلتها تفصال بعيوني...هي انتبهتلي واكف بطولي..ومارفعت راسها لوجهي..لاحظتها ارتبكت وتخربطت احوالها...بسرعة كامت لحجابها لبسته...
شفتها مدنكه ولا ارتفع رأسها..درت وجهي اتحمحم سويت نفسي ماشفتها..لان انحرجت هي واني انحرجت واكف واباوعلها وهي بلا حجاب...
شنو الفايدة بعد عرفت جنت اباوعلها..هسة تفهم غلط..وشلون احب اليفهمون بالمكلوب...
ابداً مو طبيعتي..اباوع لوحدة مستورة وبت ناس متربية..طلعت لغرفتي وسيف اجه وراي فرحان ويسولفلي عن عيد ميلاده..اريد ابدل مايخليني..يكلي تعال نلعب ويه ثوثو الحلو...
ذو الفقار:ولك منو سوسو الحلو
سيف:خالة ثجى..ثوثو الحلو
ذو الفقار:هههههههه احاجيك سيوفي حبيبي..انته تحبها لخالة سجى
سيف:اي بابا احبها خالة ثوثو..اكلها تتنام عدنه ماتقبل
ذو الفقار:هههههههه ولك اتقي الله وين تنام المصونه
سيف:يم بيبي وانام. اني وياهم
ذو الفقار:الف الحمد لله ماصارت يمك بابا
سيف:لا عيب بابا خالة ثوثو بنات وبابا ولد
طكيتها ضحكة حتى كعدت تربعت كباله:هههههههههه ولك منيلك هالحجي. لاتؤوح تكلها بابا هيج يكول..واخزياه وفضيحتك ذو الفقار..ههههههه
سيف:خالة ثوثو ادول(اتكول)..لا مادول مادول..انته بابا تحب ثوثو الحلو
ذو الفقار:مادام انته تحبها بابا يحب التحبه
سيف ضحك:اي ادلها بابا يحبش
مسحت على وجهي:يلعن بليس..بابا لااا عيب..بابا يحب سيوفي وبيبي وعمو بس
سيف لم شنوفته وتكتف:بابا حب ثوثو الحلو
ضحكت من كلبي هذا قافل الا احبها..كتله عمي نحبها بس لا تعصب علينه..حظرة الضابط سيف..ظل يضحك وياي مايدري على شنو بس يضحك...
ظليت اضحك على سوالفه وكل شوي كالي ثوثو..سمعت صوت الجرس..عفته ونزلت واتحمحمت بصوت عالي خاف البنية بعدها بالهول...
الجرس حسيته اتكسر بيد اليدكه..طلعت واني اصيح يا زمال ابن زمال هيج يدك الجرس...ومن فتحته صارت بوجهي ام شاكر..انحرجت زوملتها...
ام شاكر انهالت عليه وعليها عباية راس..اجت لزمت ايدي وتبوس بجتفي وتكلي يمه ذو الفقار فدوة رحت لطولك شاكر ابني اريده من شاربك...
ذو الفقار: خالة اهدي وفهميني..شبي شاكر
ام شاكر تبجي وتحجي:يمه مادري شبي وشصاير..اجو الجيش خذوه..مادري شمسوي وشصاير..يمه ابني يمشي بصف الحايط تعرفه انته هو وياك بس يمشي
ذو الفقار:اهدي حجية هسة اشوفه الج..بس اخذي نفس..وتعاي اشربيلج كلاص مي..دكيت باب المطبخ بدون مادخل..وكلت يالله...
دخلت للمطبخ خذيتلها كلاص ماي..وهي تلطم وتبجي..وتتوسل بيه اساعد ابنها..طلعت تلفوني.. اتصل استفسر عن شاكر...
خابرت صديقي عندي بال.........حاجيته وسألته عنه..كال عليه جريمة قتل..كلتله مايسويها هذا شاكر رجال معدل...كال ماعرف هواي بس عليه قضية جريمة قتل...
كلت لا حول ولا قوة الا بالله..ختمت المكالمة وامه خطية وجهها وكل وكل حواسها وياي..وحاطه ايدها على حلكها...
كلت اذا هسة اكلها ابنج هيج قضية عليه هسة تموت المرة عليه..كتلها حجية ارتاحي ابنج اني راح اساعده وان شاء الله ماعليه شي...
انهالت عليه تريد تبوس ايدي..رفعت ايدي وكتلها يمه صدك جذب..استغفر الله...صحت لأمي تستقبلها..دخلتها جوى بالهول...
واني ادخلها الهول لمحت ام شامات شكلها خجلت وشردت..ماعرف ليش اتذكرت هالبنية مرة تكومت كبالي بالباب..مدري هي مدري غيرها...بس من بنات بيت ابو علي...
دخلت الحجية كعدت بالطارمة..شعلت جكارة وكعدت اتذكر..لا شنو اليوم راح اتعب ذاكرتي..والموقف عليه تراب...
تذكرت اي هي نفسها بالرغم ماتمعنت بشكلها بس اتذكر شاماتها..ملفته شكلهن..ضحكت بخفية عالموقف..خطية تكسرت البنية بالطارمة العالية...
باوعت لنفسي بملابس العسكرية..تلفوني رن..طلعته..تأففت هم هاي اللزكه..انطيتها رفض..وطفيت جكارتي ورحت ابدل...
دكيت باب الهول..اجتني امي وكالت يمه ادخل راحت البنية بالغرفة..دخلت بدلت وطلعت للشارع..لأن اقرباءنه اجو...
اني دم اسناني قرايبنه خصوص بناتهم ونسوانهم..ولا بيهم واحد خيير..رحت شفت عمر ابن جيرانه كاعد بالباب وبيده بنته...
سلمت وكعدت يمه..بنته تخاف مني..تباوعلي وتضم راسها بحظن ابوها..مديت ايدي اخذها ماتقبل..كتلها ايا بت الكلب...
عمر:ههههههههه تخاف من شواربك..شيلهن يالله تخليك تشيلها..ولا تغلط على ابوها تحبك
ذو الفقار:ازين شارب ابوج ومازين شاربي..بت الربل تعاي اشوف غصبن ماعليج تبوسيني..اخذتها ابوس بيها..وهي تبرطم...تخليني ارغب اكثر ببوستها
حفرت خدها بالبوسة..ظلت تبجي..ضحكت وانطيتها لأبوها..طلعت باكيتي واسولف ويه عمر..خوش زلمة...
شوي طلعت الحجية ام علي وعمر..وياها نسوان ثنين..دنكت راسي وسلمت عليه..كتلها الله يحفظج يمه...
راحن لبيتنه..بقيت كاعد يم عمر نحجي بسالفة شاكر ابن جيرانه مناك..وره خمس بيوت..صديقنه الولد وماعنده مكسرات وامه ماعدها غيره ارملة وصديقة امي دوم تسأل عليها وتجيها...
شوي بت عمر كامت تتمضحك الي..كلت شوف مالجن امان النسوان..ساعة تتمنعن وساعة تتمضحكن..خذيتها بحظني وكل حركاتها تخلي الواحد يبوسها...
اهز برجلي وجكارة وره جكارة اخلص..انتظر تخلص سالفة العيد ميلاد هاي مدري منين اجتني امي كل سنة تسويله حفلة...
ماحب هالسوالف والحفلات..وهنوب امي جايبة ملاية..وشلون احب النسوان اني وهي رايحة جايبة ملاية..عود مسوية مولود...
٢.تقرا على اهل البيت..هي صوتها بالسماعة يلعلع..عبالها متحفظة على صوتها وهو واصل لآخر الشارع وجاي اسمعه...
خلص الباكيت وماخلص العرس مدري الحفلة..والملاية دقني صوتها..الواصل لأسامعي..وياريت صوت حلو واحد يسوة يسمعه...
تلفوني رن...هالبنية ماراح تعوفني..لاطشة وياي..مال حظر عالأزعاج..ابتليت بلوة سمعت مشكلتها..اني مو مال هالسوالف ومواساة واصير حنين مو سوالفي...
بس مدري شلون صارت وهالبنية خذت عطفي..بس للأسف نفسها نفس كل انثى بعيني..ساعدتها مرة شاب مبتزها بصورها...
وللأسف حبيبها طالب منها صور مخلة ودازتله..من هاي مايخلوك تثق بالنسوان..لو تكلها صوري نفسج بلا ملابس هم اصور...شهالرخص...
من هالنماذج الي اشوفهم يخلوك ماتثق بالنسوان كوة هي..مرة حققت ويه حرمة وبكبر امي..بقضية زنا..لا حول ولا قوة الا بالله حتى لو اكو زينات خربن عليهن الموزينات...
اجت ابالي جنة..لزمت كلبي اخخ ياوجعه..الي تحبه سنين وتتعب علموده وتحارب الدنيا علموده بالآخر يطعنك بظهرك وبسيف مسموم...
بعد ماتكدر تتخلص من سمه طول عمرك راح يبقه يجري بدمك..رجعت ذاكرتي لهذيج اللحظة..اختنكت وكفت على حيلي...
بنظري هاي سجى نفسها..صدك اختنكت..طاح تلفوني مني..رفعته وغضب لزم روحي..تمنيت قتلتها ولا خليتها نفس بيها ولا هالعذاب الي داخلي...
عمر:ذو الفقار:شبيك يمعود
ذو الفقار:ماكو شي ابو محمد..عن اذنك..عفته ورحت صعدت سيارتي..وتلفوني رن..مرة ثانية هاي البنية..سديته رجعت تتصل...رديت بغضب وكتلها لا تتصلين منا وهيج ابوج احركه...
سديته بوجهها..شغلت السيارة..اتجهت لمنطقة الي بيها عايشين اهل جنة..وبسرعة طلعت من المنطقة لأن يعرفوني هنا الكل...
رحت بعيد..طفيت السيارة وكعدت افكر بحجي امي..اذا فعلاً محتاج مرة..وظليت اقتنع بسجى مختلفة بس ولا ابد اقتنع عقلي وكلبي بيها...
منو الي تكدر تنسيني كل هاي وتعوضني الي فقدته..منو الي تكدر توفي وياي..ماكو غير حب امي هو وبس...
سجى...
شفته..وياريت ماشفته..نبضات كلبي المضطربة..تكون هادئة شوي من ماشوفه..واشتاق بس ما واصلة مرحلة الهيام..لأن ماعرف شي عنه...
بس من شفته مدري شصارلي..شعور فوك الخيال..شعور كبير ونبضات قلب قوية وسريعة..وامنيات مثل احلام مراهقة بأنو يحبني مثل ما احبه...
بس خجلانة موت كلما اتذكر الموقف مال الطيحة قبل سنتين مدري يعرفني منه مدري لا..وهمين هسة شافني بلا حجاب يبووو كلبي يريد يطلع من مكانه ويروح وياه...
بودي كل شوي يطلع بوجهي..واشوفه..ويهز طوله كبالي..واتمعن بوجهه عدل ماكدرت اباوعله متت خجل مو من الحب بس ماكدر اباوع بوجه رجال استحي...
(يهز طوله بلهجتنا يعني طريقة مشيته 😅 مو تتخيلون يهز ويركص 😂😂😂)
على طول العيد ميلاد والحفلة ماحسيت بيها..تفكيري بأبو سيف..شيصير لو هسة حاظر العيد ميلاد..ويطك صور ويه سيوفي..واصورهم سويه...
هاي شنو منين اجت هالفكرة..عزززااا نحرفت بالتفكير...
اي عادي قابل شنو مفكرة هنه صور..وتفكير محد يسمعه...
باوعت لبيسان..اويلي لو ينسمعن الافكار..همزين ربي رحمنه بهاي محد يكدر يسمع التفكير مالنه جان فضايح عززاااا...
بيسان:جبار شبيج
سجى:جبار انتي عابت..مابيه شي
بيسان:احم احم..ماشفتي الحب
باوعتلها واريد ابجي:بلي..شفته
بيسان:ايييي وشكو هالنظرة..شبيج تردين تبجين
سجى:بيسو شافني بلا حجاب..بس بدون قصد..انقهرت..تعبت من هالمشاعر من طرف واحد..ضجت اريد حل..لو انساه احسن شنو مستفادة من حب مابي أمل..وغير موكفة نصيبي بسبب الي بكلبي
بيسان:مستعجلة عالريل اي كولي هيج..لج بابا جم مرة كتلج فكري بنفسج..لا تفكرين بشي غيرها..وهو هسة تلكي متعقد بسبب مرته ماتشوفين مازوج..صدك سجى انسي..كافي تفكرين برجال مختلف عنج
سجى:هوو لو بيدي..والله انسه..اعرف مالي أمل بي..اريد انسه..والله اريد..سكتت شوي..بس والله مايهون عليه انسه
بيسان:يطبج هريشي ظلي بمرضج
سجى:مرض اليطبج..شسوي لعد قابل بيديانسه
بيسان:اخطبي اليوم بعد الحفلة كلي لخالة ام ذو الفقار..خالة اني عاشكه ابنج اخطبيني اله يرحم امواتج
سجى:اي والنيشان عليه والحلقة اني اجيبها وفوكاها المهر عشر ملايين..شبييج انتي احجي جد وتحششين..عااااابت
بيسان:اي كمليها وكولي الصخلة جابت..وشبيها هسة احنه بزمن الاختلاف ههههههه روحي خطبي فقيير وفكيني من كركتج بي
سجى:هههههه فقييير منين جايبة هالدلع
بيسان:يالله اندلعه ذوذو بس تعال اخذ سجاوي..تعال ذوذو بس تعال..لاااا اصوم الكم عشر ايام بس تتزوجون..نذر عليه لله..وفتحت زيجها ورفعت راسها للسمه..ياربي فكني من سجى وتصير الغرفة كلها الي والكنتور مالتها
سجى:ههههههه طاعوون ومرض..تحشش..صفكي صفكي راح يخلص المولود واحنه نكرك
بيسان:كومي هزي طولج وزعي بيبسي وانطيهم ماي جاي شربت..بلكي ام ذو الفقار تخطبج لأبنها الصاك
سجى:هههههههه وبعدها لو صرت جنتهم اخطبج لعقيل
بيسان:هههههههههههههههههههه والله انضحك احنه وحدة خذت الابن الجبير والثانية الزغير..ليكول عمرنه 40 ومعنسات
سجى:ههههههه شسوي اتخيل هم ممنوع عليه..مايصير يعني
بيسان:لا اختي منو كال مايصير لا ابد من حقج..حلمي وتخيلي مثل ماتردين..وتاليها تسمعين صوت هورنات عرسه..عود ركصي من يم الشباك خوش
٣.ضربت ضهرها وراسهاوكتلها انلصمي كافي..مو بيدي انسه..هو كلبي بكيفه اختار وبكيفه يطلعه منه...ظلت تهز ايدها..وادردم بينها وبين نفسها..وتندعي بيدها..
باوعتلنه وحدة..كالت انتو منو..كتلها احنه جيران الخالة ام ذو الفقار..كالت اها..وهالبنية الحلوة مزوجة..واشرت على بيسان...
بيسان حجت مصري بالشقه:لاااءه يخالة..عندك عريس ليه دنا اصلي عنست الي فعمري صارو جدات يخراششيي دنا عنست
المرة:ههههههه فدوة ودمها خفيف..حلوة تخبلين..اذا نجيج خطابة اهلج ينطوج..اني حماية سلوى..الي هي ام ذو الفقار
بيسان تتعصب من واحد يخطبها ومايباوع عليه:لا خالة اعذرينه اني ادرس وماريد اتزوج هسة...
المرة كالت يمه براحتج حقج مستقبلج هذا..شوي وكمنه رحنه للمطبخ..رحت اشرب ماي وبيسان اجت وراي...
بيسان:سجى لا تنقهرين هاي المرة حوله ماتشوف عدل..واختارتني من رداها
سجى:وشنو هالحجي واذا اختارتج ولج..مازعل صدك تحجين..وشوفي جهرتي هم حقها ياهي تفكر تخطب لأبنها وحدة مثل جهرتي
بيسان:لا تظلين تاكلين تبن وخ.....تخبلين شحلاتج..شوفي العيون..وترمس بعيونها سريع..شوفي الشفايف..هو بس بوسة يرتوي بعد يقفل ومايشوف نسوان الدنيا كلها
سجى:هههههههه عابت شجاب البوسة سخيفة..تخليني فارسي واحلامي البيضة وبوسته
بيسان:ياااااع ماتستحين بابا اثكلي عيب..شنو بوس ماتستحين..بنات اخر وكت مايخيلن..صرت احجي امارتي هنوب
سجى:هههههههه اي ما اخييل انه.. وثول منو جاب سيرة البوس غيرج...ومرض..ركعتها بالماعون اليمي...ظلت تفرك راسها...
وتكول الله ياخذج لحظن الي ابالي ويشبعج بوس ياربي..حتى بيني وبين نفسي خجلت هاي عدها عادي تكولها بس اني لان احبه استحي..وماتخيل ابد استحي...
(اخييل..يعني اخجل ههههه)
راسيل....
طلعت من الجامعة..واتجهت للبيت..عبرت على ورشة امجد..وشفته بيها دايشتغل..ابتسمت..رحت سلمت عليه...
رحب بي بأبتسامة..هو وسيم يخبل..هذا ابن بلدي عندي اجمل شاب بالدنيا كلها..هو واخلاقه وطيبة كلبه..عيون عسلية وساع ولحية عنده...
عمره هو 26 سنة..ويشتغل بالورشة صارله سنتين..وصاحب شغله امريكي..مستر مايكل..كلما يشوفني يرحب بيه...
كلش انسان طيب..ويساعد امجد دوم يحجيلي عن مواقفة وياه..وانو هو شافه ماهر بتفصيل السيارات خلاه يشتغل عنده...
(الحوارات بالفصحة انكليزية)
مستر مايكل اجه:اوووه من هنا اليوم..حبيبة عزيزي امجد
ابتسمتله:اهلاً مستر مايكل..كيف حالك..ارجو ان تكون بخير
مستر مايكل:جيد..بخير..كيف حالك..اجلسي صغيرتي
راسيل:لا لا سأتوجه للمنزل..لأني جائعة جداً..انتظر ان اتناول طعام والدتي اللذيذ
امجد:هههه الف عافية..اسف هواي انشغلت مارديت واتصلت مساعه..كلت اكيد عندج محاظرات
راسيل:اوك مو مشكلة ماتصدك شصارلي اليوم..الليلة احجيلك..يالله اشوفك على خير..طلعت من الورشة..واني اسويله باي بأيدي...
شفت هذا المتنمر..كبالي وكف بسيارته..باوعلي من فوك ليجوى..ورفع راسه بثقة..وابتسم ابتسامة جانبية...
مصطفى:اهلاً..انتي العراقية الي ويانه بالجامعة
تجاهلت كلامه..عفته ومشيت..ماهتميت لكلامه..بس عرفته عراقي..ماعرف شصارلي ظليت التفت اله..اشوفه...
اي عراقي هذا ثاني عراقي اعرفه..بس ليش هيج تصرفاته ويه الأجانب..ابد ماحبيت شلة مالته الي صاير بصفهم...
بريانكا كالتلي انو هو رئيسهم..والأكثر شهرة..شكلها ماتعرف هو عراقي..بس يعرفون هو عربي ومسلم...
وصلت للبيت..واني اسولفلهم عن الصار اليوم وعرفت اكو عراقين ويانه..وامي وابوي يضحكون عليه شلون متحمسة واحجي الصار...
ابوي واخوي حذروني منهم وماختلط بيهم..كتلهم لا ابد ما اختلط بالشباب تعرفوني اخاف من الأجانب...
كعدت يوم ثاني متحمسة لدوامي بالجامعة..حسيت نفسي شجاعة..واجهت الي متشيخين بين الطلاب ويتنمرون على الشخص ضعيف الشخصية...
بدلت وسويت شعري..مكياج ماحط ما احبه..اصلاً لو حطيت شي بسيط دوم..حتى شعر وجهي ماشيله بس حواجبي...
مو اكول حيل حلوة اني بس شكلي مقبول بالنسبة ماعرف اقيم نفسي..بس عيوني وساع ورموشي طوال بس خفاف مو كلش ثخان...
اخذت جنتطتي. ورحت اكل بنهم..جوعانة..وهمين اترس معدتي حتى استغني عن الغداء ساعات..يعني للعصر...
٤.طلعت بعد مابوست ماما..شكلها مو بخير..امي من تمرض كل احنه نضوج..قبل فترة صابتها جلطة دماغية..وكل احنه عشنه برعب...
بسبب ارتفاع شديد بضغطها والسكري لأن هي مريضة سكري..ودوم عدها التهاب بصدرها بسبب هالشي والحمام ماتكدر تسيطر على نفسها بالدرار....هواي نخاف عليها....
مشيت للورشة..وهذا الشاب نفسه صار بوجهي..اعتقد امس جايب سيارته للورشة..دخلت سلمت على امجد وصبحت عليه..ودعته وطلعت...
ونظرات هذا الشاب موتتني..ماعجبتني..شوي وعبر بسيارته..وكف بصفي..كال ياحلوة تحتاجين توصيله..تجاهلته...
كال ليش التجاهل بت ولايتي..اني همين اصلي من بغداد..التفتت عليه..هذا منين عرف اصلي..عقدت حواجبي وخزرته...
مشيت بطريقي..وعفته..عبر عليه مشه سريع بسيارته..يمكن احتفظ بكرامته لأن تجاهلته..وصلت للمدرسة...
قبل لا ادخل الصف..صار كبالي..ولازم زي رسمي..وحاط سترته بيده..وعلى اجتافه..كال اجاجيج...
راسيل:شمو تريد من الصبح ملاحكني
مصطفى:هههههه اخيراً سمعت صوتج..ترا مالحكتج..جنت رايح اخذ سيارتي من الورشة..واعرف صاحبها صديق ابوي..سعيد عرفت اكو بنية من بلدي بهالجامعة..اذا احتاجيتي مساعدة
راسيل كاطعته:شدخلني صديق ابوك واخوك...الله يسعدك..شكراً ما احتاج مساعدتك...ماكملت اجاه الشاب الأشكر..كله مصطفى ماذا تفعل...
مصطفى دار وجهه:لاشيء فقط كنت اعرض مساعدتي..على الجميلة..والتفت اليه بأبتسامة..وسطر اسنانه عبالك مسويهن تجميل...
استغفر الله هاي شبيه..راح هو وصديقه..دخلت للمحاظرات المملة..وبعض الطلاب يسون ورق واحد يشمره عالثاني..
اخر شي وصلت اليه..وبيها رسمة للمدرس وعليه ذانات حمار..نفس مايسون بالأفلام..جنت اظن هاي بس بالأفلام الحركات...ضحكت وشككتها...
الي راسمها الطالب جيسون... او ماداومت عرفته رسام..راسم على اللوح مال الكلاس...طلعت فترة الغداء...
اجتني بريانكا..وكالت هلو بيبي..كتلها اهلاً..كالت انظري من ينظر اليكِ..باوعت للطالب مصطفى..يباوعلي وكأني شخص يعرفه وسنين مشايفة...
درت وجهي عنه..ماريد اباوعله ويظن اباوعله معجبة..شوي وشفته اخذ سترته وتعمد يعبر على طاولتي...والشباب يكلوله مصطفى الى أين...
قبل لا يخلص الدوام شفت بملعب الجامعة..ملتمين على شاب..ووهذول المتنمرين فضحو انو هو سارق مدري شنو...والطلاب مجمعين عليه...
هذا مصطفى هو شهره..سمعت الشاب يردد كلمات عراقية عرفته عراقي هذا همين عراقي ماصدكت..حتى لو هو سارق المفروض مايصير هيج ويه ابن بلده..كلش عصبت...
ودافعت وساعدته..ماخليتهم يتنمرون عليه..تدخلي زاد عن حده بس ماكدرت اشوف ابن بلدي ينهان..مهما يكون استر ومافضحه ومنو يكول صدك هو سارق...
بس تبين انو هو فعلاً سارق..تركت الأمر..وما ادخلت..بس كلش عصبوني هذول المتنمرين شنو احنه بغابة...التصرفات همجية ورجعية...
بآخر الدوام..بعد انتهاءه..طلعت من الجامعة واجاني هذا الشاب العراقي..كلي شكراً لمساعدتج..ماعرف اكو بنية عراقية بالجامعة اسمي كرم...
كتله اهلاً وسهلاً تشرفت كرم..ماعرف الخلاك تمد ايدك بس غلط الي سويته..وماسويت شي..عفته...كال والله اضطريت...
كتله مامجبور تشرحلي..عفته ولحكني يبررلي..كتله ارجوك اتركني..مامضطر تشرحلي..باوعت لهذا المتنمر ابو عيون خضر يحاجي صديقه صاعد سيارته..ويكله سالحق بك....
مشيت ليكدام ماريد اباوعله الغثيث..وصوت عصافير بطني ضوجني..جووعان..انوب عبرت غلى ريحة طبخ..ياللهي...
دا امشي بطريقي..راجعة للبيت والشوارع مليانة بأوراق القيقب الصفراء..لأن هسة وكت الخريف..حسيت بخطوات وراي...
٥.ما التفتت واستمريت بطريقي..دائماً امشي للبيت احب اتنفس الهوا الحلو..ونسمات الخريف....
اصوات بطني احرجتني لأن اني ما آكل بالكلية ابد..اخاف همه يستعملون لحم الخنازير..واحنه المسلمين محرم علينه...
لذلك انتظر رجعتي للبيت..طلعت مبايلي اتصل على امجد..لعله يطلع من الورشة واشوفه..احب اباوعله وهو ببدلت العمل مال تصليح سيارات...
داا اتصل يرن..مارد..عرفت انو هو مشغول..اكيد جوه سيارة ويصلح بيها..هو يشتغل لساعات طويلة بالورشة ومصلح ماهر...
اني طريقي للبيت بجانب الورشة..التفت على صوت شاب..وكأني عرفته هذا الغثيث..المتنمر...
التفتت وخرت شعري حطيته وره ذاني..كاصته حد اكتافي وصابغته كستنائي..باوعتله وكف وابتسم..وكال ياحلوة تحتاجين توصيلة...
ماجاوبت وكفت اباوعله بسكوت..وخر سترته من الجانبين بيده وحط ايديه الثنين على وركه..وابتسم ابتسامة عريضة...
ما ابتسمت ابداً:شكراً انته اخر شخص اطلب مساعدته..ودرت وجهي..داروح امشي..انسحبت من زندي..عطت بي شتريد...
رجع ابتسم ابتسامته البيضة:على كيفج العصبية..داكلج اوصلج مراح آكلج..اتمشه وياج عادي؟؟؟...
المشكلة هو ابن بلدي وهنا غربة وصعب الواحد يتأقلم ويه الأجانب لو بعد مية سنة..من اشوف شخص من بلدي احبه حب موطبيعي واحس بالغربة تختفي...
حب لبلدي العراق مو عشك..وجهه جميل وسيم وابتسامته همين حلوة تخلي الواحد غصب يبتسم..بالرغم متنمر وغثيث...
كتله بهدوء:امشي ما لازمتك..ودرت وجهي..كملت طريقي امشي بهدوء..وهو بصفي مشه وايديه بجيوبه..وكل شوي يدفر برجله حصوة عن الطريق...
مصطفى:اي ياحلوة شنو اسمج انتي
راسيل:راسيل..بس يكلولي حور..لا تكلي حلوة ماعرفك ولا تعرفني حتى تتغزلني..باوعتله بعقدة حواجب...
مصطفى:اهلاً راسيل تشرفت بيج.. اما اني اكيد عرفتي اسمي من الشباب..ولابأس بيج اكيد لقبوج حور لأن حلوة..بنت ولايتي..وابتسم...
راسيل:اي هلا بيك.. وانته لابأس بيك بس لو ما تنمرك على الشاب المسكين..ترا هو ابن بلدك..ولا تكلي حلوة دا تنرفزني
مصطفى:اوك اوك ماكولج حلوة بعد..احم احم ترا هو ضعيف ويخلي الواحد يتنمر عليه
راسيل:انته مبين عليك من الواصلين مثل مايكولون ببلدنه..وعندك سيارة فخمة ليش دتمشي بهالطريق
ابتسم ابتسامة جانبية جان بيها لمحة قصد بشي ماعرف شنو..بس النظرة جانت متركزة بوجهي..
مصطفى:عجبني الشارع حلوو يجنن..حسيت بي ريحة اهلي وناسي بالعراق...وهو يباوعلي..وكفت وهو وكف وصار مقابيلي وايديه بجيوبه وابتسماته الجانبية نفسها....
راسيل:بس تعاملك جان متنمر ويه ابن بلدك حتى ولو هو ضعيف صير سنده مو تتنمر عليه..روح بطريقك..اعرف مو هذا طريقك حي الناس الفقيرة..واكيد قصرك بأنتظارك وسيارتك الفخمة...
تركته ومشيت سريع..رجع لحكني..شكله هذا مراح يتركني اليوم ماعرف شديخطط..او شنو يريد.......
ذو الفقار...
خابرت امي وكتلها ماخلصت حفلتج يمه جني واحد مشرد يفتر بالشوارع..كالت تعالي يمه عندي وياك موضوع...
رجعت للبيت..وامي تلكتني وسيف همين ويسولفلي عن عيد ميلاده..والكيكة ضحكت وشلته..كتله ماخليت لبابا كيكة...
سيف:بابا خليت كيكة جبيلة..وركض للمطبخ..قبل لا ادخل للهول امي لزمتني..وسحبتني لوره البيت...
امي:تراها هنا بالمطبخ بالموت مقنعتها تبقه شوي بحجة تساعدني..تريد تشوفها
تكتفت الها وكتلها بهدوء سويت نفسي ماعرف عن شنو تحجي:منو هي..حجية لا يكون عروسة..بربج ماتعبتي مايأستي من زواجي
امي:ذو الفقار..هاي شبيك يمه..غير اتفقنه اول امس عن سجى بنت جيرانه ابو علي..الي تهتم بأبنك
تظاهرت مافاهم:اي يستر عليها..ونعم الله عليها تهتم لسيف..وان شاء الله اسجله بحظانة واعفيها من مسؤليته
امي تنرفزت:لا تموتني ذو الفقار..نسيت الكتلك اياه..ياربي صبرني...ضحكت عرفتني ناصب عليها..سحبتني من ايدي تكلي تعال شوفها واحجيلي بصراحة اذا ماتعجبك....
كتلها:يمه اتقي الله شنو اشوفها شنو هيج ادخل عالبنية واكبها هلا بويه ممكن اشوفج امي تريد تخطبج اليه..وتاكل بكلبي تريدني اتزوج
امي:ياربي صبرني ما اموت بجلطة من وره ابني..راح يموتني..ادخل سوه نفسه ماتدري هي عدنه....
كاطعتها:يمه شفتها..كالت بفرحة..شوكت..اي شرايك..كتلها بصوت جهوري يمه ماريدها...مو حلوة ماعجبتني...كلت هيج عذر حتى اخلص من امي..............
يتبع
الساعه 12 خلصت قصه ازوله وعسل تخبلللل وربي هسه اجيتج هنااا ++ واللله ماعرف شلون اعبرلج
عن فرحتي اموووووت عليج يعمري وان شاءالله اشوفج بأعلى المراتب 🌹🌹++حبابه كملي القصص بالتعليق والله احسن الج وهم اليوتيوب مرات ميخلينه نشوف حلقات م̷ـــِْن القصه لان اعمار صغار وتخرب القصه.😘😘❤️🌷
احداث القصة جاي تصير تجنن ومشوقة هوايييي
التكملة عفية ولو انتي ممقصرة ابدا ويانا وجاي اتعبين بالتنزيل بس شسوي بدي اخلصها بكعدة وحدة كلش حلوة
عاشت ايدج على هذا الذوق 👌😘😘
::الـمـلـح فـي الـمـاء يـذوب🥀﴾
والصلاة على النبي🖤🖇 تمحي الذنوب🦋
الله يساعد السهران
يكضي الليل متعذب
تارس غرفته دخان
يبجي وحيل متكئب
واحد باله يم العوز
واحد توه جاي يحب
واحد للأهل مشتاك صار سنين متغرب
واحد باله يم انسان حبه وطلع يجذب
واحد ينتظرله فلوس
كاعد بالشهر يحسب
واحد شاعريته تهيج
مشتاك وشعر يكتب
واحد عرسه بعد اسبوع
هوسه وكاعد يرتب
لتصدك بشر سهران اذا مو حيل متعذب
فدوه لكلبج حبيبتي القصه كلش حلوه وهوايه فرحت من وصلني لاشعال ربي يهنيج ويحفضج ويسعدج وين ماكنتي بس كثرينا من قصص الضابط فدوه لج عيوني
تعرفين رجعت من الدوام راسا فتحت الموبايل حتى اكمل القصه .ياربي قصه وهاي الموسيقى روعه..استمري حبي ولتبقينه ننتظر احنه مشوقين ..ياريت اسم الموسيقى حبي
نريد التكمله بتعليق المثبت فدووه❤
شكلها حلوه القصه رح اقراها 😊😊
همزين نزلتي قصه افتر اريد قصه حلوه ماكو قنوات 😅😅😅بس انتي قصص مالتج يخبلن
واااو تجنن الروايه عشقي 😘😘❤️
اوووف شحبج اموت عليج وعلى قصصج يخبلن مثلج وعسل انتي وياهن 🥺💔
والله ضحكت من مالت وكعت بالكاع شنو هاي العشق يتيه
مسائو فدوة كملي القصة بلا زحمه عليج قصصج كلها حلوة
حبيبتي وعمري انتي الله يخليج النه بس اني احب هاي الموسيقى خليهه بكل قصة لين من تخلين غيرهه احس القصة موحلو واني احبج من كل كلبي وراح اخلي كل ناس تقره قصصج الجميلة احبج
القصه حلوه اول متابعه
وربي تجنن
استمري بالتنزيل فدوة
نزلي جزء ثاني
استمري ورده بس فدوه كمليه بلتعليق المثبت
قصص هاي القناة اله بشده كلهن يملخن واقراهن اول مينزل وكلهن مخلصتهن عله ايدي هههههه
ممكن تكتبي الروايات بلغه عربية فصحه او لغه تكون كل العرب يفهموها علشان لما بقرأ الروايات مس بفهم الكلام 💜
@نونة نونة محدش طلب رأيك 😒😒
عاشت ايدج حبيبتي والله اني حطيت لايك كبل حتةماقرةلن ادري قصصج كلهةحلووووووة
😘🥰❤️❤️❤️
@@roqaia333 🥰🥰🥰😘
قصه انتقام الضابط فهد تجنن تابعوها كلش حلوه
إبدأ بثبات وإرادة لتصنع بصمتك لا صعب يضعه الله يفوق طاقتك لا مستحيل أمام طموحك مهما كانت الصعوبات الله معينك تفاءل ولا تسمح للإحباط أن يتحكم بتفكيرك ما خلقت لتعجز أمام منهجك وكتابك لن يضيع عند الله تعبك وجهدك وسهرك في سبيل علمك ربي يوفقك ويسعدك ويفرح قلبك حبيبتي الغالية
رواياتج إدمان 🤤🤤🤤🤤
شنهي الحلاه لبيك تسطر يمدهور🤭💗
من كل كتر بعضاك يتشاطر النور عسولتي 😘
شـلـون مـا بـاوع اشـوفـك عافـيـه ✨♥️.
ماكو تنمر بالجامعات اخر مراحل التنمر تنتهي بعمر ال 16 سنه والي هيه مرحلة الثانوية اما الجامعه فلا الكل يحترم الكل وشحده اليتجاوز ينفصل واصلا يسموه غريب الأطوار ويصير منبوذ
يفديتج اني 🥺🦋كمللي حبابة اموت عليج 🥰😘😘😘💙🦋
تكمله شوكت انطيني قلب
كل الحب وتقدير الج لان امتعبينج احنه ❤
فدوه كملي ليش هيج ولله القصه جنن لاتتاخرين
فدووووةةالتكملةةة🔥🔥🔥🔥🔥
استمري حبيبتي 🌹🌹 كولش حلوة القصه
صلوا على النبي صلى الله عليه وسلم استغفر الله العظيم واتوب اليه 📿📿📿📿📿
عفيه كمليها منتظريج 💞🙏
صلوا على النبي صلى الله عليه وسلم استغفر الله العظيم واتوب اليه 📿📿📿📿
التكملة قصه فدوه يا عمري انتي يا عسل يا ورد ربي يحفضج 😘😘😘😘💯💯👍👍👍👍👍👍💯💯💯💯💯💯💯😘😘😘❤❤❤❤❤❤❤❤❤❤💯💯👍👍💯👍💯❤💗🇮🇶🇮🇶🇮🇶💗❤💯💯👍👍💯❤💗🇮🇶🇮🇶
حلوه قصه 😙😙
ياروحي انتي عسولتي انشالله ضرف خير
لااالقصه جنن كمليه حياتي💗لااتحذفيه حبابه
واني محضوره من تعليقات اكتب تعليق واحد يادوب يصل لج لهيج داتابع لحداث لقصه بس مكدر اعلق حبي
فديتج حياتي
المهم انتي بخير 😍❤️❤️
كملي عفية👍🍨
خل اهلهل. حَــي٘آتٰــيـَﮧ ،😻❤️ֆ مكابله اليوتيوب وكاعده انتضرج واخيرا نزلتي 🤗استمري ياحلا قناة تنشر قصص
فدوه نزلي التكمله فدوه لقلبك الحنون الطيب ياروعه ههههههه
يمته التكمله فدوه ☹️🖤
القصه حلوه حيل بس المشكله مدينفتح قرائة المزيد وحتى من غيرة اللغه شلون بله كتلني الفضول شسوي
المشكلة ماعندي وقت اسوي فيديوات 😢
من اسويلج قلب دخلي عالتعليقات من الاشعار مو من الفيديو الرئيسي وجربي بلكي يفتح لان اكو بنات مجربيها هيج تفتح
بالتوفيق حبيبتي
كلميه يا مبدعه ♥️⚘
شنو اسم القصه على الواتباد رجاء جاوبي🌹
عاشت ايدج ❤
اتَمنئ يوماً خالياً منْ كُل شئ عدا نفسيْ . . !
احلى تحيه واجمل سلام لعيونك حبيبتي شكرا لك على القصة ياريت الحياة مثل القصص الجميلة 🥰🙏🤲🤍💞
تحياتي من القلب وشكرا على كلامج الجميل 🌺🦋❤️❤️
تكمله بليز فدوه لعمرج حبابه فدوه
عاشت ايدج حبي استمري كلش احبيت قصه ❤️
كملي القصه عفيه
قصه روووعه
نريد التكملة بالتعليق المثبت
حبي نزلي تكمله القصه تموت 🕊⚘
احلا شي الوكعه مال سجاوي 😅😅
راقيه انتي بقصصك..روعن
حبيبتي وين التكملة..اوف اكره الانتظار
مز قصه ضيم ربي يحفضج 🌹♥️
كملي بليززززز
شنو اسم القصه بالوتباد
كملي القصه حلوه بس اكو خربطه بلكتابه واعاده
مو اعادة حبيبتي بالبداية مشهد من القصة بعدين القصة تمشي بالتسلسل وينعاد المشهد بوقته الاصلي
فدوه تكمله
اوففف ياا كملي ليش بس خمسه 😭💔
فدوه اريد اسم الاغنيه الله عليكم
كمليي
التكملة بالتعليق المثبت حبيبتي
حلووو ❤😍
نزلي بعد جزاء
فدوه نزلي التكمله🥺
ليت القدر يوما ينصفنا ولو القليل اه من متاعب الدنيا واحزانها منوره أم رقيه
هاي وين تكملتها عفية القصة
بالتعليق المثبت حبيبتي
بليز اسمهه بالواتباد
فدوه فدوه سويها بل تعليق المثبت مو فيديوهات
كملي عفية كلش حلوة القصة عاشت ايدج👏👏💛
التكمله،ياريت
ستمرري شوكت تنزلين تكملة
التكملة🔥🔥🔥🔥🔥
وين التكملة 🤔☹️
استمري بليز
اين التكمله
آسـتمـري وردهہ ❤🌚
التكمله اليمته 😩🦋
اكلج حب ممكن اسم الغنيه ولله حلوو🥺🖇💞
سيني سيفيورم ارتك 💕
@@roqaia333 شكرا حياتي 💞🙈
استمري
وين تكمله فدوه
بليز ما عم يفتحه كل البارتات
غيري لغة الهاتف من الضبط وحيفتح عندج التعليق.... او جربي من غير موبايل ❤️
@@roqaia333 شكرا حبيبتي بظن مشي الحال
شوكت التكمله
ليش متكرره هواي
اليش ماكو تكمله
اكو خلل بالتعليقات
احتمال لليل ويظهرن ❤️
👏👏👏🌹🌹🌹🌹
🥰🥰🥰
وين تكمله ليث وياقوت 😢
تكملتها بالتعليق المثبت
البارت الثاني💔🥺
❤️❤️
هاي شنو ليش الكلمات تتكرراذا امكن انتبه ع تكرار الكلمات لان القصه تصير ممله
مو تكرار بس بداية الفيديو هو مشهد من القصة بعدين السرد الاصلي....
لان المشهد يخلي المتابع يفتهم جزء من القصة من البداية
أين بقية قصة ياقوت وليث
التكملة بالتعليق المثبت
ترا الكلام نصفه اعاده🙄
تم العودة
ع المتابعه
تدري شوكت انساك وامسح الصورة
من تسمع العباس محد يزورة🥰👑💟👑💟
🌺🌺🌺🌺
😄😄😄😄
😭😭😭😭😭😭😭😭😭😭😭
سؤال / هالقصه حقيقيه لو وحي الخيال
حقيقية
@@roqaia333 شكرا عمري ان شاء الله اشترك بقناتج