شيلة اللكزس 🔥⚡️ عز الروقي ، روضوا روس المطانيخ لين الجو رقاق || كلمات مرهب البقمي اداء خالد ال بريك

-| الكلمات:
ليت لي صدرٍ عن الهم ضد الاختراق
والضلوع تحول بين الطواري والصميم
كان ما امسى الشوق ياكل من اطراف العماق
مثل يوم النار تاكل من اطراف الهشيم
الوفا اللي تصبح نهايته جمرة فراق
يجبر المهموم من وادي لوادي يهيم
الهيام اللي مسوي مع الليل اتفاق
ان ضوى ما يضوي الا مع الليل البهيم
منه ما يعتق رقبتي ليا شد الخناق
غير وتر الثلث الاخر وترتيل الشريم
تنتهي عنده همومي ويبدا الانطلاق
من بشاير رحمة الله يعقب العج غيم
راكب اللي كنه يسوق عمره ما يساق
كنه موصى ليا شاف خطٍ مستقيم
لكزسٍ مثل الطخافه قدم نوٍّ حقاق
ما ملكته شركة اوبر ولا شركة كريم
قيمته عند اغلب الناس حملٍ ما يطاق
ما تهون الا على الراجحي والا العثيم
ايغسل وجهه على بديه اللي دوب فاق
كن موكيته مصنّع من جناح الظليم
صنعة اللي عنده المنكر احلى ما يذاق
ماشرب من بير زمزم ولا مر الحطيم
تلّه اً للي كنّه مشارك برالي سباق
عذره ان الله هو الحافظ وللعمر تيم
يدفعه لمعانق المجد حشمه واشتياق
خل عنك اللي ما يشتاق غير لعنق ريم
شاعرٍ ما يستصيغ المجامل والنفاق
ولا هو بيّاع ذمه ولا أفاك اثيم
يدري ان الحق ما ينتغطا بالرواق
واحدٍ يسكت عن الحق شيطانٍ رجيم
ومدحة ضعوف الروابع كما السلك الدقاق
اوله نزعة بركته ، وتاليته جحيم
تستحي لاتشبّه اللاش بالفكر المعاق
المعاق يعد في حدود معرفته سليم
الزعامه بنت شيخٍ ما يغريها الصداق
مهرها بيتٍ مشيّد وعزٍ مستديم
مثل عز الروقي اللي عليه بالطلاق
اتعب عيال الرياجيل وعيال الحريم
واقفٍ لاصعب مهمه على ركبه وساق
وفقةٍ يحقر بها وقفة السور العظيم
شيخٍ الفنجال الاول على مثله يساق
واجب ابو سعود ماله خشير ولا خصيم
لو اسم عبدالله يضاف للسبع الطباق
صارت فعوله مصابيح في وجه العتيم
اسعديٍ من كثر ما اسمه يعم الافاق
تطمع انه فوق سطح القمر دايم مقيم
هيبته في ساعة الضيق والخطّر ضياق
ياخذ بها الحق مدبول من عين الغريم
وفزعته للي من الهم في كبده حراق
الطف من المسحه اللي على راس اليتيم
ماهي ببدعه جديده ولا هي باختلاق
ورث ابوه وروق ربعه من العهد القديم
يردمون الحشو والحيل فأم اربع اعلاق
ويلطمون وجيه الاعدا بمخلاب العديم
يوم فصفوف القبايل تنافر وانشقاق
من تعن الخيل صوبه ، تعد امه عقيم
روضوا روس المطانيخ لين الجو رقاق
وفاحت ورود الرياحين في روضة خريم
لايك ل لفيديو + إشترك معنا
subscribe + Like
فعل الجرس 🔔
ليصلك كل جديد ✔️
للتواصل والاستفسارات :
الحسابات الرسمية لقناة خالد الاحمري ‏:
‏official WhatsApp:
‏iwtsp.com/966509206359
‏official Snapchat:
‏ / khalid_m57
#لايك
جميع الحقوق محفوظة © على قناة ( خالد الاحمري )

[@user-wk7hx1hq3j]

ابدعت يبو فيصل والله يبيض وجهك ع القصيد الجزل وابداع المنشد خالد ال بريك. صح صوتك 🤍🤍

[@aaa-gl7qd]

مثل عز الروقي الي عليّ بالطلاق
اتعب عيال الرياجيل وعيال الحريم
والله والنعمم❤️

[@user-kb2fj5pl8o]

معلاك زود

[@user-dk6js8gf1s]

اسعدي من كثر مااسمه تعلى الافاق 🤩🔥🔥

[@user-pj1fh9bg5s]

هيبة اللكزس فارقه عن كل المواتر

[@user-tw5fy8yz9p]

مرهب الشععارر 🤩
ويستاهلون عتابه

[@user-vl5nq7sk3k]

ابدداااع

[@user-il5nb4ri1d]

مثل عز الروقي 💃🏻💃🏻💃🏻💃🏻حي يالابتي وحي صوتك

[@user-un7hk8vn2m]

والنععم يالاد روق والله لايهين ابو فيصل 🔥😴

[@rahafalotaibi.8802]

مثل عز الروقيّ اللي علي بالطلاق اتعب عيال الرياجيل وعيال الحريم 🤍

[@Fm-ot1kf]

ابداااااعععععع 🔥⚡️

[@ad-k-a]

الله يرزقنا مثله 😉

[@ht5ii]

03:13 مثل عز الروقي 🫡♥️ .

[@mohand465]

ابداااااااااااااااع

[@user-jv4kn3fk4e]

حييي المنشد دوسري والشاعر بقمممي حيييي هالصوووووووووتتت

[@Njdi]

والمقصود عتيبي :)

[@user-kg2mk7ck9h]

@@Njdi 😂🔥

[@Saad_911]

ونعم ياعتابه/ وعزالله ابدعت يامرهب اشهدنك انك فالنظم كارثه🔥🔥♥️

[@user-jf1gu1oj3c]

معلاك زود يولد اللبقوم🔥🔥🔥🔥🔥🔥❤️❤️🔥

[@QatarMtr-qw6ps]

الإبداع

[@NA1HL]

مبدع

[@igccvv2863]

م شاءالله ع الصوت... بنت الروقي ❤️

[@user-wk7lf8gq7l]

حلال من شخلتس بس خلي اللكزس انتي الرنج وغيرك فلا امسي بس

[@user-dk6js8gf1s]

@@user-wk7lf8gq7l انت فحل يولد

[@511iz4]

عز و روقي واسعدي كنه انا 😭😂 صح لسان الشاعر

[@m17b67]

دمار شامللللل

[@-yazeed]

ابدعت ي مبدع ✨

[@user-eq6cw1ik3t]

ابدععت

[@faadsaali5400]

بري حالي على لكزس 😴😪💔

[@saad.3]

يا تي بها الله ان الله على كل شي قدير

[@ledaryt8473]

عز الروقي😮

[@Mhhdd454]

ابدعت🔥🔥🔥👌🏻🖤.

[@user-mj8ex5zg3h]

عز ياربعي روق والله ونعم لين يفنى ✌️

[@yshzjsjjss4062]

انشالله بإذن الله تعالى بخذه

[@always7177]

كفو

[@f_lhnyf]

ابداع

[@-ibnsaif2947]

مبدع