محمد ابن الذيب - المونديال الحقيقي

يا الباسقة رفّهي عنّي وغنّي لي
مبطي من التوت والرمّان و عنبّه
بعطيش فنجال واحد من فناجيلي
و انتي من البن الاشقر زيدي الصبّة
امليه ثم ركّدي دلّتش واملي لي
قلبٍ من الشوق لجل يتوق واربّه
لا تاق اشنّف مسامعك بتماثيلي
اللي عليها شفوف الناس منكبّة
ماهو عن الحب غير الحب يوحي لي
عن سر حدب الضلوع اللي تقلّب به
ما العن من العبرة اللي في مواويلي
مع مهبٍّ جفاه الشوق ما هبّه
الا تولّاجتك يا الهاجس الليلي
اللي ما تاتي وعاد النار مشتبه
ماتاتي الا ليا بردت معاميلي
والجمر تحت الرماده طايعٍ ربه
لا طاح دمعي تحامي يا مناديلي
من دونه ، الدمع ماينزل بلا سبه
تأمُّلي في الحياة و كثر تخييلي
خلاني افرق في قشر الوعي من لبّه
واعرف وش اللي علي واعرف وش اللي لي
اما عن الجرح فالدكتور له طبه
لابو علي علّها تاصل مراسيلي
رفيقي اللي لو ازعل منه واسبه
ثم شربكت دورة الدنيا محابيلي
لكزسه عند المجالس يلمع اصطبه
الطيّب اللي مداهيله مداهيلي
ما ينقضي نبِّي الا لا انقضى نبّه
يابو علي والله انه مابرد حيلي
من فوق هقوتك واللي يعذلك طُبّه
ما يبلش الضايق اللي حوله وعيلي
هذا مثل شاعرٍ لا قيل يضرب به
وحديث من راقبوا هاتفك وايميلي
حديث متقاعدينٍ من على صبّة
باب المشاريه مفتوحٍ على جيلي
لكن عن جيلهم مقفول بالضبة
وسواق باص الحكومة ماهو قبيلي
واثره على كل ماسويت متنبّه
راسي معه في الغماره لكن رجيلي
الله يكرم لحالكم داخل الدبّه
ياموطني لك تحياتي وتبجيلي
يقدّرك من يعرف العود ويشبّه
يابعدني عنك بالكيلو وبالميلي
وانته عليك اكثر الانظار منصبّه
ولضايع الدبرة اللي قاهرٍ سيلي
عنّه على شان عهدٍ ما ابغي اجبّه
المونديال الحقيقي حسب تحليلي
تردّ حقي علي وتحرر القبة
واختار منهو يمثلي وتمثيلي
مهوب للي يدنّق جعله الهبة
اما ترز الكديش وتنحر الخيلي
وتبرقع البوم وتحطّه على الشبة
ويلك من الله ومنّك ماهو بويلي
حطيت راسك براس اللي فلق حبه
زبدة علومي ولا لك في تفاصيلي
المدح في غير ماجوبه ترى سبّة
وانا عزومي ولو قلت مداخيلي
والله ماتشبه عزايم ولد طرطبّة
ياكبر حظك يانيمار البرازيلي
نخيلنا سلّتك تملى من رطبّه
وتقول للعير من زاد البلد كيلي
وتمسح على لحية الريّس وتلعب به
وتبيع من ذا الفنايل والسراويلي
وتمشّي امرك على لباسة الجبة
رزق المقاريد في كفوف المهابيلي
عطني خشيمك يا ابن هزاع باحبه
يارب هديك لمن يسعى لتضليلي
ولا تخلي لساني لغضبك سبّة
انا لو اغزي حرم مكة على فيلي
ضربني اقرب بني عمي بمرزبة
تريّحي في السما ياطير ابابيلي
البحر موجه زبد والسر في الغبة ..
-محمد بن الذيب
-----
-
-
-
-
-
-
-
-
-
شعر قصيد مونديال كاس العالم قطر ابن الذيب العجمي العجمان يام همدان قحطان عتيبة السعودية محمد بن سلمان المملكة العربية السعودية شعر شعراء نبطي قصيدة غزل تصميم تصاميم شيلات شيلة تصميم شاشة سوداء

[@s77e]

t.me/ops911

[@user-fm8tn1uv7m]

شاعر يغرف من بحر والله انه شاعر وسيع المعرفه في الشعر وصعب مجاراته وفوق هذا كله شجاع لايهاب حد الذيب اسم على مسما

[@waelaljaramani1712]

عشت يا ابن الذيب
اتمنى لو التقي بك
شاعر المرجلة الحر الاصيل

[@user-zx4st6dd2k]

عزالله انه ذيب ابن الذيب

[@assafassaf4323]

الله يحفظك ويعافيك ويجلي همك ي ابو راشد

[@user-ut5gq5to4v]

شاعر بمعنى الكلمه

[@user-pm1vs6ig1p]

شاعر يغرف من غبه
لله درك يابو راشد

[@user-ki1nu5qz5e]

صح لسانك بابن الذيب

[@mudhiardi8185]

الله عليك يا بو حمدان

[@mstheel_1981]

تسلم يالذيب والله انك شاعر ومظلوم

[@Alqaaa]

هو الي ظلم نفسه كل فتره يشطح علئ حاكم دولته

[@user-te6uv9nd8m]

@@Alqaaa تكذب حاكم دولته صنف القبايل اللي يخاف منها على أنها درجه ثانيه في الدستور حتى ما تنافسه في الحكم ستحاسب على ظلمك و كذبك و قلبك للحقيقة العمر محدود .

[@mstheel_1981]

@@Alqaaa انت ماتدري عن شي

[@saudalajmi2887]

♥️

[@merinaMohammadAli]

⭐

[@yonkokaza8049]

مجرم

[@abokhalid7847]

السلام عليكم
فية احد يقدر يجيب لي رقم أبو خالد أبية فية موضوع؟ والله يجزي صاحب الخير

[@user-lq8qr1tk8r]

بداية البيوت فيلم اباحي