ฝัง
- เผยแพร่เมื่อ 1 ก.ย. 2022
- #MM #700萬種生活 // 香港木工 90後上班族裸辭學入榫 整$2,600一張紅A款木櫈 80後擲百萬開鎅木廠 回收政府廢木 鎅開一地白蟻
近年，香港多了很多木工興趣班。拍拖的去，打卡的去，拍綜藝節目的都去。
說起來，香港木工工藝似乎都挺受歡迎嘛。
但講開又講，日本傢俬，北歐傢俬，你一定認得它們的大概特徵，但是香港傢俬有何特徵？
Hashtag「香港木工」或者「香港傢俬」，到底是怎樣的呢？
6年前，90後Ken（一木）本來都是興趣班的一員，不過學了一會就沉船，認真到每儲夠短期班的學費就裸辭，飛到台灣及大陸，學幾個月全日制木工。千金散盡，回香港打工儲錢，又倒晒落去。全職做木匠日子，月入不過萬： 「覺得沒面子的，廿幾歲人只得幾千元積蓄。女朋友學歷人工都比我高，但她不介意，那我還要介意甚麼。」
他特別鍾情入榫，明式的日式的，統統都想看。看住三尖八角的榫交叉拼合，然後怎丟怎揈都丟不散，好治癒啊！明式入榫是深奧精緻的；日式入榫較易做，但較著重外觀，千姿百態賞心悅目。他給我們看日本飛驒木藝的「方格子」入榫，木條縱橫砌出千鳥格圖案，日本人用來砌人咁高的大窗。他自學弄了個A4 Size的茶盤，又弄了個「迷你版」給我們試砌，真心「唔知佢點諗出嚟。」最近作品是以紅A膠矮櫈做原型的木櫈子，無論是L形的圓腳，及櫈腳的「膠塞」都跟足。售價$2,600，滿足自己的回憶，同時挑戰「用木製作塑膠製品」。但係正版紅A膠矮櫈賣緊四十幾蚊，你嗰張，誰買？「賣得出我當然開心，但賣不出我都不會傷心的。我都想保留一些尊嚴，讓大家覺得我能做一張漂亮的櫈。」精練入榫也不代表找到或創造何謂港式風格，但是隨心意做到最好，總有出路。
木工之於台灣，有像奧林匹克運動會一樣的世界技能大賽，有國際標準的訓練賽程，訓練選手出國比賽。他摸摸身邊的木工桌： 「這些木工桌都是學校拆木工課室的時候，免費拿回來的。根本沒有支持，如何得第一。」現在的木工教室，可能都被Steam課程取代了。更多元化，但蜻蜓點水。Ken都教過其他短期興趣課程，當學生對木工有興趣時，主辦單位多數話： 「唔好意思呀，我哋個課程完咗喇。」未必是沒人要學，是香港根本沒有更高階的課程，甚至師傅來教班。過去六七十年代，香港明明是個木工師傅輩出的年代，卻沒說得出香港木工的風格特色。再經過工業北移的日子，現在要找個老師傅都難上加難： 「有錢可買到很多東西，卻買不了專才啊。」
當大家都重視木工，或視之為本土一個木藝時，木工才是木工，而非限於「最後的xx」，或者用來打卡，只是來自香港的「香港木工」。「 Hashtag過一陣子就會消失，但你讓它成為一個文化，它就不會消失。大家重視的時候，香港木工，就是香港木工。」
Ken努力鑽研自己的技術，一邊找尋「香港傢俬 」的真諦。
80後來自藝術系的Roy，2019年開了木工房重光造作，買了一部直徑800厘米鎅木機，回收香港廢木，做一些「在香港做的Project 」。例如之前的T·PARK，皇后山邨公園裡的長椅，或近期古宮博物館裡的一些擺設。去年，他在粉嶺山旮旯多租了一個3,000呎的工房，收起了社區塌木或因發展而鋸下的樹，多少是個香港常見木的博物館。「最喜歡白蘭樹，有白蘭的香氣。最多是台灣相思。因為台灣相思壽命約50年，種在斜坡防山泥傾瀉，現在差不多到期就被砍掉。這個像踩屎般臭。總之臭。香港的香樟樹顏色特別深，樟腦味很強烈，切起來像切開一罐曼秀雷敦，刺眼。 」雖然不時幫忙政府部門收樹，然負責樹送的人，對木認識不多，試過幾次儲存不當，所有木都長滿了白蟻同蟑螂，嚇到佢黐線，揼了個膠棺材封印，加幾個滅蟲蛋剿滅之，但殺死了蟑螂四腳蛇，殺不了白蟻，宇宙最強。這樣的事情發生了幾次，他們出錢租車把木運回來，木卻不能用，要是白蟻在木廠其他木上生根，「我就收得皮 。」他說：「香港解決問題的方法，就是把問題推給下一家。所以我們總是窮，因為錢都用來解決問題了。」瘋癲事常有，歷經兩年，今年又加租，想過不做，但千思萬想，又死死氣交租：「收樹，很大程度讓我覺得我仍存在。當香港沒這些人在的話，很多事情，都順理成章的不會在香港發生。」香港被譽為綠化城市，但這些木，只能送往堆填。「我覺得，總需要有一些第一產業，所有人都做服務性行業，不行的。」
上月，有70年歷史的志記鎅木廠延至9月13日結業，市民來上木工班和打卡，Roy就來找他交給權叔的回收木。這裡有全港最大、直徑1米的大鎅木機，Roy：「若果志記消失了， 我的鎅木廠已經算是有最大把木鋸的地方，連我都切開不到的話，那剩下來的很大棵的樹，就閒置著無用了。」Ken：「200毫米（的差距）有你的頭那麼大，對木而言是很多年的時間。 Roy不想浪費任何木，越老越闊的木頭越珍貴，反而處理不了要丟，根本本末倒置。」鎅木廠的妹姐見我們一直懷疑Roy的木廠「能做多久」，很緊張：「你不堅持下去會失信心的。每樣挫折都要自己撐下去，不要讓那邊的人來接棒。你懂的。」雙手往窗外的廢墟，與嘭嘭聲趕工的推土機指去，「在香港出生的，要在香港發展的香港人，一定要支持香港人。」
過去通往後巷的木門，現在連門都掉了，看著那超開揚落日，Roy：「工廈的情況都是一樣的
，你拆一棟樓，其實你不會再建工廈。」Ken：「我們最差的想法都只是結業，但都會做下去，想下一步，沒其他方法。」
策劃：陳慧敏
攝影：歐嘉鴻 張志孟 葉天榮 陳慧敏
剪接：歐嘉鴻
監製：陳靜雅
#90後 #木工 #紅A #入榫 #80後 #鎅木廠
#回收 #白蟻 #陳慧敏 #MM_Man #MillMILK
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 TH-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
想寫這故事很久了。
今次問了一大堆，好多名句，好多嘢想講，但條片塞唔落。
@Ken自稱裸辭KOL。「裸辭最大壓力，永遠都係遞信之前嘅所有時刻。遞完之後就Woo~Hoo！就辭咗職架喇。開心安排往後計劃，然後係咁叫人辭職。有嘢想做就行啦！驚啲咩呀？」
找到喜歡的事走呀走，食少個Omakase，買少對鞋根本不礙事。
@大家都喜歡重光造作Roy的粗口，很溫柔，笑笑口，混然天成。
但他Fb文字很好看。「你可以淘寶，你可以日本網購，美國進口，呢個係你既選擇，但本地樹木就祇有本地處理才可成材。」「每個工序都可以好專業，但唔知點解有資源既又唔會認真對待專業。」好看。
@幾個木匠/木人不約而同語重深長： 「做木工好----悶㗎。」
Ken長年一個人鋸木刨木，整唔到發𢛴：「擺啲榫嚟掟吓。」之後死死氣又挫過/刨過。
@Sharon的入榫傢俬，仲可以拆裝，方便搬屋。好想同佢搬一次屋睇吓。
@志記有很多評擊的聲音。以前訪問，有人說過老一輩的木匠，來自紅褲仔，師傅叫你自己學同體會的年代。佢唔係唔想教你，係唔識用現代的溝通方式教你。
草途木研社的Yan這樣寫：
「你可能會諗少一間𠝹木廠對你冇影響，不過要記住香港就係咁樣少下少下，最後乜都冇剩低。」
今次個題有層次又多角度～好enjoyable的20分鐘！多謝你！
不如加續集?
不如訪問埋 mill mill 😢
@@lunlunho1104 有了！
呢398蚊係俾ah man，呢條片入面所有人同埋我自己，今時今日留係香港每一日都好似不斷失去，但係同時好多人不斷創造同嘗試保留有價值嘅嘢。多謝ah man同mill milk，肯花資源做唔係所謂吸眼球嘅題目，呢條片view 數比起其他片算唔上多，comments可能都唔係全部正面，付出或者唔成正比，不過都希望呢398蚊對你地會係一個少少鼓勵
多謝man man 支持。MM會繼續發掘有意思的人與事！
受寵若驚，謝謝你啊。幾個攝影師，剪片Ramsey同Haley幫咗好多先有呢個效果，大感謝☺️
💖💖
特登想留言鼓勵ah Man，通常佢做嘅片未睇之前只望題目以為會悶，但每次一路睇一路會覺得嘩咁嘅角度你都諗到，咁嘅人物你都搵到，次次都有嘢學，有深度有溫度，會感動！真係好鍾意ah man 嘅故仔，加油呀。
謝謝你啊，感動呢
Ah man絕對係低調高手！
睇完個topic 再睇曬成集，出奇地真係好鍾意呢一集，原來香港人都可以做出咁靚嘅木製傢俬，原來香港人都可以為到木而瘋狂，向喺香港繼續堅持木工嘅人致敬🫡
Hello師兄們，片頭見到你整個交齒榫，令我回憶返三十幾年前，讀建造業訓練局，一樣有學過，做衣柜，做柜桶都有整，仲要打條柳攝底板，以前仲係全人手做，一舊木由斧頭批皮，過江龍鋸開一塊塊，再用長刨到中刨，刨平佢，過墨線(交齒榫可以撞交齒鋸，兩件夾係一齊，睇住榫頭就介到榫口。)開好料再用光刨刨滑佢，省沙紙，索色，泡光油叻架(俗稱捽春袋)，一個衣柜，就咁完成，除咗門鉸，柜桶鎖，就係木材/夾板。
我仲收藏當年自制的交齒踞，專係鋸交齒的，一張全制木茶几，功課嚟架，咁就幾十年。
做香港人生意最慘就係 又要靚野 又要平野
係香港做木工最悲哀就係 將你同淘寶比較價錢
無論如何 香港人撐香港野 加油 堅持💪💪💪
但有啲本土貨質素仲衰過淘寶貨 低質又貴
淘寶又平又靚幾佰蚊個實木櫃都有，条靚仔“也也烏”工藝夠胆死開檔的儍Hl，粥水都揾唔到的，…志不在此？🤭🤫
@@HA-122 就係比呢D靚仔“也也烏“咁做囉，毀滅咗成個行頭！🤬🤬
做木既行業真係好難行... 如果香港可以俾多啲資源珍惜大自然送俾我地既野, 善用, 加上支持人既工藝, 手藝, 其實呢個地方先有味道同個性
多謝MM 呢條片, 木工既朋友繼續加油! 喜愛自己喜愛的
17:32-18:02 淨係妹姐呢幾句說話，今時今日不論大環境，抑或每個人、每個行業嘅小處境，聽完之後鼻頭一酸已經想喊
感謝 MM 拍到一條咁感動既片。
感動既係唔同一般既訪問，都係好鍾意講「點樣好窮好困難，以加白手興家，好叻仔」
今次係從訪者既心態出發，從MM既問答，可以了解到訪者兩位係非常重視「香港木工」，「香港樹木」
並唔係單純做一件傢俬、回收一棵樹可以搵幾多錢。
多謝 MM 呢個訪問令大家可以認識 「香港」呢個品牌
係好多人都好努力咁繼續經營。💪
btw 一木 Ken 都有佢自己youtube channel
th-cam.com/channels/TaMdAm2EF9770C4EkaQ1uA.html
如果 MM 可以既都加番落去你條片既簡介。😁😁
等大家可以欣賞吓佢啲榫接工藝。
以前喺火炭成日去你哋度買嘢, 原來你哋都有youtube channel 🤣
我想你哋做個主題係拎住2，30年前出版既香港旅遊書睇下D鋪/餐廳仲係唔係到
好呀Research吓先
之前都有台灣嘅TH-camr做過類似嘅topic!
@@mysikJT10 說的應該是藍亦明
@@user-no2su3no6p 係呀係呀！原來佢係專做呢種系列嘅…..多謝你話我知呀！
幾段故事，幾個不同人生軌跡，因為木交接成一個故事，“香港唔係得服務金融地產，香港都有製造業”，面對清拆，一大片施工場地，遺留下來，就是一棟一棟大樓。diu你老味，是每一個人面對環境，時下氣氛不滿。突然想香港有段日子被過度開發，經濟疲弱反噬，讓我地生活真是可以漫落黎，唔好再去追逐，我地後生人才唔駛淨係衝醫科，繁榮背後唔係淘汰，剩低寂寞，沒有夢想地方。
結尾一句勝過千言萬語
多謝阿man拍出呢個故事👍🏼👍🏼👍🏼
榫接技藝真係好值得欣賞!佩服他們投入承傳💪🏻🙌🏻🙏🏻
佢研究一個要好耐，有時會發爛渣，發完死死氣又整過。覺得好可愛🤣
入檇的木工藝術真係好值得承傳。我家有一對過50年的入檇木門，依然耐用美觀。
感謝MM，不斷尋找香港仍然值得記錄的人和事，留下來的人，可以藉著睇片圍爐取暖❤️
好有深度嘅故仔
好佩服佢哋嘅勇氣同專業。
希望可以傳承落去
Ken有個咁好嘅女朋友可以支持你追逐夢想好幸福！❤️
我睇過MM最有feel嘅片
睇到收木嗰段，個心嗱咗一下，幾多樹因為城市發展而被無情斬下? 有收木廠係減少咗浪費，但最希望係保育，一棵樹係要幾十年先變成大樹，但每每因為人類發展，明明健康地在開花結果都要被鏟除...
連粗口原汁原味出, GOOD
喂，二樓而已
係，日本就好多木工職人，而且本土文化意識又強
只可惜呢度乜都冇支持
其實香港都可以
鎅木廠shoot加埋BGM～係宮崎駿電影會出現嘅畫面～好靚！
謝謝，剪片同事㨂得好
明知艱難，仍然堅持做想做的事，這分毅力，令人敬佩！前人好多好嘢，其實都係靠有咁樣嘅後人承傳，今時今日才不會消失。以前學徒制有好多不合理的地方，皆因缺乏識見之故，但現在年輕一代學問和眼界已經不同，在繼承傳統時會想得更全面，也會思考如何令傳統與現代融合，這才叫進步。好喜歡木造的紅A木櫈和排檔膠櫈，將傳統木工與本地特色結合，創出新意。木工有這種活力，就不會沒落。
多謝這些年輕人的努力，也多謝MM不斷發掘有意思的題材。
香港人，在香港出世，在香港發展，支持香港人，撐下去。
條片拍得好有水準. 有故事. 有味道. 最超碼我知道原來香港都有屬於自己傢俬0既特色
如果個標題名. 可以更精短(例如: 香港最後一群木藝者) . 我估應該吸引再多眼球(純意見. 不喜勿插)🙇♂🙇♂🙇♂
曾經做過裝修鬥木嘅𡃁仔三年，接觸過不同年齡嘅師傅，聽佢地講入榫呢樣嘢因為用嘅時間多好多，唔符合「快」起貨嘅原則，所以慢慢就少咗好多人會去整… 久而久之就少咗一樣手工嘅傳承
加上好多傢俬都會由大陸廠訂完落嚟，最多都係現場修改少少同安裝，唔止入榫、連現在造傢俬都開始減少…
最後「我地香港人，香港出世，就一定要撐香港人」，聽到都眼濕濕
城市發展同香港嘅本土文化、事物係咪一定要有所衝突？唉…
Ken, Roy 加油啊，睇到你地既故事我好感動， feel 到你地對自己專業既熱誠
男仔讀中學時開始接觸木工，當年覺得著校服進行各項工序都好唔方便，惹人生厭。當第一件木製品完成嘅時候，不忙喺心儀嘅女同學前自詡有多才華洋溢，幻想著將來可能憑手藝創出一番事業…
有些人夢醒了，有些人堅持擦著血汗發夢。多謝MM帶我哋一窺其他人嘅夢，讓更多發夢嘅人可以互相扶持，讓醒來的人偶然夢迴。
有夢真係好緊要！
@@mm.millmilk 有夢想係緊要，但實行唔到就叫幻想，作為一個要體力冇體力要資金冇資金嘅人，真係唔知要點做至搵到開始實行夢想嘅第一步。
好感動，我地都要加油呀！💪🏻
好中意呢集題材
多謝MM
多謝呢班為香港樹木努力的人
好敬佩你地💪💪
加油！
成件事好熱血好型 仲好有意義
支持你地呀
敬佩您們💛💛
好好睇🥺又熱血又感動又香港（呢個香港係形容詞）
中學係工業學校 細個唔識覺得金木工堂好危險 好悶
到大過睇歷史 睇片 先覺得木工藝真係博大精深 好似日本咁好多百年木傢俬到今日都Keep到 無潮 無爛
而以前可以榫接起屋 全間屋 一粒釘都無 但又勁實淨
術業有專攻💁♂️ 佩服佩服🙏💪
MM真係不得了👍
其實好多人都唔明白金工木工其中嘅樂趣，而佢哋好多時都覺得木工啲灰飛到周圍都係好污糟。
好精彩好有意義既片 , 同時又有一種可惜既味道 , 我都唔識講咩好 , 多謝仍在堅持的你們 , 希望你們堅持到最後一刻
一群可愛的人
是呢，互相幫助的木工圈
向所有追夢嘅人講聲加油💪🏼
女徒弟做傢俬每件都好靚~有心做就有好~~嘢~~謝謝分享~訪談~
非常欣賞和支持你們努力加油💪👍
希望更多人知道.認識.尊重年輕人的選擇, 若是政府有留意或政策支持更佳!
一講到同政府有關嘅嘢，真係不自覺爆粗！
多謝MM不停講香港故事。香港故事香港講。
開台到而家, 今集最好睇
作為九工仔（九龍工業學校），睇完有份莫名既感動，多謝咁多位有心人
啲入榫嘅畫面好治癒
支持香港木工💪
係呀！睇住佢fit到type type 冚，仲J埋Asmr
香港仲有好多鮮為人知既夕陽行業
希望你地多啲發掘佢出黎 俾多啲香港人認識
好多都係土生土長正宗香港人
最中意睇了解各個行業嘅題材
2000幾蚊紅A櫈仔, 全手造靚木又靚仔, 用上幾代都唔會爛, 其實好低, 香港人要支持呀.
This last part made me teared up with the empty chairs. This short documentary is so well done thanks for sharing
Great job Ken! Really glad to see your perseverance and resilience coming to fruition!
兩個字「感動」🙏🏼🙏🏼
支持香港木工，木，真的很美，第一環保先！
今集好好睇 繼續加油
青年人，努力呀！欣賞你們
好特別既一集,謝謝！
木業加油!
多謝Lincoln支持
眼界大開!
好認同妹姐講嘅野👍🏻
完全的心靈滿足
好勵志
妹姐講得好💪💪💪
一條很好嘅片.
好想知阿Roy點解開始投資鎅木廠
木工成為夕陽工業，係因為未搵到真正的「需求」。Ken，建議你搵搵做榫接嘅真正存在價值，唔好沉醉喺「為造而造」嘅「打飛機」心態。係設計上一定要令件產品比普通上螺絲有更實際嘅好處，咁先會製造到實實在在的「需求」，而自然有人會因此而買你嘅作品。紅A櫈、木造膠櫈等等都係只係物料上轉換，設計上無真正突破，膠這材料好處是輕、方便、㯲撞、容易疊起，如果以極度理性的角度看待，你用木造是反智的，只在乎賣弄情懷。所以一定要堅持尋找你的木工手藝的獨有價值，然後機會和資源自然會自己找上門的！日本工匠除了有豐富的木工技術，同時靠一代一代人承傳，創造屬於他們的風格、文化，而且當中更包含日本美學的禪味。希望香港木工匠們也創造到屬於香港的風格，努力！
木製好久才做一件，小些心力都做不到！努力！支持你❤❤
木匠門，努力，加油!
好有meaning嘅一集 btw聽日一定會去LCX探MM同攞薑奶㗎
我最近想換傢俬留意到d木傢俬發現日本好多木傢俬公司display d
product 好靚，但未必識合 hk因hk地方細通常傢俬需要訂做，而出面傢俬shop冇誠意接，佢地是否可以.係呢方面想想,propaganda 多d，或可能開出另一條路
Support 🙏❤️
好好睇,感動😭
MM拍得好好。 唔會好似其他人玩玩下用嚟扮下野咁👍🏼👍🏼
多謝MM帶比我地呢d咁有營養嘅野，而唔係每次打開youtube就講邊間菠蘿包最好食。
開班， 讓人人做家裡需要的家具， 真的變傳家之寶！ 自己做， 自己設計， 自家人們用。
ken, roy 同一班木工匠人都好L勁。對住個窗dllm講出我心聲
Really like this documentary, cheers!
加油~撐住
啲木工作品真係好靚，設計仲好有學問！
謝謝！
感謝!
加油！欣賞！努力！
術業有專攻。
MM片一向深度有限。呢條片係清泉🫡🫡
依條片令我諗返起有果籽嘅日子
政府應該支持呢啲project , 甚至係長期支持 ,
有一樣野好認同，唔可以冇左第一產業鏈
好欣賞木工啊 啲家俬都整得好靚 相信一定有人欣賞 你既作品價值真系吾系用錢黎衡量 加油❤
加油，多謝你地！
This channel is a really good Hk documentary channel. Keep it up!
💪🏻
respect, thank you!
最後嗰段有feel
香港是一個很獨特的地方，有些人會做有義意的事，永遠都得不到政府支持也得不到任何援助，使到有心做實事的人遇到困難重重，但我們只要堅持一定有路走下去。
像我外子一樣憑著儍勁也堅持自己夢想，做了二十年的拳館也差點結業，遇到難關就咬緊牙根一一衝過，迎難而上，你便可以夢想成真，大家一起加油💪🏻💪🏻💪🏻！相信自己❤
勁!...為夢想努力...出發，好在每月收入都唔算太差。
我早幾年都想學木工 留意左台灣嘅木工課程 無奈疫情又過唔到去
如果香港宜家仲有"跟師傅"就好啦 但宜家好多師傅都退休了
以為聽緊豪哥講野
到時可唔可以講下crocs的歷史？
張紅A款木櫈好靚, 好靚
勁 推
啲老餅行業由叻嘅後生仔去run就即時變得唔老餅，勁呀，加油。
傳統文化在現今資本主義社會傳承真係好難 真係希望吾好比租金打敗 加油呀
好好睇
睇撚到眼濕濕
試下去日本 秋山木工 練下手藝
呀Roy把聲好似蘇豪
頂住呀，加油