ไม่สามารถเล่นวิดีโอนี้
ขออภัยในความไม่สะดวก
أم غليون(حصريًا2024)كلمات:صالح الدوسي-أداء:عادل الشدادي
ฝัง
- เผยแพร่เมื่อ 9 เม.ย. 2024
- ( أم غليون )
الله أكبر من اهجوسً تورد ورود
كل ما اردها عادت لمضمونها
ودها تشرح الخاطر بفيح السدود
مير اخاف السدود تفيض مكنونها
والله أن القصايد مثل قصف الرعود
تنعش الروح لا هلت لي امزونها
واحسافة على من ينقضون العهود
العهود الوثيقة ما يوفونها
المصيبة ورطنا بين عاد و ثمود
بين فتنة وفاتنها ومفتونها
ودهم بالسلامة كل ما هب نود
والعباد الله اعلم ما يغبونها
كل محتال يبدي لك بوجهً ودود
وإن خذا لازمه عوّد لفرعونها
يخدعك بابتسامة في ليال السعود
الشدايد تبين ضحكة اسنونها
من فجر بالخصومة صار خصمً لدود
انشده ع الصلاة اللي يصلونها
الضماير تخفّى والحقد ف الكبود
وام غليون شبت نار غليونها
البشر تعرف الشاكر من اللي جحود
تعرف اتميز الصاحي ومجنونها
الثعل ما يشبه بالأسد والفهود
وأم نيشان تغلب في اللقى شونها
حسبك الله وربي عالمً بالقصود
جاحد النعمة مايقنع بماعونها
وش يفيد البدن لا راح بين اللحود
ما تفيد الدموع اللي يهلونها
السنين المريرة علها ما تعود
والوجيه اسرفت بالغدر واطعونها
والله اني سعيت وكم بذلت الجهود
ما اثمرت في كثير الناس بعيونها
صدري اوسع من الحرّة وصحراء النفود
لو تميل الجبال السود يا هونها
ي الله ألطف بنا لاصرت بين اللحود
ظلنا تحت ظلك لا انحشر كونها
كلمات / صالح الدوسي.
صح لسانك ابو معتز كلمات واداء جميل
ياسلام ياسلام يابو معتز ابداااع👏
❤
موفق ابو معتز رائع وجميل فالك التوفيق
تسلم ي غالي ❤
ياسلام عليكم عمل جمييل جداً ومميز كلمات ولحن واداء صحت السنتكم 🌹
صح بدنك يا غالي و اسعدني وشرفني مرورك الكريم ❤