Saidamir Abdukakhkhorov - Majruhman

/ saidamir.kh
telegram.me/sa...
MAJRUHMAN
Shiralab domiga tortmoqda g‘ami,
Unga jo‘r bo‘lmoqda nafsimning kuyi.
Kundalik hayotim dunyoning o‘yi,
Yolg‘izlik domida qolgan majruhman...
G‘aflatni tanamdan qilolmay uzoq,
Bomdod mahal tongda uxlagan hasman.
Dunyodan uzilmay, his qilib charchoq,
Yolg‘izlik domida qolgan majruhman...
Zikrimda xayolim yig‘ilmas aslo,
Ibodat to‘kismas, yo‘q go‘zal hayo,
Men badbaxt nafsimga qilganman jafo,
Yolg‘izlik domida qolgan majruhman...
Tergasam, yoqtirmay: "Bas qilgin!", - deydi,
Go‘yo o‘z tanamda yolg‘iz emasman.
Nafsim qistovidan dilim ham kuydi,
Yolg‘izlik domida qolgan majruhman...
Javobsiz savolga to‘lgandir hayot,
Go‘yo bu savollar yelkamda bari.
Umrim ham mantiqsiz o‘tmoqda, nahot?
Yolg‘izlik domida qolgan majruhman...
Yolg‘izlik neligin o‘ylashlik yomon,
Chunki musulmonman... holatim g‘alat.
Oxirat hayotga qilmayman gumon,
Yolg‘izlik domida qolgan majruhman...
Ha, bu aslida bir g‘alati ro‘yo,
Lekin tan olishga majburman, afsus.
Har lahza taraqqiy etmoqda dunyo,
Men esa...
Yolg‘izlik domida qolgan majruhman...
Saidamir Abduqahhorov