Seyid Kadri Haşimi: Dilê Min Ji Rewzeya Husnê Okuyan: Seyid Beşir Doru

Seyid Kadri Haşimi: Dilê Min Ji Rewzeya Husnê
Okuyan: Seyid Beşir Doru
1.
Dilê min ji revdeya husnê ji binefş û sosin û lalan
Şefeq dabû li ber bejnê me xemlandin ji bo yaran
2.
Me xemlek kir ji gula sor e me bû dil meqdesê tor e
Belê dil beyta me'mûr e ji rengê şah û dildaran
3.
Ji rengê şah çi yaqût im bi can û dil çi zemrûd im
Bi sîne mescida cûd im ez im mesken ji bo yaran
4.
Ez im mesken ji gulzaran ez im şeyda li dildaran
Bideh şehkas û şehmaran hemî weqt û hemî caran
5.
Me sermest ke ji şehkasan ji dîma lu'lu' û elmasan
Ez im bulbulê perînazan dikim seyran û perwazan
6.
Dikim seyran li wê burcê ji sehbaya perê gurcê
Dema ew tête wê burcê direqsim ez bi erwahan
7.
Direqsim ez li ber sazan me sîne mexzena razan
Were şahêm neke nazan tu dildarê me dilxazan
8.
Tu dildarek perî-şeng î te dîm û zulf ji hemî rengî
Bide min badeya bengî me serxûş ke li nav baxan
9.
Li baxîda weku Mem bûm di 'işqîda gula zer bûm
Bi dil çûn pêhtik û pel bûm ji dîdara perî-nazan
10.
Ji dîdara te şîrînê dinalim şubhê goyînê
Bike rehmê li min Zînê ez im mehbûsê zindanan
11.
Di zindana te mehbûs im ji ber hubba te medhûş im
Neke we'zê ne meyhûş im birîndar im ji ber yaran
12.
Te sot mîlaka vî jarî dil û mîlak me kir zar î
Were şahêm tu dildar î bike rehmê li bê malan
13.
Te cerhek kir li dilê 'aşiq tu 'Uzra î ez im Wamiq
Bi hurmet seyidê sadiq neke perde li ber xalan
14.
Tu perdê rake ser xalan dilêm canêm te bir talan
Weku nayê dikim nalan tû zulfan berde ser xalan
15.
Di zulfên reş weku maran digestim wan kerb û xaran
Dibarin ji dîde wek yaran te ez soht im bi ruxsaran
16.
Te meqsed bû ji rûyê sor e te xemr û bêhn ji kafûr e
Bide min badeya nûr e me serxûş ke li meyxanan
17.
Were xan im ji meyxanê te bêhn û bisk ji reyhanê
Te bir canêm bi talanê neke xedrê sualkaran
18.
Tu mehbûbek şefeq-bedr î neke qehrê li Seyîd Qedrî
Te tîrek da dilê Bedrî te sot mîlak bi yek caran
19.
Neke xedrê li derwîşan tu şehbazê kemend-kîşan
Bi çavên reş te rûh kîşan dil û canê me pur îşan
20.
Bike rehmê ji çehvên reş bike lutfê ji dîmê geş
Ez im serxweş tu yî mîhweş ez im bulbul li gul-nazan
21.
Ez im bulbul li gul-xendan me bû mesken li gul-şendan
Direqsim ez li govendan bi awaz çûm li ber yaran

[@leyleaydn8434]

"Yaşanmışlık taşıyan bir ses ve yorum."

[@bahricelik1809]

Allah seni kurusun hocam eline sağlık çok güzel olmuş

[@aliturhan5254]

Harika bir ses