مشروع حلويات ناجح🇩🇿 مطلوبة بزاف في الورشات وعند الزبائن اتعلميها معايا بكامل أسرار نجاحها
ฝัง
- เผยแพร่เมื่อ 6 ต.ค. 2024
- #مشروع_حلويات_ناجح #اكسبلور #حلويات #حلويات_جزائرية
-رابط الأنستغرام للتواصل معي 👇👇
/ wasafat_oom_tasnim
بقلاوة جزائرية تقليدية بدون آلة توريق للمبتدءات🇩🇿طريقة سهلة وسريعة وبأسهل طريقة وبمقادير مضبوطة
• بقلاوة جزائرية تقليدية...
-اروع بقلاوة جزائرية🇩🇿طلبية بقلاوة النجمة خطوة بخطوة وبمقادير مضبوطة
• اروع بقلاوة جزائرية🇩🇿...
-بأبسط طريقة للمبتدءات🇩🇿🇩🇿تقطيع بقلاوة النجمة 😍
• بأبسط طريقة للمبتدءات...
✨-المقادير المضبوطة ل30حبة:
-البلاطو المستعمل هزلي 800غ مكسرات :
-الطول:28 سم
-العرض: 25 سم
الطول × العرض = 28×25= 700غ
-البلاطو راح يهز 700غ مكسرات و‘700غ فرينة و 700غ عسل
-انا باش تجيني البقلاوة عالية نزيد في كمية الحشو يعني درت 800غ مكسرات .
-العجينة نحب نزود دايما باش ما نخصش ولا نحصل .
-العسل لازم تزيدو على الأقل 200غ باش تتشرب مليح وتجي معسلة للقلب يعني انا درت 800غ مكسرات هزتلي كيلو عسل .
....
✨-مقادير العجينة التقليدية:
-4كيلات فرينة منخولة (انا استخدمت فرينة سيم) مجموع الكيلات تقريبا 900غ فرينة ( انا نحب ندير الزايد في العجين)
-قرصة ملح.
-فانيليا .
-بيضة .
-كيلة ناقصة أصبع سمن ذايب وبارد.
-ماء وماء الزهر لجمع العجينة.
✨-الحشو:
-ثلاث كيلات مكسرات (انا درت مزيج بين اللوز و الجوز ومجموع المكسرات 800غ ).
-نصف كيلة سكر عادي بالميزان حوالي 200غ.
ثلاث ملاعق كبار سمن ذايب وبارد.
-ماء الزهر باش نشمخ الحشو (لازم الحشو تمدولو حقوا في ماء الزهر باش يجي الحشو طري ).
✨-للتوريق نحتاج ؛؛
-مزيج بين السمن وزبدة التوريق يكونو ذايبين وباردين.
-كمية من النشاء.
✨-للتزيين نحتاج:
-كمية من العسل .
ملعقة صغيرة غلوكوز .
-مكسرات محمصة حسب الرغبة .
ورقة ذهبية .
✨ أسرار نجاح البقلاوة 😋
1: عجينة البقلاوة لازم تكون طرية كي تلموها و تخلوها ترتاح نساعتين وتخدموا بيها .
2: كي تحلو العجينة او قبل ما تفتحوها بالآلة أفتحوها بالمايزينة باش طبقات البقلاوة يكونو بارزين و جي مورقة و مقرشين وما تكثروش المايزينا فيها .
3: الحشو كي تشمخوه بمازهر و ملعقتين سمن يكون مندي شوية ماشي مشمخ بزاف و ماشو يابس باش يكون طري كي يطيب
4: بين كل الطبقات نحطو خليط السمن حذاري تكثرو حطو قيس ما تدهنو الطبقة فقط
5: و أهم شيء حذاري ثم حذاري نضغطو بقوة على الطبقات رح يروحلهم التوريق و تولي عجينة وحدة
6: مهم جدا كي تحطو الحشو في الوسط تنثروه اي تحطوه بشوية و حذاري تضغطو عليه اذا ضغطتو عليه رح يكون صلب كي يطيب و الطبقات لي في الأسفل يروحلهم التوريق.
7: كي تقطعو البقلاوة الموس اغطسوه في السمن باش تتقسم البقلاوة بسهولة و حركة الموس تكون من الاعلى للأسفل حذاري تحطوه و تسحبوه بقوة رح يفسد شكلها
8: لازم غير تكملو تشكيل الطبقات تغطيو البقلاوة نتاعكم بساشي ودخلوها في الثلاجة ترتاح على الأقل ساعة ومن بعد تقطعوها
9: تقدرو ماطيبوش البقلاوة في نفس اليوم يعني طيبوها في الغد اذا صنعتوها في الليل مايصرالها والو لكن لاااازم تبيتوها في الثلاجة لازم.
10: تحطو البقلاوة طيب حتى تشوفوها حمارت في الحواف تشعلو عليها من الفوق على نار هادئة و تعسوها
11: عسيلة لازم تكون واجدة و باردة غير تخرج البقلاوة من الفرن تعسلوها مباشرة و حاولو تعاودو تفتحو بالموس بين الحبات باش تشرب مليح و خلوها على الأقل يوم في الصينية بالعسيلة باش تشرب مليح و اذا ما كنتوش مزروبين تقدرو تخلوها حتى لثلاث ايام عادي
![CAMPปลิ้น | EP.82[2/2] เมาท์มอยกับ 3 สาวเพื่อนซี้ ที่พร้อมขยี้พ่อหมีได้ทุกเมื่อ](http://i.ytimg.com/vi/Wwn7WnylNtQ/mqdefault.jpg)
يعطيك الصحة والله خدمت اول طلبية فيها 40 حبة كعيكعات و بقلاوة صدقيني اول مرة و عمري ما درت ورشة او دورة غير فيديوهاتك ونصاءحك صدقة جارية عليك ربي يحفضك
حتا انا نشهد عليها الله يعطيها ويمنيها منها تتمنا ويعطيها صحتها ول جنة ان شاء الله ❤❤❤❤❤❤
❤سلاما علي من مرت صدفة فاستغفرت فزادتني حسنة وزادت حسناتها ❤❤❤
استغفر الله العظيم واتوب اليه عدد خلقه ورضا نفسه وزنة عرشه ومداد كلماته
أستغفر الله وأتوب إليه
شكون هي لالات الريام الي تفرحني بابوني وجام و تزهالها ليام ويجي مكتوبها طاير كالحمام ويتعمر حجرها بالتوام وتعيش معيشة ولا في الاحلام
يعطيك الصحة على المصداقية والله نصائح انتاعك لا نجدها في الورشات شكرا ربي يجازيك على حسن تأدية الرسالة
نخدمها بسفينة بماما وحتى بكنزة تاع 5كغ وكل مرة تجي روعة .ونزيد مرغرين التوريق وسر التوريق سيرتو لي تخاف البقلاوة ورقوها بمرغرين التوريق وحدها تعاونك لانها تجمد بسرعة.❤❤❤
لي يخدمو بيها بات فايتي ؟؟
@@ayadaamache7367 نعم أختي مرغرين صالحة
اختي كفاش يجي الحشو معسل كليتها في عرس تهبل الحشو معسل للقلب انا ميجينيش.معسل ندير ثلاث كيلات بنص كيلة سكر
@@amirAmir-lx6tp انا ندير ثلاث كليات بكلية إلا أصبعين نبلو بماء زهر كيما قالت الأخت أم تسنيم ونخليه يبات وكي نلقاه نشف بزاف نزيدلو شوية رشات ماء الزهر فقط
أنا سنية تاعي تاع الكويزينيار كما تاع أم تسنيم تقريبا ندير فيها كيلو مكسرات بضبط كيلو نوزنو بعد مانرحيه + 300 غ سكر عادي من الأحسن النوعية لتجي رطب خلطي مع بعض +م ص لافاني + العطر لتحبي أو القرفة خلطي + 5 م ك زبدة ذائبة وباردة شوية خلطي ومبعد رشيها بما الزهر خلطي وحكي شوية بين يدك باه يذوب شوية سكر رشيها قيس 3 ولا 4 مرات مايكونش مبلول بزاف ولا ناشف غطيه خليهم يرتاح مابين ماخدمتي وحليتي العجينة تلقاه شرب ويبان ناشف شوية خليه ماتزيديلو والو وزعيه على لعجينة ويجيك يهبل وطري أنا ندير فيها رطل كوكاو مرحي مع رطل جوز = كيلو مكسرات. ة@@amirAmir-lx6tp
ماشاء الله. تبارك الله. حاجة اللي فيك و ما بدلتيهاش نهار.....
طاقتك المغامرة و روحك العفوية.
و المقادير بالتفصيل و توضيحات و شروحات حول المقادير و المكونات.. ديما كاين نصائح و أفكار تولهينا ليها في صندوق الوصف.. بوركت ام تسنيم
صلو على الحبيب المصطفى صلى الله عليه وسلم
شحال تعجبينييي يا ام تسنيم تمدي من قلبك و تتعلمي معاناا و نصححي اخطائك معانااا والله يعطيك الف صحة و مزيد من النجاح يا رب 🤲🤲🤲🤲🤲
مبدعة كالعادة نموت عليك متابعة قدييييييمة ليك مكانش وصفة جربتها من عندك و مانجحتليش❤❤❤❤
يعطيك الصحة شرح وافي و كافي ربي يجازيك كل خير
يعطيك الصحه على الشرح المفصل كنت نحوس عليها جاة في وقتها❤
سيدة أم تسنيم ، بسم الله ما شاء الله تبارك الرحمن وصافاتك كلها ناجحة عن تجربة، بارك الله فيك و في عملك و جعله الله في ميزان حسناتك بإذن الله .. دمتي متألقة 🌹
ماشاء الله شرح وافي كتابة وكلام ربي يرزقك الخير حتى الوصفات مكتوبة خدمة متقونة وعمل منظم ونظيف عجبتني كي حطيتي بلاطو داخل بلاطو باه ميخرجش لعسل❤
انا واحدة من الناس اللى بتخاف تعملها ...بس حتشجع بيكى لانك صادقة وخلوقة الله يحفظك ويبارك فى عمرك وصحتك ام تسنيم ....مصر
متخافيش حبيبتي اعمليها و عينيك مغمضة
أكيد أختي تستاهلي جام وكومونتار وبارتاج... أنا شخصيا نوثف في وصفاتك ثقة عمياااااااء لانو جامي خيبتيني.... ألف ألف ألف ألف شكر
يعطيك الصحة و ربي يحفظك على كل ماتقدمينه❤❤❤
يعطيك اصحه شاف عاجبتني الوصفه بزاااااااااف خرجت لك تهبل بصحه مقلتيش قيس السنيوا شحال فيها
يعطيك الصحة يا ام تسنيم اول وحدة تقنعني بالوصفاتك مشكورة❤
ياعطيك الصحة حبيبتي ام تسنيم ان شاء الله ربي يجعلها في ميزان حسناتك ويعطيك ربي ماتتمناي🎉❤ واحلى لايك لاحلى شاف❤👍👍👍👍😘
ايه احسن حاجة انو لحاب يتعلم لازم يدير تطبيق في كل المجلات شكرا على المجهودات
حبيبتي نموت على فيديوهاتك اهدري واشرحي براحتك انا مالفة نخدمها وزدت ستفدت من وصفاتك السابقة وفيديوهاتك مانملش منهم❤
بارك الله فيك ❤
رائعة كالعادة يا ام تسنيم ؤوعة نجربها باذن الله ونقولك جربت نتاع النشاء بصح هذه هايلة والبنة بنينة على الاخرى❤❤❤❤❤ شكرا
الله يجازيك خيرا
بارك الله فيك ربي يجازيك كل خير كل ما يكون فيديوا طويل يكون بالتفصيل وبمصداقية حلوياتك كلها ناجحة❤❤❤
Machaallah baraka Allahou fik rawe3a ❤❤❤❤❤
روعة❤❤❤❤
ربي يحفظك حبيبتي وربي يباركلك في رزقك فعلا فيديوهاتك عبارة عن ورشة، شرحك مفصل وتحكي من قلب ربي يجعلها فميزان حسناتك، بديت مشروعي فبيع الحلويات ومارحت حتى ورشة تعلمت من فيديوهاتك برك ❤❤❤
بارك الله فيك شرح مفصل والله شاح تعجبيني في شرحك في ميزان حسناتك ،وتعلمت من عندك تشارك المسكر والكعيكعات ونخدمهم كيما الحلوجيات
جام قبل ما نشوف الفيديو تستاهلي كل خير وليت مدمنة على وصفاتك ربي يجعلها في ميزان حسناتك
قنعتيني صراحة شرح رووعة وانا نحب نخدمها بامشينة وعجبني فيديوك طويل ههه❤👍
تعيشي نعتيلنا كيفية صنع المخبز والحرايش وناه ليمول لملاح
نموت بالفرحة كي نشوف لي فيديو تاعك متخلقة و ظريفة ماشاء الله و اكثر حاجة تعجبني ذرعيك دايما مغطيين و اليوم راني نخدم في البقلاوة تاعك كي نوجدها نبعثلك صور تطبيق يعطيك الصحة و ربي جازيك
اجمل واحسن شرح و بقلاوة شفتها لليوم🎉❤ بارك الله فيك ❤
الله يبارك مبدعة كالعادة تحفة فنية
خدمتك تنعت روحها متقونة الله يبارك الله يبارك.
الله يرضى عليك و يرضيك يا الفحلة ديالنا❤
يعطيك الصحة دمتي متألقة
عجبني كل شي ماشاء الله 🎉🎉❤❤
الله يبارك أنا أول نزور قناتك ان شاء الله نجرب البقلاوة و نردلك لخبر . الديكور تاع البقلاوة كامل يهبل يعطيك الصحة
يعطيك الصحة
ربي يحفظك ويسعدك راني جربتها جات هايلة
بارك الله فيك وجعلها في ميزان حسناتك❤❤
ماشاءالله يعطيك الف صحة
يعطيك الصحة جات روعة
روعة ماشاء الله
صح هاذي الوصفه الناجحه ❤
وينها احسن هادي لعجينة لي فيها سمن ولا فيها مارغرين توريق
يعطيك الصحة جات تشهي تبارك الله ❤
يعطيك الصحة اختي ربي يحفظك توري كلش من قلبك في ميزان حسناتك أنا مشتركة جديدة راني نستنا في الفيديو نتع البقلاوة كل سنوة شحال ترفد مزيد من التقدم والنجاح أختي
وصفاتك كامل ناجحين ليست مجاملة بل حقيقة ربي يبارك وتسا إيدك
الله يحفظك يعطيك الصحة
صباحك معطر بذكر الرحمان غاليتي شحال نفرح كتحطي فيديو ❤❤❤❤❤
عليه افضل الصلاة والسلام ❤يعطيك الصحة حبيبتي
نديرلك جام هنا فالتلفون ونروح نشوفك فالتلفاز ههههه شكراً على كل ما تقدمينه وعندي طلب هو أن الكاكاو راهو يجيني معلك في التشاlك وما عرفتش السبب يا ريت تعملي لنا فيديو
بارك الله فيك اختي راني نتعلم عليك وندعيلك
أن نمدلك نصيحة واحدة لكل انو كيما تقولو سر هو مكان لا سر لا والو حتى من زمان هوما يورقو بمارغارين التوريق تقريبا كل الحلويات التقليدية تندار بمارغارين التوريق لانو بالخف تجمد ونساعد العجينة وكي نخليها خاصة بالحلال
باش تاخدمي عجينة بل مارغرين توريق ولا سمن انا قالولي بل مارغرين توريق تجي يابسة صح
@@oumghiz3145 نو يكون خليط بين السكن و زبدة التوريق في العجينة يعني يكون كيلو فرينة مع 300غ زبدة من الاحسن ديمة و 200غ زبدة التوريق وتوراق يكون زبدة التوريق استعملي صالحة
او ديري كيلو فرينة 400غ سمن مع 100غ زيت او زبدة المهم مايكونش سمن وحدو ولا زبدة توريق وحدها انا فتوراق زبدة التوريق وحدها واذا خفتي تجيك يابسة ديري في العجينة سمن وحدو وفي التوريق ديري زبدة التوريق ناكد تكون صالحة ماشي بارسية
@@NabillaBilla-qb3zt انا عندي برأسية متصلحش بيها كون ندير عجينة بل مارغرين توريق ونورق بسمن وحدو تجي هايلة شفتها عند حلويات وردة العجينة بل مارغرين توريق وتوراق بسمن
انا نحسها انجح مشروع نحسها متعبنيش ومفيهاش التغنجيق بزاف وفيها الدراهم الله يبار مقارنتا بحلويات تقليدية اخرى اللي فيها الطلية والديكور مثلا
@@oumadem9815 يعطيك الصحة حبيبتي هذا هو رأيي حتى انا
يعطيك صحة اختي❤❤❤❤
كما انا نفرح نهار جيني بقلاوة وحدها
@@Oom_Tasnim_Gateauxسلام عليكم ام تسنيم بقده تحسبي الحبة حبيبتي
صباح النور حبيبتي يعطيك العافيه اختي شكرا على الورشة المجانية ربي يفرحك وادري على روحك انا لوكان جات بيدي قاع فيديوهاتك ديريهمنا لايف على المباشرة باش حنا الحلواجيات نعرفو كيفاش نظمو وقتنا خليهم صحاب الطاقة السلبية يهضروا مساكين متتبعتك الوفية ام وسيم من سيدي بلعباس
انا حلواجية ونخدم البقلاوة لكن وين نجي نديرها نهابها مافهمتش علاه😅
الله يبارك ماشاء الله تبارك الرحمن
Merci madame
❤❤❤❤❤❤❤
الله يحفظك ديرلنا فيديو عن الاسعار
يعطيك ااصحة والله كل شي بالتفصيل
ماشاء الله يعطيك الصحة قوليلي برك البلاطو تع 60 شحال يدي الفرينة و شحال مكسرات جاوبني من فضلك
واخيرا طل ألقمر شكرا جزيلا ❤❤
______ ________اكتشفوني متأكدة اني راح اعجبكم ❤
الله. يعطيك ا صح راكي مكفي و موفي خليلك صحتك
الله يبارك
الله يبارك فيك
شكرا على الشرح روعة تعيشي كينقصوها نقصو حتى البلاطو ولا نقصو للحشو فقط؟
سلام عليكم خيتو والله درت طريقة حل ملوي في حل عجينة ربي شاهد جات روع وبلخف تكمليها وجاتني طبقات قريب 12 طبقة ماكنت مأمنا تعلمتها من وحد قنات تاهيا الله يفرحها ❤❤❤❤❤ وحتا متي يعطيك صحة جربيها بي هدي طريقة وشوفي بلاك تساعدك
اسم القناة من فضلك
@@boucheratasnime2998 سمحلي ختي ما نقدرش نعطيهالك لي ان نحترم مولات هدي قناة ومجياش نعطيك اسم قناة سمحلي ختي متزعفيش
لالا معليش اختي .كنت حابة نتعلم كيما راني نتعلم على هد القناة كي قلتي ساهلة اللي حبيت نتعلمها راكي مسامحة
@@boucheratasnime2998 الله يبارك فيك وفي والديك علا تفهمك
تبارك الله الله احفضك يا اختي
يعطيك الصحة نقدرو نخلطو بين الجوز و الكاوكاو ؟
بارك الله فيك نشالله كون في ميزان حسناتك❤❤❤❤❤❤ انا عندي مشكل تجيني يابسة 😅
يعطيك صحة ❤❤❤
اول مرة ندخل في قناتك رايحه نجربها في خطبة ونرجعلكم
شكرا شرح ولا اروع بصح سنيوة شحال فيها طول وعرض لهذو المقادير
الله ابارك عليك صدقة جارية لك ولي رالديك ان شاء الله
وصفاتك كلها waw يعطيك الصحة
يعطيك الصحة على صدقك.
رائعة دائما
تعيشي ممكن تنصحيني بنوعية تع فور تلمسان ولا السعادة للحلويات حابة نبدا مشروعي ومعندي حتى فكرة🥺🥺
الله يبارك ام تسنيم نقدر نخلط كوكاو مع 200دج تاع قرقاع
ربي يحفظك ديريلي وصفات اعراس اقتصادية تديهم لعروسة ربي يسترك
نموت عليك كمل ختي هك تخدمي من قلبك طولي علا روحك بالعزيز الحر
على زبدة التوريق عندك الحق انا جربتها حتى فالسابلي
Yatik essaha lahbiba
والله تبعت طريقتك ونصائحك ودرت عجينة تقليدية في عرس خويا جاتني روعة درت كوردو ماطاروليش أوراق بصح خلط بين سمن وزبدة توفيق بين طبقات جات روعة الله اجازيك على كل نصائحك ❤❤❤❤❤❤عجبتني لمسة نتاع لوز
❤❤❤❤يعطيك صحة
بلعكس خليه فديو طويل شرحك يكفي ويوفي مبتدأة وفهمت عليك درينا مقروظ لوز مي بلكوكاو عن طريقتك
تعيشي ديرلنا لبجاوية وطريقة لعسل
سلام عليكم بارك الله فيك على المزدقيةديرينا فديو على طياب البقلاوة من فظلك عندي وليمة ربي يجازيك
ياريت درتيلنا الشكل اللي راه توندونس مستطيل
اهلا وسهلا حبيبتي ❤❤❤❤
مشاءالله ❤
صباح الخير
نقدر نعوض اللوز و الجوز بالكاوكاو
واه اختي تقدري و تجي بنينة خير عن تجربة
شكرا على الرد .ماعنديش بزاف ملي بديت نخدم في القاطو و أي وصفة نشوفها نطبقها نجحتلي قداه من وصفة حابة ندير مشروع تاع حلويات ماعرفتش كيفاه ندير يعيشك قوليلي كيفاه ؟؟؟؟
البقلاوة اختي ديريها بماء الورد وراس القطار
ماشاء الله يعطيك الصحة رب يبارك
يعطيك الصحة يعجبوني فيديوهاتك ❤❤❤❤❤❤❤ بوتيوبرز جزائرية مرت من هنا مرحبا وسهلا