Lind “Tirana Training Center”, Rama: Zhvillohet industria kreative në kinematografi - Vizion Plus

Subscribe: bit.ly/vizionp...
Web: www.vizionplus.tv
Facebook: / vizionplustv
Twitter: / vizionplustv
Instagram: / vizionplustv
TikTok: / vizionplustv
Ish-Kinostudioja “Shqipëria e Re” është transformuar për tu kthyer në një dritare të re për të rinjtë krijues duke hapur programet transformuese për industrinë kreative në Shqipëri, “Tirana Training Center”.
Gjatë prezantimit të projektit, kryeministri Edi Rama u shpreh optimist për zhvillimin që programi sjell në fushën kinematografike.
“Përpara disa vitesh ne patëm një diskutim në Zoom me një sërë protagonistësh të kësaj hapësire, protagonistësh të rinj nga SHBA, që faktikisht përfaqësojnë në nivele të ndryshme, por deri në nivelet më të larta industrinë kreative të SHBA dhe besoj që është një motiv për t’u mbushur edhe me më shumë besim, edhe për të pasur edhe më shumë bindjen që të gjitha këto gjëra që po ndodhin janë pjesë të një zinxhiri që tanimë është futur në një ritëm tërësisht tjetër të vetëzhvillimit dhe unë besoj shumë tek ky program”, tha Rama.
Qendra do të shërbejë si një urë lidhëse mes industrisë krijuese dhe tregut ndërkombëtar, me pjesëmarrjen e profesionistëve nga HBO, Netflix, Ëarner Bros.
“Krijojmë një instrument që do lidh tregun me profesionistët, për projekt të përbashkëta rajonale. Kushdo që ka pasion mund të luajë një rol në krijimin e projekteve të qëndrueshme. E vendos Shqipërinë në qendrën e hartës mesdhetare të krijimtarisë. Do mund të trajnohen 400 studentë, nga fëmijët tek të rriturit”, tha ministri i Ekonomisë, Kulturës dhe Inovacionit, Blendi Gonxhja.
Bashkëpunimi me SHBA do të shërbejë si katalizator për zhvillimin e kinematografisë dhe prodhimeve audiovizuale në Shqipëri, duke ofruar trajnime profesionale për deri në 400 studentë njëkohësisht, në fusha si aktrimi, regjia, animacioni, prodhimi, shkrimi dhe më shumë.