يبنيه ما عدكم ماي 😭💔 لطمية للسيدة رقية بصوت الملاية نور الهدى المياح

[@اماحمد-د9ف4ط]

(السيده رقيه ع تخاطب احد بنات الشام)
يبنيه ماعدكم ماي// والله انه عطشانه هواي
خليني اعرفج بيه// الگدامج انه ارقيه
≈≈≈≈≈≈≈≈≈≈≈
يلواگفه اباب الاهل تتفرجين اعليه
منج اريدآ بس طلب جيبيلي بس اميه
ريجي يبس مثل الخشب جرت نفس مابيه
يبنيه من كثر العطش ترجف تره رجليه
يبنيه انتي ابحلي// بس المهم مو مثلي
يسموني المسبيه// الگدامج انه رقيه
≈≈≈≈≈≈≈≈≈≈≈
والله انه من كثر التعب بعيوني اشوفج گوه
واظح على وجهي الظما شوفي بشفافي شسوه
بس كون ابلل شفتي مو لازم اله اتروه
شوفيني كاتلني التعب ماعندج انتي امروه
قطرة عذب مو اكثر// يچويني نفسي الينجر
من النفس مجويه // الكدامج انه ارقيه
≈≈≈≈≈≈≈≈≈≈≈
بلگوه اجرنه النفس من ريتي احس تطلع نار
يبنيه گلبج مايحن حسبيني عندج خطار
بهيكل غفينه بهل كتر يسمونها عود الدار
يعني احنه جيران من امس والجار حگه على الجار
نمنه بخرابه بلا باب// صارت وسادتنه تراب
شفنه شكثر اذيه// الگدامج انه رقيه
≈≈≈≈≈≈≈≈≈≈≈
ماننطي ماي الكم تره هيج الاهل وصونه
مو بيدي يرقيه تره ماننطي شي منعونه
باجر يجي راس برمح الخارجي يسمونه
بدو الماي على الارظ خلي تشوف عيونه
تبدونه گدام حسين// وخلو يشوفه بالعين
من الاهل وصيه // الگدامج انه ارقيه
≈≈≈≈≈≈≈≈≈≈≈
مابيدي شي حكم الاهل خلاني اسد بيباني
حكم القوي عليه تره بهذا الوظع خلاني
امنيتي اجيبنلج عذب بس الابو وصاني
صادر امر من القصر خلو السبيه تعاني
يقهرني حيل ونينج // بس انتي شوفت عينج
عيون الحرس عليه//الگدامج انه ارقيه
≈≈≈≈≈≈≈≈≈≈≈
هذا التطلبينه صعب اعفيني لا مااگدر
مجبوره اردنلج طلب من عندج انه اتعذر
التنطي شي گالو تره توگف مثلهم با الحر
بچفوفها ينشد حبل تنظرب حيل وتنجر
مثلج يظربونه هيج// مااگد الله يخليج
ينشد حبل بيديه// الگدامج انه رقيه
≈≈≈≈≈≈≈≈≈≈≈
تمت _ ازهر الزيدي

[@نورالازل-غ6د]

جيد احسنتي

[@لبيكياحسينفور]

اه اه يامولاتي يا رقيه 🥺💔

[@MkLk-f7u]

عاش صوتج واجرج ع مولاتي السيدة رقيه (عليها السلام)

[@امكيان-غ6خ5م]

فدوه اروح الصوتج مبدعه دامن الله يوفقج

[@rojoln]

عمت عيني عليج يا مولاتي لله يساعد كلبج 😭😭💔

[@MkLk-f7u]

عاش صوتج واجرج ع السيدة رقيه (عليها السلام)

[@الملهالعلويه]

ممكن كتابة القصيده اترجاج بالحسين

[@ailali1807]

مشكوره عمري اقراها واندعيلج بالعافيه وبالتوفيق كلبي

[@y6_ng]

اليوم يمنا الملايه قرتها تخبل القصيده 🥹✨.

[@user-ns9ox9uj8m]

فدوه اروحلج واروح لصوتج نرجو كتابه الطميه وطيب الله الحنجره الذهبية يابعد عمري اكتبي الطميه رحم لله والديج 😔♥

[@e_sn]

حبيبتي رجعي ودوري بتعاليق اول تعليق بفوك تعليقج تلكينه الطميه

[@user-Asenat]

السلام على مولاتي رقيه 💔😓
طابت انفاسج حبيبتي

[@بنتبغداد-ط2ض8ك]

احسنتي حبيبتي

[@bbvjgfb3366]

ممكن كتابه القصيده اريد اقراه بلمجلس

[@ناتالتاللد]

يا رقيه

[@بنتبغداد-ط2ض8ك]

استمري حياتي

[@حسينمحمد-خ1ز1ن]

الصوت❤ حلو ❤

[@ياصاحبالزمان-ش1ث2د]

احنا عندنا قرايه بثواب بالسيده رقيه ما تجينا❤❤

[@بنتبغداد-ط2ض8ك]

اللة اللة عل صوت

[@nahlaalmaliki7133]

السلام عليكي يا مولاتي يا رقية عليه السلام وعاش صوتج

[@duaahamed-g4q]

ليش حبيباتي جاي تكتب القصائد بتعليقات موجودات قصاءدهه تخبل

[@g4v.2]

انشاء الله اقرها بيوم العاشر واريد مراد منج يارقية اني خادمتكم

[@بنتبغداد-ط2ض8ك]

مومكن تكتبين القصيده فدوه

[@ياصاحبالزمان-ش1ث2د]

❤❤❤❤❤❤❤❤❤😢😢😢😢

[@جوهرهالزمرد-ت5ف]

طيب انفاسج انشالله ممكن تغريلي عل فراك

[@الملهاماحمدالساعدي]

موجوده القصيده فوك بنات اول تعليق اصعدو وشوفو

[@أّلَأّسِطِوٌرهّ-و5ث]

عمي والله مكتوبه بصندوق الوصف كلبي بصندوق الوصف

[@ailali1807]

هسه مو ترجيتو بالحسين

[@ailali1807]

ليش تتوسلون بيها صدك جذب مامليتوا متكتب القصيدة ماعرف ليش دائما بس هيه من دون خادمات الحسين كلهم يكتبون مل

[@اماحمد-د9ف4ط]

نزلتها الكم بالتعليقات فوك

[@shaheka-t]

ليش هيچ وي الملا والله حرام التجريح بالكلام ترة كلمه تمرض وكلمه تشفي اتقوا الله في خلقه

[@am_na654]

مستحيل السيدة رقيه تطلب ماي من اي احد والله ذليتو اهل البيت بكلماتكم . . ياريت تنتبهون للكلمات ومايصير تقرون شما تشوفون

[@ابومحمدالبصراويالشمري-ط3م]

يا كلبي لازم الشعراء من واجبهم يبينون مضلوميت اهل البيت عليهم السلام ليش الإمام الحسين مو طلب ماي من يوم العاشر من بني اميه ومسلم ابن عقيل مو ‏‪ طلب ماي من طوعه ليش تستبعدين علي السيده رقيه الاطفال شكو العطش ولم يشكو الجوع مع العلم انهم ايضا جياع ❤❤

[@nahlaalmaliki7133]

السلام عليكي يا مولاتي يا رقية عليه السلام وعاش صوتج