ألا يالله ياللي تحت هيبة سلطنتك أسلمت لك المسلم يسبح لك بحمدك وإلك الإسلامي احمدك، وأشكرك، وأثني عليك بما علي انعمت وزدني في وفا بر العشير ووصل الأرحامي ولهت الفجر ياليل الذهول اللي علي أظلمت بعرضك واقع الذكرى عليه عرض الأفلامي وولهتك يالنديم اللي على صافي وفاك أضرمت بصفحة ذكريات العام واللي من ورى العامي عطتني عزلة إخلاصي معك نسيان من نادمت كتبتك وانطوت صحفي عليك وجفت أقلامي بعد تقرير مشوار التجارب نجحت وأجزمت بأن السيف سيفي والعصا والمحزم حزامي أباهي، لا أبالي، وأتبسيط كل ما قدمت أشب النار قدام العرب وأشيد خيامي نهاري: حر شمسه، يستحي منها لسان الشمت وليلي ترجم نجومه ملامة كل من لامي على ضو الكلام اللي كشف عنا ستار الصمت وعرفت ان به وجيه باليمن ووجيه بالشامي احسب انك تيمم باتجاهي وين ما يممت اثر لا انته ورايه بالطريق ولا أنت قدامي وكثر ماحن صدري للونيس وكثر ما درهمت فجع صدري حنيني وأتعب الأقدام درهامي مصيبة لا تردت قيمتك في عين من قيمت يشوفك بالسهل وانته تشوفه بالسما السامي مادام ان جانبي شام لجنابك وانت عني شمت كثر خيرك، وانا لانيب لا جايع ولا ضامي اشوف انه علي واجب، اليا مريتكم سلمت مرور كرام تربطها الكرامة عند الاكرامي على شان الخفوق اللي على عرشه قعدت وقمت وحجب عنك الدجا لين اشرقت لك بيض الأيامي مصير الوقت يشرح لك ظروفه لا غفلت ونمت يصيحيك الزمان اللي يصحي كل من نامي وتعرفني لمنها ضاعت اوهامك بمن وهمت وعرفت الفرق في حب الخشوم وحب الأقدامي ختام السالفة يا طيب العشرة كرمت ودمت هذا حقك علي وحق شرهاتي على أوهامي
الله يرحم كل ميت وادعو لهم
الله يحللك ويبيحك ويتجاوز عنا وعنك وعن كل مسلم. اسأل الله العظيم ان يبرد عليك في قبرك ويفتح لك على الجنه باب لا يغلق ابداً❤
رحمة الله عليك يابن جدلان
رحمك الله وغفر لك واسكنك فسيح فسيح الفردوس الأعلى الأعلى الجنة ان شاء الله ابن جدلان عسا ربي يرزقك جنات النعيم
الله يرحمك ويحسن اليك
ولهتك يالنديم الي على صافي وفاك اضرمت .. الله يرحمك يا سعد بن جدلان ❤
رحمك الله رحمة واسعه
رحم الله الشاعر سعد بن جدلان واسكنه فسيح جناته😓
سبحان من عطاه قوه الشعر
الله يحمك يا سعد
يالبيييه . رحمة الله عليك ياسعد
رحمك الله يابن جدلان ورحم أمواتنا وجميع أموات المسلمين
ألا يالله ياللي تحت هيبة سلطنتك أسلمت
لك المسلم يسبح لك بحمدك وإلك الإسلامي
احمدك، وأشكرك، وأثني عليك بما علي انعمت
وزدني في وفا بر العشير ووصل الأرحامي
ولهت الفجر ياليل الذهول اللي علي أظلمت
بعرضك واقع الذكرى عليه عرض الأفلامي
وولهتك يالنديم اللي على صافي وفاك أضرمت
بصفحة ذكريات العام واللي من ورى العامي
عطتني عزلة إخلاصي معك نسيان من نادمت
كتبتك وانطوت صحفي عليك وجفت أقلامي
بعد تقرير مشوار التجارب نجحت وأجزمت
بأن السيف سيفي والعصا والمحزم حزامي
أباهي، لا أبالي، وأتبسيط كل ما قدمت
أشب النار قدام العرب وأشيد خيامي
نهاري: حر شمسه، يستحي منها لسان الشمت
وليلي ترجم نجومه ملامة كل من لامي
على ضو الكلام اللي كشف عنا ستار الصمت
وعرفت ان به وجيه باليمن ووجيه بالشامي
احسب انك تيمم باتجاهي وين ما يممت
اثر لا انته ورايه بالطريق ولا أنت قدامي
وكثر ماحن صدري للونيس وكثر ما درهمت
فجع صدري حنيني وأتعب الأقدام درهامي
مصيبة لا تردت قيمتك في عين من قيمت
يشوفك بالسهل وانته تشوفه بالسما السامي
مادام ان جانبي شام لجنابك وانت عني شمت
كثر خيرك، وانا لانيب لا جايع ولا ضامي
اشوف انه علي واجب، اليا مريتكم سلمت
مرور كرام تربطها الكرامة عند الاكرامي
على شان الخفوق اللي على عرشه قعدت وقمت
وحجب عنك الدجا لين اشرقت لك بيض الأيامي
مصير الوقت يشرح لك ظروفه لا غفلت ونمت
يصيحيك الزمان اللي يصحي كل من نامي
وتعرفني لمنها ضاعت اوهامك بمن وهمت
وعرفت الفرق في حب الخشوم وحب الأقدامي
ختام السالفة يا طيب العشرة كرمت ودمت
هذا حقك علي وحق شرهاتي على أوهامي
👍
انشههد
رحمة الله عليك يابن جدلان