Boksieri Leo Xhangoli triumfon në turneun “Open Ballkan”, mposhti serbin Vukajlović Vuk-Kruševac

#leoxhangoli #boks #box #ksteuta
Boksieri i talentuar Leo Xhangoli triumfoi në turneun “Open Ballkan”, zhvilluar këtë fundjavë në pallatin e sportit “Ramazan Njala” në Durrës.
Në këtë kompeticion ku morën pjesë boksierët më të mirë të Serbisë, Maqedonisë së Veriut dhe Malit të Zi, spikati edhe Leo Xhangoli, i cili ishte ndeshja kryesore e eventit.
17-vjeçari durrsak që përfaqëson klubin Teuta dhe garon në peshën 80 kg, mposhti me pikë boksierin serb Vukajlović Vuk-Kruševac.
Leo Xhangoli ishte superior përballë kundërshtarit serb, ndërsa e hodhi ‘knock-down’ në raundin e tretë.
Në përfundim të tre raundeve, Xhangoli fitoi me pikë 30-27. Kjo ishte fitorja e tretë në tre ndeshje në total për boksierin që ka spikatur tek të rinjtë e Teutës, falë punës së trajnerit të tij Enton Kikrri.