قصائد متبادلة الشاعر/ مشعل بن فيصل الشعلاني المطيري والشاعر/ عبدالله بن لافي المصطبح العنزي

يالله بسمك ابتدي بدع قيفان
ابدى كلامي والجواب معلومي
قاف بنيته من ضميري على ان
والعجز صغته بالقلم حرف اومي
القاف له في داخل الصدر خزان
سيل له يزوم واليا تلاطم يزومي
مثل المزون اللي تحدر من امزان
تهل هطال المزون الغيومي
قرايض يطرب لها كل طربان
تكرم حروفي عن حروف الغشومي
الشعر له عندي حشيمة ومنصان
ما رحت في شعري ابيع واسومي
واهدي قصيدة من ضميري لديقان
رجل عزيز ومن رجال نجومي
قم يا نديبي معتلي صنع يابان
متخيرك من بين ربعك عمومي
فلل وقودك من محطة تويسان
وروح انا ناخيك تقضي لزومي
اول مسيرك اذكر الرب سبحان
سبحانه مصخر حديد يهومي
يبوج مع خطه صحايح وديان
سهم زرق من جعبته وسهومي
متوجهن خط الحفر شرق الاوطان
والبيب في يمناك رقمه حكومي
لا جيت دار الحفر يا بليهان
اطلع جنوب خط سريع عمومي
للمجمعة دار المعزة والاخوان
دار الرجال اللي تعرف السلومي
تلفي لبيت اللي يقولون صعران
هذاك ابو فيصل قوي العزومي
يفرح اليا منه لفى البيت ضيفان
يضحك ولو انه كثير الهمومي
تلقى النشاما عنده بوسط ديوان
ديوانه العامر ترى كل يومي
تلقى السوالف يومها كان ما كان
زين السوالف والكلام الكلومي
سلم عليه حب خشمه ولا هان
وعطه الكتاب اللي عليه الرقومي
قل مشكور ثم مشكور ياطير حوران
مدحك لربعي ووصفهم بالقرومي
ومدحك لعمي وقولك الشيخ فرحان
ولو بالمناوي ودك انه يدومي
هذا الوفاء وطبع الوفاء طبع الاحسان
وانت الوفاء كله بختم ووسومي
يا مشعل ترى لك عندنا قدر لك شان
لك المعزة عندنا ومحشومي
نعم البناخي ما جزيناك نسيان
نعم الرفيق اللي لربعه خدومي
نعم القريب اللي تعزوى بويلان
لا والله الا القول سبعة نعومي
رجل شجيع من رجاجيل شجعان
رجل عديم ما يهاب الهجومي
رجل سخي ومن السخاء حيل مليان
رجل كريم ومن حساب كرومي
كل المراجل تندفع يم ذيبان
كاس المراجل راضعه بالفطومي
ماله شبيه الا الذيب سرحان
شوق الهنوف اللي تحط الوشومي
الجد شعلاني ومن نسل صعران
من روس قوم للفخر هي ترومي
حمر النواظر لا تناخوا بمطران
نعم الرجال اللي تضد الخصومي
رجالكم ينطح صعيبات الاكوان
وعلم العوارض واضح كالنجومي
يفداك والله المرتخي يا كحيلان
يفداك والله المرتخي والرخومي
واختامها ادعيلك الرب سبحان
عسى السعادة في حياتك تدومي
عبدالله بن لافي السويلمي العنزي
يامرحبا باللي يغني بقيفان
كنه على الظامي طشيش الغيومي
واحلى من البارد على كبد عطشان
من شاعرن طرى قديم العلومي
عبدالله اللافي سلايل كحيلان
مركع الجزلات جعلك تدومي
ذكرني بوايل وعرعر وبرزان
واهل الشمال اهل الكرم والسلومي
قم يا نديبي دامه البال طربان
عب السكوي اللي قوي العزومي
من شيشة ابن سرور ولا بسبهان
والسلف لا من نيش سبعن يهومي
وانصى الديار اللي لها القلب شفقان
من دونها وان لافحتني السمومي
ديرة سلايل عز من نسل ويلان
اللي ولدهم للملاقا يقومي
مركاضهم يشبع به الذيب سرحان
والفرس فيها من خوالي وسومي
والمصطبح فيها من المجد برهان
واذكر بهم فرحان نسل القرومي
كساب والنعمين في كل ميزان
شيخ الفعل ماهو بشيخ الختومي
والنعم في فرحان وان قيل فرحان
امنوخ الصعبه مجلي الهمومي
والنعم في خالي ليا مد الايمان
اليا عطى قسمه كبير القسومي
والطيب طبعن له على كل الاحيان
واسمه سطع مع لامعات النجومي
يا عله الفردوس في عالي جنان
ذي دعوتي للمصطبح كل يومي
مشعل الشعلاني المجمعه