Tirana në pritje të Vitit të Ri, qytetarët shijojnë momentet e fundit të 2023 në sheshin Skënderbej

Në Tiranë po ndihet atmosfera e ndërrimit të viteve. Teksa na ndajnë pak orë nga ardhja e vitit 2024, sheshi “Skënderbej” është mbushur me qytetarë.
“Ajo çfarë duket dhe vihet re është se qytetarët janë duke shijuar momentet e fundit të 2023. Duket sikur Tirana sot është zgjuar shumë herët. Ka pasur një Tiranë të zhurmshme, një Tiranë që deri diku do thoja të rrëmujshme, por që i kishte hije kësaj dite sepse njerëzit nxitonin për ta bërë të bukur ditën e fundit të 2023 duke e mbyllur këtë vit me mirënjohje dhe duke e parë me pozitivitet drejt 2024”, raportoi gazetarja Anisa Krraba në një lidhje live për edicionin e lajmeve në Tv Klan.
Megjithatë pritet që njerëzit të shtohen pasi Bashkia e Tiranës ka rezervuar surpriza për Vitin e Ri.
“Është bërë traditë që Vitin e Ri ta presim me këngë dhe festivale. Bashkia e Tiranës ka menduar që 2023 ta mbyllë me një koncert, i cili ka qenë për një javë duke u zhvilluar këtu në Tiranë. Sonte do të ngjisë në skenë të tjerë artisë. Do të ketë këngëtarë të njohur. Era Istrefi është njëra prej tyre e cila do të ngjitet sonte për të kënduar për gjithë qytetarët që do ta presin 2024-ën jashtë”, raportoi gazetarja./tvklan.al
SUBSCRIBE to “RTV KLAN” on TH-cam for more videos!
Email: [e-mail]
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog...