ERDHI 40 VJETORI I PRANVERES 1981 -ës

Për pranverën 1981, gjatë këtyre viteve u shkrua e po shkruhet, është thënë e po thuhet, padyshim do të thuhet e do të shkruhet dhe do të mbetet vetëm një: ajo që e tha vetë populli, që mori pjesë gjatë asaj stine të bujshme kosovare, që e cilësuan dhe si “kryengritje mbarëshqiptare për liri e pavarësi”.
Athua ky lloj i veçantë i politikanucëve do të marrë përgjegjësinë edhe nga familja e vet? Nëse ka? Po përsëriten gabimet e mëparshme. Pra, sa duket, e kanë me qëllim.
Shqiptari qëllimin nuk e fal?
E fal “mosdijen politike, e fal fjalën e rastit, por nuk e fal më fyerjen e luftëtarit të lirisë së një populli.
Ky lloj produkti i flirtit me serbët, me pafytyrësi të vjedh dhe merita, e çka është më keq, e vjedh edhe persekutimin e tjetrit, e zhdavarit, e mbllaqos dhe vazhdimisht po si kërmilli në lëmashkun e vet, del i terur.
E veçanta e çuditshme e disa politikanëve tanë, është trishtuese, kur i krahasojmë me intelektualët e popujve të tjerë, kur intelektuali i mirëfilltë guximshëm hyn në procesin e çlirimit për popullin e vet dhe jep vizionin largpamës, te ne po është e kundërta ??!
Shih e kundërta e përsëritur: nxënësi, studenti e qytetari i zakonshëm po e tërheq edhe sot për veshi intelektualin paranoik, apatik, të lodhur, të molisur etj. Deri kur kështu ?!! Ne jemi për zgjedhjen dhe lirinë e popullit tonë në rajonin e Ballkanit, jashtë eksperimenteve që veç u provuan e po provohen mbi kurrizin tonë tash e 100 vjet, dhe po dëshmohet se nuk dha rezultate.
Të provojmë kësaj radhe vetëm atë të thjeshtën, konkreten dhe të mundshmen: shqiptarët e bashkuar në mbrojtjen e vet dhe të Evropës për Evropën.
Ne jemi ata që po i përkrahim vëllezërit tanë që e mbrojnë nderin dhe shtëpinë e vet, ne jemi me UÇK-ën dhe shprehim admirim dhe përkrahje morale e materiale e fizike.
Deri në bashkimin e plotë me të drejta civilizuese evropiane!
Vetëm kjo është zgjedhja dhe stabilizimi i Ballkanit, kuptohet dhe i familjes tonë evropiane.
Çdo lloji të eksperimenteve tjera, i vije “era” pushtim dhe kolonizim i ri ballkanik.
Këtë strategji nuk e duron as toka ballkanike e lëre më shqiptarët.
Dëshiroj që gjeneratat e studentëve të sodit në trojet shqiptare, t’i përmirësojnë gabimet tona, nëse i kishim?!!
Rroftë kombi shqiptar i bashkuar me Evropën!
Sylë Mujaj
Ish i persekutuar politik 1981- 1990