المحكمة | الشيخ حسين الأكرف | هيئة عاشوراء

المحكمة
اداء الرادود : الشيخ حسين الأكرف
كلمات الشاعر : علي الخفاجي
ليلة 15 محرم الحرام 1440هـ
العزاء الحسيني
هيئة عاشوراء
العراق ـ بغداد
نص القصيدة
يــا درب السبي زينب عــالـمه
وبقصر الطغاة نصبت محكمه
حكم العدل تـريد والمتهــم يــزيــد
***********
كل نگلت جـدم شعلت ألف جمره
مـا چـنهــا سبيــه مشـت منتصره
ســارت للجهــاد وفـجــرت ثوره
حكــم ضـد الضلمها تنفذ بقصره
صاحت يايزيد حكمك مايطول
وأبـدم الحسين سلطانك يـزول
والصرخه للشهيد والمتهم يزيد
***********
بـلاغتها بلاغــة علـي علـه المنبر
من خطبة زلم خورست بت حيدر
صاحت من هـوان الدنيه عالخدر
يمك يــا يــزيــــد مچتفه تحضــر
هــاي المحكمه بالحق ناطقه
وبراسك يصير حبل المشنقه
وأتحرر العبيد والمتهم يزيــــد
***********
نهدم عرش الظلم من وگفت بديوان
نصبت محكمــه واليحكـم الــوجدان
صاحت أنا أخـوي المنذبح عطشان
راســه عله الرمــح ويــرتل القرأن
تاريخك يــزيد شيطان رجيم
وأبناء الرسول سر الله العظيم
وأتردد النشيد والمتهم يزيد
************


وين أهل الشرف خل تحچي بالمعقول
لابـــد بالحكـم صــوت الضمير يگول
يــــزيد المتهــم والجـــاني والمسؤول
جـــريمه ومــا تنسبوها الفعل مجهول
يا قاضي الضمير صــدر مــايلي
وتصادق القــرار زينب بت علي
أعلنها من جديد والمتهم يزيد
*************
سفيره للحسين وكــربله وعـاشور
كتبت مجد أخوها بأصبعه المبتور
صاحت يا يزيد الدنيه هـاي أتدور
وأتقاضيك بــاچــر بالقيامه أنحور
بالمحشرشتگول يم قاضي القضاة
لو شهـدن عليك كــربله والفرات
من يحچي كل وريد والمتهم يــــزيد
************


كل ضنك تنفــذ جــــــورك وتـــــرتاح
دم حسين باچـــــر يــفـضـــح الـذبـــاح
أقــــرب مـن عـرش طغيانك المصباح
وللمظلوم صوت بـوسط قصرك صاح
مجهول المصير أنــت ودولتك
ضلمك ما يدوم ودمانه هلكتك
حجتك ما تفيد والمتهم يزيد
************
زينب والــزمـــن والمحكمــه أنـصبت
والنـــاس بتفـــاصيل الخبـــــر قــرت
يـــزيـــد المتهــــم والأسأله أنطرحت
وتفــاهاته عله كل المجلس أنعرضت
صاحت يا لعين كل أهل الشرف
ما يسكت محال دم ألــي نــــزف
حلمك صبح بعيد والمتهم يــــزيد
#هيئة _عاشوراء
#Ashura _ Establishment