خالد ال بريك | عقب صمنا واقبل العيد غني يا رباب | سلطان بن بشير | 2023

عقب صمنا واقبل العيد غني يا رباب
القريحه بنت الابداع واخت الموهبه
ما ثنيت عقالها الا على درب الصواب
ودي اقضي باقي العمر سجده وطلبه
من شرع شهر الفضيله شرع يوم الحساب
يرتجيه العابد الي برك فوق ركبه
بين تكبير المصلين وايات الكتاب
لذةٍ تغسل ذنوب النفوس المذنبه
يالله اجعلنا من الي عملهم مستجاب
لا شربنا الماء مع العيد زدنا مرتبه
عقبها علق هقاويك في غر السحاب
السماء تحيي عروق الديار المجدبه
يا رفيقٍ تجلي اللوم وتفض العتاب
حزة المسرى دليل النجوم المرقبه
شغل الي لا تنهض مثل وصف العقاب
لا قطع بالطلع ماله سبوقٍ تقضبه
اشهبٍ خشمه وجنبه مثل لون الخضاب
في يدين الي تسويه كل محجبه
‏
ما يذب الا خشوم الحتايف والهضاب
يلتهب مثل اصفر العين قدم معزبه
شاصٍ اشهب فيه لمحه من وجيه الذياب
تعجبك طخة جبينه ووجه وشنبه
ما يجنب عن طريقه لو انه في عذاب
ودك ان البشت الاشقر يقلد منكبه
لا غدا وجه الليالي مثل لون الغراب
في دروبٍ من غثاها يضيع المنتبه
عده حصان المواجيب محمود الجناب
ابلجٍ متنه يشيل الحمول المتعبه
عند طارق يفتح الظرف ويعد الجواب
الرفيق الي يشيل الثقال بمنكبه
ينطح كبار المشاريه في سن الشباب
يوم ولد اللاش من بيته ليا ملعبه
يا اخو فيصل يا سلايل ملينة الصعاب
والله ونعمن بفيصل واخوه وبعربه
انت من روس القحومه هل المجد المهاب
حربةٍ لا ناشت العظم خلته حطبه
ايه بن صحران لا زعزعت علط الرقاب
يحتمي في ضفه البل عشاير وجنبه
من زحول مطير شلفا ولد غانم ذياب
حدهم غرب المدينه وشرق الدبدبه

[@B.king11]

‎لاتنسى الآيك والاشتراك ( تفعيل جرس التنبيهات ) ♥️✌🏻️

[@aqq3036]

افضل منشد علا الساحه لان خالد البريك❤

[@user-ez9jo8qz5p]

الله عليك ياخالد البريك❤

[@omars2361]

ابدااااااااااااااع 👏🏻👏🏻👏🏻👏🏻👏🏻👏🏻

[@HR-xs4ce]

الله الله ❤

[@user-zg3kl2be8b]

ابدعت يا سلطان عزالله تصبها صب الذهب وزادها حلا خالد ال بريك هذا الشعر ماهي الدوادي

[@user-pe1us4wf4z]

❤❤❤❤❤❤❤❤❤❤❤❤❤❤

[@nknk9402]

خالد آل بريك يقتحم الساحه بقوه اشهد بالله منشد

[@user-xb6th7fn6r]

يالله اجعلنا من دعاهم مستجاب يارب العالمين لنا ولي والدينا ووالديكم وجميع المسلمين والمسلمات الأحياء منهم والأموات يارب العالمين

[@Qa01066]

الله أكبر ابدعت🤍

[@user-xb6th7fn6r]

بيض الله وجهك يا يولد روق ولاهان المنشد كفو ينطح كفو الشمري من حايل محبكم يا عتيبه العز والكرم

[@user-ib4jw5gw5s]

الله الله

[@user-hh8fc2bc8s]

مبدع

[@ASD-el5qh]

افخم شيلات سمعته

[@user-fl5do5pj1z]

لله درك سريت علينا ليله العيد مبدع شهادتي فيك مجروحه يابن بشير

[@nknk9402]

ابداع ابداع بااحلى صور الإبداع

[@Qa01066]

كفووو 🤍

[@lemasol4735]

صوت واداء قمه في الروعه
صوت يعطي كل قصيده ما يناسبها من لحن و اسلوب
يركب المعنى على طبقة الصوت
وفق الشاعر في اختيار الفنان خالد ال بريك أبببدع👏👏👏💯

[@user-xn8co7ec4p]

روعه كلمات ولحن

[@saad.3]

العمل يقبل والدعاء يستحاب ؟ كيف العمل يستجاب

[@btwd7915]

ذووووق

[@user-vv2qz6vd7r]

والله اللي به شاعر

[@user-kj1vh4lf5o]

❤😂مرحبا

[@user-oy3zx1wt6i]

صح الله لسانك ي ولد العم

[@user-dt7ch9bf7u]

غالبًا قصائد المناسبات والمدح ماتستهويني لكن مكتمله وفيها حرفة شاعر 👍

[@-K.S.A-mars15-K.S.A-mars11]

💚🇸🇦💚

[@user-wu7bs8on4c]

صح لسان بن بشير و فيه بيت كان من الافضل استبعاده من هذي القصيدة ( يلتهب مثل اصفر العين قدم معزبه)

[@naiflo9074]

قصدك فيه عنصرية

[@user-wu7bs8on4c]

@@naiflo9074 👍🏻

[@user-vv2qz6vd7r]

هذا ازين بيت فيه تشبيه

[@yama1595]

قصده ( الحر ) الصقر مفهوم من سياق القصيدة

[@gemr4619]

ابيها ام بي ثري

[@user-qw5yn1kx1i]

اللي تغني رباب 😂😂😂😂

[@lemasol4735]

يقصد الربابه البدويه

[@user-kf8hs9fk6t]

يعني خالد البريك رباب😂😂😂😂😂😂

[@lemasol4735]

يقصد الربابه البدويه