صاحبة القناة لقد شاهدت تقريبا كل الصفحات الشخصية الخاصة بتجربتي مع السنة الثانية وجدتهم يهتمون فقط بترقيق اصواتهم ونبرات صوتهم الحنينه وانت تعطين المعلومة رائعة مع نبرة صوت خالية من الخبث والترقيق انا من متابعينك منذ تاسيس قناتك شكرا لك
ما شاء الله و بارك الله فيك حقا استفدت كثيرا من الفيديو و من نصائحك بحكم انه مكاش بزاف ناس يهدرو على شعبة رياضيات بطريقة مفصلة فجدا فرحت لما صادفت قناتك واصلي ووفقك الرحمان و ايانا
انا كي مدولنا في سنة اولى نخيرو شعبة خيرت علوم وفي اخر سنة لقيتهم وجهوني لشعبة رياضيات معجبنيش حال ودرت طعن وحاول نبدل شعبة لعلوم درت كلش باش يبدلونو ومبدلونيش كي دخلت اولى سنة مكنتش باغيا نقراها كامل بصح حمد الله من بعد لقيت روحي نفهم فيها خير وجبت فيها معدلات ملاح ووليت نبغيها شعبة رياضيات وليت متفوقة فيها بزاف ولا تكره شي ويجعل الله فيه خيرا كثير حمدالله لي متبدلتش وبقيت فيها
واصلي معانا نصائح ثانية ثانوي رياضيات قبل الدخول المدرسي و اذا نقراو في اوت و واش هيا الدروس تاع الاولى الي نحتاجوها في الثانية ثانوي ❤❤موفقة ان شاء الله 😘🌹
مرحبا بك في قناتي 💞 السنة الاولى ثانوي مكانش عندي فيها حاجة تجذب الانتباه كالثانية ثانوي 😅 و لكن اذا خصك معلومات و نصائح دراسية نقدر نفيدك ان شاء الله فقط اطلبي 😘
كاش واحد يعاونني😭 أنا ندي معدل 17 . نحب العلوم و كنت حابة ندير طب و نروح سيونتيفيك ولكن قرار تاع اولوية تخصصات علمية للشعبة رياضيات مع علوم حيرني بزاف و قلت ممكن تكون شعبة رياضيات تكون مليحة ليا باسكو كاين زوج مواد اساسية ماشي كيما ضغط شعبة علوم . مع علم انا نخاف المات مالغري ندي فيها 17 و 18 ولكن بزاف نقراها باش نديها و نخافها بزاف ممكن تجي بيزار ولكن معقدة منها😭 تسما مزال للان مانيش عارفة واش ندي نروح شعبة رياضيات ونقول نتغلب على خوف ولا نكمل سيونس
روحي سيونس اذا تخافي من المات بغسك المات تصعاب في ماتيلام و اذا راكي باغية طب .. غادي تكون عندك الاولوية في الاختيار عادي حتى لو مع شعبة رياضيات و ما تحصيش بالك العام الجاي يبدلو قوانين نتي خيري شا يساعدك اذا تعرفي المنهجية تع العلوم و علابالك بلي تدي فيها نقاط ممتازة ديري سيونس و شعبة رياضيات ليست سهلة لانها فيها ماداتان اساسيتان فقط بل العكس هذا ما يجعلها صعبة نوعا ما للبعض عليك أن تدرسي نصيحتي و ان تقرري ان كانت مفيدة لك أم لا على حسب ما يناسبك اتمنى حقا ان تكون مفيدة و ان تساعدك 💕 الله ينجحك و يوفقك ✌️
شكرا جزيلا حبيبتي على تعليقك الرائع ❤️ سعيدة لان المونتاج قد اعجبك ✨ و أكيد بإذن الله غادي نوقف معاكم و ندعمكم أصلا هدفي من هذه القناة هو تحفيزكم على الدراسة و إفادتكم من تجاربي th-cam.com/video/69JIpCF6VuM/w-d-xo.htmlsi=TIZdcaVRELroknwO هذا الفيديو اللي راكي محتاجاته و دوك نزيد ان شاء الله ✨
اختي حبيت نسقسيك ،، انا طالبة لي قاعدة جيدة في الرياضيات لكن لست نابغة فيها يعني نفهم الرياضيات باستثناء الفيزياء فأنا اجد صعوبة في فهم دروسها خاصة مايخص الميكانيك ، الكيمياء ماعلياش وناقصة كذالك في العلوم ،، حبيت ندرس شعبة رياضيات هل تنصحيني بيها بما اني ضعيفة نوعا في الفيزياء ؟؟وهل فعلا شعبة الرياضيات يروحوا ليها الا الطلبة النوابغ يطيروا في الرياضيات كيما راهم يقولوا يعني لازم التلميذ الي يروح يكون يعرف يقرا الرياضيات ملييح فأنا طالبة لست نابغة في الرياضيات لكن لي قاعدة جيدة يعني اذا جتهدت فأكيد رح نلحق ،، نتمنى تردي في القريب العاجل لانوا رح حابة ندير شعبة رياضيات ،، بل ماننسى عنوان الايميل فقط راهوا نتاع الوالد نتاعي
انا مغربية مي لقيت عندي نفس الأسباب لي خلاتك تديري علوم رياضية 😂😂 غي هو المدرسة ديالنا فيها كل الشعب من غير شعبة علوم رياضية B وانا فصراحة ماعنديش مع علوم الحياة والأرض رغم أنني تفوقت فيها هاد العام و فكاع الفروض جبت 19 مي غير على حساب الشرح الا كان الاستاذ متمكن من الشرح و التلميذ كيدير داكشي لي عليه فأكيد كي تحصل على نقط جيدة و كيكون متفوق انا عندي تخوف غي من هادشي بغيت اغلب الاساتذة يكونو متمكنين و يقريونا مزيان بسك شي وحدين الله يسمح ليهم عندهم زايد ناقص و ماكيديروش مجهود مع التلاميذ ماعرفتش واش حتى نتوما عندكم جهوي فحالنا يعني كدوزو فلخر دالعام المواد الادبية مي لي عارفة نتوما عندكم البيام فحال الباك عموما الله يسهل على الجميع وشكرا على الفيديو ❤🎉
@@RayanAbabsa اذا راكي متمكنة غايا فالرياضيات و الفيزياء لدرجة جيدة جدا تقدري تروحي جربي تشوفي مواضيع الماتيلام قبل و قارنيهم مع تع سيونتيفيك و شوفي وينهم اللي جاوك ملاح و اسكو تقدري لماتيلام (هذا في رأيي الشخصي 😅)
@@RayanAbabsa نقاطك ممتازة الله يبارك و لكن مواضيع الماتيلام مختلفين نوعا ما مع السيونتيفيك .. بصح اذا تدي غايا فالعلوم قعدي سيونتيفيك و اذا راه في راسك تخصص عنده الاولوية لماتيلام ديريها (مثلا الذكاء الاصطناعي او الاعلام الآلي )
ديرينا مصادر لي اعتمدتي عليها ومنين نجيبو سوجيات ولا فيديوهات تاع يوتوب فيهم تمارين بنفس فكرة سوجيات تاع اختبارت يعني صعاب ويخلونا ندو 20+استمري حبيبتييييييييييييييييييي
انا العام هاذا ثانية ثانوي شعبة رياضيات تقريبا نفس قصة صاحبة القناة بعثوني للمدرسة اللي فيها شعبة تاعي و عييت نحوس علقناة تهتم بشعبة الرياضيات (مهمشين😢) و تمدلهم نصائح الحمد لله لقييييت🤩☺ ان شاء الله تقدميلنا العام هاذا ملخصات و نصائح للوحدات خاصة المواد العلمية و ربي يوفقنا ان شاء الله
شكرا لك على تعليقك الجميل و سعيدة لانني استطعت إفادتك و بالتأكيد سأبذل قصار جهدي لتقديم الافضل فقط اطلبي ما أنت بحاجة اليه و سألبي الطلب بإذن الله ✨ الله ينجحك
th-cam.com/video/69JIpCF6VuM/w-d-xo.htmlsi=vm7S5sW07RJKAaqF هذا الفيديو مفيد اتمنى ان تدعموه ❤ شكرا جزيلا لكم أحبتي في الله على تعليقاتكم الايجابية و سردكم لتجاربكم المتنوعة و المفيدة
عاونوني راني حايرة انا ندي معدل 17 وراني حابة نكون طبيبة بصح راني حايرة نخير ماتلام ولا علوم تجريبية رغم انو انا نحب العلوم بزاف وندي فيها مليح 18/.19 لكن فالفرض ديت 11 كان سوجي صعيب هذا اثر بزاف على نفسيتي وخلاني نخاف نروح علوم تجريبية و فالرياضيات 20 و 19.5 واحد مينحيهالي وجامي ندي اقل وراني حايرة نخير علوم تجريبية ولا رياضيات ممكن تساعدوني 😢
السلام عليكم ورحمة الله وبركاته حبيبتي❤ انا مشتركة جديدة في قناتك و عجبتني بزاااف واصلي يا قلبي وبالتوفيق ان شاء الله يارب🤲❤ من فضلك حبيتك تعطيني المصطلحات نتاع الانجليزية و الفرنسية الفصل الاول ثانية ثانوي لي عتمدتي عليهم اتمنى ان تردي عليا يا قمر 😊😊😊
و عليكم السلام اختي مرحبا بك في القناة انا سعيدة جدا بانضمامك اليها كما اتمنى ان تفيدك في مشوارك الدراسي و شكرا لك على تشجيعي للاستمرار بصراحة انا لم اعتمد على أي مصطلحات و من تجربتي الشخصية أقول لك انه لا داعي منها فلاتوجد مصطلحات خاصة في الثانية ثانوي على عكس البكالوريا .. اي انك ستحتاجين لها في الثالثة ثانوي و ليس السنة الثانية 💕 السنة الثانية سهلة عكس ما يقال عنها الله ينجحك و يوفقك اختاه
@@MALAKMALAK-di8gm أكيد فعلى الارجح انها رائعة جدا هذه فرصة مثالية عليك باستغلالها اتمنى لك كل النجاح يا اختي ❤️ دوماج انا نسكن في وهران كون جيت في الجزائر العاصمة نروح 😁
@@نحوتميزفيبيام2025 البحث قصدت به ؛ الاجتهاد و البحث عن معلومات اضافية حول الدرس غير مكتوبة في الدفتر (لان استاذتنا كانت تتعمق بزاف و تزيد صوالح مشرحتهمش أصلا) و هذا افضل للباك
@@نحوتميزفيبيام2025 إما ان تشاهدي افلام وثائقية (وهذا افضل) او ان تبحثي على جوجل و الافضل من ذلك استعيني ببرنامج ذكاء اصطناعي كتشات جي بي تي او copilote
معليش نسقسيك انا تلميذة تحصلت على بيام بمعدل ثمنطاش وكنت في. كل سنواتي دراسة ندي غير عشرين فيرياضيات فجاة طلعت لثانوية تحصلت على علامة17.5 حابة نسقسيك اهطيني مواقع فادوك في حلول تمارين رياضيات من مستوى عالي اتمنى اجابة وشكرا
معليش اختي نسقسيك انا العام الجاي بيام وحابة نعرف حاحة على الثانوية برك . كي نطلعو سنة اولى نقراو علوم نورمالمو مبعد يفرقونا كل شعبة صح؟الا صح كيفاش ندير باش نروح شعبة رياضيات ؟ تعيشي اختي جاوبيني الا هنا ولا بفيديو اللي يريحك ❤
@@uxxllbntotovu نعم .. فالفصل الثاني او الاخير يعطوكم بطاقة الرغبات بش تخيرو الشعبة اللي راكم حابينها و متتقلقيش غادي يجي المستشار يعاونكم و باش ديري شعبة رياضيات ليق يكون عندك نقاط جيدة في مادتي الرياضيات و الفيزياء هذا فقط مكانش حاجة كبيرة الله ينجحك اختي بالتوفيق ❤️
@@uxxllbntotovu مكانش غاع مشكل صافي بليزير نعاونك اختي انا كنت ندي من 18 حتى ل 20 فالفيزياء و من 19 حتى 20 فالمات و العلوم 13٫75 حتى 15 و مشي مشروط تدي هاذ النقاط .. يقرو معايا وحدين كانو يجيبو من 16 و طلع و نقاط العلوم غير مهمة لشعبة رياضيات لا المعامل تاعها يولي 2 فالثانية ثانوي و الرياضيات 7 و الفيزيك 6 نتمنى يكونو فادوك المعلومات اذا احتجتي شيء انا في الخدمة ❤️
@@StudentLife-z8n ربي يحفظك اختي ويوفقك يارب . إن شاء الله لو عندك الوقت أعطينا المصادر لي قريت منهم كامل المواد في فيديو ضربة وحدة 💗💗شكرا طمنتيني كثر 💗💗💗💗😩
لا شكر على واجب 😊 العلوم في شعبة رياضيات تكون سهلة جدا مقارنة مع السنة الاولى ثانوي و علوم تجريبية (وهذا على حسب الاستاذ ، كاين الاساتذة اللي يبغو يصعبو) و لكن حنا في شعبة رياضيات مهما كان الموضوع تع العلوم ساهل ولا صعيب غير كيف كيف لاننا مكناش مهتمين بيها
نسقسيك اختي من فضلك قوليلي التاؤيخ و الجغرافيا كيفاش قريتيها بالتفصيلللل تعيشي باسكو انا عندي مشكل معاها دي المادة و كيفاش ككنتي تقدري تمديلها الوقت رغم البرنامج المكثف ( وشمن وقت كنتي تقرايها) و وش قصدك بالبحث و لي روشارش من فضلك جاوبيني و اجرك على الله و الله يجعلها صدقة 🤍
مادة التاريخ كنت نفهم فيها كل شي أثناء الدرس و كنت نبدا نحفظ قبل اسبوع او اسبوعين من الفرض او الاختبار كنت اعتمد على التلخيص أحيانا و بالنسبة للبحث قصدت به مشاهدة الوثائقيات او قراءة المقالات المتعلقة بالدروس بحثا عن معلومات اضافية بغسك استاذتنا كانت ديرلنا صوالح أحيانا ماتكونش كاتبتهم فالدفتر و بالنسبة لي فهي مادة رائعة و مريحة لأنه فيها خرائط و رسومات بيانية تغنيك عن الحفظ و الكتابة كثيرا و معلوماتها مثيرة للاهتمام ايضا ❤️ اتمنى ان اكون قد افدتك الله ينجحك و يوفقك 😘
@@StudentLife-z8n اهاااا شكرا على الاجابة سويتهارت استفدتت شكرااا و حبيت نطلب طلب منك ان شا الله مانقلقكش لي هو ممكن تديريلنا فيديو كيفاش قمتي وقتك بالتفصيل حتى للمواد الثانوية كيما التاريخ و الجغرافيا و كيفاش قدرتي تنظمي روحك ماشاء الله عليك باسكو اغلب الفيديوهات يقولك قرا صباح و لا سهر و ميمدولكش التقنية الصحيحة مليح فمن فضلك ديريلنا و حبيت نقولك شكراااالله يجعلها من ميزان حسناتك و ان شاء الله هادي المعلومات لي راكي تمديلنا فيهم او من الافضل قول انها تعتبر صدقة تعاونك فشحال من حاجة فحياتك 💟
@@larisan7691 لا شكر على واجب حبيبتي آمين .. شكرا لك على كرمك في الدعاء لي ❤️ انت اطلبي و انا بإذن الله ناجوبك و أكيد مكانش ازعاج و لكن صراحة انا مشي من النوع تع التلاميذ اللي ينظم وقته ، انا لا أحب القيام بجدول زمني و اتباعه بل أفضل طريقة الدراسة التالية؛ عند العودة من المدرسة ادرس المواد الأساسية و احل تمارين فيها مثلا ادرس الرياضيات و إفهم الدرس جيدا بكل حذافيره ثم احل تمارين و نفس الامر مع الفيزياء و لا يهمني الوقت بقدر ما تهمني كمية المعلومات التي اتلقاها و اسجلها في ذهني اما المواد الثانوية فأدرسها قبل اسبوع او اسبوعين من يوم الامتحان و اعتمد على الملخصات كثيرا لانها مفيدة جدا و تغنيني عن فتح الدفتر او اليوتيوب يعني باختصار انا أهتم بكمية المعلومات اكثر من عدد ساعات الدراسة .. يوجد من يقول ادرس ساعتين رياضيات ثم خد استراحة و ادرس مادة ثانوية لكن ربما تكون مدة ساعتين لي غير كافية او أنه يمكنني ان ادرس في أقل من ذلك يعني المهم هو الجودة و ليس الوقت او الجهد اتمنى ان يكون شرحي واضحا و ان لم يكن كذلك اخبريني كي ابسط لك 😘
@@StudentLife-z8n علابالك و الله غير نحيتي عليا الحيرة لي ني دايما متقاقة حولها و هي الوقت شكرااا بزاف و الله صحيتيييييييييي علابالك بلي صح فدتيني و هادي ماهيش مجرد تسليكة ربما تجيك حاجة تافهة مي صح وش ني نهدر ان شا الله رح نتبع الخطة تاعك هادي و منزيدش نحوس خلااااص فشكرااا جزيلا بالتوفيق لك 💗💗
@@larisan7691 انا ممتنة جدا لرأيك و لافادتي لك الحمد لله و بغيت نقولك اختي بلي هذا ليس أمرا سخيفا اطلاقا انا وحد الوقت تاني كنت نخمم كيفك سما نحس بيك 💞
اختي انا طالعة ثانية شعبة علوم ، ودخلت الفيديو غير علاجال كي قلتي بلي طلعتي من 9 حتى ل20 في الرياضيات ، لانو انا الرياضيات و الفيزياء مدايرلني هاجس و علاماتي فيهم صارت اقصى شي 15 و الباقي 13 ، 14 ... و هذا قاع في اولى ثانوي ايا انا خفت قلت في الثانية و الباك شحال ندي ؟؟؟ و صراحة المشكل معرفتوش وين ، نقرا بزاف ونحل تمارين ونفهم الدروس ومنبعد نلقا روحي مخدمتش 😭💔 ومعنديش الغرور يلي قلتي عليه اصلا دايما محطمة نفسي واقتنعت باني مانيش ذكية(رغم اني الحمد لله نعرف نقرا ديت المعدل السنوي 17.5) و عدت دايما محبطة ونسمع بيهم نبغي نبكي 😭 و عييت نعرف الخلل وويييين 💔😿 ممكن تفيدوني بكاش نصائح لوجه الله و شكرا بالمناسبة على القراءة 🌸
مين تحلي بزاف تمارين ليق تركزي فيهم غايا و السؤال اللي تغلطي فيه عاوديه و شوفي وين راه الخلل و عاودي حلي تمرين اخر يكون فيه سؤال مشابه باش تتأكدي انك تمكنتي منه و دروك عندي سؤال ليك : انت كي تحلي بزاف تمارين اسكو تنوعي في الافكار و اسكو تحلي من السهل للصعب ؟؟ لانه لا توجد فائدة من حل آلاف التمارين المتشابهة.. يجب ان تنوعي الافكار و ان تحلي التمارين الصعبة ايضا و كلما وجدت فكرة جديدة عنك اكتبيها في دفتر ملاحظات و استعملي الالوان لترك علامات على الاسئلة التي واجهت صعوبة فيها.. و عندما لا تعرفين طريقة حل سؤال ما لاتتوجهي للتصحيح النموذجي مباشرة بل حاولي اكثر و اذا لم تعرفي اسألي استاذا او زميلا متفوقا في المادة اتمنى ان تكون هذه النصائح مفيدة لك و في فيديو قادم ان شاء الله سوف انشر فيديو فيه نصائح لدراسة مادة الرياضيات هذا الفيديو فيه كل المصادر التي استعملتها للتفوق في الثانية ثانوي: th-cam.com/video/69JIpCF6VuM/w-d-xo.htmlsi=5vhrHwtMx9dxURFX
@@StudentLife-z8n اولا شكرا اختي على ردك جعلها الله في ميزان حسناتك ، صراحة الإجابة على سؤالك هي انو انا نحل تمارين غالبا متكررة وكان يلي فيها افكار جديدة و غالبا تكون في اليوتيوب كيما الاستاذ نور الدين + شكرا على نصائحك مفيدة جدا ان شاء الله نطبقها في العام القادم و بإذن الله يكون التغيير ونقولك عليه 😊+ تجربتك عطاني الأمل بانو نقدر نحسن روحي ، راني بانتظار الفيديو على نصائح الرياضيات 🌸 شفت لفيديو تاع المصادر ساعتمدهم بإذن الله و قناتك بشكل عام رائعة استمري و بالتوفيق في لبكاوريا ان شاء الله تحصلي عليها بأعلى المعدلات
@@MessaoudiBasa-jj2kn ربي يحفظك اختي و الله ينجحك و يوفقك في قرايتك و جميع نواحي حياتك و شكرا جزيلا لك على رأيك الرائع في قناتي و دعائك لي و نصيحة من عندي متحليش فقط تمارين الاستاذ نورالدين لان افكارها غالبا متكررة و ليست صعبة كثيرا زيدي حلي من المصادر اللي راهم في داك فيديو راني مديت فيه كلش ✌️ و لقد اسعدني كثيرا انني قد بُثَّ فيك الامل من خلال تجربتي ❤️❤️😘
يكون الفرق في العلوم .. لان العلوم فالباك تعتمد بشكل كبير على دروس الثانية ثانوي و مادة الرياضيات فماتيلام تكون صعيبة مقارنة مع تقني رياضي الله ينجحك اختي و يوفقك ✨
تنصحوني نبدا من دوك ولا نزيد شويا مع العلم قريت بشكل متوسط يعني ماكنتش ممتازة وفي نفس الوقت ماكنتش ضعيفة يعني كنت نزير شوي نجيب وعندي شوي نقص في اللغات قلت نبدا بيهم بصح يعني مزال كتر من شهر للدخلة تاع القراية خفت نعيى بسك كاين بزاف لي تحمسو من اللول وفي وسط العام بداو يكرهو من فكرة الباك واش رايكم نبدا في نص اوت باللغات ؟
تقدري تبدي دروك باللغات و لكن فقط تعلم الكلمات اللي تحتاجيها بش تفهمي الموضوع و تكتبي وضعية يعني ماتقريش قواعد ولا تتعمقي بزاف و المواد الاساسية بديهم من منتصف شهر اوت و ملاحظة : ماتقريش ساعات طويلة .. قري من 20 د الى ساعة مرة أو مرتين أو ثلاث في الاسبوع باش متعييش كي تجي الدخلة الله ينجحك اختي بالتوفيق ❤️
اختي حبيت نسقسيك ،، انا طالبة عندي قاعدة جيدة في الرياضيات يعني لكن مانيش نابغة فيها وضعيفة في الفزياء لاني اجد صعوبة في فهم دوس خاصة مجال الميكانيك ، وضعيفة نوعا ما في العلوم ، هل تنصحيني اني ندير شعبة رياضيات ؟؟هل يعني صح كيما راهم يقولوا باه تروحي شعبة رياضيات لازم تكوني نابغة فيها هي والفيزياء ،، نتمنى ردك في اقرب الاجال
@@سبتيمغازي مليقش تكوني نابغة و لكن مجتهدة و تفكري بشكل منطقي و سليم انا من خلال تجربتي الشخصية نقولك بلي الفيزياء تطيح بزاف المعدل في ماتيلام اذا مخدمتيش فيها ما ديريش سيونتيفيك اذا ضعيفة فالعلوم و الفيزياء كون تبعي النصائح اللي راني دايرتهم في آخر فيديو في القناة و اجتهدتي فيها مليح تدي نقاط ملاح و غاع ماتقوليش بلي نتي متفهميش ولا متعرفيش كل ما عليك فعله هو الاجتهاد و التوكل على الله بصح اذا تعرفي غايا رياضيات ديري ماتيلام و مع الاجتهاد في الفزياء th-cam.com/video/9uSVG-d7-MI/w-d-xo.htmlsi=rRIxiGG968Vpc64x
@@StudentLife-z8n شكرا جزيلا اختي ، حطيت نفس التعلق في الفيديوا الجديد الي حطيتيه ، خاطش مالقيتش تعليقات قلت باه تردي ، ايه نسيت نقلك الايميل فقط نتاع والدي يعني أنا بنت.
انا ماللي رحت شعبة رياضيات لڨيت روحي وحدي +القلق الإجتماعي اللي يخليني ما نشاركش و يلا تشجعت و سقيت الشيخ كاش حاجة ما فهمتهاش فالدرس يلا جاوبني مام يلا ما فهمتش نڨولو خلاص فهمت و من بكري مانعرفش نخدم في جماعة ما نبغيش العمل الجماعي خاطر نلڤى روحي زيادة و ما نڨدر نشاركهم فوالو🙃 الأولى ثانوي كانت خير بلبزاف بصاح الحمد لله..
الامور اللي راهم يخلوك تحسي هاك هي أمور وهمية لا اساس لها معليش اذا مفهمتيش المرة الثانية قولي للاستاذ بغسك هاذي خدمته (مراهش يخلص على باطل 😁😅) و بالنسبة للعمل الجماعي مشي لازم تزيديهم حاجة نتي تقدري تتعلمي منهم و كل فكرة تكمل الاخرى و كون تجربي تلقي نتي تاني بلي الافكار بدات تجيك انا مرات كي نكون نتكلم معاهم في جماعة نظل غير نسمع و نستفاد بزاف من افكارهم و سقسي زملائك تاني و اندمجي مع الجيدين مشي مشروط تكون تتكلمي مع غاع الناس و نصيحة مهمة هي انو معليش اذا غلطتي لانو الانسان في كل حالاته خطاء و من الخطأ نتعلم و ديري مغامرة (انا عندي عقلية نقول دائما لروحي:الدنيا فانية و غاع رانا رايحين و هاذ الناس ممكن منكونش معاهم بعد 5 سنوات ربما اذا لماذا الخوف من الاحراج ؛ ديري الفعل و صايي و لا أحد يهمني ففي الاخير كل شيء سينتهي و يفنى😅) علابالي طولت عليك بصح مدابيا كون نجم نعاونك اذا تحتاجي اي حاجة قوليلي اختي ❤️ و سيي تخدمي بالمبدأ تاعي 😁😉
كيما انا والله فيزيك و مات توجور ندي فيهم 20 سورتو اولى ثانوي و العلوم قدما قريت نفهم الدرس ملييييح مليح نولي نقول خلاص انا طبيبة ايا حتى نشوكا بالنقطة لي ديتها ايماجين ديت فيها 6 انا تخلعت و ماكنتش نفهم علاش كنت ندي هكداك شغول كي طلعت من السيام تبدلت العقلية قاع فسيونس الوغ انا خيرت ماتيلام و خرجت عليا الحمدالله بقيت ندي 20 و 18 /19 لاخطرش كنت توجور نقراها و نحل تمااارين الصعااب قتلت روحي واش نقولك بصح عن حب و عن شغف ماكرهتش قاع منها المات بصح دوماااااج فيزيك كنت تاقبتها بمعنى الكلمة ندي 7 فالاختبار ايماجين ايا انا كرهت و تقلقت و الاستاذة ماتقريش انا هملتها الفيزيك و حرفيا مانقرا والو فيها نحي غير الفرض تاع الفصل الاول ديت 16 ملتماتيك مازدتش حوست و زيد عندي باك العام الجاي و صح راني خايفة منها و مانلقاش استاذ يساعدني
قصتي شوية كيما قصتي انا فالفيزياء تاني راني 0 مالڨري كنت نجيب 17 فالعام بغسك كنت نقرا في ليلة الرعد و مبعدا ننسى كل شيء 😅 و لكن نورمال غادي نبدا ان شاء الله مراجعة المكتسبات القبلية انطلاقا من 9 اوت ديري نتي تاني كيما كيفي قري وحدك فدار و متتكليش على الاستاذ مع العلم انا تاني استاذتي منفهمش عندها بصح اليوتيوب راه معمر اساتذة هدرت لك عليهم في التعليق تع البوست
@@KhouloudSaleh-fg8ky اذا عندك ثقة كبيرة في روحك بلي تقدري على الصعاب و تجيبي نقاط جيدة في الرياضيات و الفيزياء مهما كانت الصعوبة ديري ماتيلام و العكس صحيح الامر يعود اليك ، انت أدرى بقدراتك ✨✌️
اجمل شيء هو اصراراك وعزيمتك وعدم استسلامك نجحتي وتفوقتي في الشيئ الذي تحبينه بفضل الله تعالى ثم باجتهادك
صاحبة القناة لقد شاهدت تقريبا كل الصفحات الشخصية الخاصة بتجربتي مع السنة الثانية وجدتهم يهتمون فقط بترقيق اصواتهم ونبرات صوتهم الحنينه وانت تعطين المعلومة رائعة مع نبرة صوت خالية من الخبث والترقيق انا من متابعينك منذ تاسيس قناتك شكرا لك
احسن حاجة ديرتيها كي خيرتي حاجة نتي باغيتها ❤ ومسمعتيش للأراء ناس آخرين
معك حق
ما شاء الله و بارك الله فيك حقا استفدت كثيرا من الفيديو و من نصائحك بحكم انه مكاش بزاف ناس يهدرو على شعبة رياضيات بطريقة مفصلة فجدا فرحت لما صادفت قناتك واصلي ووفقك الرحمان و ايانا
و فيك بارك الله
انا ممتنة جدا لانكم تستفيدون من هذه المعلومات و لاي استفسار يمكنك طرح الاسئلة في التعليقات ✨ مرحبا لك في أي وقت ❤️
قصتي كما قصتك سبحان الله❤
منتاجك يجنن❤
أنا شعبة علوم تجريبية سنة ثانية
شكرا حبيبتي و انا سعيدة جدا لأنه قد لقي استحسانك
و مرحبا بك في قناتي ❤️✨
Interesting ❤🎉
محتوى رائع مشاء الله كملي حبيبتي وتاني ايلا تقدري تعطينا مصادر للدراسة ربي يحفظك ❤❤❤🎉
شكرا لك على التشجيع صديقتي
صايي الفيديور نشرته صباحا ❤️
شكراااااااا الفديو كان مفيد نتمنى تكملي معانا ❤❤❤❤
سعيدة جدا لأنه افادكم
و أكيد سأبذل جهدي لمساعدة الجميع ✨
انا كي مدولنا في سنة اولى نخيرو شعبة خيرت علوم وفي اخر سنة لقيتهم وجهوني لشعبة رياضيات معجبنيش حال ودرت طعن وحاول نبدل شعبة لعلوم درت كلش باش يبدلونو ومبدلونيش كي دخلت اولى سنة مكنتش باغيا نقراها كامل بصح حمد الله من بعد لقيت روحي نفهم فيها خير وجبت فيها معدلات ملاح ووليت نبغيها شعبة رياضيات وليت متفوقة فيها بزاف ولا تكره شي ويجعل الله فيه خيرا كثير حمدالله لي متبدلتش وبقيت فيها
سبحان الله انا ثاني صرالي هكا 😢
نحب نسقسيك شحال. جبتي في رياضيات والعلوم يعني جبتي رياضيات اكتر من علوم ولا عكس معلش تجاوبيني تعيشي
@@الامبراطورةكي جبت علوم اكثر من رياضيات بفارق نص نقطة 😅 ونضن هوما حكمو لي على فيزك بيسك جبيت فيها مليح والله اعلم
جد يعني يحكمو عليك عن طريق اكبر علامه في اي ما ده ويوجهوك ليها😩انا تاني خترت علوم ومانعرفش ان شاء الله يخلوني فيها مايوجهونيش لغيرها
قولي لي شعبة رياضيات صعيبه شوي كيما يقولو
واصلي معانا نصائح ثانية ثانوي رياضيات قبل الدخول المدرسي و اذا نقراو في اوت و واش هيا الدروس تاع الاولى الي نحتاجوها في الثانية ثانوي ❤❤موفقة ان شاء الله 😘🌹
في القريب العاجل ان شاء الله نديرلكم الفيديو ❤️
@@StudentLife-z8n merci insha allah❤
Thank you so much for these advices I really appreciate it ❤💗
It's a pleasure for me to hear such an amazing comment like this
Thanks a lot 💞
متابعة جديدة❤، احكينا تجربتك مع السنة اولى ثانوي بليز 😊
مرحبا بك في قناتي 💞
السنة الاولى ثانوي مكانش عندي فيها حاجة تجذب الانتباه كالثانية ثانوي 😅 و لكن اذا خصك معلومات و نصائح دراسية نقدر نفيدك ان شاء الله فقط اطلبي 😘
@@StudentLife-z8n ♥♥
انا خيرتها خاطر كنت باغيها بشدة و نشالله منندمش عليها ❤️🩹
Great choice 👏
سبحان الله وكانك تروي في قصتي 🫣
@@SaraSarah-yd4ti يبدو ان قصتك كقصتي 😅❤️😊
@@StudentLife-z8nحتى انا
كاش واحد يعاونني😭
أنا ندي معدل 17 . نحب العلوم و كنت حابة ندير طب و نروح سيونتيفيك ولكن قرار تاع اولوية تخصصات علمية للشعبة رياضيات مع علوم حيرني بزاف و قلت ممكن تكون شعبة رياضيات تكون مليحة ليا باسكو كاين زوج مواد اساسية ماشي كيما ضغط شعبة علوم . مع علم انا نخاف المات مالغري ندي فيها 17 و 18 ولكن بزاف نقراها باش نديها و نخافها بزاف ممكن تجي بيزار ولكن معقدة منها😭 تسما مزال للان مانيش عارفة واش ندي نروح شعبة رياضيات ونقول نتغلب على خوف ولا نكمل سيونس
روحي سيونس اذا تخافي من المات
بغسك المات تصعاب في ماتيلام
و اذا راكي باغية طب .. غادي تكون عندك الاولوية في الاختيار عادي حتى لو مع شعبة رياضيات و ما تحصيش بالك العام الجاي يبدلو قوانين
نتي خيري شا يساعدك اذا تعرفي المنهجية تع العلوم و علابالك بلي تدي فيها نقاط ممتازة ديري سيونس
و شعبة رياضيات ليست سهلة لانها فيها ماداتان اساسيتان فقط بل العكس هذا ما يجعلها صعبة نوعا ما للبعض
عليك أن تدرسي نصيحتي و ان تقرري ان كانت مفيدة لك أم لا على حسب ما يناسبك
اتمنى حقا ان تكون مفيدة و ان تساعدك 💕
الله ينجحك و يوفقك ✌️
شوفي واشنو هي المادة لي تحبيها و حتى ولو نبقاو محتارين و باش تتغلبي علا هاد الخوف فوضي امرك لربي سبحانو و صلي صلاة الاستخارة و بالتوفيق
و عليكم السلام ورحمة الله تعالى وبركاته
انا ما عشت حياتي فالدوزياماني ما فهمت الرياضيات مليح كنت بالسيف باه ندي 10
كلش شوية شوية بصاح الحمد لله😂
ربي يوفقنا باك2025😅
ربي يوفقك
و بإذن الله تلقي إختلاف في الثالثة ثانوي و تنجحي بتقدير ممتاز 😉
صح ماتخوفينيييش 😭😭 انا راني نقرا ماتيلام وراني نحس بهاديك الندامة لوكان غير درت مات تيكنيك
والله مام نا نفس لحالة 😭😭😭💔@@oumaima_777
@@amekk420 واش داني وخلاص.. لي جات من عند ربي مرحبا بها
ربي يحفظك طلعتيلي المورااااال راني نكتب بتيليفون يما😂😂
بلامزية 😁✌️
كثريلنا لي فيديو مونتاجك رائع+انا طالبة ثانية ثانوي شعبة رياضيات ونتمنا تعاونينا باه نتميزو في هذي الشعبة💘💘✨️❤
شكرا جزيلا حبيبتي على تعليقك الرائع ❤️ سعيدة لان المونتاج قد اعجبك ✨
و أكيد بإذن الله غادي نوقف معاكم و ندعمكم أصلا هدفي من هذه القناة هو تحفيزكم على الدراسة و إفادتكم من تجاربي
th-cam.com/video/69JIpCF6VuM/w-d-xo.htmlsi=TIZdcaVRELroknwO
هذا الفيديو اللي راكي محتاجاته و دوك نزيد ان شاء الله ✨
اختي حبيت نسقسيك ،، انا طالبة لي قاعدة جيدة في الرياضيات لكن لست نابغة فيها يعني نفهم الرياضيات باستثناء الفيزياء فأنا اجد صعوبة في فهم دروسها خاصة مايخص الميكانيك ، الكيمياء ماعلياش وناقصة كذالك في العلوم ،، حبيت ندرس شعبة رياضيات هل تنصحيني بيها بما اني ضعيفة نوعا في الفيزياء ؟؟وهل فعلا شعبة الرياضيات يروحوا ليها الا الطلبة النوابغ يطيروا في الرياضيات كيما راهم يقولوا يعني لازم التلميذ الي يروح يكون يعرف يقرا الرياضيات ملييح فأنا طالبة لست نابغة في الرياضيات لكن لي قاعدة جيدة يعني اذا جتهدت فأكيد رح نلحق ،، نتمنى تردي في القريب العاجل لانوا رح حابة ندير شعبة رياضيات ،، بل ماننسى عنوان الايميل فقط راهوا نتاع الوالد نتاعي
اختي قوليلنا على المراجع لعتامدتي عليهم راني حاصلة 😭😭😭😭😭
انا مغربية مي لقيت عندي نفس الأسباب لي خلاتك تديري علوم رياضية 😂😂 غي هو المدرسة ديالنا فيها كل الشعب من غير شعبة علوم رياضية B وانا فصراحة ماعنديش مع علوم الحياة والأرض رغم أنني تفوقت فيها هاد العام و فكاع الفروض جبت 19 مي غير على حساب الشرح الا كان الاستاذ متمكن من الشرح و التلميذ كيدير داكشي لي عليه فأكيد كي تحصل على نقط جيدة و كيكون متفوق انا عندي تخوف غي من هادشي بغيت اغلب الاساتذة يكونو متمكنين و يقريونا مزيان بسك شي وحدين الله يسمح ليهم عندهم زايد ناقص و ماكيديروش مجهود مع التلاميذ ماعرفتش واش حتى نتوما عندكم جهوي فحالنا يعني كدوزو فلخر دالعام المواد الادبية مي لي عارفة نتوما عندكم البيام فحال الباك عموما الله يسهل على الجميع وشكرا على الفيديو ❤🎉
سبحان الله 😅
العفو حبيبتي ولا شكر على واجب 😘
@@StudentLife-z8nنسقسيك ؟ انا ثانية ثانوي سيونتيفيك هذ العام و لكن راني حابة نبدل رياضيات سقسيت استاذ فاليسي تاعنا قالي تقدري تبدلي فالفصل ثالث اذا كنتي ديتي مليحة هل صح ممكن نبدل الشعبة فالثانية؟
@@RayanAbabsa اذا راكي متمكنة غايا فالرياضيات و الفيزياء لدرجة جيدة جدا تقدري تروحي
جربي تشوفي مواضيع الماتيلام قبل و قارنيهم مع تع سيونتيفيك و شوفي وينهم اللي جاوك ملاح و اسكو تقدري لماتيلام (هذا في رأيي الشخصي 😅)
@@StudentLife-z8n الفيزياء معنديش مشكل معاها نهائيا بصح رياضيات ندي 17 مليحة ؟ و الفيزياء 20
@@RayanAbabsa نقاطك ممتازة الله يبارك و لكن مواضيع الماتيلام مختلفين نوعا ما مع السيونتيفيك .. بصح اذا تدي غايا فالعلوم قعدي سيونتيفيك و اذا راه في راسك تخصص عنده الاولوية لماتيلام ديريها (مثلا الذكاء الاصطناعي او الاعلام الآلي )
ديرينا مصادر لي اعتمدتي عليها ومنين نجيبو سوجيات ولا فيديوهات تاع يوتوب فيهم تمارين بنفس فكرة سوجيات تاع اختبارت يعني صعاب ويخلونا ندو 20+استمري حبيبتييييييييييييييييييي
أكيد حبيبتي ان شاء الله دوك نحط الفيديو في اليوتيوب
شكرا على تعليقك العسل 😘
و بالمناسبة تقدري تدي 20 عادي
I'm looking forward ❤@@StudentLife-z8n
تقدري تمديلنا نصائح لي طالعين لليسي بليييز ؟+عجبني مونتاجك وش من موقع تستعملي ؟؟وكيفاه تجبدي هادوك ليفيديولي تستعمليهم؟
وشكرااا 😊❤
في القريب العاجل ان شاء الله نديرلكم ذلك الفيديو ❤️(من اجل خاطرك 😘)
انا نستعمل cupcut و كينماستر و هوذك الفيديوهات سموهم stock footage كتبيه و يخرجولك
@@StudentLife-z8n شكرا ربي يحفظك ختيتو وبالتوفيق حبيبتي ❤🏅
لعقوبة للانتقال تاعي
انا شعبة رياضيات ادعولي ربي يوفقني باك 2026
الله ينجحك و لكن متخميش فالباك من دروك
ريحي راسك و كي يجي وقته زيري روحك ❤️
عقبت ماتيلام رغما عني اي نصائح؟؟
حسيت صوت تع ذكاء اصطناعي شكون كيفي 😂
Really !! 😅
انا العام هاذا ثانية ثانوي شعبة رياضيات تقريبا نفس قصة صاحبة القناة بعثوني للمدرسة اللي فيها شعبة تاعي و عييت نحوس علقناة تهتم بشعبة الرياضيات (مهمشين😢) و تمدلهم نصائح الحمد لله لقييييت🤩☺
ان شاء الله تقدميلنا العام هاذا ملخصات و نصائح للوحدات خاصة المواد العلمية
و ربي يوفقنا ان شاء الله
شكرا لك على تعليقك الجميل و سعيدة لانني استطعت إفادتك و بالتأكيد سأبذل قصار جهدي لتقديم الافضل فقط اطلبي ما أنت بحاجة اليه و سألبي الطلب بإذن الله ✨
الله ينجحك
th-cam.com/video/69JIpCF6VuM/w-d-xo.htmlsi=vm7S5sW07RJKAaqF
هذا الفيديو مفيد اتمنى ان تدعموه ❤
شكرا جزيلا لكم أحبتي في الله على تعليقاتكم الايجابية و سردكم لتجاربكم المتنوعة و المفيدة
عاونوني راني حايرة
انا ندي معدل 17 وراني حابة نكون طبيبة بصح راني حايرة نخير ماتلام ولا علوم تجريبية رغم انو انا نحب العلوم بزاف وندي فيها مليح 18/.19 لكن فالفرض ديت 11 كان سوجي صعيب هذا اثر بزاف على نفسيتي وخلاني نخاف نروح علوم تجريبية و فالرياضيات 20 و 19.5 واحد مينحيهالي وجامي ندي اقل وراني حايرة نخير علوم تجريبية ولا رياضيات ممكن تساعدوني 😢
العلوم في ماتيلام صعيبة على سيونتيفيك
و المات تاع سيونتيفيك صعيبة على ماتيلام
خمي مليح
@Lifegirl-e5q بصح يقولو العكس + شكرا على المعلومة 💜
😂كيفاه ؟🥲@@Lifegirl-e5q
@@BoumedienChennouf لا هذا صحيح
ربي يبارك فيك ختي، فقط صور النساء لا يجوز
السلام عليكم ورحمة الله وبركاته حبيبتي❤ انا مشتركة جديدة في قناتك و عجبتني بزاااف واصلي يا قلبي وبالتوفيق ان شاء الله يارب🤲❤ من فضلك حبيتك تعطيني المصطلحات نتاع الانجليزية و الفرنسية الفصل الاول ثانية ثانوي لي عتمدتي عليهم اتمنى ان تردي عليا يا قمر 😊😊😊
و عليكم السلام اختي
مرحبا بك في القناة انا سعيدة جدا بانضمامك اليها كما اتمنى ان تفيدك في مشوارك الدراسي
و شكرا لك على تشجيعي للاستمرار
بصراحة انا لم اعتمد على أي مصطلحات و من تجربتي الشخصية أقول لك انه لا داعي منها فلاتوجد مصطلحات خاصة في الثانية ثانوي
على عكس البكالوريا .. اي انك ستحتاجين لها في الثالثة ثانوي و ليس السنة الثانية 💕
السنة الثانية سهلة عكس ما يقال عنها
الله ينجحك و يوفقك اختاه
انا جاتني دعوة باه نروح تقر في ثناوية رياضيات لدراسة شعبة الرياضيات هل تنصحيني بيها ❤
@@MALAKMALAK-di8gm أكيد
فعلى الارجح انها رائعة جدا
هذه فرصة مثالية عليك باستغلالها
اتمنى لك كل النجاح يا اختي ❤️
دوماج انا نسكن في وهران
كون جيت في الجزائر العاصمة نروح 😁
عندي بعض الاسالة ممكن خاص عن باك 2025
تفضلي ❤️
هل شعبة رياضيات يقدروا يقراو شبه الطبي و هل معدل القبول نفسوا مع شعبة علوم تجريبية
اختي نسقسيك هل شعبة رياضيات يقدروا يقراو شبه الطبي و هل معدلها كي معدل العلميين
ممكن نسقسيك منين تجيبي هذو الفديوهاات
تطبيق canva
It's called stock videos
انا ااسنة هاذي عندي 2éme lycée شعبة رياضيات
الله ينجحك
امين😊@@StudentLife-z8n
😊مام انا❤
كيما انا
عندي سؤال
كيما قلتيلنا فهم +حفظ + بحث
وش معناها بحث معناها نحلو تمارين ومواضيع في مادة الاجتماعيات والا لا لا❤❤❤
@@نحوتميزفيبيام2025 البحث قصدت به ؛ الاجتهاد و البحث عن معلومات اضافية حول الدرس غير مكتوبة في الدفتر (لان استاذتنا كانت تتعمق بزاف و تزيد صوالح مشرحتهمش أصلا) و هذا افضل للباك
@@StudentLife-z8n وين نلقاو هاذو المعلومات الاضافيه
@@نحوتميزفيبيام2025 إما ان تشاهدي افلام وثائقية (وهذا افضل) او ان تبحثي على جوجل و الافضل من ذلك استعيني ببرنامج ذكاء اصطناعي كتشات جي بي تي او copilote
@@StudentLife-z8nشكرا جزيلا ♥️♥️
معليش نسقسيك انا تلميذة تحصلت على بيام بمعدل ثمنطاش وكنت في. كل سنواتي دراسة ندي غير عشرين فيرياضيات فجاة طلعت لثانوية تحصلت على علامة17.5 حابة نسقسيك اهطيني مواقع فادوك في حلول تمارين رياضيات من مستوى عالي اتمنى اجابة وشكرا
@@Study_with_sisa الاستاذ نورالدين
كتب تأشيرة النجاح شنايت
@@StudentLife-z8n انا اشتريت كتابه لسلسة فضية وحسيتو مليح بصح مواقع ومصادر مثلا صفحات فايسبوك ولا مواقع في انترنت لم اجد موقع جيد
@@Study_with_sisadz exam
موقع المنجد في العلوم الفيزيائية
@@Study_with_sisa التلغرام انستغرام فيهم بزاف صفحات يعرضو مواضيع و ملخصات خاصة للبكالوريا
معليش اختي نسقسيك انا العام الجاي بيام وحابة نعرف حاحة على الثانوية برك . كي نطلعو سنة اولى نقراو علوم نورمالمو مبعد يفرقونا كل شعبة صح؟الا صح كيفاش ندير باش نروح شعبة رياضيات ؟ تعيشي اختي جاوبيني الا هنا ولا بفيديو اللي يريحك ❤
@@uxxllbntotovu نعم .. فالفصل الثاني او الاخير يعطوكم بطاقة الرغبات بش تخيرو الشعبة اللي راكم حابينها و متتقلقيش غادي يجي المستشار يعاونكم
و باش ديري شعبة رياضيات ليق يكون عندك نقاط جيدة في مادتي الرياضيات و الفيزياء
هذا فقط مكانش حاجة كبيرة
الله ينجحك اختي بالتوفيق ❤️
@@StudentLife-z8n ربي يوفثك نتي ثاني اختي . لا مقلقتكش معليش نسقسيك؟ شحال ديتي فالعلوم والفيزيك والمات باش رحتي مات ربي يسجيك💗
@@uxxllbntotovu
مكانش غاع مشكل صافي بليزير نعاونك اختي
انا كنت ندي من 18 حتى ل 20 فالفيزياء و من 19 حتى 20 فالمات و العلوم 13٫75 حتى 15
و مشي مشروط تدي هاذ النقاط .. يقرو معايا وحدين كانو يجيبو من 16 و طلع
و نقاط العلوم غير مهمة لشعبة رياضيات لا المعامل تاعها يولي 2 فالثانية ثانوي و الرياضيات 7 و الفيزيك 6
نتمنى يكونو فادوك المعلومات
اذا احتجتي شيء انا في الخدمة ❤️
@@StudentLife-z8n ربي يحفظك اختي ويوفقك يارب . إن شاء الله لو عندك الوقت أعطينا المصادر لي قريت منهم كامل المواد في فيديو ضربة وحدة 💗💗شكرا طمنتيني كثر 💗💗💗💗😩
هذا هو الفيديو اللي درت فيه كامل المصادر كما طلبتي
th-cam.com/video/69JIpCF6VuM/w-d-xo.htmlsi=xWlffGZLUoGJ6DGb
اتمنى ان ينال استحسانك و ان يفيدك ☺️❤️
باغية نسقسيك و علوم في شعبة رياضيات تكون نفس صعوبة كيما اولى ثانوي و لا وشكرا على مجهوداتك
لا شكر على واجب 😊
العلوم في شعبة رياضيات تكون سهلة جدا مقارنة مع السنة الاولى ثانوي و علوم تجريبية (وهذا على حسب الاستاذ ، كاين الاساتذة اللي يبغو يصعبو) و لكن حنا في شعبة رياضيات مهما كان الموضوع تع العلوم ساهل ولا صعيب غير كيف كيف لاننا مكناش مهتمين بيها
@@StudentLife-z8n شكراااا 😘
نسقسيك اختي من فضلك قوليلي التاؤيخ و الجغرافيا كيفاش قريتيها بالتفصيلللل تعيشي باسكو انا عندي مشكل معاها دي المادة و كيفاش ككنتي تقدري تمديلها الوقت رغم البرنامج المكثف ( وشمن وقت كنتي تقرايها) و وش قصدك بالبحث و لي روشارش من فضلك جاوبيني و اجرك على الله و الله يجعلها صدقة 🤍
مادة التاريخ كنت نفهم فيها كل شي أثناء الدرس و كنت نبدا نحفظ قبل اسبوع او اسبوعين من الفرض او الاختبار
كنت اعتمد على التلخيص أحيانا
و بالنسبة للبحث قصدت به مشاهدة الوثائقيات او قراءة المقالات المتعلقة بالدروس بحثا عن معلومات اضافية بغسك استاذتنا كانت ديرلنا صوالح أحيانا ماتكونش كاتبتهم فالدفتر
و بالنسبة لي فهي مادة رائعة و مريحة لأنه فيها خرائط و رسومات بيانية تغنيك عن الحفظ و الكتابة كثيرا و معلوماتها مثيرة للاهتمام ايضا ❤️
اتمنى ان اكون قد افدتك
الله ينجحك و يوفقك 😘
@@StudentLife-z8n اهاااا شكرا على الاجابة سويتهارت استفدتت شكرااا و حبيت نطلب طلب منك ان شا الله مانقلقكش لي هو ممكن تديريلنا فيديو كيفاش قمتي وقتك بالتفصيل حتى للمواد الثانوية كيما التاريخ و الجغرافيا و كيفاش قدرتي تنظمي روحك ماشاء الله عليك باسكو اغلب الفيديوهات يقولك قرا صباح و لا سهر و ميمدولكش التقنية الصحيحة مليح فمن فضلك ديريلنا و حبيت نقولك شكراااالله يجعلها من ميزان حسناتك و ان شاء الله هادي المعلومات لي راكي تمديلنا فيهم او من الافضل قول انها تعتبر صدقة تعاونك فشحال من حاجة فحياتك 💟
@@larisan7691 لا شكر على واجب حبيبتي
آمين .. شكرا لك على كرمك في الدعاء لي ❤️
انت اطلبي و انا بإذن الله ناجوبك و أكيد مكانش ازعاج و لكن صراحة انا مشي من النوع تع التلاميذ اللي ينظم وقته ، انا لا أحب القيام بجدول زمني و اتباعه بل أفضل طريقة الدراسة التالية؛
عند العودة من المدرسة ادرس المواد الأساسية و احل تمارين فيها مثلا ادرس الرياضيات و إفهم الدرس جيدا بكل حذافيره ثم احل تمارين و نفس الامر مع الفيزياء
و لا يهمني الوقت بقدر ما تهمني كمية المعلومات التي اتلقاها و اسجلها في ذهني
اما المواد الثانوية فأدرسها قبل اسبوع او اسبوعين من يوم الامتحان
و اعتمد على الملخصات كثيرا لانها مفيدة جدا و تغنيني عن فتح الدفتر او اليوتيوب
يعني باختصار انا أهتم بكمية المعلومات اكثر من عدد ساعات الدراسة .. يوجد من يقول ادرس ساعتين رياضيات ثم خد استراحة و ادرس مادة ثانوية لكن ربما تكون مدة ساعتين لي غير كافية او أنه يمكنني ان ادرس في أقل من ذلك
يعني المهم هو الجودة و ليس الوقت او الجهد
اتمنى ان يكون شرحي واضحا و ان لم يكن كذلك اخبريني كي ابسط لك 😘
@@StudentLife-z8n علابالك و الله غير نحيتي عليا الحيرة لي ني دايما متقاقة حولها و هي الوقت شكرااا بزاف و الله صحيتيييييييييي علابالك بلي صح فدتيني و هادي ماهيش مجرد تسليكة ربما تجيك حاجة تافهة مي صح وش ني نهدر ان شا الله رح نتبع الخطة تاعك هادي و منزيدش نحوس خلااااص فشكرااا جزيلا بالتوفيق لك 💗💗
@@larisan7691 انا ممتنة جدا لرأيك و لافادتي لك الحمد لله و بغيت نقولك اختي بلي هذا ليس أمرا سخيفا اطلاقا
انا وحد الوقت تاني كنت نخمم كيفك سما نحس بيك 💞
اختي انا طالعة ثانية شعبة علوم ، ودخلت الفيديو غير علاجال كي قلتي بلي طلعتي من 9 حتى ل20 في الرياضيات ، لانو انا الرياضيات و الفيزياء مدايرلني هاجس و علاماتي فيهم صارت اقصى شي 15 و الباقي 13 ، 14 ... و هذا قاع في اولى ثانوي ايا انا خفت قلت في الثانية و الباك شحال ندي ؟؟؟ و صراحة المشكل معرفتوش وين ، نقرا بزاف ونحل تمارين ونفهم الدروس ومنبعد نلقا روحي مخدمتش 😭💔 ومعنديش الغرور يلي قلتي عليه اصلا دايما محطمة نفسي واقتنعت باني مانيش ذكية(رغم اني الحمد لله نعرف نقرا ديت المعدل السنوي 17.5) و عدت دايما محبطة ونسمع بيهم نبغي نبكي 😭 و عييت نعرف الخلل وويييين 💔😿 ممكن تفيدوني بكاش نصائح لوجه الله و شكرا بالمناسبة على القراءة 🌸
مين تحلي بزاف تمارين ليق تركزي فيهم غايا و السؤال اللي تغلطي فيه عاوديه و شوفي وين راه الخلل و عاودي حلي تمرين اخر يكون فيه سؤال مشابه باش تتأكدي انك تمكنتي منه
و دروك عندي سؤال ليك : انت كي تحلي بزاف تمارين اسكو تنوعي في الافكار و اسكو تحلي من السهل للصعب ؟؟
لانه لا توجد فائدة من حل آلاف التمارين المتشابهة.. يجب ان تنوعي الافكار و ان تحلي التمارين الصعبة ايضا و كلما وجدت فكرة جديدة عنك اكتبيها في دفتر ملاحظات و استعملي الالوان لترك علامات على الاسئلة التي واجهت صعوبة فيها.. و عندما لا تعرفين طريقة حل سؤال ما لاتتوجهي للتصحيح النموذجي مباشرة بل حاولي اكثر و اذا لم تعرفي اسألي استاذا او زميلا متفوقا في المادة
اتمنى ان تكون هذه النصائح مفيدة لك و في فيديو قادم ان شاء الله سوف انشر فيديو فيه نصائح لدراسة مادة الرياضيات
هذا الفيديو فيه كل المصادر التي استعملتها للتفوق في الثانية ثانوي: th-cam.com/video/69JIpCF6VuM/w-d-xo.htmlsi=5vhrHwtMx9dxURFX
@@StudentLife-z8n
اولا شكرا اختي على ردك جعلها الله في ميزان حسناتك ، صراحة الإجابة على سؤالك هي انو انا نحل تمارين غالبا متكررة وكان يلي فيها افكار جديدة و غالبا تكون في اليوتيوب كيما الاستاذ نور الدين + شكرا على نصائحك مفيدة جدا ان شاء الله نطبقها في العام القادم و بإذن الله يكون التغيير ونقولك عليه 😊+ تجربتك عطاني الأمل بانو نقدر نحسن روحي ، راني بانتظار الفيديو على نصائح الرياضيات 🌸
شفت لفيديو تاع المصادر ساعتمدهم بإذن الله و قناتك بشكل عام رائعة استمري و بالتوفيق في لبكاوريا ان شاء الله تحصلي عليها بأعلى المعدلات
@@MessaoudiBasa-jj2kn ربي يحفظك اختي و الله ينجحك و يوفقك في قرايتك و جميع نواحي حياتك
و شكرا جزيلا لك على رأيك الرائع في قناتي و دعائك لي
و نصيحة من عندي متحليش فقط تمارين الاستاذ نورالدين لان افكارها غالبا متكررة و ليست صعبة كثيرا زيدي حلي من المصادر اللي راهم في داك فيديو راني مديت فيه كلش ✌️
و لقد اسعدني كثيرا انني قد بُثَّ فيك الامل من خلال تجربتي ❤️❤️😘
@@StudentLife-z8n شكرا اختي الغالية ان شاء الله نولي متابعة وفية للقناة حتى ولو ماتفاعلتش ❤️ ان شاء الله نطبقها نصائحك
بغيت نسقسيك انا فوت باك تقني و قررت نعاود لباك ليبر شعبة رياضيات هل راح يكون اختلاف كبير و شكرا
يكون الفرق في العلوم .. لان العلوم فالباك تعتمد بشكل كبير على دروس الثانية ثانوي
و مادة الرياضيات فماتيلام تكون صعيبة مقارنة مع تقني رياضي
الله ينجحك اختي و يوفقك ✨
@@StudentLife-z8nشكرا اختي ربي يوفقك
انا بعتوني شعبة تقني رياضي هندسة الكهربائية ودرت طعن لشعبة رياضيات والحمد لله قبلولي الطعن
حمدا لله .. مزيا بدلتي بغسك تقني رياضي محقورين فالباك على عكس رياضيات اللي عندهم الاولوية ✨
@@StudentLife-z8n انا طفل ✨ + يعطيك الصحة
@@e4ix اووه اعتذر 😅
انا جدع مشترك علوم و راني حايرة ندير علوم ولا مات
والتخصص راني حابة ذكاء اصطناعي او طب واش ندير من فضلك جاوبني +هل شعبة الرياضيات تتطلب جهد ولا ذكاء
شعبة رياضيات تتطلب كل شي 😅
@@Lifegirl-e5q بصح حابة نديرها وخايفة
😢😢😢😢
تنصحوني نبدا من دوك ولا نزيد شويا مع العلم قريت بشكل متوسط يعني ماكنتش ممتازة وفي نفس الوقت ماكنتش ضعيفة يعني كنت نزير شوي نجيب وعندي شوي نقص في اللغات قلت نبدا بيهم بصح يعني مزال كتر من شهر للدخلة تاع القراية خفت نعيى بسك كاين بزاف لي تحمسو من اللول وفي وسط العام بداو يكرهو من فكرة الباك واش رايكم نبدا في نص اوت باللغات ؟
تقدري تبدي دروك باللغات و لكن فقط تعلم الكلمات اللي تحتاجيها بش تفهمي الموضوع و تكتبي وضعية يعني ماتقريش قواعد ولا تتعمقي بزاف
و المواد الاساسية بديهم من منتصف شهر اوت
و ملاحظة : ماتقريش ساعات طويلة .. قري من 20 د الى ساعة مرة أو مرتين أو ثلاث في الاسبوع باش متعييش كي تجي الدخلة
الله ينجحك اختي بالتوفيق ❤️
لالا بالاكي مننصحكش والله غير تندمي من الاخير
اختي حبيت نسقسيك ،، انا طالبة عندي قاعدة جيدة في الرياضيات يعني لكن مانيش نابغة فيها وضعيفة في الفزياء لاني اجد صعوبة في فهم دوس خاصة مجال الميكانيك ، وضعيفة نوعا ما في العلوم ، هل تنصحيني اني ندير شعبة رياضيات ؟؟هل يعني صح كيما راهم يقولوا باه تروحي شعبة رياضيات لازم تكوني نابغة فيها هي والفيزياء ،، نتمنى ردك في اقرب الاجال
@@سبتيمغازي مليقش تكوني نابغة و لكن مجتهدة و تفكري بشكل منطقي و سليم
انا من خلال تجربتي الشخصية نقولك بلي الفيزياء تطيح بزاف المعدل في ماتيلام اذا مخدمتيش فيها
ما ديريش سيونتيفيك اذا ضعيفة فالعلوم
و الفيزياء كون تبعي النصائح اللي راني دايرتهم في آخر فيديو في القناة و اجتهدتي فيها مليح تدي نقاط ملاح و غاع ماتقوليش بلي نتي متفهميش ولا متعرفيش كل ما عليك فعله هو الاجتهاد و التوكل على الله بصح اذا تعرفي غايا رياضيات ديري ماتيلام و مع الاجتهاد في الفزياء
th-cam.com/video/9uSVG-d7-MI/w-d-xo.htmlsi=rRIxiGG968Vpc64x
@@StudentLife-z8n شكرا جزيلا اختي ، حطيت نفس التعلق في الفيديوا الجديد الي حطيتيه ، خاطش مالقيتش تعليقات قلت باه تردي ، ايه نسيت نقلك الايميل فقط نتاع والدي يعني أنا بنت.
اختي قلتيلي الفيزياء إذا ماخدمتيش فيها حطيح المعدل في شعبة رياضيات .
لانوا الكلمة ماهيش باينة.
@@سبتيمغازي يعني مادة مسقطة
و تأثر بزاف على المعدل
انا ماللي رحت شعبة رياضيات لڨيت روحي وحدي
+القلق الإجتماعي اللي يخليني ما نشاركش و يلا تشجعت و سقيت الشيخ كاش حاجة ما فهمتهاش فالدرس يلا جاوبني مام يلا ما فهمتش نڨولو خلاص فهمت
و من بكري مانعرفش نخدم في جماعة ما نبغيش العمل الجماعي خاطر نلڤى روحي زيادة و ما نڨدر نشاركهم فوالو🙃 الأولى ثانوي كانت خير بلبزاف
بصاح الحمد لله..
الامور اللي راهم يخلوك تحسي هاك هي أمور وهمية لا اساس لها
معليش اذا مفهمتيش المرة الثانية قولي للاستاذ بغسك هاذي خدمته (مراهش يخلص على باطل 😁😅)
و بالنسبة للعمل الجماعي مشي لازم تزيديهم حاجة نتي تقدري تتعلمي منهم و كل فكرة تكمل الاخرى و كون تجربي تلقي نتي تاني بلي الافكار بدات تجيك
انا مرات كي نكون نتكلم معاهم في جماعة نظل غير نسمع و نستفاد بزاف من افكارهم و سقسي زملائك تاني و اندمجي مع الجيدين مشي مشروط تكون تتكلمي مع غاع الناس
و نصيحة مهمة هي انو معليش اذا غلطتي لانو الانسان في كل حالاته خطاء و من الخطأ نتعلم و ديري مغامرة (انا عندي عقلية نقول دائما لروحي:الدنيا فانية و غاع رانا رايحين و هاذ الناس ممكن منكونش معاهم بعد 5 سنوات ربما اذا لماذا الخوف من الاحراج ؛ ديري الفعل و صايي و لا أحد يهمني ففي الاخير كل شيء سينتهي و يفنى😅)
علابالي طولت عليك بصح مدابيا كون نجم نعاونك
اذا تحتاجي اي حاجة قوليلي اختي ❤️
و سيي تخدمي بالمبدأ تاعي 😁😉
😊😊😊@@StudentLife-z8n
كيما انا والله فيزيك و مات توجور ندي فيهم 20 سورتو اولى ثانوي و العلوم قدما قريت نفهم الدرس ملييييح مليح نولي نقول خلاص انا طبيبة ايا حتى نشوكا بالنقطة لي ديتها ايماجين ديت فيها 6 انا تخلعت و ماكنتش نفهم علاش كنت ندي هكداك شغول كي طلعت من السيام تبدلت العقلية قاع فسيونس الوغ انا خيرت ماتيلام و خرجت عليا الحمدالله بقيت ندي 20 و 18 /19 لاخطرش كنت توجور نقراها و نحل تمااارين الصعااب قتلت روحي واش نقولك بصح عن حب و عن شغف ماكرهتش قاع منها المات بصح دوماااااج فيزيك كنت تاقبتها بمعنى الكلمة ندي 7 فالاختبار ايماجين ايا انا كرهت و تقلقت و الاستاذة ماتقريش انا هملتها الفيزيك و حرفيا مانقرا والو فيها نحي غير الفرض تاع الفصل الاول ديت 16 ملتماتيك مازدتش حوست و زيد عندي باك العام الجاي و صح راني خايفة منها و مانلقاش استاذ يساعدني
قصتي شوية كيما قصتي
انا فالفيزياء تاني راني 0 مالڨري كنت نجيب 17 فالعام بغسك كنت نقرا في ليلة الرعد و مبعدا ننسى كل شيء 😅 و لكن نورمال غادي نبدا ان شاء الله مراجعة المكتسبات القبلية انطلاقا من 9 اوت
ديري نتي تاني كيما كيفي قري وحدك فدار و متتكليش على الاستاذ مع العلم انا تاني استاذتي منفهمش عندها بصح اليوتيوب راه معمر اساتذة هدرت لك عليهم في التعليق تع البوست
@@StudentLife-z8n تنصحوني بشعبة رياضيات؟
@@KhouloudSaleh-fg8ky اذا عندك ثقة كبيرة في روحك بلي تقدري على الصعاب و تجيبي نقاط جيدة في الرياضيات و الفيزياء مهما كانت الصعوبة ديري ماتيلام
و العكس صحيح
الامر يعود اليك ، انت أدرى بقدراتك ✨✌️
هل شعبة رياضيات يقدروا يقراو شبه الطبي و هل معدل القبول نفسوا مع شعبة علوم تجريبية
شعبة رياضيات يقدرو يديرو كل شي و دروك راه عندهم نفس الأولوية مع علوم تجريبية يعني المعدلات كيف كيف