༼ ཆུང་གྲོགས་རྗེས་དྲན། ༽ དགེ་འདུན་ཆོས་འཕེལ་གྱིས་བྲིས། གདུ་བྷེ་ཡིས་བླངས། Rembering A Friend
ฝัง
- เผยแพร่เมื่อ 1 ส.ค. 2024
- #tibetansong #tibetanmusic #Gadunchoephel
REMBERING A FRIEND written by Gadun Choephel and sang by Dubey
ཆུང་གྲོགས་རྗེས་དྲན།
སྲིད་པའི་འབྱོར་པ་ལ་ཁའི་ན་བུན།།
འདུས་པའི་སྙིང་གྲོགས་ཚོང་དུས་མགྲོན་པོ།།
མ་ངེས་སྐྱིད་སྡུག་མདང་གི་རྨི་ལམ།།
བསམ་ཞིང་བསམ་ན་སྙིང་པོ་མི་འདུག།།
རྒྱུས་མེད་གཤིན་རྗེའི་ཕོ་ཉས་ཁྲིད་ནས།།
ཕྱི་མའི་འཕྲང་རིང་འགྲིམ་པའི་གྲོགས་ལ།།
སྐྱབས་ཀྱི་དཔ་མ་རྩ་གསུམ་ལྷ་ཡིས།།
ཐུགས་རྗེས་སྤྱན་གྱིས་སྐྱེལ་མ་མཛོད་ཅིག།།
སྐྱེས་ནས་འཆི་བ་འཁོར་བའི་ཆོས་ཉིས།།
བསྒྱུར་དུ་མེད་པ་སྒྱུ་མའི་རང་མདངས།།
མི་བཟློག་གཤིན་རྗེས་རྒྱལ་པོའི་བཀའ་ཡིག།
ཉམ་ཆུང་གྲོགས་ཀྱི་སྟེང་དུ་སླེབས་སོང།།
སྔོན་སྨོན་ལས་ཀྱི་ཆར་ཟིམ་བབས་ཚེ།།
ཡོད་ཡོད་འདྲ་བའི་དགུང་གི་འཇའ་ཚོན།།
དུང་སེམས་ཉི་མས་གསལ་དུ་སོང་ཚེ།།
མི་མཐོང་རྣམ་མཁའི་དབྱིངས་སུ་ཡལ་སོང་།།
ན་གཞོན་ལང་ཚོའི་མེ་ཏོག་རྒྱས་ཚེ།།
ཡིད་ཀྱི་ཆུ་བོ་གཅིག་ཏུ་འདྲེས་པའི།།
འདྲིས་འདྲིས་ཆུང་གྲོགས་སྙིང་གི་ཚེར་མ།།
ད་ལྟ་རིགས་དྲུག་གང་དུ་ཡོད་ན།།
སྐྱིད་ཤིད་ལྷ་སའི་གྲོག་ཆུ་ཕྲ་མོ།
ཞག་གསུམ་འཛོམས་པ་འགྲོགས་པའི་ཐ་མ།།
མི་རིང་འཕྲད་པའི་ཁ་ཆད་བྱས་པ།།
རྨི་ལམ་ངང་ནས་འཇའ་ལྟར་ཡལ་སོང་།།
རྒན་གཞོན་བར་མའི་སྐྱེ་བོ་ཐམས་ཅད།།
ངེས་མེད་འཆི་བའི་སྣང་ཚུལ་མཐོང་ཡང།།
ཆུང་སྐྱེས་གྲོགས་ཀྱིས་བོར་བའི་ཕྱོགས་ལ།།
ནང་གི་གདུང་སེམས་ཆོད་ཐབས་མི་འདུག།
ཤི་རྗེས་འགྱོད་པ་བླུན་པོའི་ངང་ཚུལ།།
ལུས་སེམས་རྒུད་པའི་རྒྱུ་ལས་མེད་ཀྱང་།།
ཡུན་རིང་འདྲིས་པའི་སེམས་ཀྱི་བག་ཆགས།།
གོམས་པའི་ཤུགས་འདི་བཟློག་ཐབས་མི་འདུག།
ལུས་ཟུངས་ཟད་པ་ཀེང་རུས་གཟུགས་བརྙན།།
གསོན་དུ་རེ་བའི་ཁོ་ཐག་ཆད་དེ།།
འཆི་བའི་མིག་གིས་ཅེ་རེ་བལྟ་བའི།།
གཏམ་དེ་བདེན་ན་སྙིང་ལ་གཟན་པ།།
མ་བརྟན་སེམས་ཀྱི་འཁྲུལ་སྣང་ཞིག་ལ།།
ད་དུང་དྲུང་ན་ཡོད་ཡོད་འདྲ་བ།།
དྲན་པའི་གཞུ་མོ་ནང་དུ་བཀུག་ཚེ།།
སྙིང་ཁོང་སྟོང་པའི་རྒྱུ་ལས་མི་འདུག།
བརྩེ་ཞིང་འགྲོགས་པའི་ཕྱི་ཐག་བསམས་ཏེ།།
མཆོག་གསུམ་བསླུ་བ་མེད་པའི་ཞིང་དུ།།
དགེ་བའི་དངོས་པོ་ཅུང་ཟད་བསྒྲུབས་པ།།
ཕྱི་མའི་ཡུལ་དྲུ་གྲོགས་ལ་བསྲིངས་སོ།།
Beautiful Tibetan song 👍
One of the best ❤