【專隊系列👨🏻‍🚒👩🏻‍🚒坍塌搜救專隊】

坍塌搜救專隊主要負責處理嚴重嘅特別服務事故，包括地震🌏、建築物倒塌🏚️、山泥傾瀉⛰️、壕坑拯救🕳️，或者涉及重型車輛🚛，需要專業起吊操作、使用爆破工具嘅交通意外事故。
為咗加強專隊隊員嘅默契，同埋喺極端環境下進行拯救嘅能力，佢哋會定期接受大型操練，包括每年舉行3️⃣6️⃣小時無間斷操練，模擬喺大型災難事故嘅情景，進行技術搜救、重型爆破、結構支撐、重物提升以及繩索拯救等救援任務；亦會舉辦公路拯救賽，提升隊員對複雜交通意外嘅救援效率🆙
專隊亦會定期聯同其他部門進行救援演習🤝例如將軍澳跨灣連接路🌉跨部門演練，提升各部門嘅溝通同埋協作能力；亦會聯同鐵路發展課，視察大型交通基建🚅，例如西九龍站、新建嘅會展站，進行事故危機應對評估。
專隊同時與粵澳救援單位保持緊密聯繫，定期交流技術，亦隨時準備參與跨境及外地救援工作，保障市民生命及財產安全。