ТҮПСАНАНЫ ТАЗАЛАУ. АЙНУР ТҰРСЫНБАЕВА.
ฝัง
- เผยแพร่เมื่อ 11 ก.ย. 2024
- СӨЙЛЕ ТІЛІМ АЛАНДАМА ТАРТЫНБА!
Сөйле, тілім, алаңдама, тартынба!
Найзағайдай шындықты айтып жарқылда!
Қалай ғана өмір сүрдім дей алам,
Бір ауыз сөз қалмаған соң артымда?!
Заман қалай, адам қалай өзгерді,
Өзгергенді, шүкір, қазір көз көрді.
Арың менен ақиқаттың алдында,
Шындықты айтып шыңғыратын кез келді!
Айтса нанар момын халық едік қой,
Сенгіштіктен талай таяқ жедік қой.
Халқымыздың қамын жеген ұлдарын,
О ғаламат халық жауы дедік қой.
Күңі болған, қазағымды сорлаған,
Қасиеттің қара рухын қорлаған.
Ешқашанда тарихымда даламның,
Кешегіндей ұрыс-керіс болмаған!
Сеніп өскен халық едік малына,
Малын алса, қайтсін халық налымай?!
Америка, Түркияға, Қытайға,
Жетіскеннен шашылдық па тарыдай?
Әке тұрып сөйлеп кетті баламыз,
Ағайыннан алыс кетті арамыз.
Үш миллиондай аштан өлген бабамыз,
Қалғанымыз қайда кетіп барамыз?,
// Шынболат Ділдебаев