Vídeo campaña

A Asociación Provincial de Empresarios de 1ª Transformación da Madeira de Lugo, a Asociación Forestal de Galicia, o Cluster da Madeira e o Deseño de Galicia e a Asociación Monte Industria lideran esta campaña de sensibilización sobre a importancia do uso de materiais naturais, neste caso madeira, para camiñar cara un futuro sostible. O obxectivo desta campaña, #euescollomadeira, é trasladar á sociedade o compromiso polo coidado do medio ambiente, apelando ás conciencias e ao orgullo, como cidadán particular, de estar colaborando, activamente, a coidar a nosa contorna. Esta campaña está realizada coa Axuda da Axencia Galega da Industria Forestal e coa colaboración da tenda de Compostela de Leroy Merlín, os arquitectos Óscar e Iván Andrés, de Arrokabe Arquitectos, e o deseñador, Lois Guillán, de Cucuducho.