直播靈接觸｜歐陽震華曾住兇宅與死神擦身而過 好友突入賀壽兼封民選視帝

直播靈接觸｜歐陽震華曾住兇宅與死神擦身而過 好友突入賀壽兼封民選視帝
由梁思浩主持嘅節目《直播靈接觸》圓滿結束，最後一集邀請重量級嘉賓歐陽震華做嘉賓，尾聲時錄影廠仲相當熱鬧，好友江美儀、滕麗名、楊明同莊思明突入為7月28號64歲生日嘅歐陽震華預祝生日，歐陽震華話生日同老婆傅潔嫻相隔一星期，故會一次過食飯簡單度過，唔會大搞派對。
節目組亦有準備可愛嘅Banner恭賀歐陽震華獲封民選視帝，早前TVB官方微博同新浪娛樂舉辦「你心中的TVB記憶」活動，等網民投票選出「民選TVB視帝視后」，最終由歐陽震華同佘詩曼稱帝封后，思浩話好開心喺節目最後一集請到呢位老友出山做壓軸嘉賓，歐陽震華笑指自己非重量級人馬，只係棋子一顆。
講到獲封民選視帝，歐陽震華最初一無所知，表示係「世界上最麻煩嘅佘詩曼」有日喺內地工作時，一早發微信畀佢，話「大爺你成為民選視帝」，再睇清楚阿佘係視后，真係托阿佘鴻福，好多謝支持自己嘅粉絲，喺幾十人當中揀咗佢。至於會否回娘家TVB拍劇？歐陽震華表示無所謂，為TVB服務超過40年，出去試吓唔同嘅嘢，幕前幕後都可以，笑稱自己可以同古仔古天樂一樣。
而《直播靈接觸》最後一集，思浩大表不捨，仲話由節目開始至今已經多次加集數，令佢本身檔期有所延遲，現今要出去完成其他工作先，之後返回TVB工作。
歐陽震華於節目中除咗分享曾住疑似兇宅嘅經歷之外，透露2013年因急性肺炎入院，喺ICU昏迷期間嘅兩個奇遇，至今仍令佢歷歷在目，其一係高空望向自己情況，第二個係喺床上見到床邊有班瓦黑色嘅小矮人，佢哋似商量緊要唔要帶佢走，最後歐陽震華認為可能覺得佢為觀眾帶來咁多歡樂，得以倖存。
#直播靈接觸 #梁思浩 #歐陽震華 #Bobby #傅潔嫻 #生日 #民選視帝 #佘詩曼 #TVB官方微博 #新浪娛樂 #你心中的TVB記憶 #民選TVB視帝視后 #古天樂 #視后 #兇宅 #急性肺炎 #小矮人 #ICU昏迷 #奇遇 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@alicewoo1936]

歐陽震華Happy birthday你同我嘅生日爭一日咋，我係29號七月恭喜晒希望你長命百歲身體健康

[@Azzx8632]

👍

[@gabeelodee5923]

“談婚論價”❤谈判专家人生大事🎉
波比阿佘两位天花板演出😅

[@wongyw171]

髮証先鋒