تصريح ناري من لجنة الصحة النيابية ومقترح تعديل قانون التعيين المركزي اصبح كابوس قادم 😱

✳️لجنة الصحة النيابية :
▫️تعيينات وزارة الصحة عبارة عن بطالة مقنعة وترهل وظيفي ، والوزارة بحاجة فعلية إلى تعيين الأطباء فقط .
▫️لدينا فائض من اطباء الاسنان والصيادلة و مساعد مختبر بنسبة 100%.
▫️سنعمل على تعديل قانون التدرج الطبي لتصبح التعيينات حسب الحاجة.
▫️يجب فصل القطاع الخاص عن العام في وزارة الصحة فمن غير الممكن أن يعمل الطبيب صباحًا في مستشفى حكومي ومساءً في عيادة خاصة أو مستشفى اهلي
🔴الصحة توجه دوائرها بتحديد الفائضين من كافة التخصصات لديها.
جاءت هذه الخطوة بسبب البطالة المقنعة في اغلب مفاصل الوزارة في المستشفيات والمراكز الطبية .
سيتم اعتماد مبدء البقاء للاكفء وتنسيب الموظفين غير الكفوئين الى وزارة اخرى .
🔴بخصوص الامر الوزاري الخاص بتعيينات 2022 سوف يتأخر بسبب اعتماد وزارة المالية على تخمين خاطئ للاعداد .
الدرجات الوظيفية المخصصة لوزارة الصحة وفق قانون التدرج الطبي وحسب الموازنة المفترضة هي 40 الف درجة وظيفية وعدد الخريجين المشمولين بالتعيين المركزي هم 65 الف خريج وخريجة .
سيتم اعتماد الاحصائية وفق الكتاب اعلاه كأحصائية رسمية لتعديل قانون التعيين المركزي ( التدرج الطبي لسنة 2006 ) بسبب الفائض من الاعداد .
المقترح المقدم لوزارة التخطيط هو ان يكون التعيين عند الحاجة اسوة مع باقي الوزارات الاخرى ولكافة الاختصاصات سواء ( طب عام - طب اسنان - صيدلة - باقي التخصصات الاخرى ) .
t.me/STU_OF_IRAQ
t.me/STU_OF_IRAQ
قناة التلغرام t.me/STU_OF_IRAQ
حساب التلغرام @hatim96
حساب الأنستا @hatim_aldolemi96

[@user-pn1po7nb8j]

المفروض الكليات الاهليه مسوؤله عن توفير فرص عمل لطلابها لان طالب الحكومي شنو ذنبه ما يتعين

[@user-we9dm4pp1z]

اوافقك بالرأي المفروض تعيينهم في المستشفيات الأهليه عالقطاع الخاص

[@chhfvhhyg2221]

اني معدلي97 وادرس اهلي🥲🥲

[@user-fy7lr2oy3i]

تره هواي طلاب بالاهلي نظلموو وهواي طلاب معدلاتهم من 75 _97 وهاي من غير الي نظلمو بالتصحيح

[@user-ip3wg9tc8f]

مامجبورين إذا معدلك عالي روح غير المجموعه الطبيه تحليلات وغيرها

[@AliAhmed-hg1hu]

السبب الكليات الاهليه دمرت البلد معدل ثمانين مجموعه طبيه والحكومي ٩٧ معهد الله ينتقم ممن سوه هاي البلوه وحطم اولادنه وين الفائض نروح للمستشفى ولا طبيب بس الفراشيينوالعمال

[@user-we9dm4pp1z]

كلامك ذهب وعين الصواب همهم الاول والأخير عياداتهم والمستشفيات الأهليه!

[@user-we9dm4pp1z]

حسبي الله ونعم الوكيل

[@ahmedkhaled-gx8bt]

والله المشكله واضحه ليس الخطا بكثرة الخرجين ولكن كل محافظه لايوجد فيها الا مستشفى واحد ه منذ عقود من الزمن وعدد سكان كل محافظه بتزايد كبير ..الخطا عندك ياوزير الصحه

[@Lohan11Nov]

الخطأ بالسكان ليش هيج يتكاثرون؟

[@user-pw6wy9st7j]

احنه قضاء شكبرة ماعدنه بس مستوصف ونروح لقضاء بلد الي عندة مستشفى واكعه وتعبانه صارلها قرن وكل الاقضية عليها

[@znoo_33]

الخطأ من الحكومات الفاشله حكومه اسوء من الخ لا سوت مستشفيات والمستشفيات الزينه كلهة اهليه و الكليات كذلك بحيث بالحكومي يرفعون المعدلات يجبرون الشخص يروح اهليه وهكذا بعد شكم سنه يفشل القطاع الطبي كله من جذوره.

[@undertaker2023-zk7gb]

​@@Lohan11Nov ؟؟؟؟😂😂😂

[@user-cf3wu4ko6e]

@@Lohan11Nov 😂😂😂😂😂😂😂😂😂

[@user-eu5kv1cg9p]

هسه اني صح ادرس طب اسنان بس حجيهم كله صح يعني كل محافظة بيها كليتين اهلية ماعدا بغداد الي وصل عددهم لل ٧ كليات اهلية اذا مو اكثر وكل كلية تخرج ب ٣٠٠ الى ٤٠٠ طالب سنوياً الي همة ٣ اضعام خريجين الحكومي ادري وين يخلوهم وين احطهم بالاخير راح يصير شعب عبارة عن اطباء ودكاتره وهمه كلهم بفلوس ماكو عدالة بهل وطن تتعب وتقرا وبالاخير ابو ٧٩ يساويك ياخي حركة دم بالله الكريم حسبنا الله ونعم الوكيل

[@user-gs7bd2ky2r]

كربلاء كومة بيها اهليات 😂💔

[@user-eu5kv1cg9p]

@@user-gs7bd2ky2r وين متروحين هواي وهذا كله يرجع اذيتةة ع حكومي

[@user-ty2bl2jz1l]

والله صحيح أني معدلي عالي ورحت أهلية اسنان كلة بسببهم هذولة الأحزاب حسبي الله ونعم الوكيل على كلمن أسس الأهليات

[@user-we9dm4pp1z]

يراد ثوره على الكليات الأهليه وألغائها!

[@user-we9dm4pp1z]

​@@user-ty2bl2jz1l شكد معدلك أخي

[@emma4116]

المشكلة ماكو تعيينات بالوظائف الثانية مثل كليات القانون هسة المحامي محامي بس بالاسم لايشتغل وبس عنده شهادة لو فتحوا تعيينات للوظائف الثانية جان الكل يروح للقسم الي يريده %70 من الطلاب يريدون اقسام طبية لان بيه تعيين والاهل هم يظغطون على الطلاب حتى يجيبون معدل ينفع للاقسام الطبية

[@jk-hoot]

اتفق والله العظيم

[@user-nf8ju3md3l]

صحيح والله

[@AbbasAbbas-lz6lq]

المفروض يتم إنصاف أصحاب المعدلات العالية إللي أكثر من ٩٠ يعني ميصير يتساوون مع أصحاب المعدلات ٥٠ و٦٠ وحتى ٧٠ إحنا نريد الكفاءات لأن هاي أمور طبية تتعلق بحياة الناس ماكو مجاملة بهذا الأمر

[@user-eo7xg7wz6k]

ماكو هيج اني معدلي ٩٨ ميقبلوني اسنان ويجي واحد معدله ٩٠ طب اسنان وين العداله لخاطر الله
الله يرضى بالعدل مو هيج غير كلمن واستحقاقه

[@user-jy3ue6xp3y]

مستحيل يوقفون التعينات لان راح تتوقف الكليات الاهليه وهيه تابعه لهم هذا الشي يدمر مصالحهم

[@shafaqalsultani4152]

اصلا ماكو فائض بالاطباء وحتى الصيادلة بالعراق نسبة الى سكان العراق السكان في تزايد والطلاب تزيد حالنا حال العالم بس المشكلة البنى التحتية والخدمات ماكو مستشفيات ومؤسسات تحتويهم

[@Crr3001]

حبيب كلبي اني وين ما اروح الكَة فد 10 صيدليات بشارع واحد، اكو فائض خصوصا الصيدلة يعني منا لسنة بعد ماكو تعيين لا طبيب لامهندس لا صيدلاني اذا نبقة على هاي الحكومات

[@user-hv5oc1ns5n]

المشكلة مو بالبنايات وزير المالية طلع يكول ماكدر بعد ادفع رواتب ع هيج أعداد

[@user-dj9md8zi4l]

والله كله بسبب الكليات الأهلية الله لا ينطي الي جان السبب بتاسيس الكليات الأهلية .والله دمرتنه عمي ظلم حسبنا الله ونعم الوكيل

[@user-eu5kv1cg9p]

حسبنا الله ونعم الوكيل

[@user-wq9vj9td2v]

اي والله

[@yasein3540]

اي و الله

[@boldcup97]

المشكلة مو بالكليات الاهلية لان كل دول العالم بيهة كليات اهلية حتى هارفارد الأمريكية هية جامعة اهلية(خاصة). المشكلة بكثرتهة الغير معقولة بدولتنا.

[@rttu-qw6ce]

اي والله صحيح

[@user-fd3lh9ng5h]

فائض دبنو مستشفيات نايمين ع الفلوس شجاكم ،المستشفى الوحده صاير عليها كتل من الناس المرضة

[@user-nz7hd4on2g9k]

٦٠% من موازنه الوزاره تروح للرواتب منين يبنون

[@rambo1467]

صح

[@mamwwh7623]

@@user-nz7hd4on2g9k لفلوس ليسرقوها يبنون بيها 100مستشفى

[@fanofdr5031]

انت مخبل والله إلى متى يبنون

[@user-fd3lh9ng5h]

@@user-nz7hd4on2g9k معود هو اذا واحدهم يستلم اقل شي 15مليون و 30 واحسبهم همه اشكد ،طبعا 60%رواتب

[@user-vo4ns2tw3p]

يعني طلاب الاسنان والصيدلة الحكومي شنو ذنبهم انت تدري شكد معدلهم ذولة كافي مصختوها شوكت تصير ثورة على هالحكومة

[@jasimjasim9747]

اي والله جريمه اذا توقف تعيينهم

[@OmarOmar-uz4ik]

اي والله الكليات الحكوميه شنو ذنبه

[@hp9896]

شكرا على مجهودك الرائع عمي وآلله كلامك صحيح واذهب

[@STU_OF_IRAQ]

حياك الله اخي الكريم

[@ms99tt68]

عاشت ايدك عل توضيح
شباب نعتذر عن عدم وجود وزراة تخطيط في العراق. الي هي سبب فشل العراق بكلشي

[@STU_OF_IRAQ]

وايدك حبيبي

[@omhussien1100]

هو لو اكو تعيين غي الصحة مثل التربيةوالهندسة ادارة واقتصاد ليش كلهة تروح عالصحة ويامن نحچي حسبي الله ونعم الوكيل

[@user-pr6oe4hn6w]

صراحه احنه ناخذها بعين العقل شلون واحد معدله 67يدرس ويا واحد معدله 97 وفي حال صار التعيين حسب الحاجه الذنب الاكبر يعود للجامعات الاهلية

[@skynet5576]

شنووو الفرق مو جاي نمتحن وزاري واسئله موحده ومنهج موحد

[@ghassankasimdawood981]

العراق اقل نسبة من معيار تحديد الاطباء الى السكان واحدث نسبة حاليا .083 / 1000 نسمة بينما المعيار العالمي 1000/17 نسمة

[@user-gf8fl2ot8l]

المشكلة هي مستشفيات ماكو لاستيعاب الاطباء فا ايصير عدهم فائض

[@amolaali4300]

والله كلامك يبرد القلب خاصة النا جماعه السادس اللي مقدمين على كليات اهليه طب أسنان ومانعرف شنو مصيرنا وان شاء الله ننشمل بالتعيينات وماتنلغي على حظنا 😢

[@diana-ug8km]

اعداد هائلة بالطبية ومعدلات والله حرام واحنا النظلمنا معدلات ٩٦ و٩٧ وندفع ملايين اهليات حسبنا الله ونعم الوكيل

[@user-nm7ib4zt1g]

ان شاء الله ما يشمل المستمرين

[@user-sc2fy4rr5v]

الله يوفقك لان كلامك جدا يطمئن مو مثل البعض بس يجذبون ويعرفون يحقدون على غيرهم

[@STU_OF_IRAQ]

الله يسلمج

[@user-su6io9mf4e]

كله بسببهم العسكريه واسطه الهندسه ما يعينك الحمزه عليه السلام والصحه نروحلهه من الضيم ولو ترجع للحقيقه من يحب الدم

[@user-er4kn8jz3r]

تنحل المشكله ببناء مستشفيات ومستوصفات بكد المولدات الموجوده بالمناطق وابوك الله يرحمه

[@IbrahimMohamed-my3rk]

انت ذهب وانسب حل ❤

[@user-sc2fy4rr5v]

هو رواتب ماكو ادور تريدون مستشفيات احنه هم فگر

[@MedoMedo-zf1zt]

@@user-sc2fy4rr5v اكو رواتب مو ماكو وتكدر الدولة تعتمد على الثروات الطبيعية و بناء معامل و الزراعة و الانتاج و القطاع الخاص و بناء مستشفيات وبنى تحتية وتنحل الامور وتنترس الخزينة مال دولة بدل المحاصصة و البوك على حساب الناس

[@sajadg2g7]

ما دام بيعه موافقة وزارات هواي السالفة تطول سنين و داعتك لان التعليم مستفاد من الفلوس مال الموازي و الاهلي

[@user-bs2to7se7t]

لعد ليش تعينون طلاب الي درسو بالخارج معدله ٦٠ يصير طبيب نص ردن ويعينو كبل وطلابنه الاذكياء خطيه كلهم مينقبلون كله بسبب الاهليات

[@diana-ug8km]

قبلو اعداد قليلة بالاهلية يعني خلي يفرق المعدل ب٥ درجات فقط يالله ينقبل مجموعة طبية مو ٢٠درجة كافي فلوس ماشبعووو الاهليات والاحزاب

[@rawanhassan8640]

إذا اكو حاجه للاطباء لماذا أذن وزارة التعليم العالي والبحث العلمي قللت من المقاعد الدراسيه لكليات الطب السنه الماضية عن السنوات الماضيه

[@100hba]

لان اذا يبقون المقاعد كاملا يصرون بكد التمن

[@s..rafida6261]

يرحم والديك شوو تكولون اطباء الاسنان عدنه فائض بيهم لعد ليش من نروح للمراكز الصحيه يشمرونه 3 اشهر يله نراجع نسوي اسنانه هو لو اكو اطباء غير تيشتغلون

[@user-ty2bl2jz1l]

الأعداد محافظ عليها بس الأهليات هي الي دمرتنا اعداد هواي

[@user-we9dm4pp1z]

أكبر فساد إداري وشهادات مقابل المال الكليات الأهليه

[@gulirash1783]

شکرا علی التوضیح

[@STU_OF_IRAQ]

موفقين

[@jafarsadeq8611]

❤❤❤❤❤ فدوة العمرك ❤❤❤❤

[@user-vy7mr9iz7k]

وداعتك اذا يردون شي ضد المواطن راسا يمشون القرار دون الرجوع للتصويت مثل موضوع التسكين راسا سكنونه

[@2_rap]

لا حول ولا قوة الا بالله
هي هاي حالة بربكم فوك التعب والدراسة الصعبة وتالي متالي التعيين بس للتخصصات الطبية وهسه يردون يلغو حسبي الله ونعم الوكيل على كل من اله ايد بحاال العراق هذا خير العراق وين ديروح شنو هذا الاهمال والبرود المن تحجي وشتحجي

[@user-vf1gx7he3x]

مايكدرون يسوون شيء
كل مرة نفس التصريحات

[@user-de7gw1xp4z]

السلام عليكم اخي ماكو اخبار عن تعيين العشرة الاوائل من تسلسل 4 -للعشرة واكون شاكرة لفضلك

[@STU_OF_IRAQ]

لحد هسه ماكو
والتعيين على الموازنه

[@user-sg3kz8zq2i]

يشمل الاعمار جميعا

[@user-ng1es8fy8o]

أخي الخريجي مالوا دخل لزم وزارة الصحه إذا دور مصلحه الوزارة تطلب تعديل على قانون التدرج الطبي
اما اتأخر تعيينهم هذا مو من حقها ابدا

[@iMrGhost]

الكليات الاهليه حرفيا دمرت العراق تدمير

[@athraasalman1063]

عاشت ايدك وشكراااااا الك

[@STU_OF_IRAQ]

الله يوفقكم

[@18e]

شكرا عالتوضيح وصح معهد الدور كل سنة اني اجرس بمعهد الدور وهوة يقبل اعداد هائلة مسائي ويدون محاسبة للحضور لان اذا يحاسبوهم رح كلهم يداومون وما عدهم مجال 😅. واقع أليم.

[@STU_OF_IRAQ]

العفو الله يوفقكم

[@kmnb3328]

حراحة اذا نضرنة للتصريح ككل فهو شي بيه فائدة للكل في حالة فصلو القطاع الخاص عن القطاع العام تلقائيا راح يصير حاجة ولكل يتعين وبنفس الوقت مراح صير موظفين بدون فايدة مجرد بطالة مقنعة

[@2_rap]

*والله حيرة واحد وين يروح يقدم ع تخصص طبي* اهلي *لو لا نقدم ع الحكومي بمعدلاتنا*

[@isghs3059]

هو من البدايه غلط من الحكومه ووزارة التدمير مو التخطيط في رفع المعدلات للكليات الحكوميه فيضطر الطالب المعدله عالي مانقبل حكومي يروح اهلي مجبور اهله يداينون ويسوون سلف علمود يوفرون القسطلأبنهم حتى يدرس ميضيع مستقبله هسه انتو تجون ع الحاضر تلغون التعينات يابه شنو اكو فائض ليش من الأول ماخططتو وشفتو حل وفتحتو كومه كليات اهليه ونزلتو المعدلات عليه علمود الفلوس

[@khudairalganaby5163]

كل ماورد فيماتدوالتهلجنة الصحه مطلوب

[@ZahraT-T]

من زمان لازم يسوون هيج لان ليش باقي التخصصات يتعب ويجيب من الاوئل ومايتعيين و واحد من الطبية ينجح بالدفرات على الحافة ويتعين بسرعة والله ضلم ، شنو ذنب الي مايحب الطبية ، الصوج كله من الوزارة هي الي انطت مجال حدوث هذا الشي واكو طلاب أجبروا يرحون طبية بسبب الاهل والمجتمع

[@banhasoon4267]

وقفوا الكليات الاهلية

[@user-ds3dq2yw6k]

طلاب السادس اقرو ومعليكم هاي كل سنه هيج ينشرون حتى محد يطلع معدل وتروحون اهلي 😂

[@user-vz2is7nn9c]

والله صحيح 😂😂

[@user-xr5zp3ku8d]

اي والله

[@f_jm.]

استاذ بس شون اعرف مراكز الاسنان تابعه الرصافه والكرخ علمود نحضر للمباشره نختار مركز مناسب ياريت توضحلس اذا مصير زحمه

[@STU_OF_IRAQ]

راجعو دائرة الصحة

[@OmarOmar-uz4ik]

محد كله يروح كليله اهليه ودمار المجموعه الطبيه هيه الكليات الاهليه

[@ZahraT-T]

يخي لو منطين فرصة من البداية لباقي التخصصات تشوف الدنيا بخير ، تشوف تنوع الوظيفي وتشوف بس الكفؤه الي يستحق كل وظيفة وهيبة ، سالفتك قبل لمن نسمع موظف صحي نتعجب

[@user-vz2is7nn9c]

و الله صدك حسيت بيك تعبت بالفيديو .. ربي يوفقك يا غالي وشكراً على جهودك 🩶

[@STU_OF_IRAQ]

الله يحفظك ويسلمك وردة

[@mhmh6846]

المفروض كل مائة ألف نسمه تكون هناك مستشفى متكامله لكن نحن مستشفى واحده وخرابه

[@AbbasAbbas-lz6lq]

كذلك يفترض إحالة جماعة التصنيع العسكري إلى التقاعد لأنهم غزوا الوزارات ورواتبهم عالية لأنهم من وصلوا للدرجات العليا الأولى والثانية والثالثة بأعلى راتب حتى يتم تعيين الشباب الخريجين

[@newabc520]

يعني هم مستمرين بفتح كليات طبيه واقسام طبيه جديده ومستمرين بتنزيل معدلات القبول بالاهلي ومستمرين بهاي التصرحات ماتعرفلهم طريقه يعني مايكدرون للمسؤلين الكبار الي يملكون هاي الكليات الاهليه وتاركيلهم المجال ينزلون المعدلات بالاهلي ويرفعوهه بالحكومي وقدرتهم على ابناىنا الي ورطوهم ومصو دم اهاليهم باقساط بالملايين وهسه يهددوهم بتوقف التعيينات بحجه العدد الفاىض من الخريجين الله يقبلها حسبنا الله ونعم الوكيل عليكم خربتو التعليم وخربتو الاقتصاد ورجعتو على العالم في سبيل مصلحتكم مايكفيكم ثلث الموازنه لرواتبكم والثلث الاخر مقاولات وانطيني وانطيك لاحكين الشعب على الفتات الي بقيتولهميا تركضون ورا الطالب وره الموضف بس تريدون فرصه حتى تستفادون منه بقدر الامكان مو بشر انتو مصاصين دماء ماترتوون كلما تاخذون اكثر تجوعون اكثر مانكول غير حسبنا الله والله يمهل ولا يهمل

[@user-ew5gi7wk8y]

الك المشتكه اللهي شنو ذنبي طالبة سادس وبفترة مراجعه كلش صعبة 💔 واشوف هيج خبر

[@user-mm8ys4sx8r]

زين ليش مايغلقون الكليات الاهليه بس هم مايغلقوهه لان تابعه الهم للنقابات والاحزاب 🙂

[@jk-hoot]

افااا واذا غلقواها عليمن يعيشون ويشبعون فلوس حسبي الله عليهم

[@kahlankoko9672]

عاشت ايدك ع فيديو
وكل الي حجيته صدك

[@STU_OF_IRAQ]

شكرا لكم 😇

[@user-mt6bu5uk3d]

واكيد هذا القرار ماشي يطبق على خريجي السادس دفعة 2024 لان حظي واعرفه من دخلت السادس ماكو حذوفات وماكو دور ثالث ولا تحميل ولا انتساب بقت على هذا القراڕ اكيد ينطبق عليه 😂😂😂😂

[@Mia-vm3cw]

دفعتنا اكثر دفعة مظلومة💔🐸

[@user-mt6bu5uk3d]

@@Mia-vm3cw هههههه اي

[@STU_OF_IRAQ]

بضبطً ههههً كولو يا الله ماكو شي رسمي

[@isghs3059]

الله يحرك هيجي حكومه متخطط لمستقبل اجيلها وتتلاعب بنفسياتهم واهلهم الي تعبو عليهم وصلوهم لهاي المرحله الله ينتقم منهم وحسبي الله ونعم الوكيل على هالظلم

[@saraWissam-qd3ds]

طبعاً فائض الي يطلع 98 متقبلو طب عام حسبي الله عليكم وشيسوي غير يروح طب أسنان لو صيدله ❤

[@7ururuedivu7buci.]

‏‪3:28‬‏ 💔والله زين اذا انجح ع هذا الخبر

[@7ururuedivu7buci.]

شتكول تعيين الاشعه والسونار اهلي ينسد؟

[@rooz.m]

ليش ماكالولنه قبل لاندخل للكليه ليش لحد ماتخرجنه يلا كالو ماكو تعيين مركزي

[@nowrassadek5999]

السلام عليكم يعني اني هسه راح ادرس مرحله اولى تحليلات اتعين من اتخرج لو لا

[@AliAli-zb7do]

كلها بسب الكليات الاهليه

[@Borhan.96]

اخي الكليات الاهلية هم تعتبر تابعة للحكومة النسبة الاكبر من ايرادات الكليات الاهلية ترجع للحكومة … يعني الحكومة جاي تستفاد من طلاب الاهلية شكو حاطين بالكم ويا جماعة الاهلية…

[@user-uu1hn6du9b]

بلكيت انزلوا المعدلات المعهد

[@sadialnasser2724]

بس همة هسة اعلنو انو التعيين صار حسب الحاجة لجميع الطلاب حت الي ديدرسون والخريجين

[@user-tf6of8cy8g]

الله يوفقكم على التوضيح بس هسه دفعه ٢٢مشموله بالتعيين المركزي لولا اءيس

[@STU_OF_IRAQ]

جزء منهم مو كلهم حاليا وبعد ما صوتو ع قرار

[@sajad_sm]

زين يشمل اهل التمريض ؟ يعني هل من المحتمل التمريض يصير حسب الحاجه وكلنه نعرف التمريض يحتاجون اعداد اكثر من الاطباء نفسهم كونهم تتعدد اماكنهم . ومهامهم.. خصوصا بس الفايروسات الجديده الي دخلت صاروا بحاجه لاعداد التمريض اكثر؟ اجابه رجاءا

[@Haider_Ahmed_]

واحد يضل عماله احسن شنهاي

[@user-ok3lv3xc8v]

هل من صلاحيات رئيس لجنة الصحة النيابية العمل على تعديل قانون التدرج الطبي؟

[@STU_OF_IRAQ]

مجلس الوزراء فقط

[@AliAli-le8yg]

والله دخلت بنتي تخدير مرحله اولى اهلي لان انقبلت معهد طبي بغير محافظه ومخلوهه تروح ومتندمه حاليا اذا انلغى التعيين ماكو الهه عمل خارجي مثل الصيدله التحليلات البصريات يكدرون يشتغلون بعياده 😔

[@skynet5576]

ميلغي وحتى اذا الغه ميشمل طلاب جاي تدرس

[@qxcv]

@@skynet5576 متأكد؟
بالتعليقات كاتبين يشمل كل المراحل اذا اجه هذا القرار؟

[@user-db8gv2qc3y]

شنو بالنسبة لتعيين تقنيات المختبرات الطبية ؟ والدفعات المشمولة بموازنة هذه السنة صح يتعينون مباشرة بعد التخرج؟

[@STU_OF_IRAQ]

ع موازنه ماكو شي اسمه تعين مباشر

[@mena-to9cd]

​@@STU_OF_IRAQ اخوي التربيه بس اذا طلعت من اوائل اتعين؟

[@user-wl1qt1hm4g]

أنه مرحلة أولى تقنيات تخدير كليه اهليه إذا تغير للتدرج الطبي يشملنا التغير لو لا

[@STU_OF_IRAQ]

لحد هسه مركزي للكل

[@AliAli-le8yg]

والله يااخويه التخدير هاي السنه دخلت اعداد هائله اهليات عدى الحكومي والمسائي والسالفه تخوف هيه من هاي السنه معينينهم مع التمريض من كد ماهواي و63 الف معينين بس 40 الف يكولون لعد شلون مع الدفعات الي دخلت الهائله هالسنه

[@user-qy7vs5eo9e]

2024 يعني نئيس ماكو تعين خرب حظ 🤦🏻‍♀️

[@user-sc2fy4rr5v]

بلكي اكو والله ذوله يگطعون الواهس دمروا كل مستقبلنا واحلامنه الله لايوفقهم

[@user-gr3od3yg1l]

اللهم انصر اخواننا في فلسطين 🤲 اهل قنوات شاركوا بنشر ظلم جاي يصير بالفلسطين لن صوتكم مهم وانتم ماعدكم قناة ساعد هاي قنواة ونطيها لايك والله يغفرنة ويثبت ع طريقة

[@fatimamd567]

يعني مرحلة اولى هالسنة اذا انطوا القرار خلال هاي السنة ما نتعين ،ارجو الرد

[@m_75h]

يعني اذا انه مرحله ثانيه تحليلات انشمل بتعين لو ﻻ؟

[@user-dg6rf9ck5e]

تريدون اطباء والمعدلات مسوية حلميه كل طالب حلمه طب مدا يكدر يدخل بسبب المعدلات ليش هيج التعب وين لو ١٠٠وفوك

[@Alqima99]

هاي كارثة انوب ياهو الي تلزمة شنو تريد تصير يكلك طقطور ادري الطقطور ياهو اليجي بس همه هم حقهم لان الدولة اتعين بس الطبيات لذلك الطالب يريد يضمن مستقبلة

[@banhasoon4267]

غلق كليات الاهلية

[@f_20.00]

مثير للدجل

[@TaraMohamad-yi9ln]

طبعا الوزارة راح اتخبلنه تره اكو طلاب حلمها مو طب بس غير الحرامية ميخلون تعيينات بعدين خليهم لا يعنون الاهلي احنه الحكومي شكو ؟

[@haider.246]

❤

[@user-hd3wk3up6i]

بالعكس ماكو فائض احنه بالعراق انعاني من المشتشفيات ما بيه ممرضين اوخفر باليل يجي مريض حالته مستعجله منلكه دكتور اوممرضين يسعفونه ودكاتره الكبار همه عدهم خبره ونتم وزارة الصحه اكو اقتراح لا تسمحوون للدكاتره الجدد بان يفتحون عيادات الا عندما يتقاعدو فالطبيب التقاعد هو اامسموحله بان يعمل عياده اما اصغار لا يسمح لهم بان يعملو لهم عياده لا بعد التقاعد حتى نساعد الناس الفقراء اوبلدنه يطور

[@100hba]

حبيبي اكو بكد التمن بس كله نايمة وما قايمة بواجبه

[@plinkpoo4727]

بلا زحمه اكو شي جديد باخبار تعينات وفعه 23 لحد الان مشموله بتعيين لو لا

[@STU_OF_IRAQ]

لحد هسه مركزي

[@Kawther-lh4ky]

استاذ هسه التعيين بعدة موجود لو لا
دفعه 2023 يتعينون

[@user-fv3xm3ph7w]

الوزارات جميعها لديها فائض

[@100hba]

خوية الاطباء صارو اكثر من البگاگيل

[@user-yr1bz9ql4m]

​@@100hba شلون اكثر من البكاكيل هوه جاي يكلك احتاج تعيين فقط الاطباء لان اكثر الاطباء جاي يهاجرون خارج البلاد ليش مادكول طب الاسنان والصيدله صار اكثر من البكاكيل

[@user-pf1um1zj6f]

شنو ذنبهم الطلاب

[@user-ep9yl7ki3s]

زين صدك اذا غيرو القانون المستمرين بالدراسه معليهم يتعينون يعني اليدرس بكليه يتعين بس اليجي من السادس ميتعين

[@user-qo7zi3bx9h]

السلام عليكم
اخوية فدوة رد معهد الصحة العالي غير تعينة خاص ومالة علاقة بقانون التدرج الطبي سنة 2000 يعني اذا عدلو القانون معهد الصحة هم مشمول او لا ارجو الرد

[@STU_OF_IRAQ]

نعم اذا تعدل مشمول حاله حال الباقي
بس لتخافًً تعيين مركزي

[@visamahmed5931]

والمعهد الصيدلة شنو مصيرها

[@STU_OF_IRAQ]

كله مركزي

[@b2_222]

استاذ اني اريد قدم على معهد صحه العالي قابله و توليد. من اكمل اكو أمل اتعين

[@user-sg1di1be5o]

استاذ الله يخليك جاوبني انه نجحت هالسنه واريد اروح تخدير لو صيدلة يعني اتعيين لو لا بعتبار بعدهم مانزلو القرار التعيين واذا طبقو يطبقونه قبل لا انقدم ياريت تجاوبني

[@user-gy6im8rz8x]

يعني هس احنه مختبرات طبيه مرحله ثالثه كُليه أهليه
تعيين مركزي لو هم حسب الحاجه

[@STU_OF_IRAQ]

لحد هسه مركزي

[@user-mo8uj1oq6g]

يعني معدل ابني 96 اكيد راح اخلي اهليه مجبورين لان مامعقول نخلي معهد
السبب الاول والاخير هم الاهلية وسوء التخطيط الحكومي

[@Alqima99]

خاله دمروا التعليم شنو ذنب الطلاب والخريجين الكل يفكر بالمجموعات الطبية في سبيل التعيين لذلك يصير اعداد هائلة والمعدلات ترتفع

[@user-eo7xg7wz6k]

وشكو ممعقول معهد
اني ٩٨ وراح اقدم معهد طبي سنتين واتعين وافضها

[@user-uq4bo6ws3f]

@@user-eo7xg7wz6k راح تظلم نفسك

[@haidermohammed9646]

اعادة تعين الاطباء والكوادر الصحيه المفصولين بسبب العلمياات الارهابيه في المحافظات الساخنه..

[@user-nm1cy6bi6n]

قسم صحة مجتمع اكو فائض بي لو لا بلا زحمه ممكن جواب

[@STU_OF_IRAQ]

ماكو

[@user-yr1bz9ql4m]

معلومه التعديل راح يشمل الكل حتى الي مداومين من مرحله اولى فما فوق وحتى الي ينجح من السادس كذالك وهاي المعلومه متأكد منها ٩٠% تحياتي الكم

[@user-bh2or3mr1g]

لا حبيبي القانون ميشمل المستمرين بالدوام يشمل الجدد لان المستمرين دخلو بغير قانون فميشملهم

[@user-yr1bz9ql4m]

@@user-nt9vv2sg5l حبيبي انته هذاك الوقت يختلف جان هسه وزاره الماليه جاي دكول راح يصير عدنا عجز وماراح نكدر ندفع رواتب لثلاث سنوات القادمه اذا بقى التعيين هيج ومااكدر استحدث درجه وظيفيه وحده بعد والدليل دفعه ٢٢ حذفو منهم ٢٥ الف درجه وصلت الفكره تره تحياتي

[@user-we9dm4pp1z]

@@user-bh2or3mr1g لاحبيبي هم مشمولين حسب الحاجه لأن دفعة ٢٢ !خمسه وعشرين ألف فائضين ماإلهم تعيين! مخصصين 40الف درجه فقط!لأن مجموع دفعة ٢٢/خمسه وستين ألف خريج ماشاءالله بزود الكليات الأهليه الغزت البلاد

[@user-we9dm4pp1z]

@@user-yr1bz9ql4m اخويه حذروا الطلاب النقابه وكالت عدنه فائض بالأسنان والصيدله قبل سنتين وكالوا بالحرف الواحد ماننطي إجازة ممارسة المهنه !وحذروهم خاصه عالكليات الأهليه وعدم هدر أموالهم مقابل مصير مجهول

[@L_w80]

اخي اني طالبة سادس بس دفعة 2024،تنصحني ادخل طب عام او لا يعني بيه تعيين ؟

[@user-fi1ex5vg4v]

معهد تمريض هم بي فائض

[@user-ij2sr8rm4v]

يعني هسه اني اريد اقدم بصريات اهلي هاي السنه شنو اكو تعيين لو لا

[@rttu-qw6ce]

ولعلوميين شنو مستقبلهم لا حس ولا خبر على تعيينهم عينو ٣٠٠٠واحد مال من ٢٠٠٣ ولحد هسة واللة ضلم ضلم ضلم شنو مستقبلهم علوم الحياة

[@mustfaali7758]

يا سنة خريج انتي