يا اخوان السرداب ابعدوا عنه ترا كله نصابين درجة اولى وديت جهاز ps4 pro لمجمع الرحاب على مود الاقي فيه فني يصلحه فقبل ما ادش المجمع والا يطلعلي واحد باكستاني (رفيق يبي يصلح؟ يبي يبيع؟) رديت عليه يبي يصلح...فاخذني للسرداب المحل قبل الأخير من جهه اليمين....اسم المحل (كويتي و افتخر) فعرضت عليه المشكلة و قلتله ان الجهاز يطفي مع صوت البيب ثلاث مرات..فرد (هذا ما في مشكله انا يقدريسوي)...جيته بعد 3 ايام للمحل فلقيت مصري مستلم النوبة فسألته عن الفني؟ فرد (جاي بالطريق)...نطرت تقريبا نصف ساعه وبعدها جا الفني...وقال (رفيق جهاز اوكيه)...رديت شنو المشكله؟ فرد علي (مشكله بسيط..مروحه خراب انا يبدل)..شغل الجهاز قدامي عشان اتأكد انه اتصلح...تدرون بجم اجرة التصليح؟ 15 دينار...المصيبة مو هنيه؟ المصيبة لما رديت البيت عشان اكمل لعب كول اوف ديوتي اليديد 2022..انطفى الجهاز مع صوت البيب 3 مرات...يعني الفني السكة اللي مو عارف كوعه من بوعه جان مفكر ان خران الجهاز من المروحه...فجيت للمحل مرة ثانية الظهر و سألت عن الفني...فرد علي البائع المصري (عنده شغل بجليب الشيوخ و احتمال يرجع بالليل) يعني ابو الشباب يبي يصرفني...فرديت عليه..دق تلفون عليه و كلمه.. دق التلفون و حاجيته ان الخراب مثل ما هو و انته ما يسوي شغل زين و ابي يرجع فلوس..رد علي (ما يقدر) ليش مايقدر؟ (مروحه يركب خلاص!! قالها بصوت منفعل) اهنيه تدخل المصري و قالي بابتسامه خبيثه(بص يا عم..ارجعلك 10 دينار و ال5 يعوض عليك ربنا) فقبلت بالعرض المجحف هذا لاني بصراحه ما عندي اي استعداد انطر لغايه الليل وصول هالفني التعبان للمجمع.. يعني طلعوا بنصبه خفيفة زائد مروحه الجهاز الاصلية...المجمع هذا لازم الحكومه تسويله كبسه و تنظفه من المحتالين و النصابين اللي شوهوا سمعته و حولوه لوكرمحتالين درجة اولى
Nice👌🏽
👌🏽
مووووفق يارب
🌹
، يشتمل شقر يوغي
منو هذا 😂
.
يا اخوان السرداب ابعدوا عنه ترا كله نصابين درجة اولى
وديت جهاز ps4 pro لمجمع الرحاب على مود الاقي فيه فني يصلحه فقبل ما ادش المجمع والا يطلعلي واحد باكستاني (رفيق يبي يصلح؟ يبي يبيع؟) رديت عليه يبي يصلح...فاخذني للسرداب المحل قبل الأخير من جهه اليمين....اسم المحل (كويتي و افتخر) فعرضت عليه المشكلة و قلتله ان الجهاز يطفي مع صوت البيب ثلاث مرات..فرد (هذا ما في مشكله انا يقدريسوي)...جيته بعد 3 ايام للمحل فلقيت مصري مستلم النوبة فسألته عن الفني؟ فرد (جاي بالطريق)...نطرت تقريبا نصف ساعه وبعدها جا الفني...وقال (رفيق جهاز اوكيه)...رديت شنو المشكله؟ فرد علي (مشكله بسيط..مروحه خراب انا يبدل)..شغل الجهاز قدامي عشان اتأكد انه اتصلح...تدرون بجم اجرة التصليح؟ 15 دينار...المصيبة مو هنيه؟ المصيبة لما رديت البيت عشان اكمل لعب كول اوف ديوتي اليديد 2022..انطفى الجهاز مع صوت البيب 3 مرات...يعني الفني السكة اللي مو عارف كوعه من بوعه جان مفكر ان خران الجهاز من المروحه...فجيت للمحل مرة ثانية الظهر و سألت عن الفني...فرد علي البائع المصري (عنده شغل بجليب الشيوخ و احتمال يرجع بالليل) يعني ابو الشباب يبي يصرفني...فرديت عليه..دق تلفون عليه و كلمه.. دق التلفون و حاجيته ان الخراب مثل ما هو و انته ما يسوي شغل زين و ابي يرجع فلوس..رد علي (ما يقدر) ليش مايقدر؟ (مروحه يركب خلاص!! قالها بصوت منفعل) اهنيه تدخل المصري و قالي بابتسامه خبيثه(بص يا عم..ارجعلك 10 دينار و ال5 يعوض عليك ربنا) فقبلت بالعرض المجحف هذا لاني بصراحه ما عندي اي استعداد انطر لغايه الليل وصول هالفني التعبان للمجمع..
يعني طلعوا بنصبه خفيفة زائد مروحه الجهاز الاصلية...المجمع هذا لازم الحكومه تسويله كبسه و تنظفه من المحتالين و النصابين اللي شوهوا سمعته و حولوه لوكرمحتالين درجة اولى
اعلان ولا شنو
لا تقيم