ضرب العوادي - جفران بن هضبان ( حصرياً ) | 2021

🛑تنبيه🛑 : نسخ أو تحميل المحتوى وإنتهاك حقوق النشر يعرض حسابك وقناتك للإغلاق
أفراح آل جميلة
شيلة :/ حفل زواج سعيد بن طالب آل جميلة
كلمات :/ فيصل بن سالم آل جميلة
اداء :/ جفران بن هضبان
جرافيكس :/ تويم بن فطور
___
الكلمات :/
يا سعيد القرم ذا وقت القصيد اللي نوده
والجزل ما ياتي الا في رجل ما هوب عادي
جاتك بيوتٍ جزالٍ ما خذت بالراس مده
كل مدحٍ يكْتبْ لطالب ترا غاية مرادي
لو ظروف الوقت جارت للكرم ما هي تلده
من خلقه الله ودربه للعلا دايم سنادي
عند طالب مرحبا باللي ذكر عدي وعده
يشهد التاريخ فعله بالعطا وقت الزهادي
بالعطا مثل البحر يلحق كثير الناس مده
أو كما غيثٍ هَدرْ سيله ويملى كل وادي
يعطي السود الغوالي كل مطلوبٍ يسده
ماذخر جاهه وماله سالم الشيخ القيادي
كل رجالٍ جميلي كالعقاب اللي مَهَدهْ
يجبر اللي وإن تعلم يخلفه ضرب العوادي
اسمنا مثل الجدي واضح ينومس من يعده
فالرخا رجمٍ ضليل وفالقسا سقم المعادي
حن رجالٍ حلمنا يِلْحِقْ قليل العرف حده
وان نوينا نارد الحروه ونردع كل غادي
كل رجالٍ شجاعٍ عارفٍ مقياس نده
يترك اللي حَبْ راسه مثل مطحون القنادي
كم عقيدٍ مستصيبٍ من عقب تِراّبْ خده
من عقب ما هو عقيدٍ فالوغا قد هو يقادي
كُل ْعدٍ لو غدا دونه كبار القوم نِرْدهْ
إسمنا يكفي وسيف العز في وسط الغمادي
من نصانا يضحك حجاجه ولا نبحث بسده
كل عازه تنقضي لو هي ورا حد الرمادي
من بني مطير وحنّا كل حرابٍ نضده
من نوانا بارت عزومه ولا ذاق الرقادي
من جرابعةٍ مثل صم الجبال بكل شده
إسمنا في كل ديره بالفخر والعز سادي