يا اهل صنعاء ترجاكم ابو نصار + جي نسمر الليلة ـ محمد ابو نصار
ฝัง
- เผยแพร่เมื่อ 10 ก.ย. 2024
- ـــــــــــــــــــــــــــــــــــــــ
يا أهل صنعاء ترجـاكم أبو نصـــــار …*… تردوا الزين من عند الذي شــــــلّه
يا أهل صنعاء وصلني منكم إنـــــذار …*… مِدْري هو الصدق أو هي منكم رفــــله
يا أهل صنعاء سمعت البارحة أخـبار …*… منع المحبين من خرجه ومن دخله
يا أهل صنعاء عهدناكم كرام احرار …*… وما طلبناه قلتوا هو جبا شــــــــله
يا اهل صنعاء بتشعل في الفؤاد النار …*… يمر الأسبوع لا نظرة ولا قبله
يا أهل صنعاء أنا وحدي غريب الدار …*… والخل مرتاح في بيته وبين أهـــله
يا أهل صنعاء نسيتوا ما حقوق الجار …*… الجار له حق مهما زَيَّد الشُغــــــله
يا أهل صنعا أنا ساقتني الأقــــــــدار …*… والحب غلاَّب ما هو مسألة سهله
يا أهل صنعا أنا طالب لكم في الثار …*… لا تقبلوا صلح من خلي ولا مُهــله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ 2
جي نسمر الليلة ...***... على رنين العود
من حب يا ويله ...***... من الضنى الموعود
ما في يدي حيله ...***... على الليالي السود
قوم القمر قد طل ...***... رحب باطلاله
غني ولا تسأل ...***... ما هو شغل باله
من علمه يزعل ...***... من غير احواله
هيّا معي غني ...***... يا ليل آه يا عين
وانسى الذي يضني ...***... في قلبك المسكين
سهد الليال يفني ...***... كطعنة السكين
لا تذرف الدمعة ...***... يا قلبي الحيران
الحب كالشمعة ...***... يذوب في الهجران
ما للعذاب هجعة ...***... في ليلة السهران
هيا معي نرحل ...***... دنيا الإله فسحة
عسى نلاقي حل ...***... للقلب من جرحه
دوّر على مشعل ...***... ينير بالفرحة