انت عشقي || الملا

قصيدة : انت عشقي |
اداء الملا : علاء التميمي |
كلمات : حيدر شايع |
#ادور_علجرح_بيخير
العزاء المركزي مضيف الامام الحسين (عليه السلام)
موكب عشاق الحسين (عليه السلام) 2024م ١٤٤٥ه‍
مجالس استشهاد الامام علي الهادي (عليه السلام)
البصرة _ الدير الشرامخة
انتاج وتنفيذ
الحرم للانتاج الفني
مونتاج وتلوين
علاء عامر
مكساج وتوزيع
كرار التميمي
مدير التصوير
علي شهيد
التصوير
علي شهيد
علاء عامر
حسين احمد
سجاد جواد
مرتضى شهيد
مخطوطة
حيدر الزمان
تصميم غلاف
ابراهيم علي
مهندس الصوت
شركة العقيلة للصوتيات
اللهم عجل لوليك الفرج
جميع الحقوق محفوظة على قناة الملا علاء التميمي الرسمية على اليوتيوب 🚫
TH-cam _ يوتيوب
/ @alaaal-tamimi736
telegram _ تلگرام
t.me/majalesmullaalatemimy
instagram _ انستگرام
alaa_altmemi313...
facebook _ فيس بوك
/ alaa.altmemi313
tiktok _ تيك توك
/ alhasabalrasmy
#الرادود_علاء_التميمي
#ادور_عن_جرح_بي_خير
أنتَ عشقي و الولاء يا غريب الغرباء
_________________________
1
ادور عن جرح بي خير
واستنگي البچي اليسوة
لو شِفت الحزن بـِ الون
اصير اسود من الگهوة
الدمعة مراية العشاگ
وتعكس عيشة اليهوة
احبك وارد اضل وياك
اعيش المُرة والحلوة
_________________________
افگد وطن، من ابتعد، عنك شبر
ويموت بأول شمة، من يمشي
العطر، المابي عشگ مو ادمي، وگلبة گبر
_________________________
انة صحرة… وانتَ مي
وگاعي تِچوي… وانتَ في
وگلبك مگدر علي
والله احبك مو بدي
شيل گلبي وانتَ طب
وصير بـ‌ِ مچان الگلب
عَيني مِـن رزقك تصب
تَعمة عيني بغير حُب
_________________________
2
بچيني عليك هواي
اريد استطعم الهضمة
مثل بچية طِفل بِـ اليل
فز ومالگة امة
كل حُب ينولد مضموم
وآنة احساسي ماضمة
الميت بالعشگ لو مات
نكتب جرحة اليرحمة
_________________________
ماينكتم، دمع النخل،طيحة رطب
ودمع الزلم، فشلة زلم، عند العرب
بس آنة گمت، اتنومس
شـ‌ ما دمعي صب
_________________________
الدمعة رب المرجلة
بيها ريحة كربلة
تِدري يا راعي الهلا
روحِي بيك مسنسلة
باقي يمك مو طمع
بس ردت منك وجع
للخِدر ذاكَ الطلع
خلّي كل وكتي جزع
_________________________
3
تجمعني علاقة وياك
من طينك خذت طيني
مِـن شفتك لهذا اليوم
مَحد غزر بعيني
گمـت اعرف اسلوب الناس
واندل اليحاجيني
اليضحكني يكرهـني
ويـحبنـي الـيبچينـي
_________________________
چوياتك، اتشگ الگلب، چنهة سهم، اليگعد ويسكت ؏ الوجع،
مابي خيم، والعايشك، لا مو ضلع
گلبة انثلم
_________________________
حَزني مشاني عدِل
بيني مابينك هِزل
والجرح همزة وصل
الفرگة تڪتلني كتل
أنتَ ابد ما تنقرة
گلبي غيرك ما يرة
والبعُد يذبح ترة
فراگ وجهك مگبرة
_________________________
4
عرفت المالة نية ويا
تصغر هيبتة وگدرة
والما دار وجهة عليك
لا يطلب بعد نضرة
ياهو المثلك انطة خيام
وبالهيمة ركض خدرة
اگلة الما لطملك حيل
ترة حسيـن انسحگ صدرة
_________________________
شگد الطم، ومن اللطم، ما ينشبع
مو طبعي بس، هسة الجرح، صاير طبع، جرك اساس المعرفة
ورب الشرع
_________________________
فدوه لحساسك رحت
امن المهر ضامي طحِت
لختك بدمك گِمت
لياعرب مـن حشمت
هو يفزع ؏ الخيم
وانتَ چاويك السهم
والعلم وين العلم
راس عباس انهشم
ـ حيدر شايع 🖊
00:00 3:58 أنتَ عشقي و الولاء
4:06 7:47 بچيني عليك هواي
7:50 10:25 تجمعني علاقة وياك
10:28 14:46 عرفت المالة نية ويا