اتركيني للسنين | الشاعر عبدالرحمن الشريف في برنامج شاعر القمة الموسم الثاني

تابع الشاعر عبدالرحمن الشريف على جميع المنصات الاجتماعية
allmylinks.com...
قصيدة الشاعر عبدالرحمن الشريف "اتركيني للسنين" في برنامج شاعر القمة في نسخته الثانية التي تعرض على قناة الواقع الفضائية
الكلمات:
اتركيني للسنين وطوّلي بعد المسافه
واهجريني مثل دمعي لا هجر مدّه جفوني
اجرحيني مثل جرح القلب لا باح اعترافه
واذبحيني.. قبلك اشطر جرحّوني، ما اذبحوني
ما انتي اول قلب، قلبي يابعد قلبي.. يخافه
ولا انتي اول من ينزّل من هقاويّ وظنوني
اعتقد مشكور انا جداً على حسن الضيافه
يوم قلت أهلين بك في دايرة قلبي وكوني
جيتلك رجال مافيه الرخامه والضعافه
لين كذبتي العقل فيني وآمنتي بجنوني
العذارا يحسدون ام الحلاوه واللطافه
اما انا وش ميزتي من شان غيري يحسدوني؟
صح شاعر لي فنوني، واعتقد فني خرافه
يوم شفتك تعشقين الفن واهملتي فنوني
ايه انا كلي حنان وقلبي مْضرّى خلافه
ايه انا ارحم قسا واعذب زعل لو تعرفوني
ايه انا ذنبٍ ولكن ذنبٍ اخترتي اقترافه
ما جبرتك! فيه غيري ناس من فوقي ودوني
ايه وجهي كل من مرّه بهالدنيا وشافه
قال انت بخير؟ قلت بخير وبخيرٍ طعوني
صح انا ماني نبي ولا من اصحاب الخلافه
بس تمنيتك رضا ناسٍ كثيرٍ زعلوني
قلبي الحساس والله ماني اخاف انحرافه
بس اخاف اعطيه ناسٍ بالوفا ما قدّروني
احفظك في قلبي اللي طاري العشاق عافه
واحمل همومك من مْتونك وانزلها متوني
طبع قلبي ما يجوز مْن اعتجاله وانجرافه
لو تعب فيني التعب وارتاح في صوتي ولوني
ما على الدنيا عتاب ولا على الدنيا حسافه
راح اعيشك عمر غير وعيشي ايامك بدوني
يوم جدي مات، دمعي عز طيحه وانذرافه
ما انتي اغلى من ثرى جدي ومن دمعة عيوني
الرياض - المملكة العربية السعودية
_____________________________
حسابات التواصل الإجتماعي:
Instagram: / ib000d
Snapchat: / ib0000d
Tik Tok: / ib0000d
Twitter: / ib0000d
للتواصل والاستفسار:
[phone]
قناة الشاعر عبدالرحمن الشريف الرسميّة