Logi og Glóð. Eldklárir aðstoðarmenn slökkviliðsins.

Tvíburarnir Logi og Glóð eru slökkviálfar og aðstoðarmenn slökkviliðsins. Þau kenna elstu börnunum í leikskólum landins allt um eldvarnir heimilisins. Til dæmis hvað það er nauðsynlegt að vera með reykskynjara, slökkvitæki og eldvarnateppi á heimilinu. Og svo auðvitað að fara varlega og passa sig á eldi. En svo gerist nokkuð hræðilegt. Það hefur kviknað í einhvers staðar. Logi og Glóð þjóta af stað til að hjálpa slökkviliðinu að slökkva eldinn og bjarga fólkinu. Hvað kom eiginlega fyrir? Hver hringdi í 112? Geta börn kannski gert það? Og fer ekki örugglega allt vel að lokum?
Thankyou í Reykjavík framleiddi myndina fyrir Eignarhaldsfélagið Brunabótafélag Íslands og Slökkvilið höfuðborgarsvæðisins. Höfundar myndefnis eru Halla Sólveig Þorgeirsdóttir, Garðar H. Guðjónsson og Þrúður Óskarsdóttir. Leifur Þór Þorvaldsson skrifaði handritið.