تجربة نيسان ألتيما 2023 على عقبة ضلع طريق ابها
ฝัง
- เผยแพร่เมื่อ 17 มี.ค. 2024
- سلام عليكم ورحمة الله وبركاته
مساكم وصبحكم الله بالخير
في رأسي الألتيما من فترة ولكن خوفوني الناس من القير وان عزلها سيء ولكن للامانه لو اني احتاج سيارة فعلاً استخدام يومي والله اشوف اني باخذها ولكن المشكله ان باقي ودي في موتر اشتغل عليه وان اخذت وكاله معد فيه اي مجال للابداع 😂…
شاركوني على وسائل التواصل دايم موجود ان شاء الله وان شاء الله شغال اصور الموتر اللي اخذته بدال الألتيما وموجود عالبرامج الثانيه اصوره وبنشتغله سوا وبضيف سلسلة لشراء سيارة يوميه وفعلاً شريت لي موتر يبغاله شغل 👍🏻
السناب :
/ upqv9uoz
الانستقرام :
nwaddrr?igs... - ยานยนต์และพาหนะ
اسحنت الاختيار طال عمرك والله يبارك لك يارب العالمين
ماشاءالله تبارك الله الله يبارك لك
انا كمان زيك افضل التيما 24 راحتها جميله في العزل والقياده
بشكل عام الألتيما تم تطوير قيرها بشكل كبير ومن موديل ٢٠١٩ القير صار إصدار أحدث بأسم CVTX ، وبشكل عام ما أحد أشتكى منه ، أهم شيء تغيير الزيوت والفلاتر وأمورك عسل ، والله يوفقك
ذي السيارة استأجرتها وهي ماشية 10000 كيلو والظاهر اللي استأجرها قبلي افلم فيها كان يبغالها خرط هوبات وتغيير اقمشة ولكن مع ذلك استمتعت بتجربتها وفعلا اللي عنده المقدرة لا تفوته
ماشاء الله كيف بسرعه مشت اذا هي نفس السياره ، وقت المقطع ممشاها 18 الف
من اي مكتب ايجار ابي استأجرها اجربها وكم سعر الايجار اليومي
الله يبيض وجهك
وجهك ابيض
عندي 24 نفس اللون انصحك فيها بقوة موتر كل يوم تحبه اكثر وال 24 جاء فيها كيمره ومنفذ تايب سي وزعنف ورا موتر جبااااار
الله يبارك لك فيها ويعطيك خيرها ويكفيك شرها ، ما اختلف معاك والله اني حبيت الموتر لكن الاسعار طايره وحبيت افرمل شوي والله يكتب اللي فيه الخير
@@Nwaddrr جزاك الله خير لو بتطلعها تأجير عن طريق البنك تراها ارخص وحده في الفئة هذي في القسط والاجمالي والمؤخر تخيل انها ارخص من السوناتا و K5
مالك التيما 22 نص فل وباذن الله املك ال23
الالتيما افضل عزل في فئتها
الله يسعدك على التجربه الزينه بس تنويه بسيط انت ذكرت في الدقيقه 5:31 ان المكينه 1.5 غلط المكينه 2.5 وشكراً لك
ويسعدك ياحبيبنا عالملاحظه لكني كنت اتكلم عن الصني اللي معي مقارنه بالالتيما وان الصني مكينتها 1.5 ولا الالتيما 2.5 مافيها كلام
مشكلة النيسان في ابها والخميس ماعندك وكالة ولا وكيل مامعك الا تنزل جازان
افضل شي بالفئه كامري بس التيما جيده
كي فايف ارجل منهم كلهم بس العزل الاتيما
@@user-lm5fq9qx7r خرطي اهم شي جوده ورغبه عند البيع كامري هذا افضل جيل لها من ٢٠٠٢
@@farisalhusain7079
التويوتا ارخص عند البيع روح شوف السوق عكس النيسان مع ان الاسعار للسيارات الجديدة بإرتفاع طيب ليش التويوتا نزل سعره للمستخدم أتوقع لان اغلب السيارات بالسوق تويوتا
في النزول كيف السيارة ماسكه نفسها ولا تدحدر معك وتضطر تمسك فرامل كثير
في حال انك حطيت القير على الـ L تمسك نفسها ومع الفرامل على خفيف امورك تمام ، لكن في الـD والله انها زحلطاً
على سرعه 20،40 الL ماله فايده من تجربه كل اعتمادك عالفرامل
أنا كان معي ٢٠١٥ وكانت تجربة ولا أروع فاقت ظني بها لأن وقتها كنت محتار بينها والكامري والمازدا ستة والاكورد والحمدلله رسى اختياري عليها وبعتها ١٥ لقريب ومازالت معه ماشية وأموره تمام والان معي ٢٠٢١ وصارت أقوى من ناحية العزم والمكينة والقير أما المراتب للأسف مع أنها مريحة لكن ١٥ أريح وأوسع ..وكل واحد يختار اللي يرتاح له لكن سيارتي القادمة التيما بعد ما تتهالك اللي معي ..خلاص السيارة اقتنعت بها وصعب أفكر بغيرها إلا عاد تدهورت شركة نيسان نشوف لنا بديل اخر
افيدنا الله يرضى عليك من اي مكتب استاجرتها نبي نجربها
واجد المكاتب اللي توفرها شيك وشف
والله ما لقيت علمني الله يكتب اجرك لاني دورت في الخميس وابها ما حصلت والا إذا هم يصرفوني الشكوى لله
@@user-tr8bl4ir1p طيب ضيفني عالسناب وابشر مايمدينا نتكلم هنا خوفك يصير اعلان واحنا ما ودنا
ما به خلاف ابشر
هات سنابك
انصحك بالمازدا 6 بتعجبك وسعرها معقول
كانت معي 2015 لمدة ثلاث سنوات موتر جميل مشكلته العزل ومراتبه فالخطوط الطويله متعبه
@@Nwaddrrترا المازدا 6 من 2019 حسنو العزل والمراتب صارت اريح انصحك تجرب الموتر
شاشة الاستنادر لاترقى تكون ٢٠٢٣
فعلاً
بشر صملت عليها ؟
لا والله السعر عالي جداً ولا حبيت اخذ وكاله الحين باقي ودي افك واركّب واجدد واخذتلي موتر يحتاج تجديد صورته وان شاء الله قريب انزّله ونرتبه سوا
اشتر موديل 2024 لان الستاندر صار فيها موصفات اكثر من 2023
نعم صحيح صار فيها الشاشه بدال ال ٧ انش صارت ٨ انش وصار فيها كاميرا خلفيه وابل كار بلاي وكلها اضافات بسيطه ماتغير شيء قوي
هل فيها مبرد جير من الوكالة؟
وارد دول الخليج كلها فيها مبرد
اما وارد أمريكا لا لان جوهم بارد
كل السيارات الجديدة فيه مبرد للقير وللمكينه
لا يا حبيبي معاي التيما ٢٢ وارد أمريكا بدون مبرد قير وعند اخوي كامري ١٧ وارد أمريكا بدون مبرد
تصميمهم على جوهم ونحن على جونا 🌺
@@user-zm5ci2mv8k
بس في أمريكا مناطق جوهم مثل جونا بحكم أراضيها ضخمة لو قلت كندا أنا معك
ايوا اخوي قصدي يعطوك على الجو الي عندك ولي يطلبه الوكيل هاذي القصه
شوف سيارات الشرطه هنا ف السعوديه اغلبها تويوتا وب الذات كامري ما شاء الله عليها تصمل عندهم الى الان كامري 11 وانا شايفها شغاله ف المرور وكمان المرور السري اغلبهم كوامري مع اني ما افضل الكامري لكن كلمه الحق تنقال والله يوفقك ف اي موتر تاخذه
انا بشتري السيارة احارب فيها واطارد الناس ولا استخدمها مثل الاوادم .. يعني اشتري كامري عشان الدولة شغلتها دورية وخلاص !! لو بنمشي على كلامك ترا السريات الآن فالرياض اغلبها تورس وصناعة صينية وشرايك ناخذ كامري ولا تورس الحين 😂
يعني هو بيشتري سيارة عشانها مع المرور؟
@@Ahmad-eq4uyحقين تويوتا عقولهم مدري وين
السيارة كانت عندي وخذ العلم .. المقاعد جدا مريحة لأنها مصممه في ناسا وهذا شي ممتاز لكن عزل السيارة الارضي سئ جدا واعتقد صوت الطبات واضح في المقطع ثاني شي واهم شي القير cvt هذا القير بيخليك تكرة الالتيما ونيسان وكل الشركات اللي تستعمل هذا القير وعلى فكرة الصني قيرها اوتوماتيك وليس cvt .. ثالث شي السيارة تصنيع امريكي كل شي فيها مبرمج ينتهي بعد سنة من الاستعمال اقمشة بطارية بواجي اي قطع استهلاكية تحس انها مصممه لمدة سنة فقط الزجاج الامامي تشعر ان اي شي ممكن يشطبة حتى لو حشرة نوعيته ضعيفه .. اخيرا ايش ما قررت تشتري الله يعطيك خيرها ويكفيك شرها حبيت اشارك تجربتي للفائدة ولا يهمني اي شركة لكن لو انا في وضعك افكر في مازدا 6 او كامري من الياباني او سوناتا و كي 5 من الكوري كلها سيارات خدومة وممتازة ومريحة
اذكر كم موديلها الي معك؟
2018
@@leo555 ٢٠١٩ وفوق الي في المقطع ومافيها العيوب الي ذكرتها في ناس مشت عليها ٤٠٠ الف ولا ذكرو عيوب تخليك تتجنب الموتر
انا سيارتي ماشية فوق ٣٠٠ الف انا ماقلت شي في المكينه بالعكس مكاين نيسان ممتازة انا اتكلم عن عزل وعمر قطع الغيار ونوعيتها وعن القير وعلى فكرة المكينه والقير من ٢٠٠٨ وهي نفسها ماتغيرت اللهم غيروا في برمجة كمبيوتر القير انا ما اذم في السيارة ولكن نقلت تجربتي فقط
تعليق جميل والله يجمل حالك ، انا بالنسبه لي اشوف المواتر كلها الان نفس الموضوع ماعاد فيه المقارنه اللي زمان فعلاً تحيّر كلها والله تتشابه ولكن المحافظة والاهتمام الان هي اللي تفرق معك في الاستخدام وفي صملة الموتر معك وشكراً على تعليقك الجميل
نيسان يربي الإنسان واللي ما معه نيسان يقعد مع النسوان 😼✋
صح لسانك 😂😂😂
صح منطوقك يا الزميل دواهم عندي مع اني ما اكره اي شركه لكن الناقد حاسد 😉🤣🫡
خذ كامري افضل حدها خمس سنين وتبهذلك بالخرابات
وجه النكبه حتى الكامري حدها خمسه سنين وتبهذلك خرابات كل السيارات تخرب
الكامري سنه وتخبط كرتون مايتحمل
@@user-bc1yn8sj8i ودي اصدق بس قويه قويه
والكامري بتصمل معك ٢٠ سنة بدون خرابات🤣
@@o-0-o-لاتكذب خدمت معنا ١٦ سنه وبعناها متحسفين لليوم بسبب مشكلات شخصيه