شيلة " الشاعر / عبدالمغني بن معيض العيلي " اداء حاكم الشيباني "

[@fadefade9223]

ونعم يابن معيض ياولدعضل

[@الشاعرعبدالمغنيبنمعيضالعيلي]

لا اله الا الله الواحد الفرد الجليل
استعينه من ضروف الزمن ورفع يدي
كل ما ضاقت علينا وضاق ابنا السبيل
نطلبه ونقول يارب تغفر وتهدي
انقضى ليلي ولا باقي امن الليل ليل
مير مالي قصد غير الجمايل مقصدي
يا عساي اجمل وجمل مع اصحاب الجميل
الجميل ابقى ويبقى مع الناس ابعدي
هاجسي مغرور بالحيل ربي له وكيل
كنه يقول انا في ساحة الشعر اوحدي
مير ماني جاحد اللي لهم باعً طويل
الجزل له واسع الوقت والهزل ايغدي
والعزايم واجده والقصايد والحصيل
زلزلت فكري وشعري وحيلي وجهدي
الشدايد والمواقيف والحمل الثقيل
تظهر اكبر فرق بين السنافي والردي
ما تحملت السفر من دياري والرحيل
غير في حشمة رفيقً حماوي وجودي
احتزم يا حمود بن عيد وابشر بالجزيل
مثلك وشرواك يامر ويبشر بسعدي
قد عطيتك وعد والوعد ما دونه بديل
والله اني اقوم وطيح من دون اوعدي
كيف ونت الوافي الضافي الشهم الاصيل
جعل يفدونك هل الهرجه والنمه فدي
انت محمود النبا ونت مزبان الدخيل
ونت زيزوم الضفر ونت عوق المعتدي
انت راعي الطيب والجود والخلق النبيل
ونت راعي السيف والكيف والكف الندي
اكبر امن المدح ومن الشعر واكبر دليل
صيتك وسمعتك غطت على نور الجدي
النخيش ايزود ويجود لا شح البخيل
الرجل منهم على الطايله يعدي عدي
كلنا عتبان ولا علينا مستحيل
ومن يجنب عن مدايح عتيبه مقتدي
مجدهم تاريخهم من على قمة سهيل
ما ينوشه شاعرً قرم ولا مبتدي