💥حضرت ورشتي للخياطة ,كيف أسوق وأطور مشروعي؟

#التسويق#مشروع_ورشة_خياطة
بعدما عملت التخطيط المناسب لإنشاء الورشة ,من الخطوات الرئيسية هي التفكير الجدي في التسويق,وكيف أسوق لمنتجي لكي ينجح مشروعي ولكي تكبر ورشتي وتحقق لي الأرباح وأستطيع جني المال منها,وجعلها مشروع مستقبلي

[@user-to3nn8pf7p]

بارك الله فيك استفدت كثيرا منك

[@SepastienSepastien]

الله يعطيك الصحة و العافية و التوفيق و السداد و الهناء الدائم إن شاء الله أستاذة ربي يحفضك و يفرحك إن شاء الله ❤❤❤❤❤❤❤❤❤❤❤❤❤❤❤❤❤❤❤❤

[@user-mu3el6yo6j]

فيديوهاتك حبيبتي صالحين مدى الحياه . في ميزان حسناتك❤

[@selmabouzianeerrahmani2977]

اله يبارك
المزيد من التألق

[@maram_cuture]

وفيك بركة شكرا جزيلا

[@talal_hadjih2996]

ربي يحفضك

[@chetiouimouh]

ربي يبارك فيك هذا واش نقلك أختي

[@nassoualgerie8022]

اول مرة في حياتي سمعت نصائح وأسرار خارجة من القلب وصلتني في قلبي
الف شكر ليك وربي يعطيك ومنيك
اول وحدة تسمعها تمد اسرار في الخياطة للي يبعث عنها الجميع شكرا شكرا شكرا شكرا شكرا شكرا شكرا والف شكر

[@maram_cuture]

ياعمري ربي يخليك حبيبتي انت مشكورة على الكلمات العسل ,ربي يوفقك

[@moimoo5571]

شكرا على النصيحة عندي ميول للانتاج لالبيع

[@lotfi__sid5734]

انا من عين وسارة اظن راكي جلفة والله شرفتينا

[@janat_allh7295]

اسلام عليكم اختي والله عجبتني افكارك مشاء الله عليك ربي يوفقك وربي يبعد عليك عين الحاسدين اختي حبيت نتعرف بيك من اي ولاية ومن اي منطقة انت نتمنى تكون قريبة مني ونعمل معاك لانك مرة فحلة وصارمة

[@تفصيلوخياطة-ذ3ث]

ياختي يعطيك الصحة نصائح من لقلب يدخلو للقلب يجعلهم في ميزان حسناتك

[@ايامي-ع5ث]

مادا بيك تهدرينا على تيكي و لومبالاج و الله يجازيك

[@chouchou176]

اختي ممك اتواصل معاك مباشر ممكن الرد وجزاك الله خير

[@dinisse8316]

راح نفتح ورشة خياطة وحبيت نتواصل معاك نحتاج اانصاءح نتواعك من فضلك

[@ninadecorationferiel5896]

بارك الله فيك اختي نصائح من ذهب الله يجعلها فميزان حسناتك ويوفقك ويفرحك

[@amalyfrapy8486]

ياخاه ،اني ماشي رايحة نخيطها وشفت ليرولو تا لقماش فق بعض خلعت ،ربي يفتحلك ابواب فضلو

[@maram_cuture]

آمين حنونة تعيشي

[@amalyfrapy8486]

@@maram_cuture فرحني رد تاعك ،اليوم وين شفت قناتك ،كلك مصداقية ،ونصايح 👌قمة ،حمستيني باه نفتح ،من غدوا جيب ،كراس ونبدأ نحط نصايحك وان شاء الله نفتح ورشة والفضل لله ولك من بعده ،لوم وين شفتك خرجتيني من خنقة وظغط كنت فيه ونورتيلي طريق مكنت عارفة وين روح

[@maram_cuture]

@@amalyfrapy8486 ربي يسهلك اخيتي اتكلي على ربي وانواي وراه ربي يسهلك، البداية راح تجيك صعيبة وبعدها باذن الله يسهل كلشي، وشكرا على التعليق المميز

[@bekkouchekeltoum4106]

الله يبارك فيك اخت مرام شفت بزاف فيديوهات لكن لقيت فيديوهاتك الافضل تشرحي من القلب و بتفاصيل دقيقة تسلمي كثريلنا من هذو المعلومات راني محتاجتهم بزاف

[@wood3699]

كيفاه نقدرو تتعامل مع ناس حنا غير نخيطولهم دلينا عليهم ربي يحفظك

[@I_m_aMuslim]

ربي يحفضك اختي ارجوكي جاوبني على تعلقي في الفيديو السابق

[@عالمنجى-ب8ح]

والله واش كنت نحوس لقيت ياا ربي يهنيك والله ندعيلك من قلبي نصائح من ذهب نحيتيلي الخوف

[@tasnimedz]

صحة ممكن تقولينا كفاه نجيبوا هذ الناس وين تلقايهم انا حابة نفتح ورشة خياطة باه يجيبلي الخظمة هذي

[@amalyfrapy8486]

اني نحب خياطة الأفرشة ،تكون نفس الطريقة تاع رولو،وساشي وين تلقاي

[@zahratim2866]

انا خياطة محترف و راني حاب نبدا مشروع مصغر للافرشة و حبيت تنصحيني كيفاش نسوق وبارك الله فيك وجاوبيني في اقرب وقت

[@user-jr7iz2fl8b]

اختي مرام ربي يحفظك حبيت ندير ورشة صغيرة وحابة ندير افرشة بيبي باش تنصحني جاوبيني ربي يرضى عليك

[@mayamaya4444]

جزاك الله خيرا

[@نجمةبنطالبي]

لا يَغيب العزيز عن الأنظار ..
إلا ليشرق في الضمائر والأفكار ..
وهذا إحساسُنا تجاه كل من نحب من الناس الأخيار ..
((أنتم وأمثالكم أحبتي))
فندعوا لهم في الليل والنهار
يا رب أحفظهم وأرعاهم ولا تحرمنا منهم فهم أعزاء قلوبنا
🌹أسعد الله أوقاتكم بالخير أنتم والأهل اجمعين🌹

[@benhadihanan1556]

وين ختي فاتحة خياطة

[@redmohmmed7843]

ختي من فضلك منين تشري ليتيكي لي يلصقو في المنتوج الخاص ربي يجازيك ردي عليا

[@user-ks4xi6pv7r]

نفس السؤال

[@user-ti9tx9si9k]

انت منين اختي

[@fatnafetiti8723]

قولينا واش نحتاجوا في لبداية

[@maram_cuture]

راني دايرة فيديو قبل

[@fatetfateh9033]

ربي يعطيك على قد قلبك هذا هو الشيء الي رانا نفتاقدوه الان وهو النصح او النصيحة من القلب

[@dounianajji2731]

بارك الله فيكم اختي الكريمه

[@lotfi__sid5734]

انا من البليدة اريد فتح ورشة خياطة ابحث عن خياطات كحترفات لتعاون

[@user-sf7ih8rf2j]

شكران الله يجزيك

[@maram_cuture]

العفو حبيبتي انت مشكورة

[@ibtinano6713]

ربي يباركلك.في رزقك.💝

[@maram_cuture]

آمين أجمعين اختيتو بارك الله فيك

[@bakermiloudi4495]

ربي يحفضك ويجازيك كل خير

[@maram_cuture]

آجمعين حبيبتي

[@nasrin0075]

ما لقيتش كيفاش نشكرك ... لي نقولها قليلة عليك .. شكراااااااااااااااا

[@fadiladjebara4465]

ربي يجازيك يعطيك الف عافية 🤲

[@maram_cuture]

الله يسلمك حبيبتي

[@user-xj6ub4hb8q]

ربي يحفظك على هذه المعلومات نورتينا ربي ينورك

[@clopo9858]

أنت إنسانة رائعة جدا جدا 👍👍لقد إشتركت في قناتك المحترمة أختي المحترمة 👏👏👏

[@maram_cuture]

اهلا وسهلا بيك منورة

[@clopo9858]

@@maram_cuture وبيك 🌹👍

[@faresdaniffaresdanif3143]

قناة رائعة ربي يحفظك استفدنا منك كثيرا 😘😘😘😘😘😘😘

[@amalyfrapy8486]

اذا ولات لزهر ،لا ماء زهر منتخصش فيه فدار ،لاكن زهري ونعرفو ،فشلتيني من جديد 🙃بصح نحي لطلمة من وذني ونعاود نوض ☺

[@braktiachadia9070]

يعطيك الصحة ربي يبارك فيك وادعولي ننجح في مشروعي والله تعبت عندي سنين وانا نكافح

[@nouhaseghir3542]

الله يبارك عليك شرحك هايل ... ربي يوفقك

[@اماسلاماماسلام-غ3ل]

ربي يحفظك و يزيدك من نعيمه

[@bensalmanis2039]

يعطيك الصحة ربي يباركلك موضوع رائع

[@rahma4595]

بارك الله فيك اختى

[@djalilbalida4490]

الله انوار طريق

[@amalamoula4686]

الله يرزقك من حيت لا تحتسبين 🤲🏻

[@maram_cuture]

آمين يارب العالمين اجمعين تعيشي حبيبتي

[@ayathekraayayezzathekra7695]

😘😘😘😘😘😘

[@user-fr7ly7wf3z]

شكرا اختي على النصائح يعطيك الصحة

[@user-vc3lw1rf4l]

ما شاء الله علبك

[@lylylyly7712]

وين كونتي هذا شحال راني متتبعة جديدة ليك شوفي اختي انا قريت و كملت كمهندسة و لكن عمري ما لقيت الخدمة في المجال تاعي كنت نخدم في صيدلية خدمه متعوبة بزاف عندي خبرة تاع خمس سنوات و الكل كان يمدحني الحمد لله ديت دعاوي الخير من الكبار قبل الصغار تزوجت حبست بحكم انو الخدمه ولات بعيدة تبدل عليا الحال زوجي كان وعدني انو يحوسلي على عمل وعود كاذبة حطيت السيرة الذاتية تاعي في المكان لي كنت ساكنة فيه و كنت شاطرة دخلت نخدم و انا حامل بسة شهر ما نقول عييت ما تشكي المهم الفرمسيانة فرت بخدمتي و أعطاني 3اشهر تاع الامومة بصح مخلصتنيش لاعلينا وليت نخدم مع التربية و زاد لي كانت تخدم معيا خرجت كنت نخدم حق 3موظفءن و كي نقولها زدلي تقولي مازال مع ضغط العمل و التربية والبيت وليت نفشل بصح هكاك و ضليت نبذل جهدي واحد النهار قدر عليا ربي و غلطت لوحد الولد في جرعة الدواء و باش نعطيلو واش كتبلو الطبيب رفت العلية لي قدامها و الولد صرالوا منشكل و زادوا والديه داواه لطبيب زاد كمل عليه المهم الولد في عمرو 3سنوات هذاك الوقت مرض السكر و دخل كومة جا باباه و جاب معاه الوصفة لي كتبتها انا قالي انتي اعطتني الدوا و بكل ثقة قوتلو نعم أعطاني الورقة فهمت واش درت تغميت ثما في بلاصتي بعدها بكيت وقريب هبلت طلبت السماح منهم و الحق شفعت فيا معاملتي الطيبة معاهم من قبل ما يصرى المشكل و مع عائتو لي كانو زبائن عندنا وكنت دائمن ننصحهم و والديه كانو ناس مؤمنين بقضاء الله و قدر انا في نفسي مقدرتش نقبل اني درت هذ الغلطة و دايما نلوم نفسي و ندعي لربي جوزت مرة صعيبة بزافو كنت على اتصال بآلام تاعو بصح كل ما نهدر معاها نبكي و كنا قسيتا و قيس الحال و متزوجين جدد و داري كانت فارغة ما عندي واش نمدلهم و هوما ما طلبو والو من عندي الحق تاع ربي المهم انعزلت عن الناس الفرمسيانة لي كنت نخدم عندها قاتلي راني نخمم اذا نردك ولا لالا و هما اهل الطفل لي طلبو منها تردني و لكن انا رفضت لأنها لوكان كمت عندها تعايرني و هي دجا كانت تحرث علينا و كي صرا واش صرا جبدت روحها و قالتلي الدرك راهم يحوسو عليا مام اذا والدين الطفل ما شتكاوش بيا المهم الزوج تاعي وقف معا و عمرو ما عايرني ولا لامني و راح هو و شخي و عمومو طلبو السماح من هذوك الناس و هوما قالوله راكم مسامحين دنيا و آخرة بصح انا مرضت وليت منطوية على روحي منحبش نخرج غير نبكي و ندعي ربي يشفيه الولد ولى يدير الأنسولين طول عمرو و انا ما حبتش نولي نخدم في الصيدلية حوست خدمة وحدوخرى ما لقيتش كنا كاريين و قيس الحال المهم هذيك الطريق مانجوزش منها الناس كامل سمعت بحكاتي وليت حكاية المهم قعدت في الدار بعدها حملت بوليدي الثاني و كنت نمل نقعد طول النهار وحدي اهلي بعاد عليا في ولاية أخرى و انا كنت نعرف نخدم كروشي بديت بخدم نبروات بصح نتقلق و زيد النبروات تاع الكروي ما لوش على الموضه خدمت تاع العقاش بالبستولي بديت بخياتي لي كانو دائمن يدعموني ولكن المشكل كان في التسويق الحنوت لي نحط عندو ما يتباعوش المهم بديت مع الوقت نقول هذا قضاء الله و ربي كتب عليا هذ الشيء خويا رحل و باعنا دارو القديمة خياتي سلفولي و بعت اكبر حاجة من ذهبي و رحلت و تمرمدت تمرمدت الكلاب حامل في الشهر السابع و نرفد و نحط و نكرط و نسبغ و نربي و ناس بتي عمرهم في هذيك الفترة ما حنو عليا و مكان ش يحبو يشدولي وليدي كي نروح نخدم كي الماصو مع راجلي ما كانش عندنا الدراهم باش نجيبو الصباغ و البلومبي كنا ندبرو راسنا عونونا لواسي الصغار في الصبغة و ولدي يترمى معيا مسكين كان عندو عام و نص تقريبا و كان عصبي و غير يبكي بعدها رحلت و زيدت الحمدلله ولادتي كانت سهلة مقارنة بالأولى. الزوج تاعي تبدل ولا يسهر مع صحابو و يحبش يجي لدار و انا مع التربة وحدي و ماعنديش الحلب في صدري و ولدي ما حبش القرعة والو و الاخر ما حبش يهدر مسكين نديرلو مكيات باش نقدر نقوم شغلي و خوه و الطيب.... كنت نشوفو بلي مايهدرش نقول نورمال تأخر غير ة المهم اجتني حاجة غير عادية فيه وليت كي نديه لدارنا نتسال اذا عادي عجوزتي تقولي عادي راسو يابس و انا كنت من النوع لي يغيضني الحال و كانو قاع يقولو ولادي قباح و مانبينش نجرب نعلمو والو خطرة ديتو لدارنا بابا قالي غير اديه لطبيب و تحاكمت مع راجلي قوتلو نديه لطبيب نفسي رفض و قالي وليدي عادي برك تأخر وانا نقولو لالا نروح لطبيب قوتلو ياسدي انا ما نعرفش نربي نروح لطبيب ينصحني المهم اداني راجل اختي و الطبيب قالي ابنك عندو نقص في التواصل و ضعف في الانتباه و إفراط في الحركة و بلاك طيف التوحد في الأول نحساب مرض و عندو دواء و بديت نحوس نفهم و ندير بحت تاعي شفت بزاف اعراض في وليدي بصح وليدي كان يهدر بعض الكلمات برك بصح ما يكونش جملة كما نتاجو تاع 3 سنوات و كي يحب حاجة مثلا يديني من يدي ليها و ما يهدر ما يشير ليها كانت من صفات التوحد عندو هوس بالسيارات يستفهم على طرف الزربية باتسلل الألوان و بعيد كلام التلفاز باحرف نسيت قاع مشروعي و أحلامي و قريب هبلت كي شفت وليدي عندو صفات التوحد و مقتنعتش بكلام الطبيب و ديناه لطبيب اخر مختصة في الأطفال و ارطفونية و أخصائي في التحكم الحركي المهم شغلي ولا غير وليدي الطبيبة اكدتلي بلي ماشي توحد بصح عندو مشاكل في الكلام نطق سليم بصح ضعف اكتساب لغوي لانو ما يلعبش مع نتاجو و نهار كامل معيا في الدار لغوي لا خرجة لادخلة بديت نتبعلو عندها و نزيد نتبع من اليوتوب لي ساعدني بزاف في شفاء ابني و بدا يتكلم بشوي وليت نخرجو يلعب مع الاولاد و نعسو من اتاقة بساعات و نعلمو كفاش يلعب كفاش يكلم و للأطفال رفظوه و ما خلوهش يلعب معاهم مع الوقت بديت ندمجو معاهم و هو كان يحبهم و انا كنت نتقرب منهم و نعطيهم الحلوة و الألعاب باش يخلوه يلعب معاهم خوه الصغير كان عادي تكلم بكري و يفهم كلش و زاد كي ولا يتكلم معاه و يلعب معاه ودخلتو لروضة لمدة نصف يوم فقط و المعلمة تاعو كانت نتبهتلو كي يعاود الكلام اكثر من مرة و ما يعرفش يهدر و عاونتني شوية خلال سنة و نصف وليدي راه يتكلم و تحسن مزال معندوش سلالة في اللغة ولكن تمكن من التواصل و الكلام و انا ما تخليتش على أحلامي كي يرقدو ولادي كنت نشوف في اليوتوب الخياطة و احنا في دارنا كانت اختي الكبيرة تعطف و تخيط مخاد دروات بصح غير لدار لأنها كانت تخدم في مجال دراستها و انا قررت نشري مشينة ولايمت نقود بمصر وفي و دراهم النبروات لي خدمت لكن زوجي ما حبش يشرلي و زوج اختي كانت عندو امو وحدة قديمة تيوتا 2700 مشي خادمة بعوهالي و ديتها للمصلح استقامتلي 6500دج خيطت لولادي و لاختي دروات و شورة قديمة درت إعادة

[@maram_cuture]

ربي معاك وندعي لاختي الله يهنيك ويفتحلك باب رزق يخرجك من القلق والتوتر وتلقاي فيه راحتك يارب

[@lylylyly7712]

@@maram_cuture شكرا اختي ربي يعطيك ما تتمني على قد ما راكي تهتمي و تمدي لناس و تعلميهم و تفتحي أبواب في وجوه بلاك بنات راهم محتجين و مغبونين

[@lylylyly7712]

@@maram_cuture راني نتبع نصائحك نضت بكري

[@safsofasafa5075]

ربي يكون في عونك أختي وربي يعطيك ما تتمنى ويرزقك وننصحك بمداومة سورة البقرة و الإستغفار

[@sandrassila9672]

@@lylylyly7712 ربي يفرج أختي ، مجال الخياطة راه مليح بزاف ،تعلمي شوية عند كاش وحدة، وأسترزقي منو ، ربي يعينك خدمي لروحك ،خير من الخدمة عند الناس، ومام طون مستورة في دارك

[@nourbousaleh4816]

شكرا اختي على معلومات انا خياطة غير في بيت وخدمتي متقونة وعندي زباءن وراني حاصلة وين حسا ورشة منقدرش عليها هكا وراني نتعب نتمني نريح وين ورشة ربي يقدرك ويعاونك

[@aichanadour1471]

حالتك كيحالتي

[@user-zb3qs4wi6i]

ارواحي ديروا ورشة انا ونت نخدمو انت مين

[@nourbousaleh4816]

@@user-zb3qs4wi6i والله اختي انا تلمسانية

[@ninahaytham9001]

شكرا على النصائح حبيت نعرف كيفاش نسوق بالجملة

[@rawaaemili2143]

عندي سؤال بخصوص الخدامات، إذا لبنات كل وحدة تخدم قطعة راه باين خلاصها بصح اذا كانت وحدة تخيط وحدا تحدد و حدا سيرجي ووحدة لي تفيني كيفاش راح يكون خلاصهم؟ هل كيف كيف؟ لأنو التعب مراحش يكون كيف كيف مثلا بين الخياطة و لحديد

[@amalyfrapy8486]

بارك الله فيك اختي ،صيي سكنتيلي فمخي ،مبقيتش ريب ونبني ودمعتي تحرك،اني ومع كراس وسيال ،قليلي على نقاط لي كاتبتهم فالاول من جهةاليمنى ،قبال
... خياطات
.. تسويق
واش كاتبة

[@maram_cuture]

راني رايحة نزيد نديرلكم هذو اليومين فيديوهات نفس الموضوع وبزاف مهمين

[@amalyfrapy8486]

@@maram_cuture ربي يحفظك 👍صراحة قناتك كلها خدمة كلك عطاء تحمسي ،حابة نسالك على ريقلاج تاع ماشينة ،كرهت وانا نبعثها لخدام يريقلها تعود عندي متخيطش ،تقول صهر كما قلت مع انها جديدة (تيوتة جينز)عام ملي شريتها مخيت بيها والو اذا نقدر ريقلها وحدي

[@djalilbalida4490]

لله.اعليك.اعطيتلنا.كل.المعلومة

[@mohamedmez6616]

بارك الله فيك اختي ربي يعاونك جتي على قلبي منذ مدة هذا الحلم راه في دماغي وقلبي لكن زوجي متخوف ورافض لهذه الفكرة وانا متمسكة فيها انا متزوجة منذ 21 سنة ولدت ولدان ربيتهم كبرتهم قريتهم بقدرة ربي والان اريد ان احقق هذا الحلم كبرت مع الة الخياطة منذ كان في عمري 15سنة نجيب الخدمة للبيت لكن ندور في في مكاني محصلتش حتى مسكن دايلي ربي يعاوني وشكرا

[@maram_cuture]

نورمالمو عندك الوقت دك حققي الحلم نتاعك جربي ديري زوج بنات وديريلهم غرفة خاصة وابداي بشوي بشوي بربي تنجحي خاصة وانت عندك اسبقية في المجال

[@فارسفروسي-ع3ح]

الله يبارك ماشاء عليك ربي يحفضك وينور طريقك
حبيت نبدا مشروع الخياطة مع ابنتي وراني خايفة من التسويق

[@nourrahma990]

جااااام ⁦❤️⁩⁦❤️⁩⁦❤️⁩⁦❤️⁩👍👍👍👍

[@maram_cuture]

وانا ثاني جام

[@zinazioz8469]

الله يبارك فيك

[@malaknoure8005]

ربي يباركلك في رزقك

[@oumsaadaldin3340]

ربي يعطيك صحة

[@FatiMa-dl9pb]

شكراا

[@zaiterkawther8949]

شكرا

[@manelbude691]

كلما نشوف فيديوهاتك ندعيلك

[@maram_cuture]

تعيشي ربي يتقبل ليك ولينا

[@عالمنجى-ب8ح]

ربي يحفضك يااا رب أختي الله يخليك ديريلنا فيديو عن أهم الأشياء سهلة التسويق وباش نبداو اعطينا افكاار الله يخليك راح نبدى مي منيش محددة واش نخدم و قوليلي واش اهم الماكنات لي نحتاجهم و نوعية لي مليحة لي مجربتهم

[@Braa123]

ربي يحفظك

[@naoualkhyata8965]

سلام عليكم ربي يباركلك ياختي نوال من الاربعاء انا مديليست وحليت محل لخياطة شكر ا

[@djalila2058]

مشاء الله

[@Maite_perroni_]

ربي يبارك في رزقك شكرا على المعلومات حبيت نبدا مشروعي الخاص أدعولي بالتوفيق❤

[@jasmenkhaled3019]

ماشاءالله تبارك الرحمن

[@atikaben1683]

الله يجازيك

[@oumyasser7721]

الله إيبارك،هاذ واش كنت انحوس حبيت نفتح ورشة أختي أدعولي بالتوفيق.

[@maram_cuture]

يارب ان شاء الله ربي يسهلك وفرحينا بأخبارك

[@user-dh8bo5ze2m]

الله يبارك فيك
لماذ مشروعي للخياطا فاشل ماليا على طول

[@user-bl6uw7ze3u]

جميل فدو تاع قصير ومفيد

[@zinebkhalfi6241]

بي التوفيق ان شاءالله ❤️♥️

[@daniyakhalil7541]

يعطيك الصحة اختي لعزيزة.حبيت اندير مشروع انتاع les draps انصحيني تعيشي

[@sabrina1146]

الله يبارك يعطيك الصحة تشرحي من قلبك نشاء الله نتبع طريقك ونمشي عليها وننجح كيما نتي ربي يجازييك

[@maram_cuture]

بربي الي معاه ربي ينجح

[@user-jg6lh9bp3x]

الخياطة فيها التعب الله يعاونك اختي

[@Algeria_word]

الله ابرك ون فتحا

[@safaratil3745]

الله يبارك فيك حتي يارت تفهمني في التسوق في البداية كل يعني غير في الدار وشحال نبد من قندوة لبيع وسلعة من عندي وشكرا😘

[@maram_cuture]

مديريش بزاف جربي بالخمسة ولا وجربي اذا تباعت ديري 10واذا تباعتلك زيدي 20وهكذا حتى تطلعلك الخدمة المهم بشوي

[@anianis4280]

ممكن ديرينا طريقة الوجه الامامي للقشابية رجال

[@user-ne4yv7je6j]

كما مشروع الدروات يمشي في اي فصل قصدي شتاء ولا صيف. باه تنصحيني. نبداء بالرلو. ولا بالميتر ولا كفاه انصحين ولا قنادر قطيفة عجايز انصحيني الله يخليك

[@mohadz-yv5ds]

لبنات لي تحب طور من ذاتها تدخل لقناة كوني بخير كوتش حكيمة روعة عن تجربة رايحة تتبدلي 180

[@hamzaabco1233]

فيديو قيم وفقك الله
نصيحة من فضلك قولي بنات وليس بينات
لانه فيه متتابعين من خارج الوطن
واعلم انها مجرد لهجة
ووفقك الله

[@user-sw8sg4zd3p]

الله يبرك ماشاء الله تبارك الله من اي ولاية انتي حبيبتي

[@maram_cuture]

ولاية المسيلة حبيبتي ومرحبا بيك

[@djoudboussag3789]

@@maram_cuture الله يبارك انا ثاني من مسيله نخيط جمله ونبيع

[@zohrazhora5206]

شكرا حبيبتي بزاف بزاف عندي إشكال في فصالة لي تبعه الورشة إلا ممكن تعاونيني في المشكل هذا وشكرا

[@maram_cuture]

مافهمتش الفصالة ,الي تفصل القماش والا موضوع التفصال عموما

[@safazaidi4381]

ممكن تجاوبيني ممكن من اول نشري رولوات من عندي غير ب 4رولوات مثلا و عندي 3مشينات .و حانوت نعرض فيه سلعة نتاعي ؟

[@maram_cuture]

هاذي هايلة ومليحة كملي كلش متوفر عندك بقالك الخدامة والانسان الثقة الي تتكلي عليه في التسويق

[@safazaidi4381]

@@maram_cuture لله يحفضك نعمة النصيحة

[@jijyhamida9173]

بارك الله فيك اختي، بصح 20 للقشابية جاتني قليلة بزااف، ولا مانيش فاهمة للقشابية السانبل، يا ليت توضحيلي شوي الفكرة

[@maram_cuture]

بالعكس 20الف راها غالية يمدلك حتى 15الف يخي راكي بالجملة واتولي يعني ورشة مع الجملة هذيك هي والعدة نتاع النهار راكي توصلي حتى 600الف للنهار وانت وشطارتهم حتى اكثر

[@jijyhamida9173]

@@maram_cuture شكرا اختي للاهتمام، اذامافيها بأس. من اي منطقة من المسيلة. انا ثان من لمسيلة ،اذا كنت قريبة مني اريد ان اتعرف عليك عن قرب😍😘

[@وفاءوفاء-غ3ق]

شكرا على المجهودياغا لية وين راكي البحر رآه كزيت سلام من جيجل

[@maram_cuture]

ياعمري شفتي قلبي راه ثم عندنا جنازة في لفامي نتاع راجلي الاسبوع المقبل اذا حب ربي نحاول معاه بلاك تنفحلو راني اسكتي برك

[@وفاءوفاء-غ3ق]

ربي يسهل عليك انشاء الله غير بلعقل

[@oumzola2832]

ربي يوفقك ويوصلك الى ماتطمحين بنت خالتي

[@maram_cuture]

ياعمري على الغالية مراكيش تباني ان شاء الله لاباس عليك

[@oumzola2832]

لالا غير الخير كنت مع الميناج نتاع الدار بعد العيد راكي عارفة لدار تتوسخةموراه

[@maram_cuture]

@@oumzola2832 ربي يعاونك

[@ayatayat3684]

الله يجازيك.جاوبيني على سؤالي هذا في اقرب فرصة.عندي مشينة بورتاتيف.تويوتا سوبرزيقزاق الكتان الخشين شوي كيما اقمصة الرجال.تخيط مليح الغرزة واضحة .بصح كتان القنادرالنساء خاصة الخفيف تجي الغرزة مش مزيرة.الامر علابالي عندوعلاقة بالبرة والتوتر.بصح خصني اللي يفهمني

[@maram_cuture]

الفيديو المقبل على هذا الموضوع استنايني

[@nsitmyname5693]

جاوبيني اختي تعيشي
انا حابة ندير مشروع تع قنادر ملاح تع وقفة ماش تع دار و نمد لوحدة تخيطلي
قوليلي كيفاش نبدا انا مانعرفش نخيط مليح و ماعنديش فكرة
قوليلي كيفاش ندير تعيشي

[@maram_cuture]

انت جيبي كلش وهي اعطيها سعر باين في القندورة وكي تبيعي راه يكون الربح اليك برك ابقاي واقفة على خدمتك وحاولي تتعلمي أحسن

[@hayatrouh5006]

سلام عليكم يعطيك الصحة
مام انا حبيت ندير مشروع مصغر ولكن معرفتش كيفاه نحسب بالجملة ممكن اذا عندك سعر ليدرى تمديلي السومة

[@fififayza5033]

ممكن تعطينا سومة كل لباس وسمتو بالجملة للبيع

[@kawthernadia7828]

ياختى سييت ندير في المجموعات بصح يصورو خدمتك و يخلوك

[@chouchou2820]

.اختي مرام نحكي معاك في الخاص ممكن

[@maram_cuture]

صفحتي على الفيسبوك مرام للخياطة والافكار المنزلية مرحبا بيك هناك

[@imentibermacine4224]

اختي ربي يزيدك في ميزان حساناتك انا نويت نخيط حجابات تركية انصحينى كيف ابداء

[@lylylyly7712]

تدوير شريت قماش البولار خدمت بو نيات بشلان تاعهم و درت اللمسة تاعي بعت لجراني و بنات خياتي و ديت لحوانت كاين غير واحد لي قبل يحطهم عندو و بوندوات المهم لي حطيتهم في الحنوت ما تباعوش و لي خدمت بالكوموند تباعو و خرجت بربح قليل المهم كنت نتعلم من اليوتوب و نسرح يدي في هذ الحجات خيطت لأمي طقم للمطبخ عجب بزاف الناس و زت خيطت منو واحد و اديتو لوحادة تبيع اواني و كان نجاح طلبو مني نخدم منهم قبل رمضان جات كرونا حبست كلش الحنوت غلق و ناس ما خلصونيش في خدمتي عييت باطل و مشروعي فشل بصح بقيت نحب الخياطة و نحس روحي موهوبة نشوف حاجة نعاودها و ننجح ماشي دايما و لكن الاصرار و نعاودها حتى نجيبها نخدم لجراني عطفة هكا تخسرت المشينة سلفت و شريت وحدة باش تولي عندي فينيسون و هذ المرة زوجي لي شرا هالي لانو شافني نعرف و زيد باش نلتهى و نخطيه شفت في الفيس بوك واحد يبيع في الحميس بعتو شرهالي و بديت نخيط بها و صلحت القديمة باش نفيني بيها حتى نشري وحدة أدير السوري وزدت سلفت ووليت نخيط جبب لجراني و دارنا و لباس تاع الدار قفاطن خفاف بصح مزال ما كملت الدين و ما نعرفش شحال نحسب حق يدي احنا في منطقة شوية على برا و ناس غير نقولهم على الخلاص يبداو يقولو بزاف و بديت نكره معرفتش نتصرف في مشروعي المهم طريقي هذا هوا الخياطة نساتني في مشاكلي و خلاني نتنفس نخيط في بعض الأحيان باطل للعائلة و نقول للحسنى تعاون ناس بها و نفرح و خلاني نخرج من العزلة لي كنت فيها بصح في هذ الايام وليت ما نقدر نخدم و نقلق عخاطرش مرانيش ندخل مردود و مرانيش نوفق يين الشغل الدار و الخدمة و معرفتش كفاش نضم وقتي وليت نحس روحي ثقيلة في الخدمة هل من نصائح و راني فرغت قلبي و خلاص

[@maram_cuture]

ياعمري والله والله غير دخلتي قلبي وحسيت بكل كلمة قريتها وتبعت حكايتك من البداية وحسيت واش تعذبتي واش سوفريتي وانا اخيتك راني عقبت أيضا على المعاناة وكما انت ولا اكثر بصح ديري حاجة في بالك الي معاه ربي مايخاف الشدة في ربي اولا ثم العزيمة كي تبقاي مصرة ديري كلش وآخرتها موت المهم تبردي قلبك وتجربي وبالنسبة للفيديو نتاع اليوم راه يفيدك شوفيه وزيدي هذو اليومين راني نتحدث على واش طلبتيه وبربي تستفادي من تجربتي

[@lylylyly7712]

@@maram_cuture يعطيك الصحة ختي و ربي يناولك لي في بالك و مزيد من النجاح انشاء الله و الله غير قريتي برك قصتي الدنيا و ما فيها و راكي تمدي لناس من قلبك ربي يثبتلك حسناتك و عمري ويلا حكيتها هي اول مرة فرغت قلبي و حسيت روحي مرتاحة ربي يجزيك كل خير يارب

[@maram_cuture]

@@lylylyly7712 ربي ان شاء الله معنا ,ويجعلها فاتحة خير بيننا وبربي نتعاونوا على الخير ان شاء الله

[@lylylyly7712]

@@maram_cuture امين