PM Shehbaz Sharif attended the 75th anniversary celebration of the People's Republic of China.

‏وزیر اعظم محمد شہباز شریف کی عوامی جمہوریہ چین کے قیام کی 75 ویں سالگرہ کی تقریب میں شرکت۔
وزیرِاعظم محمد شہباز شریف نے کہا ہے کہ آئی ایم ایف کے ساتھ مذاکرات کے دوران چین کی جانب سے مسلسل تعاون فراہم کرنے پر شکر گزار ہیں، سی پیک کے دوسرے مرحلے پر عملدرآمد سے زراعت، انفارمیشن ٹیکنالوجی، معدنیات سمیت باہمی مفاد کے دیگر شعبوں میں تعاون کے وسیع مواقع پیدا ہونگے۔
وزیرِاعظم محمد شہباز شریف چین کے 75 ویں یومِ تاسیس کے موقع پر تقریب سے خطاب کرتے ہوئے کہا کہ چین کی حکومت اور عوام کو یومِ تاسیس کی مبارکباد پیش کرتے ہیں چین کا یومِ تاسیس منانا خوش آئند ہے، چین دنیا کی سپر پاور ہے، دنیا اس کے بغیر آگے نہیں بڑھ سکتی۔
دونوں ملکوں کی دوستی ہمالیہ سے بلند اور سمندر سے گہری ہے، حالیہ دورہِ چین کے دوران صدر شی جن پنگ اور چینی قیادت کی جانب سے گرمجوش خیر مقدم پر شکر گزار ہوں، دونوں ممالک کے تعلقات ناقابلِ تسخیر اور اٹوٹ ہیں۔ وزیرِاعظم
آئی ایم ایف کے ساتھ مذاکرات کے دوران چین نے ہر ممکن تعاون فراہم کیا جس پر ان کا شکر گزار ہوں، زراعت اور صنعت کے شعبوں سمیت معیشت کو مضبوط کئے بغیر ہم دنیا میں مقام حاصل نہیں کر سکتے، پاک چین دوستی کا مقصد نہ صرف خطے میں ترقی، امن بلکہ شی جن پنگ کے وژن کے تحت دنیا بھر میں ترقی اور امن کو فروغ دینا ہے۔ وزیرِاعظم
پاکستان ہانگ کانگ، تائیوان اور دیگر عالمی امور پر چین کے موقف کی حمایت کرتا ہے، سی پیک کا دوسرا مرحلہ شروع کرنے جا رہے ہیں جس سے پاکستان کی معیشت کو فائدہ پہنچے گا۔ وزیرِاعظم
سی پیک کے دوسرے مرحلہ پر نفاذ سے زراعت، انفارمیشن ٹیکنالوجی معدنیات سمیت دیگر باہمی مفاد کے شعبوں میں تعاون کے مزید مواقع پیدا ہونگے۔ وزیرِاعظم
پاکستان چین کے کلیدی مفادات کا حامی ہے، ہم چین کے وزیرِاعظم کے آئندہ ماہ دورہِ پاکستان کے منتظر ہیں، وہ ایس سی او پروگراموں میں شرکت کرینگے اور دو طرفہ ملاقاتیں کرینگے، ہم خوشحال پاکستان اور چین کیلئے ملکر کام کرینگے۔ وزیرِاعظم
اس موقع پر چین کے سفیر ژیانگ زیڈونگ نے تقریب سے خطاب کرتے ہوئے کہا کہ صدر شی جن پنگ نے چین کی سماجی اور معاشی ترقی پر مبنی نئے شعبوں کی بنیاد رکھی۔
چینی صدر شی جن پنگ کی قیادت میں ترقی کے نئے دور کا آغاز ہوا، چین محروم اور پسماندہ معاشرہ سے خوشحال معاشرے کی راہ پر گامزن ہوا، چین کی ترقی کو دنیا سے الگ نہیں کہا جا سکتا۔
تقریب میں وزیرِاعظم محمد شہباز شریف اور صدر آصف علی زرداری آمد پر کا بھرپور خیر مقدم کیا گیا۔
اس موقع پر دونوں ممالک کے ترانے بھی بجائے گئے، صدرِ مملکت آصف علی زرداری اور وزیرِاعظم محمد شہباز شریف نے چین کے 75 ویں یوم تاسیس کا کیک بھی کاٹا۔

[@user-zt6ef2kd4y]

Mashallah