كل قطرة دم بشرياني | يوسف سعد العاملي 1445 هـ

قصيدة كل قطرة دم بشرياني تهتف باسمك يا حسين
الليلة الثانية من محرم 1445 هـ
الشاعر الأديب جابر الكاظمي
الرادود يوسف سعد العاملي
توزيع و ميكساج: قاسم حمادي
تنفيذ وتصوير: ايليا سعد - ابراهيم حريري
موكب انصار الحسين عليه السلام - الغازية
#كل_قطرة_دم_بشرياني #تهتف_باسمك_يا_حسين
#تراث_جابر_الكاظمي
كلمات القصيدة:
0:00:07 كل قطرة دم بشرياني تهتف باسمك... يا حسين
روحي اشلون تظل بجسمي من اذكر جسمك... يا حسين
جسمي مو اغلى من جسمك ... دمي مو أغلى من دمك
0:00:41 يا هل العايش على ارموشي حلم كل لحظة يتجسم
سحر شوقك يا بو الأكبر يسايرني بخلايا الدم
جسد و اتمثلك كوكب اصد لجروحك اتوهم
أشوفن كل جرح منك ثغر للدنيا يتبسم
عجيبة تندبح ضامي يا من كل عين الك زمزم
و الأعجب تنزف اجروحك و أنت الكل جرح بلسم
دنيانة المشغوفة بحبك بيك اتغنت... يا حسين
مو بس العابس جنيته كلها انجنت... يا حسين
كلها غدت تلهج باسمك ... دمي مو أغلى من دمك
0:03:42 لون عابس وقف بالطف يصيح الشوق جنني
ملايين أصبحت مثله لونك عنها تسألني
عِشاكَة و كل فرد منهم غِدى بعابس يذكرني
و كلمن انشده يجاوب يقول احسين هيمني
و أنا بعالم لهيب الطف سيوف الهم يبارنّي
عجيبة يوذرنّ جسمك و لا مثلك يوذرّني
شبهت اجروحك بعيوني و الدم يجري... يا حسين
و الحافر ما هشّم صدرك هشّم صدري... يا حسين
و آنا ريت انصرع يمك ... دمي مو أغلى من دمك
0:06:29 الحديد اتلين الداوود عجيبة اعليك يتصلب
و يصير اسيوف و يقطع جسد فوق الثرى امخضب
الشمس لو مر عليها الغيم بثياب الخجل تتحجب
اشعجب ما غابت و جسمك تشوفه بكربله مترب
عجيبة الماي ظل يجري و لا عن خجل يتنضب
و يشوفك ضامي و بكتره دليلك بالعطش يلهب
بهذا الماي اشلون اتهنا و قلبك ضامي... يا حسين
اشلون اتنام الليل اعيوني و جسمك دامي ... يا حسين
بروحي و بدمي أخدمك ... دمي مو أغلى من دمك
0:08:55 لون خيّم عليّ ليلي بسواد العاشر اتذكر
صور عن ليلة العاشر اعيش وياها و اتحسر
اعانكَ لجمة اجروحي بفضاوة قلبي و اتصبر
و لا صحوة سِمه بعيني تريضني يا بو الأكبر
سوادة ليلي ترسم لي وداعك ويه هالحدر
و اشد اعلى الحزن حيلي لون خيط الفجر أسفر
كل مصباح اتذكر يومك يوم العاشر... يا حسين
بس موجات المدمع ترحم قلبي الشاجر... يا حسين
دمعي دم يجري و يكلمك ... دمي مو اغلى من دمك
حليف الهم كلف يقدر دليله بصبره يتورع
على مصابك يا بو اليمة وراعة قلبي ما تنفع
تريد اصبر اشبعد اصبر و اشوفك دامي بالمصرع
اشتظن جفن المحب يغفى و حبيبه اعلى الثرى مقّطع
يا بو الأكبر لون يذبُل نخبره بحلك و يسمع
يفتت كل صخر غيضه و يجود اعليك بالمدمع
لو يسمع بمصابك يذبُل جَان اتفطر... يا حسين
و اشلون آنا العاشق و اصبر بيش اتصبر... يا حسين
و آنا همي بكثر همك ... دمي مو اغلى من دمك
صرت كلما أصد للنار أذكر جمرة اخيامك
و لون اسمع طفل يبجِي أنوحن و أذكر أيتامك
و إذا مني عضو اتألم أهيم بسجَت ألآمك
و إذا يومي يخالفني أون لمخالف أيامك
أنا و كل اهلي و اصحابي نذر لتراب أجدامك
يا غالي و أغلى من عمري رخيصة اعيوني جدامك
روحي و جسمي و شما املك باسمك صاحن... يا حسين
و كل ذرات العالم مثلي لجلك ناحن ... يا حسين
دمي لو تطلب أسلمك ... دمي مو أغلى من دمك
الحسابات الرسمية إلى الرادود يوسف سعد العاملي
Facebook: / youssefalamili
Instagram: / y.saad.alameli
Telegram: t.me/YoussefAlameli
Tel : [phone]
- مجموعة واتساب 1 : chat.whatsapp.com/EizNFXJtQE6...
- مجموعة واتساب 2 : chat.whatsapp.com/IA29Z27DzsC...
- مجموعة واتساب 3 : chat.whatsapp.com/IA29Z27DzsC...

[@H1_N1_Ju]

جابر الكاظمي افضل شاعر حسيني حاليا
المفروض يكون بزمن عبود غفله والسيد حيدر الحلي

[@user-oh1vb9rr3q]

يا رَحمةَ اللهِ الواسِعة، ويا بابَ
‏نَجاةِ الأُمَّة يا أبا عبدالله الحُسين

[@narjess_89]

السلام عليك يا أبا عبدالله وعلى الأرواح التي حلت بفنائك
عليك مني سلام الله أبداً ما بقيت وبقي الليل والنهار ولا جعله الله آخر العهد مني لزيارتكم...
السلام على الحسين... وعلى علي بن الحسين...وعلى أولاد الحسين... وعلى أصحاب الحسين"

[@user-oh1vb9rr3q]

ياابا عبدلله ياحسين بن علي ايها الشهيد يابن رسول •اللّـہ̣̥ ياحجه •اللّـہ̣̥ ع خلقه ياسيدنا ومولانا انا توجهنا واستشفعنا وتوسلنا بك الى •اللّـہ̣̥ وقدمناك بين يدي حاجاتنا ياوجيهاً عند •اللّـہ̣̥ اشفع لنا عند •اللّـہ̣̥ 💔

[@user-sx4bt9tb8y]

ماشالله كتير حلوة اللطمية بصوتك

[@drawwithhussein4623]

ياخي انته عملاق
الله يوفقك بحق ابا عبدالله

[@namelost1863]

الله علطميات الزمن الجميل❤ مأجورين

[@user-di7br4rl4j]

احدى معلقات جابر الكاظمي
لبيك ياحسين❤

[@user-yx3ou9js2k]

والله صوتك روعة عاشت ايدك
عبالك باسم الكربلائي بشبابه

[@ZoulfikarSrour]

يا أباعبدالله🖤

[@user-zz6pm5rm4q]

دخيل الله لخلقك

[@al_raoe]

الله ياديبي ❤

[@user-qy8wt7kt8w]

اتمنى تقرالنا التراث الجابري كله صوتك ما شاء الله عالم أخر

[@narjess_89]

من قال ان العراقيين لا مثيل لهم في الأداء مخطىء جدا...
عندنا في لبنان حناجر حسينية ذهبية👑
رزقكم الله شفاعة سيد الشهداء ولا حرمكم من خدمة المنبر الحسيني لانه شرف لا يعلوه شرف.

[@user-qy8wt7kt8w]

ما شاء الله عليه رهيب هذا الرجل

[@al_raoe]

ادائك عالمي استمر ❤

[@user-jp3nf8ve6v]

قصيده خالده الخادم الشاعر جابر الكاظمي ذكرى الطفوله أيام البعث المقبور لكن انتصرت الشعائر على الطغاة

[@user-yd7px3df3h]

لو تتوسع بقراءة القصائد العراقية لتأبدع