شاعر مجرم يبهر الجميع بالاداء والقصيدة / ردت فعلهم رهيبه الشاعر عبدالله الجعيداني

#الجعيداني #محمد_بن_فطيس #محمد_بن_
انا لقيت الرفيق / اللي يشد الحزام
لو ان مالي لزوم ومحزمي فـ ظهري
لكني احب اخاوي / كل طيب مقام
جري واحب الرفيق انصار كفو جري
اعامل المحترم / بالطيب والاحترام
واقدمه قدم والله ما يعود قري
والا الردي ما تشوفه عيني بشكل عام
السريري ما يعيش الا مع السريري
اكب خوة ضعيف الرابعه والعظام
مزاجي مع الشليتيه مزاج انكري
لو ما املك الا هدومي مالحقني ملام
بموت لخدوش خلق الله مالد نظري
النفس حره وزوامه " وقلبي " وخام
احيان هش وطري واحيان ماهب طري
عشقت لي بنت زماره / عليها قوام
سرحوفها منبري واحساسها منبري
اقبلها كلي احساس ومشاعر غرام
واقفي وانا مرتفع ضغطي وادق نحري
قلت انتي الحور والجنه وباب السلام
قالت تركد تركد لا تجيب خبري !!
قلت انتي الموت قالت وش وبعد هالكلام
قلت الله يغفر وانتي عني استغفري
قالت يا مجنون حاول تلتزم بالنظام
قلت يدوي ٍ مخربها ماني بحضري
جرفني الحب وانا ما اعرف الالتزام
الشري عندي حلو والحلو عندي شري
ارتب الفوضوي وابعثر الانسجام
واواجه العنصري باسلوبي العنصري
يا مجرمه راس مالي طنخة عوال يام
والله ماعينت لي فيهم ضعيف وبري
جعلتس تموتين كان الحب ماهوب تام
قبل لا ياكل طرف كبدي لهيب قهري
اثر الهوى والمحيه والغلا والهيام
تثر على الصحه وتسد مجرى المري
ليتس عدوي عشان امارس الانتقام
والله لفري معالقيه وجوفه فري
لكن بلاي انك الطف من رشاش الغمام
ما جاك براقي الا مقتفيه مطري
لولا محبتك والله وعلي الحرام
ما شفتي الشيب ماكل لحيتي وشعري

[@ماجدالمالكي-ع2ج]

لو لا محبتك والله وعلي الحرام ماشفتي الشيب ياكل لحيتي وشعري 👏🏻👏🏻👏🏻👏🏻👏🏻

[@العبدلي-ز2خ]

ماهو صاحي .....مبدع

[@KSA-n2w]

يقولون مالا يفعلون

[@zzzzaaaa4439]

خيطي بيطي