Sajak Carita Kasucian Karya Dhipa Galuh Purba | Joice Jasmine Azzahra
ฝัง
- เผยแพร่เมื่อ 21 ส.ค. 2024
- CARITA KASUCIAN
Karya Dhipa Galuh Purba
Dina hiji kasucian éta
Bet katénjo sorot mata hurung ngempur
Getih euceuy, ngalémbéréh tina séla-séla biwir
Reup geuneuk, ray pias
Mana horéng, dedemit-dedemit tingterejel
Hayang leupas
Tina sengkeran tali pameungkeut raga
Teu bisa! Da dina mangsa kasucian, diborogod!
Tapi salaku dedemit, anjeun teu éléh géléng
Najan raga teu daya, teu upaya
Tapi jiwa mah bisa kakalayangan
Dina hiji kasucian éta
Mangsa ilang kasucian diri
Mapag poé-poé nu pinuh rasa nalangsa
Lalampahan dipungkas ku cimata
Dina kasucian éta kénéh
Carita heubeul dikubur salawasna
Tangtu moal aya nu baris ngali
Ku sabab, pajaratan pinuh ku ririwa
Asmara, cinta, kasucian, dengdam
Di dinya dikurebkeunana, di pajaratan cinta
Banjar, 25 Oktober 2004
sumber video: canva
sumber instrumen musik: youtube suara alam