Equipo Alevín do Club deportivo Arcade

O Concello de Soutomaior celebrou a semana pasada a súa tradicional Gala do Deporte. Un evento no que se recoñeceu os logros e méritos acadados polos clubs e deportistas locais durante a pasada tempada.
Ao acto asistiron o alcalde de Soutomaior, Agustín Reguera, e diversas autoridades deportivas das federacións galegas. Entre os deportistas recoñecidos atopáronse a campioa de España de Whu-Shu, Alexia Ortega e a campioa de España de piragüismo na modalidade Sprint, Daniela Álvarez. Do mesmo xeito, entre os clubs premiados asistiron o Club Tenis e Pádel Soutomaior, recente campión da liga galega, e o Club de Tiro con Arco, con varios campións galegos nas súas filas.