Premierë, ARRËTHYESI, Shfaqja e parë me audio përshkrim.
ฝัง
- เผยแพร่เมื่อ 27 ธ.ค. 2024
- Produksioni më i ri ‘’Arrëthyesi’’ i Teatrit Kombëtar të Operas dhe Baletit vjen këtë vit për të parën herë në Shqipëri edhe për të gjithë njerëzit me shikim të kufizuar, nëpërmjet audio përshkrimit, gjatë premierës së shfaqjes, ditën e premte data 22 dhjetor 2023 ora 19.00.
Për njerëzit me shikim të kufizuar hyrja në sallë behët 50 minuta para nisjes së shfaqjes. Gjatë kësaj kohe përshkruesi do të ndajë me ju më shumë detaje nga historia e mrekullueshme e Arrëthyesit.
Festat e fundvitit nuk kanë kuptim pa dy gjëra: Pa magjinë e Krishtlindjes dhe pa biskota e ëmbëlsira.
Me pak fjalë, festat nuk kanë kuptim pa “ARRËTHYESIN”, baletin emblematik të Krishtlindjes, me muzikën e pa përsëritshme të Tchaikovsky-t që sjell festën, magjinë, atmosferën e ngrohtë e dhjetorin e ftohtë, si dhe përrallën me fund të lumtur!
Biletat për përformancën me audio përshkrim janë falas për personat e pajisur me librezën e Identitetit për përfituesit e Statusit të të Verberit dhe shoqëruesit e tyre. Për të rezervuar biletën tuaj dhe për më tepër informacion telefonini në numrin 069 36 80 044 ose rezervoni biletën pranë biletarisë cdo ditë nga ora 10.00-14.00 dhe nga ora 16.00-20.00. Mbrëmjet e shfaqjeve biletaria mbyllet në orën 18.00.
Përshkrimi zanor LIVE do të realizohet nga folësi Gentian Mumajezi dhe bëhet i mundur falë bashkëpunimit të Teatrit Kombëtar të Operas dhe Baletit me United Nations Association Albania si pjesë e Programit @artnexusprogramme në Shqipëri. Folësi është specializuar në interpretimin vizual të shfaqjes i cili sjell në jetë përformancën në sytë e mendjes suaj, me pershkrime të gjalla të lëvizjes së balerinëve si dhe aksionit dhe dramës që ndodh në skenë.
Përpara nisjes së shfaqes do të realizohet nje tour i cili do t’ju mundësojë një kuptim më të thellë të “Arrëthyesit”. Ndërsa dëgjoni përshkrimin e skenës do të keni mundësinë të prekni edhe disa pjesë të kostumeve dhe do të njiheni me detaje nga historia dhe personazhet e Arrëthyesit.
Ju mirëpresim dhe urojmë ta shijoni shfaqen!
